Все статьи

01 Март 2016

Шанбегӣ дар Раёсат

Подробности статьи: Автор; Категория Навидҳо

Баҳри иҷроиши дастуру супоришҳои Раиси вилоят мӯҳтарам Абдураҳмон Қодирӣ ва барқияи Дастгоҳи Иҷроияи Президенти Ҷумҳурии Тоҷикистон оид ба гузаронидани корҳои ободонию кабудизоркунӣ, шанбегиҳо ба истиқболи 25-солагии Истиқлолияти давлатии Ҷумҳурии Тоҷикистон Раёсати ҳифзи муҳити зист ҳар ҳафта рӯзи шанбе дар минтақаҳои шаҳру ноҳияҳо аксияҳои «Ободонии маҳали зист»-ро баргузор намуда истодааст.

Санаи 27 феврали соли равон кормандони Раёсат шанбегиро дар худи Раёсат ва хиёбони Р.Набиев назди корхона гузарониданд. Дар рафти шанбегӣ ниҳолҳои дарахтхои ороишӣ шинонида шуда, шохаҳои хушки дарахтон бурида ва дарахтон сафед карда шуданд, партовҳо бароварда шуд.

Баргузории шанбегиҳо дар ҳафтаҳои оянда низ ба нақша гирифта шудааст.

26 Февраль 2016

Семинари сайёр таҳти унвони «Ҳифзи табиат – ҳифзи Ватан аст»

Подробности статьи: Автор; Категория Навидҳо

24 феврали соли равон дар маркази таҳсилоти иловагии ш.Истаравшан семинари сайёр таҳти унвони «Ҳифзи табиат – ҳифзи ватан аст» бо мушовирон ва роҳбарони маҳфилҳои табиатдӯстон доир гардид. Дар он намояндагони Маркази таҳсилоти иловагии вилоят, Раёсати ҳифзи муҳити зисти вилоят ва марказҳои таҳсилоти иловагии шаҳру ноҳияҳои Хуҷанд, Қайроққум, Исфара, Панҷакент, Айнӣ, Зафаробод, Шаҳристон, Спитамен, Масчоҳ, Ғончӣ, Б.Ғафуров иштирок доштанд. Дар семинар татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», ҳадаф ва вазифаҳои қабул шудани Барнома ва амалӣ намудани дастурҳои методӣ дар фаъолияти шӯъбаҳои «Табиатдӯстон» мавриди баррасӣ қарор гирифт.

22 Февраль 2016

Баргузории ярмарка-фурӯши ниҳолҳо, кӯчату тухмии гулҳо ва дигар зироатҳои кишоварзӣ

Подробности статьи: Автор; Категория Навидҳо

Санаҳои 20-21 феврали соли 2016 дар шаҳри Хуҷанд ярмарка – фурӯши ниҳолҳо, кӯчату тухмии гулҳо ва дигар зироатҳои кишоварзӣ баргузор гардид. Дар оназ тарафи хоҷагиҳои давлатии ниҳолпарварӣ, муассисаҳои давлатии хоҷагии ҷангали вилоят, хоҷагиҳои ниҳолпарварии шахсӣ, соҳибкорони шаҳру ноҳияҳои вилоят зиёда аз 879 ҳазор бех ниҳолҳои дарахтони мевадиҳанда, ороишию сояафкан, ҳамешасабз ва гулу гулбуттаҳо пешниҳод карда шуд. Аз ҷумла, дар ярмарка –794,2 ҳазор бех дарахтони мевадиҳандаи гуногуни хушсифат, 35,0 ҳазор бех дарахтони ороишию сояафкани пурқимат ва 50 ҳазор бех гулу гулбуттаҳои зебо пешниҳод карда шуд.

Дар рафти гузаронидани ярмарка аз тарафи олимону мутахассисони соҳавӣ оиди шинонидани ниҳолҳову дарахтон вобаста ба шароити маҳал ба харидорон тавсияю пешниҳодҳои мушаххас дода шуд.

Аксияи «Тозагии соҳил» дар ш.Хуҷанд

Подробности статьи: Автор; Категория Навидҳо

Баҳри иҷрои Карори Раиси вилояти Суғд «Дар бораи эълон намудани 500 рӯзи меҳнати зарбдор» бахшида ба истиқболи 25-солагии Истиқлолияти давлатии Чумҳурии Тоҷикистон санаҳои 6 ва 13 феврали соли равон дар ҳудуди шаҳри Хуҷанд, хиёбони Раҳмон Набиев назди дарёи Сир аз назди пойгоҳи обкаши Ёва- Арал то назди бинои КВДК “Хизматрасонии нақлиёти санитарӣ” аксияи «Тозагии соҳил» гузаронида шуд.

