January 2022

27 January 2022

Аксияи «Тозагии маҳал» дар шаҳри Истиқлол

  Баҳри иҷрои нақшаи корӣ, бо мақсади тозаву обод нигоҳ доштани муҳити атроф, баланд бардоштани маърифати экологӣ дар муассисаи таълимии миёнаи умумии № 5-и шаҳри Истиқлол аксияи «Тозагии маҳал» гузаронида шуд. Дар аксия омӯзгорон ва хонандагони муассиса фаъолона иштирок намуда, гирду атрофи муассиса аз партовҳои гуногун тоза карда шуд. Гузаронидани чунин аксияҳои экологӣ дар дигар муассисаҳои таълимӣ низ пешбинӣ гардидааст.

Читать далее

Аксияи «Тозагии маҳал» дар шаҳри Гулистон

  Бо мақсади тозаву обод нигоҳ доштани  муҳити зист,  баланд бардоштани маърифати экологӣ дар шаҳри Гулистон аксияи «Тозагии маҳал» баргузор гардид. Дар чорабинӣ намояндагони муассисаҳои маориф, фарҳанг, тандурустӣ, мактаби варзишӣ, коллеҷи тиббӣ, шабакаҳои барқии Суғд, ҶСК "Қолинҳои Қайроққум" ва дигар соҳаҳои хоҷагии халқи шаҳр зиёда аз 500 нафар фаъолона иштирок доштанд. Рафти аксия гирду атрофи корхонаву муассисаҳо ва мавзеъҳои истироҳатӣ   пурра  тоза карда шуда, 8,2 м 3 партов бароварда шуд.

Читать далее

Маъракаи ниҳолшинонӣ дар ноҳияи Ашт

  Корҳои ободониву кабудизоркунӣ дар ноҳияи Ашт низ оғоз ёфта, дар ҷамоати Ошобаи ноҳияи Ашт зиёда аз 250 бех дарахтони сояафкан, ҳамешасабзу ороишӣ шинонида шуд. Бино ба маълумоти бахши ҳифзи муҳити зисти ноҳия дар ин маърака 300 нафар сокинон фаъолона иштирок намуда, баҳри иҷрои нақшаи ниҳолшинонӣ, кабудизоркунӣ ва беҳдошти муҳити зист дар дигар ҷамоату минтақаҳо шинонидани ниҳолу кабудизоркунӣ пешбинӣ карда шудааст.

Читать далее

26 January 2022

Ташвиқи Паёми Пешвои миллат дар муассисаи таълимии ш.Истиқлол

  Баҳри иҷрои барқияи Сарраёсати ҳифзи муҳити зист дар вилояти Суғд, дар асоси нақша чорабинии бахш дар Муассисаи таълимии миёнаи умумии №1 шаҳри Истиқлол омӯзиши нуктаҳои асосии Паёми Асосгузори сулҳу ваҳдати милли Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон  "Дар бораи самтҳои асосии сиёсати дохиливу хориҷии Ҷумҳурии Тоҷикистон" ки санаи 21.12.2021 ба Маҷлиси Олии ҶТ қироат гардид,  ташкил ва гузаронида шуд. Корманди бахши ҳифзи муҳити зисти шаҳри Истиқлол ба хонандагон Паёми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро шарҳ дода, аз он ҷумла  дар бораи тағйирёбии иқлим, дигар масъалаҳои вобаста ба ҳифзи муҳити зистро  маънидод намуд.

Читать далее

Ташвиқи Паём дар Коллеҷи омӯзгории МДТ Донишгоҳи давлатии Хуҷанд ба номи академик Бобоҷон Ғафуров

  Бо мақсади фаҳмонидани муҳтавои Паёми Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон «Дар бораи самтҳои асосии сиёсати дохиливу хориҷии Ҷумҳурии Тоҷикистон», дар асоси нақшаи корӣ дар Коллеҷи омӯзгории МДТ Донишгоҳи давлатии Хуҷанд ба номи академик Б.Ғафуров вохӯрӣ гузаронида шуд.  Дар вохӯрӣ кормандони шуъбаи ҳифзи муҳити зисти ш.Хуҷанд, муовини директори коллеҷ Азизов Н.Э.  ва донишҷӯёни коллеҷ иштирок  доштанд. Корманди шуъбаи ҳифзи муҳити зист  оид ба  нуктаҳои асосии Паёми Пешвои миллат, дастовардҳо ва заҳмату талошҳои Сарвари давлат ба хотири ҳифзи истиқлолияту озодии Тоҷикистон, ҳамчунин   тағйирёбии иқлим ва дигар масъалаҳои ҳифзи муҳити зист  баромад намуд. Ҳамчунин баҳри татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ва баланд бардоштани маърифати экологии ҷавонон   таъкид карда шуд.

