Все статьи
12 Март 2025
Фаъолияти Комиссияи байниидоравии давлатӣ оид ба маърифати экологии аҳолӣ дар вилояти Суғд дар соли 2024 натиҷабардорӣ гардид
- Подробности статьи
- Автор
- Категория Навидҳо
С
анаи 11 марти соли 2025, дар толори мақомоти иҷроияи ҳокимияти давлатии вилояти Суғд ҷаласаи навбатии Комиссияи байниидоравии давлатӣ оид ба маърифати экологии аҳолӣ доир ба натиҷаҳои фаъолияти соли 2024 таҳтираёсати муовини Раиси вилоят, раиси комиссия Файзулло Қосимӣ ва иштироки аъзоёни комиссияи вилоятӣ, муовинони раисони шаҳру ноҳияҳо - раисони комиссияҳои маҳаллӣ, сардорони шуъбаҳо ва мудирони бахшҳои ҳифзи муҳити зист дар шаҳру ноҳияҳо - муовин ва котибони комиссия баргузор гардид. Муовини Раиси вилоят ба ҷаласа ҳусни ифтитоҳ бахшида, иштирокдоронро бо рӯзнома шинос кард. Ҳамчунин қайд намуд, ки ҷиҳати ҳифзи муҳити зист ва бехатарии экологии аҳолӣ, алалхусус баланд бардоштани сатҳи маърифати экологӣ таваҷҷуҳи хосаи мақомоти давлатии вилоятию маҳаллӣ ва ҷалби тамоми ҷомеаи шаҳрвандӣ андешидани чораҳо ва тадбирҳои ҳамарӯзаи заруриро талаб менамояд. Вобаста ба масъалаи рӯзнома маърӯзаи муовини сардори Сарраёсати ҳифзи муҳитизистдарвилояти Суғд Абдумаликзода Б. ба таври муфассал шунида шуд. Инчунин, дар робита ба масъалаи рӯзномаи ҷаласа аъзоёни комиссия – намояндагони Раёсатҳои маориф, шуъбаи энергетика ва саноат, хоҷагии ҷангали вилоят, раисони Комиссияҳои байниидоравии минтақавии дар назди мақомоти иҷроияи ҳокимияти давлатии ноҳияҳои Б.Ғафуров, Конибодом, Гулистон, Мастчоҳ, Зафаробод ва Хуҷанд ҳисобот доданд.
07 Март 2025
Табрикоти сардори Сарраёсати ҳифзи муҳити зист дар вилояти Суғд Холзода Суҳроб Хол ба ифтихори ҷашни фархундаи 8 март- Рӯзи Модар
- Подробности статьи
- Автор
- Категория Навидҳо
С
арраёсати ҳифзи муҳити зист дар вилояти Суғд бо самимияти афзунҳамаи модарон, собиқадорони соҳа, бонувонро ба ифтихори ҷашни фархундаи Рўзи Модар табрику таҳният мегўяд. Дар оғози фасли зебои баҳор ва арафаи соли нави аҷдодӣ мардуми шарафманди мо Рўзи Модарро ҳамчун яке аз арзишмандтарин идҳои умумихалқӣ ҷашн мегиранд. Бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин санаи муқаддас ба хотири эҳёи яке аз қадимтарин ҷашнвораҳои миллати мо ва гиромидошти занону модарон ба расмият даромада, рисолати ҷомеаро дар муносибат ба эҳтироми модарону хоҳарони арҷманд баланд бардошта, гувоҳи эътибору манзалати волои бонувон дар ҷомеаи соҳибистиқлоли Тоҷикистон гаштааст. Бигзор модарону бонувони Тоҷикистони соҳибистиқлол доимо шарафманду соҳибиқбол бошанд. Бо чунин муҳаббати самимӣ ба Шумоён саодати рӯзгор, хушбахтиву хушрўзӣ, сарбаландиву хонаободӣ, дар фаъолияти ҳамешагии пурзаҳмат комёбиҳои беназир ва рӯзгори обод таманно дорам. Фархундаву поянда бод Рӯзи Модар!
