Все статьи
21 Июль 2021
Насби овезаи экологӣ дар шаҳри Панҷакент
- Подробности статьи
- Автор
- Категория Навидҳо
Тибқи супоришу тақсимоти Кумитаи ҳифзи муҳити зисти назди Ҳукумати Ҷумҳурии Тоҷикистон ва ҷиҳати сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон аз тарафи бахши ҳифзи муҳити зисти шаҳри Панҷакент дар хиёбони Рўдакии шаҳр овезаи таблиғотии экологӣ насб гардид. Овезаи мазкур ба баланд бардоштани маърифатнокии аҳолӣ доир ба муҳити зист, нигоҳдорӣ ва самаранок истифодабарии захираҳои табиӣ роҳандозӣ карда шудааст.
Баргузории амалиёти санҷиши аналитикии воситаҳои нақлиёт дар ноҳияи Б.Ғафуров
- Подробности статьи
- Автор
- Категория Навидҳо
Тибқи нақшаи корӣ ва дар доираи нақшаи чорабиниҳои бахшида ба истиқболи 30-солагии Истиқлолияти давлатии Ҷумҳурии Тоҷикистон аз ҷониби нозирони мақомоти ҳифзи муҳити зисти вилояти Суғд ва зерсохтори он дар ноҳияи Бобоҷон Ғафуров бо мақсади кам намудани ихроҷи моддаҳои зараровар ба ҳавои атмосфера ва беҳбудии муҳити зист амалиёти «Ҳавои тоза» гузаронида шудааст. Дар рафти амалиёт якҷоя бо шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд 47 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Нисбати ронандагони 8 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба ҳавои атмосфера барзиёд ихроҷ намуданд, протоколҳои ҳуқуқвайронкунии маъмурӣ тартиб дода шуд ва барои чораандешӣ ба Бозрасии давлатии автомобилии шаҳру ноҳия ирсол гардид.
16 Июль 2021
Овезаи экологӣ дар ноҳияи Деваштич насб гардид
- Подробности статьи
- Автор
- Категория Навидҳо
Ҷиҳати иҷрои супориши Кумитаи ҳифзи муҳити зисти назди Ҳукумати Ҷумҳурии Тоҷикистон ва сазовор истиқбол гирифтани 30-солагии Истиқлолияти давлатии Ҷумҳурии Тоҷикистон дар маркази шаҳраки Ғончии ноҳияи Деваштич, кўчаи Исмоили Сомонӣ овезаи тарғиботии экологӣ насб карда шуд. Бахши ҳифзи муҳити зисти ноҳияи Деваштич минбаъд бо мақсади баланд бардоштани маърифатнокии аҳолӣ доир ба муҳити зист, нигоҳдорӣ ва самаранок истифодабарии захираҳои табиӣ чунин амлҳоро пешбинӣ кардааст.
Насби овезаи экологӣ дар шаҳри Исфара
- Подробности статьи
- Автор
- Категория Навидҳо
Бо мақсади сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон ва иҷрои супориши Кумитаи ҳифзи муҳити зисти назди Ҳукумати Ҷумҳурии Тоҷикистон аз ҷониби бахши ҳифзи муҳити зисти шаҳри Исфара дар кӯчаи марказӣ – хиёбони Исмоили Сомонии шањр овезаи экологӣ бо суханони Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон насб гардид. Ҳамчунин, тибқи супоришу тақсимот овезаи мазкур ба Даҳсолаи байналмилалии амал «Об барои рушди устувор», солҳои 2018 – 2028 бахшида шудааст.
Таҷлили Рўзи моҳидорон дар вилояти Суғд
- Подробности статьи
- Автор
- Категория Навидҳо
Чун анъана, хар сол якшанбеи дуюми моҳи июл Рўзи моҳидорон қайд карда мешавад. Ин рўз барои тамоми моҳипарварон ва моҳидорон ҳамчун иди касбӣ ба ҳисоб рафта, ҳадафи таҷлили санаи мазкур - ҷалб кардани аҳолӣ ба ин намуди фароғат, тарбияи малакаҳои муносибати эҳтиёткорона ба табиат ва захираҳои табиии он, аз ҷумла захираҳои моҳӣ мебошад. Ҷиҳати таҷлили Рўзи моҳидорон, тибқи нақшаи кории мақомоти иҷроияи ҳокимияти давлатии вилоят барои моҳи июли соли ҷорӣ дар ҶСК «Таъминоти моҳӣ»-и шаҳри Гулистон бо иштироки намояндаи раёсат - мутахассиси шуъбаи назорати давлатии истифода ва ҳифзи олами набототу ҳайвонот ва захираҳои моҳӣ, моҳидорони ҷамъияти мазкур маҷлиси тантанавӣ баргузор гардид, ки дар рафти он як қатор моҳидорони пешқадам қадрдонӣ карда шудаанд.