Читать далее

Оғози маъракаи ниҳолшинонӣ дар ноҳияи Бобоҷон Ғафуров

  Бо мақсади дар сатҳи баланд гузаронидани корҳои ниҳол-шинонӣ, кабудизоркунӣ ва солим гардонидани муҳити зист, дар асоси нақшаи кории мақомоти ҳифзи муҳити зист, иҷрои нақша чорабиниҳои тасдиқ намудаи мақомоти иҷроияи ҳокимияти давлатии ноҳияи Бобоҷон Ғафуров дар ҳудуди ҷамоати деҳоти Д.Холматови ноҳия маъракаи кабудизоркунӣ гузаронида шуд. Чорабинӣ бо иштироки аҳолии ҷамоати деҳот гузаронида шуда, дар шоҳроҳи Хуҷанд - Ашт 250 бех дарахтони ороишиву ҳамешасабз шинонида шуд. Рафти маъракаи ниҳолшинонӣ аз тарафи телевизиони вилояти Суғд ба навор гирифта шуд.

Читать далее

24 January 2022

Муҳити зисти бахши Бӯстон

Читать далее

Ташвиқи Паём дар муассисаи таълимии ноҳияи Бобоҷон Ғафуров

  Тибқи нақшаи кории мақомоти ҳифзи муҳити зист, бо мақсади шарҳи мазмуни Паёми навбатии Пешвои миллат, Президенти кишвар муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар муассисаи тахсилоти миёнаи умумии № 9 ҷамоати деҳоти Исмоил-и ноҳияи Бобоҷон Ғафуров вохӯрӣ бо омӯзгорон гузаронида шуд. Мутахассиси бахши ҳифзи муҳити зисти ноҳия зимни вохӯрӣ оид ба нуктаҳои Паём, аз ҷумла масъалаҳои экологӣ ва тағйирёбии иқлим, дар руҳияи ватандустӣ тарбия намудани насли наврас  суханронӣ намуд. Ҳамчунин доир ба қабул гардидани «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», татбиқи нақша чорабиниҳои он, ки барои ҳидоят намудани мактаббачагон ба ҳифз ва дӯст доштани табиати кишварамон мусоидат менамояд, таъкид карда шуд.

Читать далее

Ташвиқи Паём дар Маркази ҷавонони шаҳри Исфара

  Дар асоси барқияи Сарраёсати ҳифзи муҳити зист дар вилояти Суғд, баҳри иҷрои нақшаи корӣ дар Маркази ҷавонони шаҳри Исфара вохӯрӣ бо ҷавонон ва хонандагони муассисаҳои таълимӣ оид ба омӯзиши нуктаҳои асосии Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон «Дар бораи самтҳои асосии сиёсати дохиливу хориҷии Ҷумҳурии Тоҷикистон» баргузор гардид. Рафти вохӯрӣ корманди бахши ҳифзи муҳити зисти шаҳри Исфара доир ба масъалаҳои асосии Паёми имсола, аз он ҷумла пайомадҳои тағйирёбии иқлим ва дигар масъалаҳо вобаста ба экология, инчунин баланд бардоштани маърифати экологии ҷавонон баромад намуд.

Читать далее

Омӯзиши Паём дар муассисаҳои таълимии шаҳри Панҷакент

  Дар асоси нақша-чорабинии бахши ҳифзи муҳити зисти шаҳри Панҷакент, ҷиҳати тарғибу ташвиқи мӯҳтавои асосии Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олӣ дар Коллеҷи технологӣ ва инноватсионӣ,  Муассисаҳои таълимии миёнаи умумии № 25 шаҳраки Суғдиён, № 86 деҳаи Новичомоқ, № 81-деҳаи Чорбоғ  вохӯрӣ бо донишҷӯён ва хонандагон гузаронида шуд. Зимни вохурӣ намояндаи бахш зикр намуд, ки дар Паёми имсола бисёр масъалаҳои дар ҷомеаи имрӯза зарур, аз ҷумла масъалаҳои вобаста ба ҳифзи муҳити зист, тағйирёбии иқлим ва тадбирҳои мутобиқшавӣ ба  он инъикос ёфт.  Инчунин доир ба татбиқи «Барномаи давлатии маҷмўии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ва нақшаи чорабинии он   байни хонандагон ва донишҷӯён  маълумоти мушаххас  дода шуд.

Читать далее

Скачано с веб-сайта JooMix.org.