Все статьи

19 Март 2021

Вохӯрӣ бахшида ба Рўзи байналмилалии об дар муассисаҳои таълимӣ

Подробности статьи: Автор; Категория Навидҳо

Бо иқдоми мутахассисони мақомоти ҳифзи муҳити зист фаҳмонидан ва ҳадафи эълон гардидани санаҳои экологӣ аз тарафи СММ дар муассисаҳои таълимӣ ба ҳукми анъана даромадааст. Бахшида ба Рӯзи байналмилалии об, таъмини иҷрои бандҳои нақшаи чорабиниҳои Даҳсолаи байналмилалии амал «Об барои рушди устувор, 2018-2028» дар муассисаи таълимии миёнаи умумии № 15-и шаҳри Хуҷанд вохӯрии мутахассисони шуъбаи ҳифзи муҳити зист бо хонандагон доир гардид. Рафти вохӯрӣ ба мактаббачагон оид ба мақсади эълон намудани ин санаи экологӣ аз ҷониби СММ, ба масъалаҳои об дар сатҳи байналмилалӣ ҳамчун кишвари ташаббускор шинохта шудани Ҷумҳурии Тоҷикистон, ҳифз ва нигаҳдории захираҳои обӣ баромад карда шуд.Баргузории чунин вохуриву сухбатхо, тарғиби санаҳои экологӣ барои баланд бардоштани донишу маърифати экологӣ мусоидат менамояд.

Аксияи «Тозагии соҳил» дар ноҳияи Шаҳристон

Подробности статьи: Автор; Категория Навидҳо

Бо мақсади амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор, солҳои 2018 - 2028» ва 22 март - Рӯзи байналмилалии об, истиқболи Наврӯзи байналмилалӣ, иҷрои фармоишҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва раёсати ҳифзи муҳити зисти вилояти Суғд, дар ҷамоати деҳоти Шаҳристон аксияи «Тозагии соҳил» гузаронида шуд. Бино ба маълумоти бахши ҳифзи муҳити зист дар ин чорабинӣ асосан аҳолии ҷамоати деҳотҳо қариб 600 нафар иштирок дошта, ҷӯйборҳо, соҳили сой ба масофаи 2 км аз партовҳо тоза ва 12,6 метри мукааб партов бароварда шуд.

Аксияи «Тозагии соҳил» дар ноҳияи Ҷаббор Расулов

Подробности статьи: Автор; Категория Навидҳо

Ҷиҳати иҷроиши фармоишҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва Раёсати ҳифзи муҳити зисти вилояти Суғд, бо мақсади тоза намудани манбаъҳои обӣ аз партовҳо, инчунин амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор, солҳои 2018-2028» ва 22 март - Рӯзи байналмилалии об -дар Томчисой, воқеъ дар ҷамоати деҳоти Сомониёни ноҳияи Ҷаббор Расулов аксияи «Тозагии соҳил» гузаронида шуд. Аксия бо ҷалби техника, аҳолии ҷамоати деҳот, намояндагони бахши ҳифзи муҳити зист ва идораи давлатии беҳдошти замин ва обёрӣ дар ноҳия бо иштироки 20 нафар гузаронида шуда, ду тарафи сой ба масофаи 5 км аз партовҳои ҳархела тоза ва 14 метри мукааб партов бароварда шуд.

22-март –Рузи умумиҷаҳонии об

Подробности статьи: Автор; Категория Навидҳо

Рӯзи умумиҷаҳонии захираҳои об аз тарафи Ассамблеяи генералии СММ бори аввал санаи 22 марти соли 1993 ҷашн гирифта шуда буд. Ҳадафи асосии ин ид - баланд бардоштани маърифати аҳолӣ дар бораи муҳимияти манбаъҳои обӣ, зарурати истифодаи сарфакоронаи он, инчунин раҳнамун сохтани ҷомеа ва ҳар фарди дурандеш ҷиҳати андешидани чораҳои фаъолона барои ҳифз ва барқарор намудани захираҳои об мебошад. Имсол мавзӯи асосии Рӯзи умумиҷаҳонии обро «Қадри обро дониста…» пазируфтанд. Барҳақ, дар замони муосир, ки тараққиёти иқтисодӣ ва зиёдшавии аҳолӣ ва инчунин талабот рӯз аз рӯз ба об меафзояд, ин мавзуъ саривақтӣ мебошад. Қимати об аз нархи он гаронтар мебошад. Об яке аз сарватҳои бебаҳои табиат маҳсуб ёфта, сарсабзиву шукуфоӣ ва пайдоиши олам ба он марбут аст.

Чорабиниҳо бахшида ба санаи 22 март - Рӯзи байналмилалии об

Подробности статьи: Автор; Категория Навидҳо

Тибқи фармоиши сардори Раёсати ҳифзи муҳити зисти вилоят аз 10.03.2021, №14, бахшида ба санаи 22 март - Рӯзи байналмилалии об ва ҷиҳати татбиқи ҳадафҳои Даҳсолаи байналмиллалии амал «Об барои рушди устувор», 2018-2028 дар миқёси вилояти Суғд як қатор чорабиниҳои экологӣ баргузор гардид. Дар шаҳру ноҳияҳо аз ҷониби зерсохторҳои раёсат аксияи «Тозагии соҳил» ва семинару вохўриҳо, аз он ҷумла дар муассисаҳои таълимӣ доир ба мавзӯъҳои бахшида ба ҳифзи захираҳои об гузаронида шуд. Мувофиқи маълумот дар рафти аксияи «Тозагии соҳил», ки дар 12 шаҳру ноҳияҳои вилоят вобаста аз обуҳаво дар маҷмӯъ, беш аз 95,8 ҳазор нафар аҳолии шаҳру ноҳияҳо иштирок намуда, 43,8 км соҳили манбаҳои обӣ тоза гардид ва 52,5 метри мукааб партовҳо бароварда шуд.

