Октябрь 2019

21 Октябрь 2019

Озмуни «Тирамоҳи заррин» дар вилояти Суғд

Подробности статьи: Автор; Категория Навидҳо

Санаи 18 октябри соли 2019 дар дар «Қасри фарҳанг»-и ноҳияи Зафаробод аз тарафи Раёсати маорифи вилояти Суғд бо иштироки мақомоти ҳифзи муҳити зист дар байни муассисаҳои таҳсилоти миёнаи умумӣ ва гимназияҳои шаҳру ноҳияҳо намоиши «Тирамоҳи заррин» - озмуни вилоятӣ бахшида ба Иди «Меҳргон» баргузор гардид. Дар чорабинӣ 15 адад муассисаҳои таълимӣ аз шаҳру ноҳияҳои вилояти Суғд иштирок намуда, дар мавзўъҳои экологӣ рефарат, саволу ҷавоб ва намоиш пешкаши аъзоёни ҳакамон ва иштирокчиёну тамошобинон гардид. Ҳамзамон дар рафти озмун – намоиш аз ҷониби хонандагони мактабҳо саҳначаҳо бахшида ба ҳифзи табиат, викторина ва барномаи консертӣ барои иштирокчиён пешниҳод карда шуд. Дар озмун - намоиш ҷой авввал насиби маорифчиён ва хонандагони муассисаҳои таълимии шаҳри Истаравшан, ҷойи дуюм ноҳияҳои Зафаробод, Деваштич ва шаҳри Панҷакент, ҷойи сеюм шаҳрҳои Исфара ва Конибодом гардид.

Вохўри дар доираи лоиҳа

Подробности статьи: Автор; Категория Навидҳо

Санаи 17.10.2019 дар Маркази Орхус дар шаҳри Хуҷанд дар доираи лоиҳаи «Баланд бардоштани маърифати экологӣ» вохўрии намояндаи Дафтари барномаҳои САҲА дар шаҳри Душанбе Келдиева Н. бо мақсади мониторинги фаъолияти иҷрочиёни лоиҳа баргузор гардид. Дар вхўрӣ намояндаи Раёсати ҳифзи муҳити зисти вилояти Суғд, шахсони масъул оид ба гузаронидани тренинг, иттилоот, мутасаддии корҳои ташкилӣ ва қисми молиявӣ иштирок доштанд. Ҳамчунин экожурналист Расулзода Т. дар мулоқоти натичаҳои татбиқи лоиҳаи мазкур ширкат варзид. Аз сабаби он, ки лоиҳа ба охир мерасад шахсони ба татбиқи лоиҳа вобастагардида барои минбаъд боз баланд бардоштани сатҳи чорабиниҳо, васеъ намудани майдони фаъолият ва фаро гирифтани миқдори бештари аҳолӣ дар масъалаҳои баланд бардоштани маърифати экологӣ фикру андешаҳои худро ба намояндаи Дафтари барномаҳои САҲА дар шаҳри Душанбе баён намуданд.

Ҳавзҳои моҳипарварӣ дар ноҳияи Ашт

Подробности статьи: Автор; Категория Навидҳо

Баҳри бо дастовардҳои арзанда истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон дар ҷамоати деҳоти Ошобаи ноҳияи Ашти вилояти Суғд, дар ҳудуди ҶДММ «Рахшона» ҳавзҳои моҳипарварӣ сохта ба истифода дода шуд. Бо мақсади шиносои бо ҳавзҳои моҳипарварӣ, вазъи имрўза ва минбаъдаи фаъолияти хоҷагии бисёрсоҳа Раиси вилояти Суғд Раҷаббой Аҳмадзода бо як қатор мутахассисону коршиносон ба хочагии мазкур ташриф оварда, аз ташкилу рафти кор изҳори қаноатмандӣ кард. Диққати иштирокдорон ба моҳипарварии ин хоҷагӣ ҷалб гардида, махсусан қайд карда шуд, ки 17 адад ҳавзҳо барои парвариши моҳӣ дар масофаи 44 гектар дар муҳлати кўтоҳ сохта ба истифода дода шудааст. Дар айни замон ба ҳавзҳои мазкур зиёда аз як миллион кирминамоҳии намуди амури сафед, капур, пешонипаҳни сафед ва алоча ҷойгир карда, бо хўрокаи гуногуни хушсифат ва алафҳои тару тоза таъмин гардида истодааст.

