Все статьи

19 Август 2021

Боздошти қуруқшиканон бо шасти барқӣ (электроудочка)

Подробности статьи: Автор; Категория Навидҳо

Нозирони шуъбаи назорати давлатии истифода ва ҳифзи олами наботот, ҳайвонот ва захираҳои моҳии Раёсат дар натиҷаи гузаронидани амалиётҳои фаврӣ дар ҳавзаи Сирдарё, минтақаи Палос ду нафар қуруқшиканонро ҳангоми сайди ғайриқонунии моҳӣ бо шасти барқӣ боздошт намуданд. Аз қуруқшиканон қаиқ бо муҳаррикаш, шастибарқӣва 20 адад моҳиҳои гуногун мусодира ва муваққатан ба анбори Раёсати ҳифзи муҳити зисти вилояти Сугд супорида шуд. Нисбати қуруқшиканон маводҳои зарурӣ тартиб дода шуда, барои андешидани чораҳои маъмурӣ ба прокуратураи ноҳияи Б.Ғафуров фиристода шуд. Гуфтан ҷоиз аст, ки шасти барқӣ ба гурӯҳи аслиҳаи маҳви оммавӣ дохил шуда, боиси кохиш ёфтани захираи моҳӣ мегардад. Фардҳои наслдиҳандаи ба майдони шасти барқӣ дучоршуда аз афзоиш монда, ба безурётии олами организмҳои обӣ мусоидат менамояд.

18 Август 2021

Бартараф намудани партовҳои бесоҳиб ва гузаронидани аксияи “Тозагии роҳ” дар шаҳри Истаравшан

Подробности статьи: Автор; Категория Навидҳо

Дар доираи нақшаи чорабиниҳо бахшида ба 30-солагии Истиқлолияти давлатии Ҷумҳурии Тоҷикистон, бо мақсади пешгирии ифлосшавии муҳити зист ва бартараф намудани партовҳои бесоҳиб, аз ҷониби нозирони бахши ҳифзи муҳити зисти шаҳри Истаравшан амалиётҳои шабонарӯзӣ гузаронида шуда истодааст. Ҳангоми гузаронидани чунин амалиёт дар қадди роҳи Истаравшан – Ниҷонӣ партовҳои бесоҳиб ошкор гардида, аз дохили партов ҳуҷҷатҳо ба номи шаҳрванд Исломов Обид - сокини деҳаи Сари Мазори ҷамоати деҳоти Гули Сурхи шаҳри Истаравшан дарёфт гардид.Нисбати Исломов О. протоколи ҳуқуқвайронкунии маъмурӣ тартиб дода, ҷарима ба маблағи 600 сомонӣ баста шуд. Ғайр аз ин бо пешниҳоди бахши ҳифзи муҳити зист аз тарафи шаҳрванд Исломов О. ҳамаи партовҳои партофташуда бартараф карда шуд. Ҳамчунин дар доираи нақшаи чорабиниҳо дар шаҳр аксияи «Тозагии роҳ» баргузор гардида, дар натиҷа 7 км ду тарафи қадди роҳи кӯчаҳои протоколӣ, аз он ҷумла ҷӯйборҳо аз партовҳо тоза карда шуд. Дар баробари ин корҳои сафед кардани танаи дарахтон ва нарм намудани замини он гузаронида шуд. Дар маҷмӯъ, дар рафти аксия беш аз 250 нафар иштирок дошта, 12 метри мукааб партовҳо ба партовгоҳ бароварда шуд.

Амалиётҳои фаврӣ дар обанбори Баҳри Тоҷик

Подробности статьи: Автор; Категория Навидҳо

Нозирони шуъбаи назорати давлатии истифода ва ҳифзи олами наботот, ҳайвонот ва захираҳои моҳии Раёсат ҳангоми гузаронидани амалиётҳои фаврӣ дар обанбори Баҳри Тоҷик минтақаи Ташкентский ду ҳолати сайди ғайриқонунии моҳиро ошкор намуданд. Қонуншиканӣ аз тарафи сокинони ноҳияи Б.Ғафуров ҷамоати деҳоти Исфисор ва шаҳри Гулистон кӯчаи И.Сомонӣ 12/2 содир карда шуда, дар маҷмӯъ 73 сар моҳӣ ва 45 адад тӯри моҳидорӣ мусодира гардид. Нисбати онҳо протоколҳои ҳуқуқвайронкунии маъмурӣ бо моддаи 208 қисми 1 тартиб дода шуда, барои баррасӣ ба суди ш.Гулистон ва ноҳияи Б.Ғафуров фиристода шуд.

