Все статьи
23 Апрель 2021
Амалиёти “Ҳавои тоза” дар ноҳияи Зафаробод
- Подробности статьи
- Автор
- Категория Навидҳо
Тибқи нақшаи кории мақомоти ҳифзи муҳити зист аз ҷониби мутахассисони шуъбаи назорати таҳлилӣ, бахши ҳифзи муҳити зист ва намояндаи БДА-и ноҳияи Зафаробод бо мақсади кам намудани ихроҷи моддаҳои зараровар ба ҳавои атмосфера дар ҳудуди ноҳия амалиёти «Ҳавои тоза» гузаронида шуд. Рафти амалиёт 28 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян нагардид.
Корҳои ободонӣ дар ноҳияи Масчоҳ
- Подробности статьи
- Автор
- Категория Навидҳо
Бо мақсади дар сатҳи баланд истиқбол гирифтани ҷашни миллии 30-солагии Истиқлолияти давлатии Ҷумҳурии Тоҷикистон ва амалӣ намудани нақшаи чорабиниҳои он, вусъат бахшидан ба корҳои ниҳолшинонӣ ва кабудизоркунӣ дар Боғи фарҳангии «Тоҷикистон»-и ноҳияи Масчоҳ 6400 адад гулҳои ороишии мавсимӣ шинонида шуд. Ҳамчунин баҳри иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон, бо мақсади ободу зебо намудани гирду атрофи биноҳои маъмурӣ дар назди бинои бахш гулҳои мавсимиву ороишӣ шинонида шуд.
22 Апрель 2021
Амалиёти «Ҳавои тоза» дар ноҳияи Ҷаббор Расулов
- Подробности статьи
- Автор
- Категория Навидҳо
Тибқи нақшаи кории раёсат аз ҷониби мутахассисони шуъбаи назорати таҳлилӣ, бахши ҳифзи муҳити зист ва намояндаи БДА-и ноҳияи Ҷ.Расулов бо мақсади кам намудани ихроҷи моддаҳои зараровар ба ҳавои атмосфера дар роҳи нақлиётгарди Ҷ.Расулов - Исфана амалиёти «Ҳавои тоза» гузаронида шуд. Дар рафти амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Дар рафти амалиёт нисбати ронандаи 1 адад воситаи нақлиёт, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кард, протоколи ҳуқуқвайронкунии маъмурӣ тартиб дода шуд ва барои чораандешӣ ба БДА-и ноҳия ирсол гардид.
21 Апрель 2021
Вохӯрии сардори Раёсати ҳифзи муҳити зисти вилояти Суғд Ҳакимзода А.Қ. бо Сафири фавқуллода ва мухтори Ҷумҳурии Украина дар Тоҷикистон Серватюк В.Н. ва намояндагони ширкати «Днепроэнергосталь»
- Подробности статьи
- Автор
- Категория Навидҳо
Санаи 20 апрели соли 2021 дар толори раёсат вохӯрии сардори Раёсати ҳифзи муҳити зисти вилоят Ҳакимзода А.Қ. бо Сафири фавқуллода ва мухтори Ҷумҳурии Украина дар Тоҷикистон Серватюк В.Н., директори генералии ширкати илмӣ – истеҳсолии «Днепроэнергосталь» Осипенко В.В. ва муовини ӯ Семирягин С.В. баргузор гардид. Вохӯрии мазкур тибқи барномаи ташрифи ҳайати ширкати «Днепроэнергосталь»-и Ҷумҳурии Украина ба вилояти Суғд ба амал омада, ба масъалаҳои экологӣ, аз он ҷумла вобаста ба пешгирии ифлосшавӣ ва ҳифзи ҳавои атмосфера бахшида шуд. Ширкати номбурда бо истеҳсоли таҷҳизотҳои тозанамоии чангу газ барои корхонаҳои саноатие, ки партовҳои моддаҳои ифлоскунандаро ба ҳавои атмосфера доранд, машғул мебошад. Тибқи нақшаҳои пешбинигардида, то охири соли равон дар ҳудуди КВД «Садаф»-и шаҳри Хуҷанд якҷоя бо ширкати «Днепроэнергосталь» ташкили корхонаи муштарак, ки чунин таҷҳизотҳоро истеҳсол менамояд амалӣ мегардад.