15 Октябрь 2019

Ҳифзи ҳаво дар ноҳияи Мастчоҳ

Подробности статьи: Автор; Категория Навидҳо

Бахши ҳифзи муҳити зисти ноҳияи Мастчоҳ барои баррасии муроҷиати шикоятии сокинони маҳаллаи Азиззободи ноҳияи Мастчоҳ якҷоя бо шуъбаи назоратии таҳлилии Раёсати ҳифзи муҳити зисти вилояти Суғд корбарӣ намуданд. Шикояти шаҳрвандон дар он буд, ки нақлиётҳои боркашони заводи ҶДММ «Ясин МС-Суғд»-и Хитоӣ ҳангоми кашонидани маъдан аз кон бо суръат роҳи маҳаллаи мазкурро гузашта, бо гарду чанг атрофро ифлос менамоянд. Коргоҳи номбурда бо истеҳсоли семент машғул мебошад. Бинобар он, санаи 12.10.2019 аз ҷониби кормандони мақомоти ҳифзи муҳити зист ченкунии ифлосшавии ҳаво ва гирду атрофи роҳ ба амал омад. Санади дахлдор тартиб дода шуда, мувофиқи натиҷаи ташхис то 2 маротиба аз меъёр зиёдшавии ихроҷи гарду чанг ба қайд расид.

Аксия дар шаҳри Хуҷанд

Подробности статьи: Автор; Категория Навидҳо

Санаи 12.10.2019 бо ташаббуси шуъбаи ҳифзи муҳити зисти шаҳри Хуҷанд баҳри иҷрои нақшаи чорабиниҳо бахшида ба истиқболи 30-солагии Истиқлолияти давлатии Ҷумҳурии Тоҷикистон дар маҳаллаи Навбаҳори (34 мкр.) аксияи «Тозагии муҳити зист» ташкил ва гузаронида шуд. Ба аксия 200 нафар кормандони таваллудхонаи шаҳрӣ, 20 нафар мураббиёникўдакистони №27 ва 40 нафар табибони беморхонаи микроҷарроҳии чашм ҷалб гардида, дар ободу тоза намудани минтақаҳои ҳудуди муассисаҳои хеш саҳми худро гузошта, партовҳоро дар мавзеъи муайянгардида ҷамъ намуданд. Бояд қайд намуд, ки мутаассифона солҳои охир таъсири инсон ба вайронкунии муҳити зист эҳсос мешавад. Бераҳмона муносибат кардани шаҳрвандон ба муҳити зист ва фаъолияти худ ба мушоҳида мерасад. Риоя нашудани талаботи қонунгузории мақомоти ҳифзи муҳити зист боиси он мегардад, ки атроф ҳолати ҳузнангезро фаро гирад ва омили пайдошавии ҳар гуна бемориҳо шавад.

14 Октябрь 2019

Баланд бардоштани маърифати экологӣ ва татбиыи Конвенсияи Орхус дар вилояти Суғд

Подробности статьи: Автор; Категория Навидҳо

Тибқи нақшаи пешбинигардида, бо мақсади амалӣ намудани бандҳои нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» ва баланд бардоштани тарбия ва маърифати экологӣ санаи 11.10.2019 дар толори меҳмонхонаи «Khujand Delux»-и шаҳри Хуҷанд семинар - тренинги якрузаи минтақавӣ дар мавзўи «Татбиқи Конвенсияи Орхус ва Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» барои коргарони сохторҳои МИҲД шаҳру ноҳияҳои Хуҷанд, Истиқлол, Гулистон, Бустон, Б.Ғафуров, Ҷ.Расулов, Мастчоҳ, Спитамен, Ашт ва ҳамчунин намояндагони ВАО багузор гардид. Семинари мазкур якҷоя бо Ташкилоти ҷамъиятии «Гурӯҳи ҷавонон оид ба ҳифзи муҳити атроф»/ Маркази Орхус дар шаҳри Хуҷанд ва бо дастгирии Дафтари барномаҳои САҲА дар шаҳри Душанбе гузаронида шуд.