Амалиёти “Ҳавои тоза” яке аз роҳҳои пешгирии ифлосшавии ҳаво
- Подробности статьи
- Автор
- Категория Навидҳо
Ҳар моҳ, мунтазам дар шаҳру ноҳияҳои вилояти Суғд бо мақсади кам намудани ихроҷи моддаҳои зараровар ба ҳавои атмосфера амалиёти «Ҳавои тоза» гузаронида мешавад. Тибқи нақшаи пешбинигардида аз тарафи мутахассисони бахши ҳифзи муҳити зисти шаҳри Панҷакент дар ҳамкорӣ бо кормандони шуъбачаи милитсияи экологӣ ва сайёҳии ВКД-и Ҷумҳурии Тоҷикистон дар минтақаи Зарафшон чунин амалиёт ҷиҳати муайян намудани миқдори партови моддаҳои ифлоскунанда ба ҳавои атмосфера аз нақлиёт дар натиҷаи сӯхтани сӯзишворӣ - дизелӣ, бензин ва гази моеъ дар шоҳроҳи Айнӣ – Панҷакент, даромади шаҳр баргузор гардид.
Насби лавҳаҳои огоҳӣ яке аз чораҳои пешгирикунанда мебошад
- Подробности статьи
- Автор
- Категория Навидҳо
Ба танзим даровардани ҷойгиронии партовҳои истеъмолӣ дар нуқтаҳои ҷамъоварии муваққатии партовҳо ва ҳамзамон пешгирии ҷойгиронии партовҳо дар ҷойҳои ғайрирасмӣ масъалаҳои мубрами рўз буда, дар мадди аввали назари кормандони мақомоти ҳифзи муҳити зист мебошад. Бо ин мақсад аз тарафи бахши ҳифзи муҳити зисти шаҳри Истаравшан дар бозори марказии ҷамоатишаҳраки Гули Сурхи шаҳр 4 адад лавҳаҳои огоҳӣ ҷиҳати ҷойгиронии партовҳо дар ҷойҳои муқарраргардида насб карда шуд.
Дар ноҳияи Ҷаббор Расулов аксияи «Тозагии соҳил» баргузор гардид
- Подробности статьи
- Автор
- Категория Навидҳо
Баҳри амалӣ намудани нақшаи чорабиниҳо бахшида ба ҷашнҳои миллии дар пешистода ва тибқи нақшаи пешбинигардидаи мақомоти ҳифзи муҳити зист дар Исфана - сойи ноҳияи ноҳияи Ҷаббор Расулов аксияи «Тозагии соҳил» гузаронида шуд. Дар рафти аксияи мазкур ғайр аз кормандони бахши ҳифзи муҳити зист ва намояндагони васоити ахбори омма, сокинони ҷамоати деҳоти Ғўлакандози ноҳия, ҳамагӣ зиёда аз 115 нафар иштирок доштанд.
08 Июль 2021
Насби овезаи экологӣ дар ноҳияи Зафаробод
- Подробности статьи
- Автор
- Категория Навидҳо
Аз ҷониби бахши ҳифзи муҳити зисти ноҳияи Зафаробод дар ҳудуди ҷамоати шаҳраки Зафаробод шоҳроҳи Зафаробод - Хуҷанд деҳаи Зафаровезаи экологӣ бо навиштаҷоти «Ҳифзи табиат вазифаи ҳар як шаҳрванд аст» насб гардид. Ин иқдом бо мақсади сазовор ҷашн гирифтани 30-солагии Истиқлолияти давлатии Ҷумҳурии Тоҷикистон ва иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон роҳандозӣ гардид.
Натиҷагирӣ аз фаъолияти Раёсат дар нимсолаи якуми соли 2021
- Подробности статьи
- Автор
- Категория Навидҳо
Санаи 8 июли соли равон дар Маркази бозомӯзии Раёсат дар шаҳри Гулистон ҷаласаи мақомоти ҳифзи муҳити зист оид ба ҷамъбасти фаъолият дар нимсолаи якуми соли 2021 ва вазифаҳои минбаъда баргузор гардид. Рафти ҷаласа ҳисоботи муовини сардори Раёсат оид ба ҷамъбасти фаъолият дар нимсолаи якуми соли 2021 шунида шуд. Сардори Раёсати ҳифзи муҳити зисти вилояти Суғд Ҳакимзода А.Қ. аз роҳбарони зерсохторҳо дар шаҳру ноҳияҳо ва сардорони шуъбаҳои назоратии Раёсат пурсиш ба амал оварда, барои ислоҳи камбудиҳои ҷойдошта ва пешрафти фаъолияти минбаъда дастуру супоришҳо дод. Ҳамчунин зимни баромади худ оид ба тозаву обод нигоҳ доштани муҳити зист, вусъат бахшидан ба корҳои ободониву созандагӣ бахшида ба 30 солагии Истиқлолияти давлатии Ҷумҳурии Тоҷикистон таъкид карда шуд.