June 2021
11 June 2021
Таҷрибаи истеҳсолӣ дар шуъбаи назорати таҳлилии Раёсати ҳифзи муҳити зисти вилояти Суғд
- Подробности статьи
- Автор
- Категория News
Дар шуъбаи назорати таҳлили Раёсати ҳифзи муҳити зисти вилоят омӯзгорон ва донишҷӯёни факултети биология ва химияи МДТ «Донишгоҳи давлатии Хуҷанд ба номи академик Б.Ғафуров» бо мақсади гузаронидани таҷрибаи истеҳсолӣ аз фаъолияти ташхисгоҳ шиносоӣ пайдо намуданд. Кормандони шуъба ба донишҷӯён дар самтҳои ченкунии ихроҷи моддаҳои зараровар ба ҳавои атмосфера аз манбаҳои доимӣ, ченкунии гамма - афканишот ва радионуклидҳои табиӣ, ташхиси физико - кимиёвии партовобҳо, обҳои рӯизаминӣ ва зеризаминӣ, ташхиси намунаҳои хоки хоҷагиҳои кишоварзӣ, гузаронидани мониторинги дарёи Сир ва ноҳияҳои наздисарҳадӣ маълумоти муфассал доданд. Ҳамчунин ба донишҷӯён бо мақсади мустаҳкам намудани маълумоту донишҳои гирифта, қоидаҳо ва роҳҳои гирифтани намуна, нигоҳдории онҳо, ташхиси намунахои об ва хок нишон дода шуд.
09 June 2021
Ҷамъбасти озмуни «Сабз бодо кишварам» дар шаҳру ноҳияҳои вилояти Суғд
- Подробности статьи
- Автор
- Категория News
Бахшида ба Рӯзи умумиҷаҳонии муҳити зист ва ба истиқболи 30- солагии Истиқлолияти давлатии Ҷумҳурии Тоҷикистон дар шаҳру ноҳияҳои вилояти Суғд озмуни «Сабз бодо кишварам» бо иштироки кормандони бахшҳои ҳифзи муҳити зист ва шуъбаи маориф ҷамъбаст гардид. Озмуни «Сабз бодо кишварам» дар асоси фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон гузаронида шуда, ба 30 солагии Истиқлолияти давлатии Ҷумҳурии Тоҷикистон ва ташвиқи моҳияти Даҳсолаи байналмилалии амал «Об барои рушди устувор» роҳандозӣ гардидааст. Дар озмун хонандагони муассисаҳои таълимии миёнаи умумии шаҳру ноҳияҳо аз рӯи 6 номинатсия: «Расми беҳтарин», «Шеъри беҳтарин», «Сурати беҳтарин», «Ҳикояи беҳтарин», «Видеоролики беҳтарин», «Кори меъмории беҳтарин» маводҳои худро пешниҳод намуданд. Барои гирифтани ҷойҳои намоён 120 нафар хонандагони муассисаҳои таълимии миёнаи умумии шаҳру ноҳияҳои Хуҷанд, Бӯстон, Истиқлол, Деваштич, Конибодом, Ҷ.Расулов, Спитамен, Масчоҳ ва Зафаробод бо ифтихорнома ва тӯҳфаҳо қадрдонӣ карда шуданд.
07 June 2021
Таҷлили Рӯзи байналмиллалии муҳити зист дар вилояти Суғд
- Подробности статьи
- Автор
- Категория News
Бахшида ба Рӯзи байналмилалии муҳити зист санаи 4 июн дар назди театри мазҳакаи мусиқавии ба номи Камоли Хуҷандӣ бо иштироки ҳунармандони шинохтаи эстрадаи тоҷик консерти идона баргузор гардид. Дар қисми расмӣ бо суханони табрикӣ Раиси вилояти Суғд Раҷаббой Аҳмадзода баромад намуда, як қатор кормандони соҳа барои хизмати содиқона ва нишондиҳандаҳои хуби меҳнатӣ дар татбиқи сиёсати экологӣ бо ифтихорномаҳову сипосномаҳо, барои ҳамкорӣ ва гузоштани саҳми арзанда дар беҳдошти муҳити зист намояндагони корхонаҳои калони саноатии вилоят қадрдонӣ карда шуданд. Барои дӯстдорони табиат хаймаҳои олами наботот, ҳайвонот ва гулҳои ороишӣ, хаймаи рассомони ҷавон, ки дар эҷодиёташон табиати кишварамон инъикос гардида буд, ба намоиш гузошта шуд. Барои гирифтани ҷойҳои намоён иштирокчиёни озмун бо диплом ва тӯҳфаҳои Раиси вилоят қадрдонӣ карда шуданд.
03 June 2021
Рӯзи байналмилалии муҳити зист
- Подробности статьи
- Автор
- Категория News
Б
ахшида ба Рӯзи байналмилалии муҳити зист санаи 3 июн дар Раёсати ҳифзи муҳити зисти вилояти Суғд маросими қадрдонии кормандони Раёсат, намояндагони воситаҳои ахбори омма, ташкилоти ҷамъиятӣ, соҳаи маориф баргузор гардид. Бо суханони табрикӣ сардори Раёсати ҳифзи муҳити зисти вилоят Ҳакимзода Абдуаҳад Қурбон иштирокчиёнро бо Рӯзи байналмилалии муҳити зист муборакбод намуда, қайд намуд, ки ин рўзҳо барои ҳамаи кормандон, мутахассисон ва алоқамандони соҳаи ҳифзи муҳити зист, дўстдорони табиат, умуман нафароне, ки дар соҳаи ҳифз ва беҳдошти муҳити зист заҳмат мекашанд, рўзи фаромӯшнашаванда ва хурсандибахш аст. Зеро Рўзи байналмилалии муҳити зист яке аз санаҳои басо муҳим барои аҳли сайёра ҳисобида мешавад ва ҳамасола дар кишварҳои гуногуни ҷаҳон, дар маҷмўъ зиёда аз 130 давлат санаи 5–уми июнро ботантана қайд менамоянд.