Иштирок дар маъракаи «Ҳосил - 2019»

Подробности статьи: Автор; Категория Навидҳо

Санаи 13.10.2019, рўзи истироҳат, кормандони мақомоти ҳифзи муҳити зисти вилояти Суғд бо мақсади иштирок дар маъракаи чиниши пахта ва гузоштани саҳми худ ба хирмани диёр ба ноҳияи Ҷ.Расулов сафарбар шудаанд. Дар баробари кормандони раёсат дар ҷамъоварии ҳосили пахта кормандони шуъбаи ҳифзи муҳити зисти шаҳри Хуҷанд, бахшҳои шаҳри Бўстон ва ноҳияи Ҷ.Расулов иштирок намуданд. Дар майдони пахтазори хоҷагии деҳқонии «Қатаған»-и деҳаи саричашмаи ҷамоати деҳоти Деҳмойи ноҳия дар як рўз, аз ҷониби 25 нафар кормандони мақомоти ҳифзи муҳити зист зиёда аз 650 кг пахта ҷамъоварӣ гардида, ба хирмани ҳоҷагии мазкур супорида шуд.

«1300 рўзи меҳнати зарбдор дар шаҳри Панҷакент»

Подробности статьи: Автор; Категория Навидҳо

Дар шаҳри Панҷакент, санаи 12.10.2019 бахшида ба эълон гардидани 1300 рўзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон корҳои ободонӣ ва аксияи «Тозагии соҳил» гузаронида шуд. Дар маҷмуъ беш аз 700 нафар омўзгорон ва донишҷўёни Донишкадаи омўзгории шаҳри Панҷакент, Коллеҷи тиббӣ ва омўзгорӣ, Коллеҷи касбӣ – техникӣ ва аҳолӣ иштирок намуданд. Дар рафти аксияи «Тозагии соҳил» ду тарафи се сой - «Мисрак»,«Кўктош» ва «Чинор», ҳамагӣ 6,7 км соҳил аз партов тоза гардид. Ҳамзамон, 2 км ҷўйбори ду тарафи кўчае, ки бахши ҳифзи муҳити зисти шаҳри Панҷакент ҷойгир мебошад, тоза гардида, 840 метри мураббаъ қисми кўчаи назди бахш мумфарш карда шуд.

Табрики рўзномаи вилоятӣ

Подробности статьи: Автор; Категория Навидҳо

Дар соли равон рўзномаи мақомоти иҷроияи ҳокимияти давлатии вилояти Суғд «Согдийская правда» ҷашни 85-солагиро қайд менамояд. Дар давоми 20 соли охир ҳамкории байни мақомоти ҳифзи муҳити зисти вилоят ва рўзномаи мазкур зич роҳандозӣ гардида, барои иттилоотонидани мардуми вилоят ва баланд бардоштани маърифати экологии шаҳрвандон саҳми арзанда дорад. Ҳангоми ҳамкории судманд дар ин давра якҷоя бо редаксияи рўзнома ва дигар ташкилоти ғайридавлатӣ озмунҳо байни хонандагони муассисаҳои таълимӣ, озмунҳои экожурналистика, аксияҳои гуногун ва дигар чорабиниҳои экологӣ баргузор гардида буд. Дар айни замон низ маводҳои экологӣ ва мақолаҳои ҷиҳати баланд бардоштани донишу тарбия ва маърифати экологии аҳолӣ ба чоп расонида мешаванд.

Намоиши «Тирамоҳи заррин» дар ноҳияи Зафаробод

Подробности статьи: Автор; Категория Навидҳо

Санаи 11 октябри соли 2019 аз тарафи бахши ҳифзи муҳити зист ва шуъбаи маорифи ноҳияи Зафаробод дар МТМУ-22 ноҳиябо муассисаҳои таҳсилоти миёнаи умумӣ ва гимназияҳо намоиши «Тирамоҳи заррин»баргузор гардид. Дар намоиши мазкур зиёда аз 14 адад муассисаҳои таълимӣ ва беш аз 160 хонандагон иштирок намуданд. Дар чорабинӣ аз ҷониби хонандагони мактабҳо баромад дар мавзўъҳои гуногуни экологӣ ба амал омада, ҳамзамон саҳначаҳо доир ба ҳифзи муҳити зист намоиш дода шуд. Дар рафти намоиш бахшида ба соҳаи ҳифзи табиат саволу ҷавоб ва баҳри болида гардонидани иштирокчиён барномаи консертӣ пешкаши онҳо гардид.