06 Март 2025
Барномаи телевизионии мустақими «Пайванд» бахшида ба масъалаҳои экологӣ
- Подробности статьи
- Автор
- Категория Навидҳо
Т
ибқи нақшаи иштирок ва баромади аъзои Шӯрои мутобиқсозию методӣ оид ба таълим ва тарбияи ҳуқуқии шаҳрвандони вилоят ва дигар сохтору мақомоти давлатӣ барои соли 2025 тавассути телевизиони вилояти Суғд, дар барномаи мустақими «Пайванд» чор нафар сардорони шуъба ва сармутахассисони Сарраёсати ҳифзи муҳити зист дар вилоят иштирок намуданд. Мавзӯи барномаи мазкур ба «Рафти иҷрои «Барномаи давлатии кабудизоркунии Ҷумҳурии Тоҷикистон барои давраи то соли 2040», маърифати экологии аҳолӣ ва вазъи экологии вилоят» бахшида шуд. Қайд кардан ба маврид мебошад, ки ташкили чунин барномаҳо барои рушди тарбия ва баланд бардоштани маърифатиэкологииаҳолӣсаҳми назаррас дошта, дар рафти барномаи мустақим аз ҷониби сокинони шаҳру ноҳияҳо 20 савол ба кормандони сарраёсат дода шуд ва ба аксарияти онҳо дар доираи вақти барномаи телевизионӣҷавобҳои мушаххас пешниҳод гардид.
04 Март 2025
Ҷаласаи назоратӣ дар Сарраёсати ҳифзи муҳити зист дар вилояти Суғд
- Подробности статьи
- Автор
- Категория Навидҳо
Д
ар сарраёсати ҳифзимуҳитизисти вилоятиСуғд ҷаласаи навбатии назоратӣ бо иштироки роҳбарияти сарраёсат, сардорони шуъбаҳои назоратӣ, сардорони шуъбаҳо ва мудирони бахшҳои ҳифзимуҳитизист дар шаҳруноҳияҳои вилоят баргузор гардид. Дар ҷаласа рафти иҷрои қарори Ҳукумати Ҷумҳурии Тоҷикистон «Дар бораи Барномаи давлатии кабудизоркунии Ҷумҳурии Тоҷикистон барои давраи то солҳои 2040», иҷрои қарори Ҳукумати Ҷумҳурии Тоҷикистон аз 2 ноябри соли 2021, № 626 «Дар бораи тартиби ошкор кардан ва ба ҳисоб гирифтани партовҳои бесоҳиб» дар шаҳру ноҳияҳо, натиҷагирӣ аз фаъолияти мақомоти ҳифзи муҳити зист дар моҳи феврал ва натиҷаи санҷиши Кумитаи ҳифзи муҳити зисти назди Ҳукумати Ҷумҳурии Тоҷикистон аз фаъолияти сарраёсат ва шуъбаю бахшҳои ҳифзи муҳити зист дар шаҳру ноҳияҳои Ҷ.Расулов, Деваштич, Истаравшан, Гулистон, Зафаробод, Панҷакент ва Айнӣ мавриди баррасӣ ва таҳлил қарор гирифт. Пас аз шунидани баромади таҳлилӣ аз тарафи сардори Сарраёсат Холзода С.Х. вобаста ба масъалаҳои болозикр, аз он ҷумла барои иҷрои пурраи нақшаҳои ташкили ниҳолхонаю шинонидани ниҳолҳо дар ҳамҷоягӣ бо дигар сохторҳо, пурзӯр намудани фаъолияти комиссияҳои доимоамалкунандаи маҳаллӣ оид ба масъалаҳои муомилот бо партовҳои бесоҳиб, беҳтар намудани нишондиҳандаҳои фаъолият то ҷамъбасти семоҳаи якум супоришҳо дода шуд.
27 Февраль 2025
Корҳои биотехникӣ дар шаҳри Истаравшан
- Подробности статьи
- Автор
- Категория Навидҳо
Ҳ
ангоми сард омадани ҳаво тибқи нақшаи корӣ бо иқдоми бахши ҳифзи муҳити зист дар шаҳри Истаравшан бо мақсади беталаф баровардани олами ҳайвоноти ваҳшӣ аз фасли зимистон дар ҷамоати деҳоти Нофароҷ деҳаи Навобод корҳои биотехникӣ гузаронида шуд. Дар ин мавзеъ ба миқдори умумии кунҷора - 120 кг, сабус - 50 кг, намак - 20 кг, резаи гандум – 50 кг, 10 адад бастаи беда, 10 адад бастаи гандум пошида шуд. Тибқи маълумоти мутахассисон дар ин мавзеъ намудҳои олами ҳайвоноти ваҳшӣ ба монанди кабк, харгӯш, гург, уқоб ва дигар намуди парандаҳои ваҳшӣ сукунат доранд.