Баргузории аксия бахшида ба Рўзи байналмилалии муҳити зист
- Подробности статьи
- Автор
- Категория News
Б
ахшида ба Рўзи байналмилалии муҳити зист дар назди марказҳои савдои – «Амид» ва «Оазис»-и шаҳри Хуҷанд аксияи ташвиқотӣ оид ба иваз намудани халтаҳои полиэтиленӣ ба халтаҳои қоғазӣ ва латагӣ баргузор гардид. Мақсади асосии баргузории аксия ин баланд бардоштани иттилоотнокӣ ва маърифати экологии шаҳрвандон баҳри беҳдошти муҳити зист ва пешгирии истифодаи халтаҳои полиэтиленӣ, ивази онҳо ба қоғазӣ, ки зарар ба муҳити зист надоранд. Аксияи «Мубориза бар зидди партовҳои пластикӣ» аз тарафи Раёсати ҳифзи муҳити зисти вилояти Суғд дар ҳамкорӣ бо Ташкилоти ҷамъиятии «Сафӣ», ки дар доираи Лоиҳаи истеҳсол ва паҳни халтаҳои қоғазии табиии аз ҷиҳати экологӣ безарар, ҷалби табақаи осебпазир, аз ҷумла занон дар раванди истеҳсолот ва фароҳам овардани ҷойи корӣ корбарӣ менамояд, инчунин Ташкилоти ҷамъиятии «Гурўҳи ҷавонон оид ба ҳифзи муҳити атроф»/Маркази Орхус дар шаҳри Хуҷанд амалӣ гардид.
Табрикоти сардори Раёсати ҳифзи муҳити зисти вилояти Суғд Ҳакимзода Абдуаҳад Қурбон ба муносибати санаи 5 июн – Рўзи байналмилалии муҳити зист
- Подробности статьи
- Автор
- Категория News
Муҳтарам ҳамкасбон, дўстони азиз!
Кормандони соҳаи ҳифзи муҳити зист ва муҳофизону дӯстдорони табиат ҳар сол дар санаи 5 июн иди касбии худро қайд менамоянд. Рўзи байналмилалии муҳити зист яке аз санаҳои басо муҳим барои аҳли сайёра ҳисобида мешавад, зеро ҳамасола дар кишварҳои гуногун чорабиниҳои расмӣ доир мегарданд, ки ин ба ҷалби тамоми аҳли ҷомеа ба муаммоҳои мубрами экологии кишварҳо кӯмак ва саҳмгузорӣ менамояд. Таъмини амнияти экологии ҷомеа аз мубрамтарин масъалаҳои умумибашарӣ ба ҳисоб рафта, имконияти хубест, барои бори дигар ҷалб намудани таваҷҷўҳи оммаи васеъ ба масоили экологӣ мебошад. Бо дастгирии Кумитаи ҳифзи муҳити зисти назди Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилояти Суғд соҳаи ҳифзи муҳити зист рушду нумў ёфта, дар вусъати бунёдкорӣ, дар амал татбиқ кардани ҳадафҳои созандаи Сарвари давлат, дастгирии иқдомҳои шоистаи шаҳрвандони кишвар ва омодагӣ ба ҷашнҳои давлатии миллӣ саҳми арзанда дорад.
01 June 2021
Иштироки сардори Раёсати ҳифзи муҳити зисти вилоят дар фестивали гулҳо дар шаҳри Намангон
- Подробности статьи
- Автор
- Категория News
Ҳафтаи гузашта дар шаҳри Намангони Ҷумҳурии Узбекистон 60-умин Ҷашнвораи гул баргузор гардид. Дар ин ҷашнвора ба ғайр аз намояндагони Ҷумҳурии Тоҷикистон, намояндагон аз давлатҳои Кореяи ҷанубӣ, Россия, Туркия, Нидерланд ва аз кишварҳои ҳамсоя Кирғизистон, Тоҷикистон, Қазоқистон ва Туркманистон низ даъват шуда буданд. Дар ин чорабинии фарҳангӣ беш аз 450 нафар соҳибкорон – гулпарварон иштирок намуданд. Боиси қайд аст,ки фестивали гулҳо аз соли 1961 гузаронида шуда, имсол 60-умин солгарди он қайд гардид. Дар таърихи ин фестивал имсол якумин бор қариб 10 миллион кӯчати гулҳо шинонида шуд. Чорабинӣ аз паради мошини гулҳо оғоз ёфта, беш аз 150 адад нақлиётҳои гуногун, аз ҷумла комбайнҳо, тракторҳо, автокранҳо, инчунин техникаи ҳарбӣ, ки бо гулҳои гуногун оро дода шуда буданд, дар кӯчаҳои марказии шаҳри Намангон ҳаракат намуданд. Маросими расмии ифтитоҳи ҷашн дар боғи истироҳат ва фароғати ба номи Захириддин Муҳаммад Бобурӣ оғоз гардида, дар доираи нақшаи чорабиниҳо намоишгоҳҳо, намоишҳои мӯд, ярмаркаҳои ҳунарҳои мардумӣ ва консерти идона дар боғи “Водии афсона” доир гардид.