Дар чорабинӣ кормандони мағозаи “Файзи Расул”, сокинони маҳалла, кормандони КВДК “Хизматрасонии нақлиёти санитарӣ”-и шаҳр иштирок намуданд.

Дар рафти аксия 2000 метр назди соҳили дарёи Сир аз партовҳои маишӣ ва сохтмонӣ тоза карда шуда, аз тарафи кормандони муассисаи партовкашони шаҳр зиёда аз 15 м.3 партовҳо бароварда шуд.

Аксияи «Ободонии маҳалли зист»

Подробности статьи: Автор; Категория Навидҳо

Раёсати ҳифзи муҳити зист баҳри иҷрои қарори Раиси вилоят аз 11.04.2015, № 178 «Дар бораи эълон намудани 500 рӯзи меҳнати зарбдор» ба истиқболи 25-солагии Истиқлолияти давлатии Ҷумҳурии Тоҷикистон, бахшида ба эълон гардидани соли 2016 – Соли фарди солим ва бо мақсади беҳтар намудани ҳолати экологӣ, тозаву озода нигоҳ доштани муҳити зист аксияи «Ободонии маҳали зист»-ро гузаронида истодааст.

Санаи 20 феврал дар минтақаи шаҳри Хуҷанд бо иштироки зиёда аз 360 нафар кормандони кӯдакистони Президентӣ, лицейи политехникӣ, Маркази дилшиносии вилоят, беморхонаи ҷумҳуриявии физиотерапевтӣ, коллеҷи тиббӣ, махалаи 1 май аксия гузаронида шуд.

Дар рафти аксия ба миқдори 20 метри мукааб партовҳо ҷамъоварӣ карда шуда, бо нақлиётҳои махсуси партовкашони КВДК «Хизматрасонии нақлиёти санитарӣ»-и шаҳри Хуҷанд ба партовгоҳ бароварда шуд.

15 Февраль 2016

Бозомӯзии мутахассисони соҳа

Подробности статьи: Автор; Категория Навидҳо

Санаи 12 феврали соли равон дар маҷлисгоҳи Раёсат дар асоси фармоиши сардор, бо мақсади баланд бардоштани савияи дониши кормандони мақомоти ҳифзи муҳити зист, иҷрои банди 8-уми қарори ҷаласаи Раёсат аз 05.01.2016, татбиқи дурусти қонунгузории соҳавӣ ва тарбияи кадрҳо, семинари бозомӯзӣ бо иштироки мутахассисони соҳа, аз ҷумла мутахассисони ҷавон гузаронида шуд. Мувофиқи барнома пеш аз баромадҳои омӯзишӣ, намоянда аз КИ ҲХДТ шаҳри Хуҷанд, устоди Донишгоҳи иқтисод ва савдо Азимов А. оид бануқтаҳо аз Паёми навбатии Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон ба Маҷлиси Олӣ суханронӣ намуд.

Дар семинари мазкур мавзӯҳои тартиби ташкил намудану гузаронидани санҷишҳо дар корхонаву ташкилотҳо, санаду дигар ҳуҷҷатҳои санҷишӣ дар самтҳои замин, партов, об, атмосфера, ташвиқоту тарғибот ва иттилооти экологӣ, аз ҷумла барномаҳои соҳавӣ баррасӣ карда шуд.

12 Февраль 2016

Оиди боздиди рафти сохтмони иншооти ҷашнӣ

Подробности статьи: Автор; Категория Навидҳо

Мувофиқи ҷадвали вобастакунии масъулони мақомоти иҷроияи ҳокимияти давлатии вилоят ба иншоотҳои ҷашнии «Наврӯз-2016» сардори Раёсат, ҳамчун масъул ба сохтмони чойхона барои 150 ҷойи нишаст дар шаҳраки Шайдони ноҳияи Ашт вобаста гардидааст.

Сохтмони чойхонаи мазкур моҳи марти соли 2014 оғоз шуда, айни замон, ҳамаи корҳои сохтмонӣ ба итмом расонида шуда, чойхона бо таҷҳизотҳои зарурӣ таъмин карда шудааст. Корҳои пардозкунии таҳхонаи чойхона аз тарафи сохтмончиён идома дошта, барои пайвастшавии хатти таъминоти оби нӯшокӣ корҳо рафта истодааст. Дар асоси супориши Раиси вилоят ошхонаи кӯҳнаи дар назди чойхона буда, тариқи ҳашар вайрон карда шуда, дар марҳилаи анҷомдиҳӣ мебошад.

