Все статьи
20 Январь 2022
Паёми Пешвои миллат – роҳнамои ҷомеа
- Подробности статьи
- Автор
- Категория Навидҳо
Бо мақсади шарҳ додани муҳтавои Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар асоси нақшаи корӣ, санаи 17 январи соли равон дар толори маҷлисгоҳи Сарраёсат соати сиёсӣ бо иштироки намояндагони Кумитаи иҷроияи ҳизби халқи демократии Тоҷикистон дар ш.Хуҷанд, устодони Муассисаи давлатии таълимии Донишгоҳи Давлатии Хуҷанд ба номи академик Б.Ғафуров - Убайдуллоев Аҳрор ва Қаюмов Саидмурод баргузор гардид. Муовини сардори Сарраёсат Абдумаликзода Б. вохӯриро оғоз намуда, қайд намуд, ки Паёми имсола барои мардуми шарифи Тоҷикистон воқеан дар соли таърихӣ 30 –умин солгарди Истиқлолияти Ватани азизамон пешниҳод гардида, чун раҳнамои ҷомеа ҳамчун дастури фаъолият дар татбиқи ҳадафҳои олии давлатсозию таҳкими истиқлоли Ватани азизамон мусоидат хоҳад кард.
15 Январь 2022
Оғози маъракаи ниҳолшинонӣ ва кабудизоркунӣ дар Сарраёсати ҳифзи муҳити зист дар вилояти Суғд
- Подробности статьи
- Автор
- Категория Навидҳо
Бо мақсади дар сатҳи баланд гузаронидани корҳои ниҳол-шинонӣ, кабудизоркунӣ ва беҳтар намудани вазъи экологӣ дар саҳни ҳавлии Сарраёсати ҳифзи муҳити зист дар вилоят дарахтони бисёрсолаи ҳамешасабз - санавбари кримӣ шинонида шуд.
10 Январь 2022
Семинари омӯзишӣ «Ташкил ва гузаронидани дарсҳои иловагии интерактивӣ оид ба экология»
- Подробности статьи
- Автор
- Категория Навидҳо
Сарраёсати ҳифзи муҳити зисти вилояти Суғд бобати татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» ҳамкориро бо дигар сохтору ташкилот амалӣ намуда истодааст. Ташкилоти ҷамъиятии «Гурӯҳи ҷавонон оид ба ҳифзи муҳити атроф» Маркази Орхус дар шаҳри Ҳуҷанд баҳри татбиқи Барномаи мазкур дар доираи Лоиҳаи «Ҷалби ҷонибҳои манфиатдор дар ҳалли мушкилот оид ба партовҳои уран дар Осиёи Марказӣ, марҳилаи II» дар ҳамкорӣ бо Агентии амнияти химиявӣ, биологӣ, радиатсионӣ ва ядроии АМИТ, Дафтари САҲА дар шаҳри Душанбе ва Барномаи рушди Созмони Милали Муттаҳид корҳои иттилоотӣ ва машваратиро дар шаҳри Истиқлол ва ҷамоати деҳоти Ғозиёни ноҳияи Б.Ғафуров оғоз намуда, дар сатҳи 10 муассисаҳои таълимии миёнаи умумии ин шаҳру ноҳия дарсҳои иловагии экологиро ташкил намудааст.
04 Январь 2022
Заргулдор - парандаи сол
- Подробности статьи
- Автор
- Категория Навидҳо
Соли ёздаҳум аст, ки озмуни «Парандаи сол» дар арафаи Соли нави мелодӣ аз ҷониби бахши табиатшиносии Академияи миллии илмҳои Тоҷикистон ва Иттиҳодияи ҳифзи табиат ва гуногунии биологӣ баргузор мегардад. Ёдовар мешавем, ки ин навбат барои муҳокима 6 номгӯйи парандагони нодиру аҷиби Тоҷикистон, ба мисли мусича, заргулдор, дурроҷи сиёҳ, кабутари ҷангалӣ, буми гӯшдароз ва чарғи думдароз пешниҳод шуда буданд, ки миёни онҳо заргулдор овози зиёд ба даст овард. Ва пас аз соҳиб шудани аксар овозҳо аз ҷониби олимони Академияи миллии илмҳои Тоҷикистон Заргулдор (Иволга) парандаи соли 2022 интихоб гардид. Бино ба маълумоти мутахассисони Академияи миллии илмҳои Тоҷикистон Заргулдор парандаи андозааш миёна буда, 50-90 грамм вазн дорад ва ба қатори гунҷишкшаклон мансуб аст. Дар бисёр маҳалҳои ҷумҳурӣ бо номи зарғилдоқ, духтари сӯфӣ ва шободир низ маъмул мебошад. Ин парандаи зеборо бо ҷилои тиллоранги парҳо аз дигар намудҳои гунҷишкшаклон ба осонӣ фарқ кардан мумкин аст.