26 Февраль 2025
Чорабинии илмӣ – адабӣ «Ҳифзи пиряхҳои Тоҷикистон» дар муассисаи таълимии шаҳри Хуҷанд
- Подробности статьи
- Автор
- Категория Навидҳо
Д
ар муассисаи таҳсилоти миёнаи умумии №6-и шаҳри Хуҷанд чорабинии илмӣ–адабӣ таҳти унвони «Ҳифзи пиряхҳои Тоҷикистон» бахшида ба эълон гардидани соли 2025 - «Соли байналмилаии ҳифзи пиряхҳо» баргузор гардид. Дар чорабинии мазкур сармутахассиси Сарраёсати ҳифзи муҳити зист дар вилояти Суғд иштирок дошта, аз ҷониби хонандагони синфҳои 2 – 9 муассисаи таълимӣ дар бораи пиряхҳо ва обҳои Тоҷикистон, тағйирёбии иқлим ва ташаббусҳои Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон оид ба эълон гардидани соли 2025 - «Соли байналмилаии ҳифзи пиряхҳо» ва 21 март - «Рӯзи байналмилаии пиряхҳо» намоиш ва маълумот пешниҳод карда шуд. Боиси қайд аст, ки як қатор дарсҳои кушоди намунавӣ дар мавзӯи «Об манбаи ҳаёт» дар синфи 6 доир ба сариштакорӣ ва аз ифлосшавӣ нигоҳ доштани манбаҳои обӣ, «Олами наботот ва ҳайвоноти нодири Тоҷикистон» дар синфи 3 оид ба ҳифз намудани олами наботот баргузор гардида, инчунин таҷрибаи самти кимиёвӣ низ вобаста ба мавзӯъ намоиш дода шуд. Дар охири чорабинӣ ба китобхонаи муассисаи таҳсилоти миёнаи умумии №6-и шаҳри Хуҷанд аз номи сарраёсат 2 ҷилд Китоби сурхи Ҷумҳурии Тоҷикистон тақдим гардид.
Дар ноҳияи Мастчоҳ татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» мавриди омӯзиш ва таҳлил қарор дода шуд
- Подробности статьи
- Автор
- Категория Навидҳо
Т
ибқи нақшаи кори Комиссияи байниидоравии давлатӣ оид ба маърифати экологии аҳолӣ дар вилояти Суғд барои соли 2025 фаъолияти чунин Комиссияи байниидоравии минтақавии мақомоти иҷроияи ҳокимияти давлатии ноҳияи Мастчоҳаз ҷониби сармутахассиси Сарраёсати ҳифзи муҳити зист дар вилоят мавриди омӯзиш ва таҳлил қарор дода шуд. Дар натиҷа маводи ҷойдоштаи ҳамаи сохторҳои ба иҷрои бандҳои нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» дахлдор санҷида шуд. Ҳамзамон, бо мақсади иҷрои талаботи бандҳои нақшаи чорабиниҳо дар Муассисаи давлатии таълимии «Литсейи касбии агросаноатии ноҳияи Мастчоҳ» бо иштироки хонандагону омӯзгорон вохӯрӣ доир гардид. Дар рафти чорабинии иттилоотӣ вобаста ба мутобиқшавӣ ба тағйирёбии иқлим, гуногунии биологӣ, муаммоҳои глобалии экологӣ дар самтоҳи ҳифзи ҳавои атмосфера ва захираҳои об, муҳимияти баланд бардоштани маърифати экологии ҷавонон ва дигар масъалаҳои вобаста ба мавзӯъ сармутахассиси сарраёсат изҳориақида намуд. Дар охири чорабинии иттилоотӣ ба китобхонаи литсейи мазкур 2 ҷилд Китоби Сурхи Ҷумҳурии Тоҷикистон ва рӯзномаи соҳавии «Инсон ва табиат» аз номи сарраёсат тақдим гардид.
20 Февраль 2025
Назорати татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» дар ноҳияи Спитамен
- Подробности статьи
- Автор
- Категория Навидҳо
Т
ибқи нақшаи кори Комиссияи байниидоравии давлатӣ оид ба маърифати экологии аҳолӣ дар вилояти Суғд барои соли 2025 фаъолияти чунин Комиссияи байниидоравии минтақавии мақомоти иҷроияи ҳокимияти давлатии ноҳияи Спитамен аз ҷониби сармутахассиси Сарраёсати ҳифзи муҳити зист дар вилоят мавриди омӯзиш ва таҳлил қарор дода шуд. Дар натиҷа маводи ҷойдоштаи ҳамаи сохторҳои ба иҷрои бандҳои нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» дахлдор санҷида шуд. Ҳамзамон, бо мақсади иҷрои талаботи нақшаи чорабиниҳо дар Муассисаи давлатии таълимии «Литсейи касбии техникии ноҳияи Спитамен» бо иштироки омӯзгорону хонандагон вохӯрӣ доир гардид. Дар рафти чорабинии иттилоотӣ вобаста ба соҳаи ҳифзи муҳити зист, аз он ҷумла муаммоҳои экологии глобалӣ, таъсири манфии партовҳои пластикӣ, масъалаҳои мутобиқшавӣ ба тағйирёбии иқлим, дар бораи зарурияти баланд бардоштани маърифати экологии ҷавонон ва мақсади Барномаи давлатӣ, Китоби Сурхи Ҷумҳурии Тоҷикистон ва дигар масъалаҳои вобаста ба мавзӯъ сармутахассиси сарраёсат изҳориақида намуд. Дар интиҳо ба китобхонаи литсейи мазкур 2 ҷилд Китоби Сурхи Ҷумҳурии Тоҷикистон ва рӯзномаи соҳавии «Инсон ва табиат» аз номи сарраёсат тақдим гардид.