19 Апрель 2021
Баргузории аксияҳои «Тозагии маҳал», «Тозагии роҳ» ва «Тозагии соҳил» дар вилояти Суғд
- Подробности статьи
- Автор
- Категория Навидҳо
Бо мақсади беҳтар намудани вазъи экологии муҳити зист, сазовор пешвоз гирифтани 30-солагии Истиқлолияти давлатии Ҷумҳурии Тоҷикистон ва бахшида ба Рӯзи умумиҷаҳонии Замин ҷиҳати вусъат бахшидан ба корҳои созандагию ободкорӣ, ободонию кабудизоркунӣ, ба таври доимӣ тозаю озода нигоҳ доштану беҳтар намудани вазъи экологии кӯчаю маҳаллаҳо, заминҳои кишоварзӣ, шафати роҳҳо, соҳилҳо, ҷӯю каналҳо ва дарёҳо санаи 17 апрели соли равон бо ҷалби бештари шаҳрвандон, ҷавонону варзишгарон, кормандони корхона, ташкилот ва муассисаҳо новобаста аз тобеъият ва шакли моликият аксияҳои «Тозагии маҳал», «Тозагии роҳ» ва «Тозагии соҳил» гузаронида шуд.Дар аксияҳои «Тозагии маҳал», «Тозагии роҳ» ва «Тозагии соҳил» беш аз 50603 нафар ҷомеаҳои меҳнатии корхонаҳо, ташкилоту муассиса, хоҷагиҳо ва шаҳрвандон фаъолона иштирок доштанд.
17 Апрель 2021
Насби таҷҳизоти сенсории муайянкунандаи сифати ҳаво дар шаҳри Хуҷанд
- Подробности статьи
- Автор
- Категория Навидҳо
Ташкилоти Ҷамъиятии «Гурӯҳи ҷавонон оид ба ҳифзи муҳити атроф» бо ҳамкории Раёсати ҳифзи муҳити зисти вилояти Суғд, бо дастгирии Сафорати Иёлоти Муттаҳидаи Амрико дар Тоҷикистон лоиҳаи «Беҳтаргардонии сифати зиндагӣ бо роҳи огоҳонидани мардум ва пешгирӣ аз ифлосшавии ҳаво»-ро дар минтақаи вилояти Суғд амалӣ гардонида истодааст. Тибқи ин лоиҳа дар марҳилаи аввал якчанд семинар - машваратҳои омӯзишӣ байни ҷавонон гузаронида шуда, зимнан стансияи мониторинги сифати ҳаво ташкил карда шуд. Аз тарафи раиси Ташкилоти Ҷамъиятии «Гурӯҳи ҷавонон оид ба ҳифзи муҳити атроф» Икром Мамадов қайд карда шуд, ки ҳадафи насб ва мониторинги сифати ҳавои атмосфера, ин пешниҳоди маълумоти онлайн оид ба сифати ҳаво барои сокинони шаҳри Хуҷанд мебошад. Нуқтаҳо дар маҳаллаҳои 19, 31, Ватан ва Бофандаи шаҳри Ҳуҷанд насб карда шудааст. Мониторинги 1 моҳа нишон дод, ки нишондодҳо асосан субҳ ва бегоҳ баланд мешавад, ки ин ба ифлосшавии ҳаво аз нақлиёт вобастагӣ дорад.
16 Апрель 2021
Таҷлили санаҳои экологӣ дар муассисаи таълимии ноҳияи Деваштич
- Подробности статьи
- Автор
- Категория Навидҳо
Дар асоси нақшаи корӣ, бо мақсади баланд бардоштани маърифати экологии хонандагон аз тарафи бахши ҳифзи муҳити зисти ноҳияи Деваштич дар муассисаи таҳсилоти миёнаи умумии № 38-и ба У.Нарзуллоеви деҳаи Қалъачаи Азим, ҷамоати деҳоти Ғазантараки ноҳияи Деваштич чорабинии экологӣ ташкил ва гузаронида шуд. Он бо иштироки омӯзгорони фанни география, экология ва хонандагони синфҳои 9 гузаронида шуда, ба санаҳои экологӣ - ба Рӯзи донишҳои экологӣ ва Рӯзи умумиҷаҳонии замин бахшида шуд. Дар чорабинӣ хонандагон дар мавзуъҳои «Мо табиатро ҳифз менамоем», «Роҳҳои пешгирии ифлосшавии об», «Ҳаво - таркиб, хосиятҳои он ва роҳҳои тоза нигоҳ доштани он», «Ҳифзи муҳити зист» «Замин ва хусусиятҳои он» баромадҳо намуданд . Инчунин оид ба табиати зебои диёр ва муҳофизати он, ҳифзи олами набототу ҳайвонот, самаранок истифодабарии захираҳои обӣ аз ҷониби гурӯҳи хонандагон гуфторҳо ва шеърҳо қироат гардид.