08 Февраль 2016

Аксияи «Ободонии маҳалли зист»

Подробности статьи: Автор; Категория Навидҳо

Дар шаҳри Хуҷанд бо иштироки зиёда аз 50 нафар кормандони беморхонаи клиникавии вилоятӣ, аз ҳудуди беморхона 160 метри мукааб партовҳо бароварда шуд.

Инчунин, бо ҷалби хонандагони литсейи касбӣ-техникии шаҳри Хуҷанд, кормандони корхонаи ҶСП «Автосервис» ва соҳибкорон, ташкилотҳои назди соҳил ҷойгирбуда, кӯчаи 15-солагии Истиқлолият ва соҳили дарё низ аз партовҳо тоза карда шуд. Донишҷӯёну устодони Донишгоҳи давлатии ҳуқуқ, бизнес ва сиёсати Тоҷикистон дар тоза кардани мавзеи мошинсарои маҳаллаи 18, аҳли муассисаҳои таҳсилоти миёнаи умумии № 3, 16, 27 ва кормандони КВД «Хоҷагии манзилию коммуналӣ»-и вилоят ҷиҳати тоза намудани партовҳои канори дарёи Сир саҳм гузоштанд.

05 Февраль 2016

Шанбегӣ дар н.Б.Ғафуров

Подробности статьи: Автор; Категория Навидҳо

Бахши ҳифзи муҳити зисти н.Б.Ғафуров баҳри иҷрои қарори Раиси вилоят аз 11.04.2015, № 178 «Дар бораи эълон намудани 500 рӯзи меҳнати зарбдор» ба истиқболи 25-солагии Истиқлолияти давлатии Ҷумҳурии Тоҷикистон, бахшида ба эълон гардидани соли 2016 – Соли фарди солим ва бо мақсади беҳтар намудани ҳолати экологӣ, тозаву озода нигоҳ доштани муҳити зист рӯзи шанбеи ҳафтаи гузашта аксияи «Ободонии маҳалли зист»-ро гузаронид.

Дар он зиёда аз 100 нафар кормандони корхонаи давлатии фаръии ба қайдгирии молу мулки ғайриманқули ноҳияи Б.Ғафуров, корхонаи давлатии коммуналии н.Б.Ғафуров ва бахши ҳифзи муҳити зисти ноҳияи Б.Ғафуров иштирок доштанд. Дар рафти шанбегӣ партовҳои шоҳроҳи Деҳмой-Конибодом дар минтақаи Рухаки н.Б.Ғафуров аз партов ва алафҳои бегона тоза карда шуда, 250 адад ниҳолҳои ҳамешасабз шинонида шуд. Ҳамчунин партовҷойҳои ин мавзеъ ҳамвор ва рӯйпуш карда шуд.

04 Февраль 2016

Амалиёти фаврӣ

Подробности статьи: Автор; Категория Навидҳо

Раёсати ҳифзи муҳити зисти вилоят дар асоси нақшаи корӣ бо мақсади беҳтар намудани вазъи ҳавои атмосфера, пурзўр намудани назорат оиди кам намудани партови моддаҳои зараровар ба фазои атмосфера аз воситаҳои нақлиёт, даршоҳроҳи Б.Ғафуров – Хуҷанд санаи 2 феврал рейди фаврӣ гузаронид.

Мутахассисони шўъбаҳои назорати давлатии истифода ва ҳифзи ҳавои атмосфера, назорати таҳлилии Раёсат, кормандони шўъбаи милитсия оид ба масъалаҳои экологӣ, 60 адад воситаҳои нақлиёти автомобилии тамғаашон гуногунро аз ташхиси аналитикӣ ҷиҳати риояи меъёри стандартҳои давлатӣ гузарониданд. Дар рафти амалиёт миқдори партови моддаҳои ифлоскунанда ба фазои атмосфера дар натиҷаи сўхтани сўзишворӣ (дизел, бензин ва гази моеъ) муайян гардид. Натиҷаҳо нишон доданд, ки 10 адад воситаҳои нақлиёт меъёри стандартҳои давлатиро вайрон карда, партови моддаҳои ифлоскунандаро (гази СО ва дуд) ба фазои атмосфера барзиёд ихроҷ намудаанд.