Все статьи

24 Август 2017

Семинари сайёри вилоятӣ

Подробности статьи: Автор; Категория Навидҳо

Санаи 18 августи соли равон бахшида ба тарғиби моҳияти Даҳсолаи байналмилалии амал «Об барои рушди устувор, 2018-2028» ва бахшида ба соли 2017 «Соли ҷавонон» дар н.Шаҳристон семинари сайёри вилоятӣ бо иштироки кормандони Раёсат ва зерсохторҳои он баргузор гардид.

Дар рафти кори семинар оиди сарватҳои обии вилоят ва проблемаҳои экологии он, беҳтар намудани таъминоти оби нӯшокӣ дар вилоят, обҳои дохилаи Тоҷикистон ва оқилона истифодабарии захираҳои об, манбаъҳои асосии обёрии вилоят ва таъминоти оби полезӣ, сифати оби нӯшокӣ, иштироки ҷавонон дар ҳифз ва нигаҳдории захираҳои об, асосҳо ва ҳолатҳое, ки сабаби гузаронидани санҷишҳои ғайринақшавӣ, иловагӣ ва такрорӣ мегардад, дар бораи тартиби ошкор кардан ва ба ҳисоб гирифтани партовҳои бесоҳиб ва пешгирии ифлосшавии муҳити зист ва кам кардани ҳаҷми ҳосилшавии партовҳо, намуди санжишҳо мувофиқи Қонуни ҶТ дар бораи санҷиши фаъолияти субъектҳои хоҷагидор, тарзи тартиб додани санҷиши объектҳо дар самти ҳифзи ҳавои атмосфера баромадҳо шунида шуд. Пас аз музокира як қатор кормандони ҷавони мақомоти ҳифзи муҳити зист бахшида ба Соли ҷавонон барои гузоштани саҳми арзанда дар беҳдошти муҳити зист бо ифтихорнома ва тӯҳфаҳо қадрдонӣ карда шуданд.

21 Август 2017

Эълон

Подробности статьи: Автор; Категория Навидҳо

Раёсати ҳифзи муҳити зисти вилояти Суғд барои ишғоли мансабҳои холии маъмурии хизмати давлатӣ озмун эълон менамояд:

- Сармутахассиси Шуъбаи назорати таҳлилии Раёсати ҳифзи муҳити зисти вилояти Суғд, маоши мансаби 988 сомонӣ; (категорияи панҷум)

- Сармутахассиси Шуъбаи экспертизаи экологии Раёсати ҳифзи муҳити зисти вилояти Суғд, маоши мансаби 988 сомонӣ; (категорияи панҷум)

- Сармутахассиси Шуъбаи ҳифзи муҳити зисти шаҳри Хуҷанд, маоши мансаби 941,20 сомонӣ; (категорияи панҷум)

- Сармутахассиси Бахши ҳифзи муҳити зисти шаҳри Истиқлол, маоши мансаби 953,20 сомонӣ; (категорияи панҷум)

08 Август 2017

Танзим

Подробности статьи: Автор; Категория Навидҳо

Бахшида ба 10-умин солгарди Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дар Раёсати ҳифзи муҳити зисти вилоят вохӯрӣ оид ба фаҳмонидани моҳияти Қонуни мазкур бо иштироки мудири шӯъбаи кор бо занони Кумитаи иҷроияи ҲХДТ дар шаҳри Хуҷанд Зеварой Бобоева гузаронида шуд. Сараввал муовини сардори Раёсат бо сухани ифтитоҳӣ чорабинии мазкурро оғоз намуда, қайд кард, ки қабули ин Қонун аз тарафи Асосгузори сулху вахдати миллӣ — Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон яке аз ташаббусҳои беҳтарин буда, барои беҳтар шудани сатҳу сифати зиндагии аҳолии кишвар мусоидат менамояд. Воқеан қабули ин қонун ҳамчун яке аз иқдомоти муҳимтарин дар самти ҳифзи анъанаҳои мардумӣ боиси ҳалли бисёр мушкилоти ҳаётан муҳими аҳли ҷомеа гардида, ҷашну маъракаҳо ва расму ойинҳоро дар кишвар ба низом даровард.

Корҳои руйпӯшкунӣ дар партовгоҳи «Деҳмой» идома дорад

Подробности статьи: Автор; Категория Навидҳо

Дар соли сипаригаштаи 2016 аз ҳисоби маблағҳои буҷети вилояти Суғд, шаҳрҳои Хуҷанду Бӯстон ва ноҳияи Б.Ғафуров корҳои рӯйпӯшкунии партовҳои радиофаъоли партовгоҳи “Деҳмой”-и КВД “Фулузоти нодири Тоҷикистон” ба масоҳати умумии наздик 11 га ба анҷом расонида шуд, ки арзиши умумиашон 545,63 ҳазор сомониро ташкил дод. Рӯйпӯшкунӣ бо истифодаи хок ва шағали табиӣ бо ғафсии 0,5-1,0 метр ба анҷом расонида шудааст. Ченкуниҳои афканишоти радиатсия дар мавзеи рӯйпӯшкардашудаи партовгоҳ, ки аз тарафи шӯъбаи таҳлилии Раёсати ҳифзи муҳити зисти вилоят ва Филиали Суғдии Агентии амнияти ядроӣ ва радиатсионии Академияи илмҳои Ҷумҳурии Тоҷикистон гузаронида шуд, нишон дод, ки агар фони радиатсионӣ то рӯйпушкунӣ ба 160-380 мкР/соат баробар бошад, баъди рӯйпӯшкунӣ ҳамагӣ 35-40 мкР/соатро ташкил медиҳад, ки ҷавобгӯ ба меъёрҳои санитарӣ-экологӣ мебошад.

