March 2023
20 March 2023
Корҳои безараргардонӣ ва рӯйпушкунии партовгоҳи шаҳри Исфара
- Подробности статьи
- Автор
- Категория News
Б
о мақсади беҳбудӣ бахшидан ба ҳолати экологӣ , пешгирии таъсири партовгоҳ ба муҳити зист ва татбиқи нақша чорабиниҳои Барномаи давлатии экологӣ барои солҳои 2023-2028, бо иқдоми мақомоти ҳифзи муҳити зист ва маблағгузории мақомоти иҷроияи ҳокимияти маҳаллӣ дар шаҳри Исфара корҳои безараргардонӣ ва руйпӯшкунии партовгоҳ ба масоҳати 10 га оғоз гардид. Тибқи маълумоти бахши ҳифзи муҳити зист дар шаҳри Исфара партовгоҳи партовҳои сахти машишии КДФ «ХМК»-и шаҳр дар 18 км аз тарафи ғарбии шаҳр дар минтақаи Мохпарии шахри Исфара воқеъ буда, масоҳаташ 32 га-ро ташкил медиҳад.
Насби лавҳаи экологӣ дар шаҳри Исфара
- Подробности статьи
- Автор
- Категория News
А
з тарафи шуъбаҳо ва бахшҳои ҳифзи муҳити зист дар шаҳру ноҳияҳои вилояти Суғд насби лавҳаҳои иттилоотӣ идома дорад. Чунин лавҳаи иттилоотии экологӣ дар кӯчаи марказии шаҳри Исфара насб карда шуд, ки мавзӯи асосӣ - ин аз ҷониби СММ эълон гардидани соли 2025 ҳамчун «Соли байналмилалии ҳифзи пирьяхҳо» мебошад.Солҳои охир насби чунин овезаҳои экологӣ ба ҳукми анъана даромада, боиси баланд бардоштани маърифати экологии аҳолӣ мегардад.
Насби лавҳаи экологӣ дар шаҳри Истаравшан
- Подробности статьи
- Автор
- Категория News
Б
о мақсади баланд бардоштани маърифатнокии экологии аҳолӣ, ташвиқу тарғиби 5-умин ташаббуси Ҷумҳурии Тоҷикистон, эълон гардидани соли 2025 ҳамчун «Соли байналмилалии ҳифзи пирьяхҳо» аз ҷониби бахши ҳифзи муҳити зисти шаҳри Истаравшан лавҳаҳои иттилоотӣ насб карда шуд. Лавҳаҳо дар хиёбони марказии Истиқлол ва назди бинои бахши ҳифзи муҳити зист, воқеъ дар кӯчаи Исмоили Сомонӣ насб гардид.
Насби лавҳаҳои иттилоотӣ дар шаҳри Гулистон
- Подробности статьи
- Автор
- Категория News
Б
о мақсади баланд бардоштани маърифати экологии аҳолӣ, эълон гардидани соли 2025 «Соли байналмилалии ҳифзи пирьяхҳо», аз тарафи бахши ҳифзи муҳити зист дар миқёси шаҳри Гулистон лавҳаҳои иттилоотӣ насб карда шуд. Лавҳаҳо дар кучаҳои марказии Истиқлол ва Суғдиён, инчунин дар назди бинои маъмурии бахши ҳифзи муҳити зист дар шаҳри Гулистон насб гардид.