11 Февраль 2025
Чорабиниҳои ниҳолшинонӣ бо иштироки аъзоёни раванди «Нозирони сабз» дар муассисаҳои таълимӣ
- Подробности статьи
- Автор
- Категория Навидҳо
С
оли 2025 охирон соли татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ба ҳисоб рафта, дар соли ҷорӣ низ Сарраёсати ҳифзи муҳити зист дар вилояти Суғд баргузории як қатор чорабиниҳои гуногунро баҳри баланд бардоштани маърифати экологии ҷавонону хонандагони муассисаҳои таълимии шаҳру ноҳияҳо дар ҳамкорӣ бо Ташкилоти ҷамъиятии «Гурӯҳи ҷавонон оид ба ҳифзи муҳити атроф» пешбинӣ кардааст. Бо ин мақсад, чорабинии ниҳолшинонӣ дар шаш муассисаҳои таҳсилоти миёнаи умумии шаҳри Истиқлол, чор чунин муассисаҳои таълимии ҷамоати деҳоти Ғозиёни ноҳияи Б.Ғафуров, инчунин Марказҳои таҳсилоти иловагии шаҳрҳои Хуҷанд, Бӯстон ва Гулистон гузаронида шуд. Дар муассисаҳои таълимии шаҳру ноҳияҳои болозикр гурӯҳҳои экологҳои ҷавон - «Нозирони сабз» аз ҳисоби хонандагони фаъол ташкил гардида, фаъолият мебаранд. Онҳо дар доираи Барномаи давлатии мазкур таълимоти экологӣ гирифта, дар рафти фаъолияти худ дарсҳои иловагӣ (факултативҳо) ва дарсҳои амалӣ мегузаранд. Ин чорбинии ниҳолшинонӣ низ яке аз дарсҳои амалии онҳо мебошад, ки ниҳолҳо аз ҷониби худи аъзоёни раванди «Нозирони сабз» дар ҳудуди муассисаҳои таълимӣ шинонида шуда, минбаъд парвариш меёбанд.
08 Февраль 2025
Нишасти матбуотӣ оид ба натиҷаҳои фаъолият дар соли 2024
- Подробности статьи
- Автор
- Категория Навидҳо
Т
ибқи Амри Президенти Ҷумҳурии Тоҷикистон аз 04.03.2005, №АП – 1677 ва ҷадвали тасдиқгардидаи мақомоти иҷроияи ҳокимияти давлатии вилоят, санаи 7 феврали соли 2025 дар толори бинои Кумитаи идораи замини вилоят нишасти матбуотӣ оид ба натиҷаҳои фаъолият дар соли 2024 барои чор сохтор – Сарраёсати ҳифзи муҳити зист, Кумитаи идораи замин, Сарраёсати кишоварзӣ ва Раёсати беҳдошти замин ва обёрӣ дар вилоят баргузор гардид. Дар нишасти матбуотии мазкур, 28 нафар рӯзноманигорон аз матбуоти даврии гуногун ва намояндагони телевизиони «Синамо», вилояти Суғд, ШТР «СМ-1», «7-Ситора», ҳамагӣ 32 нафар намояндагони васоити ахбори омма иштирок дошта, ба роҳбарони сохторҳои болозикр саволҳои худро доир ба фаъолият ва масъалаҳои мубрами имрӯзаи соҳаҳо пешниҳод намуданд. Аз Сарраёсати ҳифзи муҳити зист дар вилояти Суғд, сардори сарраёсат Холзода С.Х., муовини сардор, як қатор сардорони шуъба ва сармутахассисон низ иштирок дошта, дар маҷмуъ ба мақомоти ҳифзи муҳити зист панҷ савол, аз он ҷумла дар бораи ҷаримабандӣ ва пешниҳоди зарар ба корхонаҳои саноатӣ, ҳайвоноти нодири вилоят, буриши дарахтони ҳамешасабз, назорат аз болои ниҳолҳои шинонидашуда, намуди ниҳолҳои ба маҳал мутобиқ ва оид ба утилизатсияи батареяҳои корношоямшудаи электромобилҳо дар оянда, дода шуд. Ба ҳамаи саволҳои рӯзноманигорон ҷавобҳои мушаххас пешниҳод гардид.