Оид ба баргузории амалиёти «Кӯкнор - 2017» дар вилояти Суғд

Подробности статьи: Автор; Категория Навидҳо

Оиди иҷроиши нақшаи кории ситоди идоравии амалиёти «Кукнор-2017» якҷоя бо мақомотҳои ҳифзи ҳуқуқ, муассисаи давлатии хоҷагии ҷангал, воситаҳои ахбори умум ва ташкилотҳои ҷамъиятии вилоят як қатор корҳо ба анҷом расид.

Тибқи супориши роҳбари Дастгоҳи иҷроияи Президенти Ҷумҳурии Тоҷикистон ва фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон, қарори Раиси вилояти Суғд аз 16.05.2017., №244 «Дар бораи гузаронидани амалиёти «Кӯкнор - 2017» бо фармоиши сардори Раёсати ҳифзи муҳити зисти вилоят №51 аз 07.06.2017 сол ситоди идоравӣ ташкил карда шуда, нақшаи кори ситоди идоравӣ тасдиқ карда шудааст.

Шӯъбаҳо ва бахшҳои ҳифзи муҳити зисти шаҳру ноҳияҳои вилоят оиди гузаронидани амалиёти «Кӯкнор-2017» бо мақомотҳои қудратӣ ҳамкорӣ намуда, дар ин самт корҳои тарғиботиву ташвиқотиро пурзӯр науда истодааст.

17 Июль 2017

Баргузории нишасти матбуотӣ

Подробности статьи: Автор; Категория Навидҳо

Санаи 10 июли соли равон соати 9.00 дар бинои Кумитаи идораи замини вилоят нишасти матбуотии якҷояи Сарраёсати кишоварзӣ, Кумитаи заминсозӣ ва Раёсати ҳифзи муҳити зисти вилоят доир гардид.

Дар он намояндагони воситаҳои ахбори омма, хабарнигорони телевизионҳои «Тоҷикистон», ШТР СМ-1, ШТР «Азия», ТВ «Диёр», ТВ «Танин», ТВ «7 ситора», рӯзномаҳои «Хақиқати Суғд», «Суғд ҳақиқати», «Ризқофарин», «Тирози ҷаҳон», «Садои мардум», «Халқ овозӣ», «Тоҷикистон» , оҷонсии иттилоотии «Суғднюс» ва «Азия-плюс», радиои «Озодӣ», радиои «Садои Хуҷанд» радиои «Тоҷикистон» иштирок доштанд. Ба рӯзноманигорон варақаҳои иттилоотӣ (пресс-релиз) оид ба натиҷаҳои фаъолияти Раёсати ҳифзи муҳити зист дар нимсолаи якуми соли 2017 дастрас гардид.

Дар рафти нишасти матбуотӣ рӯзноманигорон оид ба тақсимоти заминҳои ҷазираҳои Сирдарё бо мақсади истифодаи кишоварзӣ ва расонидани зарар ба олами наботот ва ҳайвоноти минтақаи мазкур, ҳолати партовгоҳҳои радиофаъол ва андешидани чораҳо аз тарафи мақомоти ҳифзи муҳити зист, ҳолати партовгоҳи деҳаи Канапаи н.Айнӣ саволҳо дода, посухҳои муфассал гирифтанд.

Семинари бозомӯзӣ

Подробности статьи: Автор; Категория Навидҳо

Тибқи нақшаи кории Раёсат ва нақшаи кории мақомоти иҷроияи ҳокимияти давлатии вилоят барои нимсолаи дуюми соли равон бо мақсади баланд бардоштани савияи дониши кормандон санаи 14 июли соли равон семинари бозомӯзӣ бо иштироки мутахассисони шӯъбаҳо ва бахшҳои ҳифзи муҳити зисти шаҳру ноҳияҳо доир гардид. Дар рафти семинар мутахассисони соҳа доир ба масъалаҳои муҳим - асосҳо ва ҳолатҳое, ки сабаби гузаронидани санҷишҳои ғайринақшавӣ, иловагӣ ва такрорӣ мегардад, пешбурди ҳуҷҷатгузории парвандаи ҳуқуқвайронкунии маъмурӣ тибқи талаботи Кодекси Мурофиаи ҳуқуқвайронкунии маъмурӣ, пешниьоди маводҳо ба Раёсат бобати тариқи судӣ руёнидани маблағи пардохт ва ҷуброни зарар, намуди санҷишҳо мувофиқи Қонуни ҶТ дар бораи санҷиши фаъолияти субъектҳои хоҷагидор, дастури методӣ оиди санҷиши объектҳое, ки фаъолияташон ба ҳавои атмосфера таъсир мерасонанд, тартиби дурусти пешниҳоди маълумот оид ба рафти иҷроиши «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» шунида шуд, ки дар фаъолияти кормандони мақомоти ҳифзи муҳити зист яке аз масъалаҳои муҳимтарин мебошад.

