Маросими супоридани мукофотҳо ба ғолибони озмун

Санаи 22 сентябри соли ҷорӣ дар маркази бозомўзии Раёсати ҳифзи муҳити зисти вилояти Суғд дар шаҳри Гулистон чорабинии супоридани диплому ифтихорномаҳо ва мукофотҳои  Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ба ғолибон ва иштирокчиёни фаъоли озмунҳои ҷумҳуриявии байни хонандагони муассисаҳои таълимии миёнаи умуми ва намояндагони васоити ахбори омма баргузор гардид. Оғоз аз моҳи марти соли равон озмун барои хонандагондар мавзӯи«Тозагии муҳити зист – омили саломатии ҷомеа» ва намояндагони васоити ахбори омма таҳти унвони«Сатҳи баланди маърифати экологӣ - пояи рушди устувори давлат ва ҷомеа» эълон гардида буд. Озмунҳои мазкур ҷиҳати мусоидат ба татбиқи фарогирии Даҳсолаи байналмилалии амал «Об барои рушди устувор», 2018 – 2028 ва эълон гардидани солҳои 2019 – 2021 «Солҳои рушди деҳот, сайёҳӣ ва ҳунарҳои мардумӣ» дар 6 номинатсия баргузор гардида, дар арафаи ҷашни 29-солагии Истиқлолияти Ҷумҳурии Тоҷикистон  ҷамъбаст карда шуд.

 Дар маҷмўъ, аз муассисаҳои таълимии шаҳру ноҳияҳои Хуҷанд, Бўстон, Конибодом, Ашт, Б.Ғафуров, Ҷ.Расулов, Деваштич, Мастчоҳ – 14 нафар хонандагон ва 6 нафар рўзноманигорону кормандони телевизион ва радио аз вилояти Суғд сазовори мукофотҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон гардиданд.

    Боиси қайд аст, ки бо ташаббуси Кумита даҳ сол инҷониб озмунҳои мазкур бо мақсади татбиқи сиёсати давлатӣ дар самти баланд бардоштани маърифати экологии аҳолӣ, ҳавасмандии хонандагон ва рўзноманигорон ҷиҳати ташвиқу тарғиби ҳифзи муҳити зист гузаронида мешавад.

• Кликните, чтобы открыть изображение! Кликните, чтобы открыть изображение!
• Кликните, чтобы открыть изображение! Кликните, чтобы открыть изображение!
• Кликните, чтобы открыть изображение! Кликните, чтобы открыть изображение!
•  

• < Ба ақиб
• Ба пеш >