Октябрь 2019

11 Октябрь 2019

Вохўрӣ бо маорифчиёни шаҳри Исфара

Подробности статьи: Автор; Категория Навидҳо

Тибқи нақшаи пешбинигардида, бо мақсади амалӣ намудани бандҳои нақшаи чорабиниҳои "Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020" ва баланд бардоштани тарбия ва маърифати экологӣ дар толори Филиали Донишгоҳи технологии Тоҷикистон дар шаҳри Исфара вохўрии намояндаи Раёсати ҳифзи муҳити зисти вилояти Суғд бо намояндагони соҳаи маориф, бахусус омўзгорони фанни экология ва биологияи муассисаҳои таълимии таҳсилоти миёнаи умумии шаҳр, инчунин донишҷўёни Донишгоҳи мазкур баргузор гардид. Дар он намояндагони раёсати маорифи шаҳр ва бахши ҳифзи муҳити зисти шаҳри Исфара иштирок доштанд. Дар рафти вохўрӣ маълумот оид ба Барнома ва соҳаи ҳифзи муҳити зист, ифлосшавии ҳавои атмосфера, мавқеи тарбия ва маърифати экологии аҳолӣ, наврасону ҷавонон ва дигар масъалаҳои вобаста ба муаммоҳои экологӣ пешкаши иштирокчиён гардид.

Санҷиши рафти иҷрои Барнома ва корҳои фаҳмонидадиҳӣ дар шаҳри Исфара

Подробности статьи: Автор; Категория Навидҳо

Дар асоси нақшаи корӣ барои нимсолаи дуюми соли равон санаи 9.10.2019 рафти иҷрои амри Раиси вилоят аз 14.12.2015, №228 «Дар бораи таъсис додани Комиссияи байниидоравии вилоятӣ оид ба маърифати экологӣ», аз он ҷумла фаъолияти комиссияи маҳаллии мақомоти иҷроияи ҳокимияти давлатии шаҳри Исфара мавриди санҷиш қарор дода шуд. Ҳамзамон, рафти иҷрои қарори Ҳукумати Ҷумҳурии Точикистон аз 2.04.2015, №178 ва Раиси вилоят аз 25.05.2015, №263 оид ба татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» дар сохторҳои МИҲД шаҳр, ки ба иҷрои бандҳои нақшаи чорабиниҳо вобаста гардидаанд, дар ҳузури роҳбарон ё шахсони муттасадӣ санҷида шуд. Бояд қайд намуд, ки корбарӣ дар сохторҳои иҷрокунандагони нақшаи чорабиниҳои барнома, ҳамчунин фаъолияти комиссияи байниидоравии маҳаллӣ ба роҳ монда шуда бошад ҳам, дар баъзе самтҳо, бахусус мазмун ва сифати маълумоти ҷамоати шаҳраку деҳот камбудиҳо ҷой доранд.

08 Октябрь 2019

Ҳодисаи ғайриқонунӣ

Подробности статьи: Автор; Категория Навидҳо

Нозирони давлатии шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд ҳангоми гузаронидани амалиёти фаврӣ дар минтақаи Палоси ноҳияи Б.Ғафуров, соҳили дарёи Сир ҳодисаи даравидани ғайриконунии камишро аз тарафи шаҳрвандон, сокинони ноҳияи Спитамен - Раҳимовҳо Зафар ва Зариф, ошкор намуда, нисбати онхо протоколхои ҳуқуқвайронкунии маъмурӣ тартиб доданд. Протоколҳои тартибдода, барои баррасӣ ва чораҷўӣ ба шуъбаи ҳифзи муҳити зисти ноҳияи Б.Ғафуров ирсол карда шуд.

Назорати сайди саноатии моҳӣ

Подробности статьи: Автор; Категория Навидҳо

Шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд сайди саноатии моҳиро аз тарафи хоҷагиҳои моҳидор ҶСК «Моҳипарвари Гулистон» ва ҶСК «Моҳии Тоҷик» зери назорати давлатӣ карор дода, мунтазам аз тарафи нозирони шуъба амалиётҳои фаврӣ гузаронида мешавад. Ҳангоми баргузории амалиёт сайди моҳӣ дар ин коргоҳҳо аз назар гузаронида шуда, санадҳои сайди саноатии моҳӣ тартиб дода мешавад. Ҳамин тавр, санаҳои 5 - 6 октябри соли ҷорӣ аз тарафи нозирони шуъбаи раёсат чунин амалиёт баргузор гардида, сайди саноатии моҳии ин ду ҷамъияти мазкур санҷида шуд. Дарнатиҷа 7 адад санади сайди саноати имоҳӣ ва 3 адад протоколи ҳуқуқвайронкунии маъмурӣ тартиби худро ёфт.

Амалиёти фаврӣ дар ноҳияи Спитамен

Подробности статьи: Автор; Категория Навидҳо

Дар давоми соли равон ҳодисаҳои ғайриқонунӣ гирифтан ва кашонидани қуму шағал дар баъзе ноҳияҳои вилоят ба назар расида, аз тарафи нозирони мақомоти ҳифзи муҳити зисти вилояти Суғд дар рўзҳои истироҳат амалиётҳои фаврӣ баргузор мегардад. Санаи 6.10.2019 дар ноҳияи Спитамен амалиёти фаврӣ оид ба кашонидани ғайриқонунии канданиҳои фоиданоки маъмули умум аз ҷониби кормандони раёсат ва бахши ҳифзи муҳити зисти ноҳия гузаронида шуд.