Баргузории мулоқоту вохӯриҳо ва аксияҳои экологӣ бахшида ба «Соли ҷавонон» ва Даҳсолаи байналмилалии амал «Об барои рушди устувор барои солҳои 2018-2028» дар шаҳрҳои Хуҷанд, Конибодом, Исфара

Подробности статьи: Автор; Категория Навидҳо

Бахшида ба «Соли ҷавонон» ва доир ба ташаббуси Президенти Ҷумҳурии Тоҷикистон, Пешвои миллат Эмомалӣ Раҳмон Даҳсолаи байналмилалии амал «Об барои рушди устувор барои солҳои 2018-2028» дар шаҳрҳои Хуҷанд, Исфара ва Конибодом аз 28 то 30 июни соли равон чорабиниҳои мухталиф ба монанди сӯҳбату мулоқотҳо, аксияҳои экологӣ, тренингҳо ва чорабиниҳои фарҳангӣ баргузор гардид. Чорабиниҳои мазкур бо иштироки ҷавонони фаъол, кормандони Раёсати ҳифзи муҳити зисти вилоят, Раёсати кор бо ҷавонон ва клуби волентерони Кумитаи кор бо ҷавонон ва варзиши назди Ҳукумати Ҷумҳурии Тоҷикистон гузаронида шуд.

Рузи якум дар шаҳри Хуҷанд бо фаъолҷавонон – донишҷӯёни Донишгоҳи Давлатии Хуҷанд мулоқот, боздид аз Осорхонаи миллӣ ва Боғи Камоли Хуҷандӣ, тамошои филми ҳуҷҷатии «Хона» оид ба ҳифзи муҳити зисти сайёра дар «Қасри ҷавонон»-и шаҳри Хуҷанд ва аксияи экологӣ таҳти унвони «Тозагии муҳити зист қарзи шаҳрвандии мост» дар маркази ш.Хуҷанд доир гардид.

03 Июль 2017

Ваҳдат

Подробности статьи: Автор; Категория Навидҳо

Санаи 23 июни соли равон дар толори маҷлисгоҳи Раёсат тибқи нақшаи кори ва дар доираи нақшаи чорабиниҳо ба истиқболи 20-солагии Рӯзи Ваҳдати милли ва Соли ҷавонон, бо кормандони Раёсат – мутахассисони ҷавон вохӯрии намояндаи КИ ХХДТ дар ш.Хуҷанд, сармуҳаррири рӯзномаи “Маърифати хукуки”, доктори илмхои иктисоди, устоди Донишкадаи иктисод ва савдо Азимов А.Ч. баргузор гардид. Дар мулоқот аз ҷониби маърӯзачи оид ба корномаҳои беназири Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар раванди барқарории сулҳу субот ибрози назар карда шуда, оид ба таҷлили ҷашни 20-солагии Рӯзи Ваҳдати миллӣ ва омодагиҳо ба ин санаи фархунда, дастовардҳо дар Соли ҷавонон ва амсоли инҳо андешаронӣ сурат гирифт.

08 Июнь 2017

Консерти идона бахшида ба Рӯзи умумиҷаҳонии муҳити зист

Подробности статьи: Автор; Категория Навидҳо

Бахшида ба Рӯзи умумиҷаҳонии муҳити зист санаи 3 июн дар назди театри мазҳакаи мусиқии ба номи Камоли Хуҷандӣ бо иштироки ситораҳои санъати вилоят консерти идона баргузор гардид. Бо суханони табрикӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода, муовини Раиси вилоят Ориф Хоҷазода, муовини Раиси шаҳри Хуҷанд Аюб Раҳматов ва сардори Раёсати ҳифзи муҳити зисти вилоят Темур Нӯмонзода баромад намуданд. Бахшида 45-умин солгарди Рӯзи умумиҷаҳонии муҳити зист аз тарафи Раиси Кумита, сардори Раёсат ва КИ ҲХДТ дар ш.Хуҷанд як қатор кормандони соҳа, рӯзноманигорон, намояндагони ташкилотҳои байнал-халқӣ ва иштирокчиёни фаъоли аксияҳои «Тозагии маҳал ва соҳил» бо ифтихорномаҳову сипосномаҳо қадрдонӣ карда шуданд. Пас аз қисми расмии барно-ма консерти идона бо иштироки ситораҳои санъати вилоят идома ёфт.