30 Декабрь 2021
Табрикоти сардори Сарраёсати ҳифзи муҳити зисти вилояти Суғд Ҳакимзода А.Қ. ба муносибати Соли нави мелодии 2022
- Подробности статьи
- Автор
- Категория Навидҳо
Баъди чанд лаҳза соли нави 2022-юми мелодӣ фаро мерасад ва мо онро бо қалбҳои саршор аз умеду орзуҳои нек ҳамчун соли навбатии марҳалаи созандагиву бунёдкории Ватани азизамон истиқбол мегирем. Таҷлили бошукӯҳи ҷашни бузурги давлативу миллӣ – сиюмин солгарди Истиқлолияти давлатии Ҷумҳурии Тоҷикистон бешубҳа, ба болоравии ҳисси ватандориву ватанпарастӣ, худшиносии мардум ва таҳкими сулҳу субот, ваҳдати миллӣ ва вусъат ёфтани бунёдкориву созандагӣ дар Тоҷикистони соҳибистиқлоламон такони нав бахшида, дар таърихи давлатдориамон саҳифаҳои тозаеро боз намуд. Итминони комил дорем, ки бо шарофати Соли нав пайки шодию нишот ва оромию субот дар Тоҷикистони азиз дучанд мегардад ва мардуми кишвар дар роҳи расидан ба волотарин ормонҳои давлатдорӣ ба дастовардҳои беназир мушарраф мешаванд, ҳамзамон дар татбиқи сиёсати созандаву оқилонаи Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон саҳм мегузоранд. Бигзор, Соли нави мелодӣ барои ҳар як хонадони мардуми тоҷик соли сулҳу оромӣ, таҷаллии хуршеди орзуҳо ва пешрафту дастовардҳои навин гардад. Сарраёсати ҳифзи муҳити зисти вилоят бо таманниёту фараҳмандии афзун ба ин муносибат ҳамаи ҳамкасбон ва дӯстдорони табиатро бо фарорасии Соли нави 2022 табрик гуфта, ба Шумоён тандурустиву саодатмандӣ, бахти пояндаву иқболи нек ва ба хонадонатон рӯзгори пурфайзу бобаракат орзу менамояд.
Аёдати собиқадорони соҳаи ҳифзи муҳити зист бахшида ба Соли нави мелодӣ
- Подробности статьи
- Автор
- Категория Навидҳо
Тибқи дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аёдати собиқадорони соҳа дар арафаи ҷашну идҳои миллӣ аз ҷониби мақомоти ҳифзи муҳити зисти вилояти Суғд ба ҳукми анъана даромадааст. Дар арафаи Соли нави мелодии 2022 сардори сарраёсати ҳифзи муҳити зисти вилоят Ҳакимзода А.Қ. ва Раиси Шӯрои собиқадорони соҳа Султонов А.А. як қатор собиқадорони соҳаро, ки солҳои тӯлонӣ дар соҳаи ҳифзи муҳити зист фаъолият кардаанд – Абдувалиев А.Қ., Қӯзиев Т., Ҳакимхӯҷаева Ф.-ро аёдат намуда, ба онҳо кӯмаки моддию молиявӣ расонида шуд. Чунин иқдомҳои наҷиб аз ҷониби мақомоти ҳифзи муҳити зист мунтазам роҳандозӣ мегардад.
