Август 2026

15 Август 2026

Насби баннерҳои таблиғотии экологӣ дар шаҳри Конибодом

Подробности статьи: Автор; Категория Навидҳо

Бо мақсади баланд бардоштани маърифати экологии аҳолӣ, ташаккули фарҳанги муносибат ба муҳити зист ва пешгирии ифлосшавии минтақаҳои аҳолинишин аз ҷониби бахши ҳифзи муҳити зист дар шаҳри Конибодом корҳои таблиғотӣ ба роҳ монда шудааст. Дар доираи ин тадбирҳо дар роҳҳои даромад ва баромад аз ш.Конибодом (аз сарҳади Ўзбекистон) деҳаҳои Патар ва Равот лавҳаҳои таблиғотии экологӣ насб гардида, тавассути онҳо аҳолӣ ва меҳмонони шаҳр ба риояи тозагӣ, пешгирии партофтани партовҳо дар роҳҳои протоколӣ ва шоҳроҳҳо даъват карда мешаванд. Ҳамчунин, дар доираи омодагӣ ба ҷашни 35-солагии Истиқлоли давлатии Ҷумҳурии Тоҷикистон ва бо мақсади тарғиби арзишҳои миллӣ, ободонӣ ва ҳифзи муҳити зист, дар бинои бахши ҳифзи муҳити зист дар шаҳри Конибодом баннери ташвиқотӣ насб гардид. Тадбирҳои мазкур ба баланд бардоштани маърифати экологӣ, ташаккули ҳисси масъулияти шаҳрвандӣ ва ҷалби ҷомеа ба ҳифзи табиат, тозагӣ ва ободонии муҳити зист равона гардидаанд.

Амалиёти «Ҳавои тоза» дар шаҳри Панҷакент

Подробности статьи: Автор; Категория Навидҳо

Амалиёти экологии “Ҳавои тоза” тибқи нақшаи мақомоти ҳифзи муҳити зист дар миқёси шаҳру ноҳияҳои вилоят идома дорад. Дар асоси нақшаи кории шуъбаи ҳифзи муҳити зист дар шаҳри Панҷакент бо ҳамкории шуъбаи милитсияи экологӣ ва сайёҳии ВКД ҶТ дар шаҳри Панҷакент дар деҳаи Нуристон ҷамоати Чинор шоҳроҳи Панҷакент – Айнӣ амалиёти «Ҳавои тоза» гузаронида шуд. Рафти амалиёт 40 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 8 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА шаҳр ирсол гардид.

11 Август 2026

Нишасти матбуотӣ оид ба натиҷаҳои фаъолият дар нимсолаи якуми соли 2026

Подробности статьи: Автор; Категория Навидҳо

Тибқи Амри Президенти Ҷумҳурии Тоҷикистон аз 04.03.2005, №АП – 1677 ва ҷадвали тасдиқгардидаи мақомоти иҷроияи ҳокимияти давлатии вилоят, санаи 4 августи соли 2026 дар толори маҷлисгоҳи калони Сарраёсати ҳифзи муҳити зист дар вилоят нишасти матбуотии якҷояи чор сохтори вилоятӣ оид ба натиҷаҳои фаъолият дар нимсолаи якуми соли 2026 доир гардид. Аз тарафи сохторҳо раиси Кумитаи идораи замини вилоят Толибзода Т., муовини сардори Сарраёсати ҳифзи муҳити зист дар вилоят Розиқзода Н., муовини сардори Сарраёсати кишоварзии вилоят Маҳмудзода А. ва муовини сардори Раёсати беҳдошти замин ва обёрӣ дар вилоят Ҳоҷиев Ҳ. иштирок дошта, ба саволҳои намояндагони васоити ахбори омма ҷавоб пешниҳод намуданд. Ҳамчунин, дар нишасти матбуотӣ хабарнигорони воситаҳои ахбори омма, аз он ҷумла мухбирони рӯзнома ва маҷаллаҳои марказию маҳаллӣ, оҷонсиҳои иттилоотӣ, намояндагони телевизион ва радио, инчунин як қатор рӯзноманигорони мустақил, таҳлилгар, коршинос ва собиқадори соҳаи матбуот, дар маҷмуъ 43 нафар иштирок доштанд.

Амалиёти «Ҳавои тоза» дар шоҳроҳи Хуҷанд - Б.Ғафуров

Подробности статьи: Автор; Категория Навидҳо

Бо мақсади кам намудани ихроҷи моддаҳои зараровар ба ҳавои атмосфера, дар асоси нақшаи кории шуъбаи мониторинги экологӣ, таҳлилӣ ва ахбороту иттилооти сарраёсат бо ҳамкории шуъбаи милитсияи экологӣ ва сайёҳии ВКД ҶТ дар вилояти Суғд дар шоҳроҳи Хуҷанд – Б.Ғафуров амалиёти «Ҳавои тоза» гузаронида шуд. Дар амалиёт 28 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 6 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА ноҳия ирсол гардид.