16 Март 2021

Аксияи “Дарахти ман” дар шаҳри Хуҷанд

Подробности статьи: Автор; Категория Навидҳо

Бо мақсади саҳми арзанда гузоштан дар ободӣ ва сабзу хуррамгардонии маҳалли зист, ташкилоти ҷамъиятии “Гуруҳи ҷавонон оид ба ҳифзи муҳити зист” дар ҳамкорӣ бо Раёсати ҳифзи муҳити зисти вилояти Суғд дар даромади купруки хиёбони Исмоили Сомонӣ ва кӯчаи Гагарини шањри Хуҷанд аксияи шинондани ниҳолҳоро баргузор намуд. Дар он ихтиёриён, дӯстдорони табиат, экофаъолон, аз ҷумла ихтиёриёни бахши Ҷамъияти Ҳилоли Ахмари Тоҷикистон дар вилояти Суғд, дигар сокинони шаҳр ва намояндагони ташкилоту идораҳои мухталиф, дар маљмуъ беш аз 130 нафар иштирок намуданд. Дар рафти аксия 300 бех ниҳолҳои ороишии ҳамешасабзи санавбар шинонида шуд. Боиси зикр аст, ки аксияи мазкур тахти шиори “Дарахти ман” дар тамоми гӯшаву канори кишвар роҳандозӣ гардида истодааст.

Конференцияи илмӣ - амалӣ бахшида ба Рӯзи байналмилалии об дар ноҳияи Масчоҳ

Подробности статьи: Автор; Категория Навидҳо

Бахшида ба Рӯзи байналмилалии об, дар доираи нақша чорабиниҳои Даҳсолаи байналмилалии амал «Об барои рушди устувор» солҳои 2018-2028 дар Муассисаи давлатии таълимии «Коллеҷи кишоварзии Масчоҳ» конференцияи илмӣ - амалӣ таҳти унвони «Олудашавии умумии об ва роҳҳои тозакунии он» баргузор гардид. Дар кори конференция устодон ва донишҷӯёни Донишкадаи кӯҳӣ-металлургии Тоҷикистон, намояндагони КВД «Фулузоти нодири Тоҷикистон», ходимони илмии Маркази рушди инноватсионии илм ва технологияҳои нави Академияи миллии илмҳои Тоҷикистон, намояндагони бахши ҳифзи муҳити зист, Маркази назорати давлатии санитарию эпидемиологӣ, идораи давлатии беҳдошти замин ва обёрӣ иштирок доштанд.

Аксияи «Тозагии маҳал» дар ноҳияи Шаҳристон

Подробности статьи: Автор; Категория Навидҳо

Ба истиқболи ҷашни байналмилалии Наврӯз, бо мақсади ободу зебо намудани маҳалли зист дар маркази ноҳия ва ҷамоату деҳотҳои ноҳияи Шаҳристон бо иштироки зиёда аз 1000 нафар кормандони корхонаву ташкилотҳо, хонандагони муассисаҳои таълимӣ ва аҳолӣ аксияи «Тозагии маҳал» гузаронида шуд. Рафти аксия кӯчаҳо, қадди роҳҳо, маҳаллаҳо аз партовҳо тоза карда шуда, 3,5 тн. метри мукааб партов бароварда шуд. Ҳамчунин дар қадди роҳҳо ва ҷамоату деҳот 500 бех ниҳолҳои ҳамешасабзу ороишӣ ва мевадиҳанда шинонида шуд. Тибқи маълумоти бахши ҳифзи муҳити зист дар ноҳия то имрӯз ба миқдори умумии 2310 бех ниҳолҳои сояафкан, ҳамешасабз ва ороишиву мевадиҳанда шинонида шудааст.

15 Март 2021

Амалиёти “Ҳавои тоза” дар шаҳри Хуҷанд

Подробности статьи: Автор; Категория Навидҳо

Бо мақсади кам намудани ихроҷи моддаҳои зараровар ба ҳавои атмосфера, дар асоси нақшаи кории мақомоти ҳифзи муҳити зист бо ҳамкории шуъбаи милитсияи экологӣ ва сайёҳии ВКД ҶТ дар вилояти Суғд, дар хиёбони Истиқлоли шаҳри Хуҷанд амалиёти «Ҳавои тоза» гузаронида шуд. Рафти амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 4 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.

Амалиёти “Ҳавои тоза” дар шаҳри Гулистон

Подробности статьи: Автор; Категория Навидҳо

Ба истиқболи Иди байналмилалии Наврӯз, бо мақсади кам намудани ихроҷи моддаҳои зараровар ба ҳавои атмосфера ва беҳбудии муҳити зист, дар асоси нақшаи кории мақомоти ҳифзи муҳити зист кормандони бахш бо ҳамкории шуъбаи милитсияи экологӣ ва сайёҳии ВКД ҶТ дар вилояти Суғд, дар даромадгоҳи шаҳри Гулистон амалиёти «Ҳавои тоза»-ро гузарониданд. Рафти амалиёт 20 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 3 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.