Шиносоии хонандагон аз корхонаи коркарди партов дар шаҳри Конибодом

Подробности статьи: Автор; Категория Навидҳо

Бо мақсади шиносоӣ пайдо намудан ва бо ин васила баланд бардоштани маърифати экологӣ бо иқдоми бахшҳои ҳифзи муҳити зисти шаҳрҳои Исфара ва Конибодом дар ҳамкорӣ бо ташкилоти ҷамъиятии «Гӯшаи амрикоӣ» дар шаҳри Исфара хонандагони фаъоли муассисаҳои таълимии миёнаи умумӣ аз корхонаи коркарди партовҳои шаҳри Конибодом ҶДММ «Таҷ Эко» дидан намуданд. Муҳандиси корхона хонандагонро аз рафти фаъолияти корхона, тарзи ба навъҳо ҷудо намудани партовҳо шинос намуда, ин иқдомро барои беҳдошти муҳити зист ва кам шудани партовҳо маънидод намуд. Дар навбати худ хонандагон ба саволҳои худ ҷавобҳои саҳеҳ гирифтанд.

14 Август 2021

Семинари омӯзишӣ оид ба таҳкими механизмҳои татбиқи муқаррароти Конвенсияи Орхус

Подробности статьи: Автор; Категория Навидҳо

Санаҳои 10 - 11 августи соли 2021 дар толори меҳмонхонаи Сиренаи шаҳри Душанбе семинари омӯзишӣ оид ба таҳкими механизмҳои татбиқи муқаррароти Конвенсияи Орхус баргузор гардид. Қайд кардан ба маврид аст, ки дар кори семинари мазкур намояндагони ҳамаи панҷ Марказҳои Орхус аз шаҳрҳои Душанбе, Хуҷанд, Бохтар, Хорог ва Ғарм, инчунин сармутахассиси Раёсати ҳифзи муҳити зисти вилояти Суғд ва сармуҳаррири рўзномаи вилоятии «Согдийская правда» ҳамчун шарики доимии Марказҳои Орхус дар шаҳри Хуҷанд ва дигар намояндагони шарикони рушд иштирок дошта, чорабинӣ бо дастгирии ташкилоти Дафтари барномаи САҲА дар шаҳри Душанбе амалӣ гардид. Дар рафти семинар инъикоси мақсад ва вазифаҳои он, лексияҳо дар бораи қоидаҳо ва принсипҳои Конвенсияи Орхус, ҳуқуқ ба иттилооти экологӣ ва механизмҳои татбиқи он дар қонунгузории Ҷумҳурии Тоҷикистон, шаклҳои асосии иштироки аҳолӣ дар қабули қарорҳои назарраси экологӣ, асосҳо барои ҷустуҷӯи адолати судӣ тибқи Конвенсияи Орхус, тартиби роҳҳои муҳофизати ғайрисудӣ (маъмурӣ) ва хусусиятҳои усули ҳимояи судӣ пешкаши иштирокдорон гардид. Дар қисми муҳокимаи маърўзаҳо саволу ҷавоб ба амал омада, дуюм маротиба бо саволнома корбарӣ карда шуд.

Пешгирии ифлосшавии ҳаво ва амалиёти “Ҳавои тоза” дар шаҳри Панҷакент

Подробности статьи: Автор; Категория Навидҳо

Бо мақсади кам намудани ихроҷи моддаҳои зараровар ба ҳавои атмосфера дар шаҳру ноҳияҳои вилояти Суғд мунтазам амалиёти «Ҳавои тоза» гузаронида мешавад. Тибқи нақшаи пешбинигардида аз тарафи мутахассисони бахши ҳифзи муҳити зисти шаҳри Панҷакент дар ҳамкорӣ бо кормандони шуъбачаи милитсияи экологӣ ва сайёҳии ВКД-и Ҷумҳурии Тоҷикистон дар минтақаи Зарафшон чунин амалиёт ҷиҳати муайян намудани миқдори партови моддаҳои ифлоскунанда ба ҳавои атмосфера аз нақлиёт дар натиҷаи сӯхтани сӯзишворӣ - дизелӣ, бензин ва гази моеъ дар шоҳроҳи Айнӣ – Панҷакент баргузор гардид. Дар рафти амалиёти мазкур, ҳамагӣ 20 адад нақлиёти автомобилии тамғааш гуногун аз санҷиши аналитикӣ гузаронида, нисбати ронандагони 3 адад воситаҳои нақлиёт, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба ҳавои атмосфера барзиёд ихроҷ намудаанд, протоколҳои ҳуқуқвайронкунии маъмурӣ тартиб дода шуд ва барои чораандешӣ ба БДА-и шаҳр ирсол гардид.