Амалиётҳои фаврӣ дар давраи тухмигузории моҳиҳо
- Подробности статьи
- Автор
- Категория Навидҳо
Дар асоси нақшаи чорабиниҳои мақомоти ҳифзи муҳити зист дар давраи тухмигузории моҳиҳо дар дарёву обанборҳо мунтазам амалиётҳои фаврии шабонарӯзӣ гузаронида шуда истодааст. Ҳангоми гузаронидани чунин амалиёт дар минтақаи Туқай соҳили дарёи Сир аз тарафи кормандони бахши ҳифзи муҳити зисти ноҳияи Ҷаббор Расулов зиёда аз 130 метр тӯри моҳигирии бесоҳиб дарёфт ва мусодира карда шуд.
Корҳои фаҳмондадиҳӣ дар давраи тухмигузории моҳиҳо
- Подробности статьи
- Автор
- Категория Навидҳо
Амалӣ намудани фармоишҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва сардори Раёсати ҳифзи муҳити зисти вилоят ва татбиқи нақшаи - чорабиниҳо дар давраи манъи сайди моҳӣ доимо зери назорати мутахассисони мақомоти ҳифзи муҳити зист қарор дорад. Ба ҷуз аз мубориза бурдан бар зидди қуруқшиканҳо, гузаронидани корҳои оммавии ташвиқотию тарғиботӣ ва фаҳмондадиҳӣ дар байни аҳолӣ оиди роҳ надодан ба қонуншиканиҳо, ифлос накардани муҳити зисти организмҳои обӣ, хусусан ҷойҳои тухмигузории моҳиҳо, ҳаракат накардан бо заврақҳо дар обанбору дарёҳо, сайру гашти шаҳрвандон ва боркашонӣ, гирифтани хоку кум аз ҷойҳои тухмигузории моҳиҳо, даравидани камишзорҳо ва растаниҳои обӣ, партофтани партовҳои маданию маишӣ ва ғайраҳо барои баланд намудани донишҳои экологӣ ва маърифату маданияти шаҳрвандон самараи хуб медиҳад.
Корҳои ободонӣ ва баргузории аксияҳои экологӣ дар ноҳияи Шаҳристон
- Подробности статьи
- Автор
- Категория Навидҳо
Баҳри амалӣ намудани нақшаи чорабиниҳои бахшида ба истиқболи 30-солагии Истиқлолияти Ҷумҳурии Тоҷикистон ва тибқи нақшаи пешбинигардидаи мақомоти ҳифзи муҳити зист дар ноҳияи Шаҳристон аксияҳои экологӣ ва дигар корҳои вобаста ба ободонию кабудизоркунӣ баргузор гардид. Дар ҷамоати деҳоти Шаҳристон ва Бунҷикат аксияи «Тозагии маҳал» бо иштироки беш аз 900 нафар намояндагони корхона, ташкилоту муассисаҳо ва аҳолие, ки ҷойи истиқоматашон қадди роҳ мебошад гузаронида шуд. Дар рафти аксия корҳои асосӣ ба обод кардани ду канори роҳи протоколӣ бахшида шуда, дар натиҷа 1 км кӯча рӯбучин ва 1,6 км ҷӯйбор тоза гардида, инчунин 400 метр девори коргоҳу дигар биноҳои дар қадди роҳи протоколӣ мавҷуд буда сафед карда шуд. Ҳамзамон ба партовгоҳи ноҳиявӣ 3 метри мукааб партовҳо бароварда шудааст. Дар баробари ин, дар қисмати Шаҳристон-сой, ки аз ҳудуди ҷамоати деҳоти Шаҳристон мегузарад аксияи «Тозагии соҳил» бо иштироки 200 нафар хонандагони мактабҳо, Литсейи касбӣ – ҳунарӣ ва мураббиёни муассисаи томактабӣ гузаронида шуд.