Натиҷагирӣ аз фаъолияти солонаи Сарраёсати ҳифзи муҳити зисти вилояти Суғд
- Подробности статьи
- Автор
- Категория Навидҳо
Санаи 29 декабри соли равон дар толори маҷлисгоҳи бахши ҳифзи муҳити зисти шаҳри Бӯстон ҷаласаи мақомоти ҳифзи муҳити зист оид ба ҷамъбасти фаъолияти солона ва вазифаҳои минбаъда баргузор гардид. Дар ҷаласа сардори Сарраёсат Абдуаҳад Ҳакимзода, сардорони шуъбаҳои назоратӣ ва сармутахассисон, сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо иштирок доштанд. Рафти ҷаласа ҳисоботи муовини сардори сарраёсат оид ба ҷамъбасти фаъолият дар соли 2021 шунида шуд. Сардори сарраёсат Абдуаҳад Ҳакимзода аз роҳбарони зерсохторҳо дар шаҳру ноҳияҳо ва сардорони шуъбаҳои назоратӣ пурсиш ба амал оварда, барои ислоҳи камбудиҳои ҷойдошта, беҳтар намудани вазъи экологӣ ва пешрафти фаъолияти минбаъда вазифагузорӣ намуд.
27 Декабрь 2021
Аксияи «Тозагии соҳил» дар ноҳияи Ҷаббор Расулов
- Подробности статьи
- Автор
- Категория Навидҳо
Ҷиҳати иҷроиши фармоишҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва Сарраёсати ҳифзи муҳити зисти вилояти Суғд, бо мақсади тоза намудани манбаъҳои обӣ аз партовҳо, инчунин амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор, солҳои 2018-2028» дар Томчисой, воқеъ дар ҷамоати деҳоти Сомониёни ноҳияи Ҷаббор Расулов аксияи «Тозагии соҳил» гузаронида шуд. Аксия бо ҷалби мактаббачагони муассисаҳои таълимии миёнаи умумии №№ 26, 11 , аҳолии ҷамоати деҳот, бо иштироки 100 нафар гузаронида шуда, ду тарафи сой аз партовҳои ҳархела тоза ва 3 метри мукааб партов бароварда шуд.
Аксияи «Тозагии маҳал» дар шаҳри Хуҷанд
- Подробности статьи
- Автор
- Категория Навидҳо
Бо мақсади беҳтар намудани вазъи экологии муҳити зист, ҷиҳати вусъат бахшидан ба корҳои ободонӣ дар маҳаллаи Навбаҳори шаҳри Хуҷанд аксияи “Тозагии маҳал” гузаронида шуд. Дар аксия 350 нафар хонандагони литсейи касбӣ-политехникӣ, литсейи касбии техникии сохтмони шаҳри Хуҷанд ва колеҷи тиббӣ иштирок намуда, канали калони байни беморхонаи вилоятӣ ва беморхонаи амрози чашм аз ҳамагуна партовҳои гуногун тоза карда шуданд. Гузаронидани чунин шанбегиву аксияҳои тозагиву ободонӣ баҳри баланд бардоштани тарбия ва маърифати экологӣ дар дигар минтақахои шаҳри Хуҷанд мунтазам амалӣ гардида истодааст.
Конференсияи илмӣ - амалии «Табиат сахтгиру тундгир аст» дар ноҳияи Масчоҳ
- Подробности статьи
- Автор
- Категория Навидҳо
Бо мақсади баланд бардоштани маърифати экологии аҳолӣ, татбиқи рафти иҷрои бандҳои нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ва бахшида ба 30-солагии Истиқлолияти давлатии Ҷумҳурии Тоҷикистон дар муассисаи давлатии таълимии коллеҷи кишоварзии Масчоҳ бо дастгирии бахши ҳифзи муҳити зисти ноҳияи Масчоҳ таҳти унвони «Табиат сахтгиру тундгир аст» конференсияи илмӣ-амалӣ доир гардид. Дар конференсия омӯзгорони Муассисаи давлатии таълимии Донишгоҳи давлатии Хуҷанд ба номи академик Б.Ғафуров, МДТ Донишгоҳи давлатии ҳуқуқ, бизнес ва сиёсати Тоҷикистон, Донишгоҳи аграрии Тоҷикистон ба номи Ш.Шотемур, коллеҷи омӯзгории н.Зафаробод, МДТ Донишгоҳи давлатии ҳуқуқ, бизнес ва сиёсати Тоҷикистон, донишҷӯён ва омӯзгорони коллеҷ иштирок доштанд.