Тибқи нақшаи пешбинигардида, бо мақсади амалӣ намудани  бандҳои нақшаи чорабиниҳои "Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020" ва баланд бардоштани тарбия ва маърифати экологӣ санаи 17 июли соли равон дар толори маҷлисгоҳи шуъбаи маорифи ноҳия вохӯрӣ  гузаронида шуд. Дар он намояндаи Раёсати ҳифзи муҳити зисти вилояти Суғд Саидов Х., мудири бахши ҳифзи муҳити зисти ноҳияи Спитамен Гулов А., мудири шуъбаи маорифи ноҳияи Спитамен Мамадализода Б., омӯзгорони фанни экология, биология ва география  дар маҷмуъ  40 нафар  иштирок доштанд. Дар рафти вохӯрӣ оид ба роҳҳои амалисозии барномаи мазкур, Даҳсолаи байналмилалии амал "Об барои рушди устувор", солҳои 2018-2028, муаммоҳои дохилию ҷаҳонии оби тозаи нӯшокӣ, чораҷӯиҳо тибқи Кодекси ҳуқуқвайронкунии маъмурӣ ҳангоми вайронкунии талаботи қонунҳои соҳавӣ, дар бораи пешниҳоди раёсат тибқи таклифи омузгорони ноҳия  оид ба зиёд намудани соати дарсии фанни экология ва дигар масъалаҳои вобаста ба баланд бардоштани донишу маърифати экологӣ суханронӣ карда шуд.

Дар доираи нақшаичорабиниҳои татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», бахшида ба эълон гардидани солҳои 2019 – 2021 «Соли рушди деҳот, сайёҳӣ ва ҳунарҳои мардумӣ»

Дар истироҳатгоҳи тобистонаи бачагонаи “Вохӯрӣ”-и н.Б.Ғафуровкормандони шӯъбаи ҳифзи муҳити зисти н.Б.Ғафуров бо истироҳаткунандагон – наврасон ва мураббиёни онҳо, ки ҳамаги зиёда аз 100 нафарро ташкил доданд,  вохӯрӣ ташкил намуданд.

    Кормандони шӯъбаи ҳифзи муҳити зисти ноҳияи Б.Ғафуров ба   наврасон дар бораи нигоҳдорӣ ва истифодаи оқилонаи захираҳои табиӣ, баланд бардоштани маърифати экологӣ, иштироки наврасон дар чорабиниҳои экологӣ ва дигар масъалаҳои вобаста ба ҳифзи муҳити зист сухан  намуданд.  

Баҳри баланд бардоштани маърифат ва донишҳоиэкологии наврасон,дар қалби онҳо ташаккул додани муносибати эҳтиёткорона ва ғамхорона нисбат ба табиат, дар доираи нақшаичорабиниҳои татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» дирӯз дар истироҳатгоҳи тобистонаи бачагонаи “Эделвейс”-и н.Шаҳристон корманди бахши ҳифзи муҳити зисти н.Шаҳристон бо истироҳаткунандагон – наврасон ва мураббиёни онҳо вохӯрӣ ташкил намуд.

Ба наврасони истироҳатгоҳ, ки аксарият хонандагони муассисаҳои таълимии ноҳия ва берун аз он мебошанд, оиди ҳифз ва тозаву обод нигоҳ доштани муҳити зист, гузоштани саҳми арзанда дар беҳтар намудани ҳолати экологии минтақа, махсусан дар ноҳияи Шаҳристон, ки яке аз минтақаҳои туристӣ маҳсуб меёбад, корҳои фаҳмондадиҳӣ гузаронида шуд.

Раёсати ҳифзи муҳити зисти вилояти Суғд баҳри иҷроиши нақшаи кории ситоди идоравии амалиёти «Кўкнор - 2019» якҷоя бо мақомотҳои ҳифзи ҳуқуқ, муассисаи давлатии хоҷагии ҷангал, воситаҳои ахбори умум ва ташкилотҳои ҷамъиятии вилоят як қатор корҳоро ба анҷом расонид.

Тибқи супориши роҳбари Дастгоҳи иҷроияи Президенти Ҷумҳурии Тоҷикистон аз 17 майи соли 2019, №6172(31-6) ва фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 13 июни 2019, №51 бо фармоиши сардори Раёсати ҳифзи муҳити зисти вилояти Суғд аз 24 июни 2019, №57 «Дар бораи амалиёти «Кўкнор-2019» ситоди идоравӣ ташкил карда шуда, нақшаи кори ситоди идоравӣ тасдиқ карда шудааст.

Бо мақсади ҳифз ва нигаҳдории захираҳои моҳиҳои обанборҳои вилоят, фароҳам овардани шароит ба рафти афзоиши табиии моҳиҳо ва роҳ надодан ба қонуншиканиҳо дар давраи тухмгузории моҳиҳо, аз 1 апрел то 15 июни соли ҷорӣ сайди моҳӣ дар ҳавзаи дарёи Сир, обанборҳо, дарёҳо, сойҳо ва кӯлҳои дар ҳудуди вилояти Суғд воқеъ буда аз тарафи шахсони ҳуқуқию воқеъӣ, новобаста аз шакли моликияту тартиби идоракунии онҳо  манъ гардида буд.

Аз тарафи гуруҳҳои фаврӣ дар тамоми ҳудуди обанборҳои ҳавзаи Сирдарё аз қисми болооби обанбори “Баҳри Тоҷик” то НБО -и Фарҳод, вокзалҳои автомобилгарду роҳи оҳан, бозорҳо, нуқтаҳои пухту пази маҳсулоти моҳигии шаҳру ноҳияҳои Хуҷанд, Гулистон, Бустон, Ашт, Конибодом, Б.Ғафуров, Ҷ.Расулов, Спитамен, Исфара зери назорат гирифта шуд. Аз тарафи нозирони Раёсат ва шуъбаю бахшҳои ҳифзи муҳити зисти шаҳру ноҳияҳо 104 адад амрнома дода шуда, 139 маротиба амалиётҳои фаврӣ гузаронида шуд. Дар натиҷаи гузаронидани амалиётҳои фаврӣ 80 санадҳои азназаргузаронӣ, нисбати қонунвайронкуниҳои ошкоршуда 38 адад протоколҳои ҳуқуқвайронкунии маъмурӣ, инчунин 7 адад маводҳо тартиб дода шуда ба мақомоти прокуратура ва суд дар маҳал супорида шудааст.