14 March 2023
Чорабиниҳои пешгирии амалҳои характери коррупсионӣ дошта дар фаъолияти кормандони мақомоти хифзи муҳити зист дар вилояти Суғд
- Подробности статьи
- Автор
- Категория News
Т
ибқи барқияномаи Кумитаи ҳифзи муҳити зисти назди Ҳукумати Ҷумҳурии Тоҷикистон вобаста ба мактуби Агентии назорати давлатии молиявӣ ва мубориза бо коррупсияи Ҷумҳурии Тоҷикистон оид ба гузаронидани сўҳбату вохӯриҳо дар самти муқовимат ба коррупсия бо иштироки доираи васеи кормандон дар семоҳаи аввал, санаи 10 марти соли ҷорӣ дар толори сарраёсат вохӯрии сардори шуъбаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд Каримӣ Ҳамза Ҳакимзода бо кормандони сарраёсат ва зерсохторҳо дар шаҳру ноҳияҳои Хуҷанд, Гулистон, Бўстон, Б.Ғафуров ва Ҷ.Расулов доир гардид. Дар рафти вохӯрӣ аз ҷониби намоянда Каримӣ Ҳ.Ҳ. дар бораи мафҳуми Барномаҳои давлатии зидди коррупсионӣ фаҳмонида дода шуд. Аз он ҷумла, дар бораи таъмини иҷрои талаботи бандҳои нақшаи чорабиниҳои «Стратегияи давлатии муқовимат бо коррупсияи Ҷумҳурии Тоҷикистон барои давраи то соли 2030», марҳилаи якум то соли 2025 ва дуюм солҳои 2026 - 2030, самтҳои асосӣ ва амалисозии нақшаи чорабиниҳои стратегия, пешгирии амалҳои характери коррупсионидошта дар фаъолияти хизматчиёни давлатӣ, таъсири он ба раванди рушди иҷтимоию иқтисодӣ, имтиёзҳо барои мутахассисони ҷавон, баланд бардоштани сатҳи маърифати зиддикорупсионии аҳолӣ сухан намуда, қайд карда шуд, ки хизматчиёни давлатӣ бояд дар чорчӯбаи қонунгузорӣ фаъолият намуда, таъмини иҷрои стратегияи мазкур тибқи талаботи қонунҳои амалкунанда бояд ҷиддӣ ба роҳ монда шавад. Дар интиҳои вохӯрӣ кормандони сарраёсат оид ба масъалаҳои гуногуни вобаста ба масъалаи баррасишаванда саволҳо дода, ҷавобҳои мушаххас гирифтанд.
09 March 2023
Табрикоти бонувони Сарраёсати ҳифзи муҳити зист дар вилояти Суғд бахшида ба 8 март – Рўзи Модар
- Подробности статьи
- Автор
- Категория News
С
анаи 6 марти соли 2023 дар толори маҷлисгоҳи сарраёсат маҷлиси тантанавӣ бахшида ба 8 март – Рўзи Модар баргузор гардид. Сардори сарраёсат Ғуфронзода Азиз зимни суханони табрикотӣ қайд намуд, ки ин санаи муқаддас бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ба хотири эҳёи яке аз қадимтарин ҷашнвораҳои миллати мо ва гиромидошти занону модарон ба расмият даромада, рисолати ҷомеаро дар муносибат ба эҳтироми модарону хоҳарони арҷманд баланд бардошта, гувоҳи эътибору манзалати волои бонувон дар ҷомеаи соҳибистиқлоли Тоҷикистон гаштааст. Ба бонувони мақомоти ҳифзи муҳити зист, ки дар пешрафти соҳа фаъолият мебаранд, туҳфаҳои хотиравӣ супорида шуд.
Аёдати занон - собиқадорони соҳаи ҳифзи муҳити зист ба ифтихори 8 Март - Рӯзи Модар
- Подробности статьи
- Автор
- Категория News
Т
ибқи дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аёдати собиқадорони соҳа дар арафаи ҷашну идҳои миллӣ аз ҷониби мақомоти ҳифзи муҳити зисти вилояти Суғд ба ҳукми анъана даромадааст. Бахшида ба Рӯзи Модар – 8 март сардори Сарраёсати ҳифзи муҳити зист дар вилояти Суғд Ғуфронзода Азиз собиқадорони соҳа Ҳакимхӯҷаева Фарида ва Нурматова Муҳаббатро, ки солҳои тӯлонӣ дар соҳаи ҳифзи муҳити зист фаъолият бурдаанд, аёдат намуда ,ба онҳо кӯмаки моддию молиявӣ расонида шуд. Чунин иқдомҳои наҷиб аз ҷониби мақомоти ҳифзи муҳити зист мунтазам роҳандозӣ мегардад.
06 March 2023
Табрикоти сардори Сарраёсати ҳифзи муҳити зист дар вилояти Суғд Ғуфронзода Азиз Ғуфрон ба муносибати 8 Март – Рўзи Модар
- Подробности статьи
- Автор
- Категория News
С
арраёсати ҳифзи муҳити зист дар вилояти Суғд бо самимияти афзун модарону бонувонро ба ифтихори ҷашни фархундаи 8 март - Рўзи Модар табрику таҳният мегўяд. Дар оғози фасли зебои баҳор ва арафаи соли нави аҷдодӣ мардуми шарафманди мо Рўзи Модарро, ҳамчун яке аз арзишмандтарин идҳои умумихалқӣ ҷашн мегиранд. Бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин санаи муқаддас ба хотири эҳёи яке аз қадимтарин ҷашнвораҳои миллати мо ва гиромидошти занону модарон ба расмият даромада, рисолати ҷомеаро дар муносибат ба эҳтироми модарону хоҳарони арҷманд баланд бардошта, гувоҳи эътибору манзалати волои бонувон дар ҷомеаи соҳибистиқлоли Тоҷикистон гаштааст. Бигзор модарону бонувони Тоҷикистони соҳибистиқлол доимо шарафманду соҳибиқбол бошанд. Бо чунин муҳаббату дилбастагӣ ба Шумо хушбахтиву хушрўзӣ, сиҳатмандию пирўзӣ ва дар фаъолияти ҳамешагии пурзаҳмат комёбиҳои бензир таманно дорем. Фархундаву поянда бод Рӯзи Модар!