07 Август 2021

Ба тартиб даровардани партовгоҳи шаҳри Истаравшан

Подробности статьи: Автор; Категория Навидҳо

Бо мақсади пешгирии ифлосшавии муҳити зист, беҳтар намудани ҳолати экологӣ ва ба тартиб даровардани партовгоҳи Корхонаи давлатии фаръии «Хоҷагии манзилию коммуналӣ»-и шаҳри Истаравшан тибқи талаботи бахши ҳифзи муҳити зист дар соли ҷорӣ дуюм маротиба корҳои гўронидани (хокпўш) партовҳо дар партовгоҳи шаҳрӣ амалӣ шуда истодааст. Бо ҷалби 3 адад теҳникаи махсус зиёда аз 1 гектар майдони партовгоҳ хокпўш карда шуд. Партовгоҳи шаҳри Истаравшан ҳамагӣ 1.82 гектарро дар бар гирифта, то айни замон ҳолати беш аз 50 %-и он беҳтар гардидааст. Қайд кардан ба маврид аст, ки дар баробари чораҳои болозикр роҳи партовгоҳ низ тоза ва таъмир карда шудааст. Дар маҷмўъ, 20 нафар кормандони хадамоти коммуналии шаҳр дар маъракаи мазкур иштирок намуданд. Чорабиниҳои пешгирии ифлосшавии муҳити зист, беҳбудӣ бахшидан ба ҳолати экологӣ дар доираи нақшаи чорабиниҳо бахшида ба истиқболи 30-солагии Истиқлолияти давлатии Ҷумҳурии Тоҷикистон идома доранд ва мақомоти ҳифзи муҳити зисти вилояти Суғд мунтазам чораҳои заруриро андешида истодааст.

Ааксияи «Тозагии роҳ» дар шаҳри Хуҷанд

Подробности статьи: Автор; Категория Навидҳо

Дар асоси нақшаи чорабиниҳои шуъбаи ҳифзи муҳити зист дар кўчаи ба номи Р.Ҳоҷиеви шаҳри Хуҷанд, маҳаллаи 20, бо ҷалби 15 нафар кормандони корхонаи давлатии «Истифодабарии роҳ», давоми ду рўз аксияи «Тозагии роҳ» баргузор гардид. Аксияи мазкур бо мақсади тоза намудани ду тарафи қадди роҳ ва хусусан ҷўйборҳои обгузар амалӣ гардида, дар натиҷа зиёда аз 5 километр масофа аз ҳаргуна партов тоза карда шуд. Ба партовгоҳи шаҳрӣ 8 метри мукааб партовҳо бароварда шудааст. Минбаъд, то истиқболи 30-солагии Истиқлолияти Ҷумҳурии Тоҷикистон баргузории чунин аксия дар дигар кўчаҳои шаҳри Хуҷанд пешбинӣ гардидааст.

05 Август 2021

Ифтитоҳи бинои нави бахши ҳифзи муҳити зисти шаҳри Бўстон

Подробности статьи: Автор; Категория Навидҳо

Баҳри таъмини иҷрои бандҳои 256 ва 278-и қарори Ҳукумати ҶумҳурииТоҷикистон «Дар бораи нақшаи чорабиниҳо оид ба омодагӣ ба ҷашни сазовори 30-солагии Истиқлолияти давлатии Ҷумҳурии Тоҷикистон» сохтмони бинои нави маъмурии бахши ҳифзи муҳити зисти шаҳри Бўстон соли 2020 оғоз гардида, санаи 30 июли соли 2021 дар доираи ташрифи меҳмонони олиқадр ба вилояти Суғд бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А. ва Раиси вилоят Раҷаббой Аҳмадзода ифтитоҳ карда шуд. Майдони умумии ҷудо гардида 6 сотиқро ташкил намуда, майдони зери бино 212 метри мураббаъ мебошад. Бинои бахш аз се ошёна иборат мебошад. Дар ошёнаи якум – маҷлисгоҳ, китобхона ва утоқи таҷҳизотҳои назорати аналитикӣ ҷойгир карда шудаанд. Маҷлисгоҳ 52 ҷойи нишаст дошта, китобхона барои 1000 адад китобҳои адабиёти гуногун ва бо компютер таҷҳизонида шудааст, ки дар он китобхонаи шакли электронӣ насб гардидааст. Утоқи таҷҳизотҳои назорати аналитикӣ барои ҷойгиронии таҷҳозотҳои ченкунии сифати ҳавои атмосфера, об, хок ва радиатсия, ки ҷиҳати гузаронидани мониторинги экологӣ истифода карда мешаванд, ҳамагӣ 8 адад таҷҳизот.

Насби овезаи экологӣ дар ноҳияи Айнӣ

Подробности статьи: Автор; Категория Навидҳо

Бахши ҳифзи муҳити зисти ноҳияи Айнӣ дар қадди шоҳроҳи Душанбе - Хуҷанд - Чаноқ, ки ҳамарўза ҳамчун минтақаи сернақлиёти мусофиркашон ба ҳисоб меравад овезаи экологиро бо навиштаҷоти «Тоҷикистон дар арсаи байналмилати ба ҳайси кишвари пешбар дар ҳалли масоили мубрами амниятӣ, обу экология ва тағйирёбии иқлим эътироф гардидааст» насб намуд. Иқдоми мазкур бо мақсади сазовор ҷашн гирифтани 30-солагии Истиқлолияти давлатии Ҷумҳурии Тоҷикистон ва иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон роҳандозӣ гардид.