Дар рафти амалиёт дар ҷамоати деҳоти Тағояк истиқоматкунандаи ҷамоати деҳоти Гулхонаи ноҳияи Ҷ.Расулов Вайдуллоев Х. ҳангоми бе иҷозати мақомоти дахлдор аз Сойи Оқ-суи ноҳияи Спитамен кашонидани қуми табиӣ боздошт гардид. Дар натиҷа, дар асоси моддаи 238 Кодекси ҳуқуқвайронкунии маъмурӣ нисбати шахси мазкур протокол тартиб дода, барои андешидани чораҳои бо қонун пешбинигардида, маводҳо ба бахши ноҳияи Спитамен супорида шудааст.

04 Октябрь 2019

Натиҷаҳои фаъолият ҷамъбаст гардид

Подробности статьи: Автор; Категория Навидҳо

Санаи 3.10.2019 дар маркази бозомўзии раёсат дар шаҳри Гулистон бо иштироки мудири бахши кишоварзии мақомоти иҷроияи ҳокимияти давлатии вилоят С.Акбаров, и.в.сардори раёсат Б.Абдумаликзода, сардорони шуъбаҳо ва сармутахассисони раёсат, сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо ҷаласаи раёсат оид ба ҷамъбасти натиҷаҳои фаъолият дар нўҳмоҳи соли ҷорӣ баргузор гардид. Дар рафти ҷаласа як масъала баррасӣ гардид - натиҷаҳои фаъолияти мақомот дар давраи ҳисоботӣ ва вазифаҳои минбаъда то ҷамъбасти сол. Ҳангоми пурсиш аз зерсохторҳо таваҷҷўҳи бештар ба масъалаҳои рафти иҷрои "Барномаи давлатии экологии Ҷумҳурии Тоҷикистон барои солҳои 2009-2019", партовҳои бесоҳиб, қарзи ҳисаҷудокунии 20%-и зерсохторҳо ба кумита ва раёсат, аз он чумла ба бучет, низоми иҷозатдиҳӣ ба объектҳо, ҳолати мелиоративии замин, санҷишҳои нақшавӣ, истихроҷи ғайриқонунии шағал, назорати ҳифзи захираҳои моҳӣ, объектҳои экспертизашавандаи чашнӣ, барқарор намудани хати муҳофизатии ҷангал, иншоотҳои партов обтозакунӣ, назорати сабзиши ниҳолҳои шинонидашуда, буриши дарахтони бисёрсола, ҳолати партовгоҳҳо, масъалаҳои кадрӣ, баланд бардоштани маърифати экологӣ ва дигар вазифаҳое, ки бояд ичро мегардид, додашуд.

02 Октябрь 2019

Аксияи «Тозагии маҳал» дар ноҳияи Ашт

Подробности статьи: Автор; Категория Навидҳо

Дар доираи нақшаи чорабиниҳои «1300 рўзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон» ва баҳри ободу тоза нигоҳ доштани маҳалли зист, санаи 27.09.2019 дар ҷамоати шаҳраки Шайдони ноҳияи Ашт бахши ҳифзи муҳити зист аксияи «Тозагии маҳал» - ро баргузор намуд. Дар чорабинӣ беш аз 1,2 ҳазор нафар намояндагони ташкилоту муассиса ва ҳамчунин аҳолӣ иштирок карда, бо тоза намудани минтақа аз партовҳои маишӣ машғул шуданд. Дар натиҷа 3 тонн партовҳо ба партовгоҳи ноҳия бароварда шуд.

Ифтитоҳи расмии КШН «М&Р»

Подробности статьи: Автор; Категория Навидҳо

Санаи 28 сентябри соли 2019 бахшида ба 30-солагии Истиқлолияти давлатии Ҷумҳурии Точикистон дар шаҳраки Ғончии ноҳияи Деваштич ифтитоҳи расмии Клуби шохмотбозони навраси «Ману меҳр ва Рустам» («М&Р») баргузор гардид. Дар чорабинӣ раиси ноҳияи Деваштич Зиёзода С., раиси Ҳизби Аграрии Ҷумҳурии Тоҷикистон Латифзода Р., намояндагон аз МИҲД вилояти Суғд, Раёсати ҳифзи муҳити зисти вилоят иштирок ва суханронӣ намуданд.

Боиси қайд аст, ки Клуби шохмотбозони наврас аз ҷониби Мунъимҷон Абдусамадов ташкил ва кушода шудааст, ки ҳамзамон он кас сарвари Клуби мазкур мебошанд. Солҳои тўлонӣ, то ба нафақа рафтан Абдусамадов М. дар Кумитаи ҳифзи муҳити зисти назди Ҳукумати Ҷумҳурии Тоҷикистон дар вазифаи сардори шуъбаи назорати давлатии истифода ва ҳифзи захираҳои об фаъолият карда, ҳамчун олим саҳми босазо гузоштаанд.

Корҳои ободонӣ дар ноҳияи Деваштич

Подробности статьи: Автор; Категория Навидҳо

Дар ноҳияи Деваштич бахшида ба идҳои давлатии миллӣ ва дар доираи нақшаи чорабиниҳои «1300 рўзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон» як қатор корҳо ба анҷом расонида шуда истодааст.

Дар давоми ҳафтаҳои охири моҳи сентябр дар ҷамоати шаҳраку деҳоти Ғончӣ, Ғазантарак, Яхтан ва Муҷун ҳашару шанбегиҳо, аз он чумла аксияи «Тозагии маҳал» баргузор гардид, ки дар чорабиниҳои мазкур 950 нафар аҳолӣ фаъолона иштирок намуданд. Дар натиҷа ба ғайр аз тоза намудани минтақаҳо аз партов, ҳамчунин 1,2 км роҳҳо сафолакпўш ва 2,5 ҳазор метри мураббаъ корҳои кабудизоркунӣ ташкил ва иҷро карда шуд.