Тадбирҳои кам намудани ихроҷи моддаҳои зараровар ба ҳавои атмосфера
- Подробности статьи
- Автор
- Категория News
Б
о мусоид омадани обу ҳаво ва тибқи нақшаи пешбинигардида дар шоҳроҳу кўчаҳои марказии шаҳру ноҳияҳои вилояти Суғд бо мақсади кам намудани ихроҷи моддаҳои зараровар ба ҳавои атмосфера гузаронидани амалиёти «Ҳавои тоза» оғоз карда шуд. Аз тарафи мутахассисони шуъбаҳои назоратии сарраёсат дар ҳамкорӣ бо кормандони шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд, дар роҳи нақлиётгарди маҳаллаи Ваҳдати шаҳри Хуҷанд амалиёти «Ҳавои тоза» доир гардид. Боиси қайд аст, ки дар интихоб намудани минтақаи мазкур аризаи шикоятии сокинони мавзеъи Сартӯқаи ҷамоати деҳоти Ёваи ноҳияи Б.Ғафуров сабаб гардида, дар рафти амалиёт асосан нақлиёти боркашон аз санҷиши аналитикӣ гузаронида шуд. Дар натиҷа, ченкунии ихроҷи моддаҳои ифлоскунанда ба ҳавои атмосфера ҳамагӣ аз 37 адад нақлиёт гузаронида шуда, барои аз меъёри стандарти давлатӣ барзиёд будани партовҳо нисбати 5 нафар ронанда бо дастрасии моддаи 230-и Кодекси ҳуқуқвайронкунии маъмурӣ протоколҳо тартиб дода шуд.
02 March 2023
Амалҳои баланд бардоштани дониши экологӣ
- Подробности статьи
- Автор
- Категория News
Б
о ташаббуси Сарраёсати ҳифзи муҳити зист дар вилдояти Суғд дар толори Маркази таҳсилоти иловагии вилоят бо муовинон ва масъулини равияи «Табиатдўстон»-и муассисаҳои таҳсилоти иловагии шаҳру ноҳияҳои Хуҷанд, Истиқлол, Гулистон, Бўстон, Истаравшан, Б.Ғафуров, Деваштич, Зафаробод, Шаҳристон, Ашт, Мастчоҳ, Ҷ.Расулов семинари омўзишӣ ташкил ва баргузор гардид. Семинари мазкур бо мақсади муфассал шинос намудани муовинону масъулини шуъбаҳои табиатшиносони ҷавон, экология ва ҳифзи муҳити зисти марказҳои таҳсилоти иловагии шаҳру ноҳияҳо бо «Барномаи давлатии маҷмўии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», дуруст таҳия намудани ҳисобот дар муҳлатҳои муайянгардида ва гузаронидани пурсиши сотсиологӣ байни кормандони марказҳои таҳсилоти иловагӣ. Ба ҳамаи иштирокдорон китобчаи барнома, ду нашри охирони рўзномаи соҳавии «Инсон ва табиат» ва саволномаи сотсиологӣ дастрас гардида, дар бораи усул ва воситаҳои гузаронидани тадқиқот оид ба муайян намудани сатҳи маърифати экологии аҳолӣ мушаххас фаҳмонида дода шуд. Дар баробари ин ба сарвари Маркази таҳсилоти иловагии вилоят ду ҷилд Китоби сурхи Ҷумҳурии Тоҷикистон тақдим гардид. Баргузории семинари омўзишии мазкур минбаъд, барои вусъат бахшидани раванди иҷрои бандҳои нақшаи чорабиниҳои Барномаи давлатӣ дар соҳаи маориф, ба тартиб овардани пешниҳоди ҳисоботу маълумот аз ҷиҳати муҳлат ва сифат, дар маҷмўъ ҳамкориҳои судманд дар болоравии маърифати экологӣ саҳми назаррас мегузорад.