February 2024

09 February 2024

Корҳои биотехникӣ дар шаҳри Панҷакент

Подробности статьи: Автор; Категория News

Дар асоси нақшаи корӣ бо иқдоми шуъбаи ҳифзи муҳити зист дар шаҳри Панҷакент бо мақсадибеталаф баровардани олами ҳайвоноти ваҳшӣ аз фасли зимистон дар якҷоягӣ бо кормандони Муассисаи давлатии хоҷагии ҷангал дар гардишгоҳи №5 мавзеъи Чиларчаи Муассисаи давлатии хоҷагии ҷангал корҳои биотехникӣ гузаронида шуд. Дар ин мавзеъ ба миқдори умумии резаи гандум - 100 кг, ҷав - 70 кг, кунҷора - 80 кг, сабус - 100 кг, банди алаф - 500 кг, намак - 150 кг,ҷуворимакка - 100 кг пошида шуд. Гузаронидани корҳои биотехникӣ дар ҳолати сард омадани ҳаво дар дигар мавзеъҳои баландкуҳи Панҷакент низ дар назар аст.

Аксияи «Тозагии маҳал ва роҳ» дар ноҳияи Ҷаббор Расулов

Подробности статьи: Автор; Категория News

Бо мақсади тозаву обод нигоҳ доштани муҳити зист, аз партов тоза намудани маҳалҳои аҳолинишин бо иқдоми бахши ҳифзи муҳити зист дар маҳаллаи «Дӯстии халқҳо»-и шаҳраки Меҳрободи ноҳияи Ҷаббор Расулов аксияи «Тозагии маҳал ва роҳ» ташкил ва гузаронида шуд. Дар аксия 80 нафар ҳашарчиён, аз он ҷумла хонандагони синфҳои болоии муассисаи таълимии миёнаи умумии №3 ноҳия фаъолона иштирок доштанд. Рафти аксия ҳудуди маҳалла ва қадди роҳҳо аз партовҳои гуногун тоза карда шуда, 3 метри мукааб партов бароварда шуд.

Вохӯрӣ бо донишҷӯён бахшида ба “Соли маърифати ҳуқуқӣ” эълон гардидани соли 2024

Подробности статьи: Автор; Категория News

28 декабри соли 2023 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар Паёми худ ба Маҷлиси Олӣ соли 2024 - ро “Соли маърифати ҳуқуқӣ” эълон намуданд. Соли маърифати ҳуқуқӣ эълон гардидани соли 2024, ба 30-юмин солгарди Конститутсияи Ҷумҳурии Тоҷикистон рост омада, аз он шаҳодат медиҳад, ки Тоҷикистон кишвари ҳуқуқбунёд буда таъмини ҳаматарафаи ҳуқуқи шаҳрвандон ҳадафи асосии давлат ва ҳукумати кишвар маҳсуб меёбад. Дар партави ин иқдом, дар толори Сарраёсат вохӯрӣ бо донишҷуёни курси 4-и факултети муҳандисӣ-технологии Донишкадаи политехникии Донишгоҳи техникии Тоҷикистон ба номи академик М.С.Осимӣ аз фанни “Асосҳои ҳуқуқи истифодабарии табиат” доир гардид. Сармутахассис оид ба ҳуқуқи Сарраёсат доир ба қонунгузории соҳа ва санадҳои меъёрию ҳуқуқии танзимкунандаи фаъолияти муҳити зист, Созишномаҳои байналмилалие, ки Ҷумҳурии Тоҷикистон ба он шомил шудаанд, иҷрои Барномаҳои давлатии соҳавӣ баромад намуд. Дар доираи мавзуъ донишҷуён низ ба суолҳои худ оид ба муаммоҳои экологии ҷойдошта ва роҳҳои ҳалли онҳо, беҳбудии муҳити атроф фикру ақидаҳои худро баён доштанд.

Корҳои биотехникӣ дар ноҳияи Шаҳристон

Подробности статьи: Автор; Категория News

Бо мақсади беталаф баровардани олами ҳайвоноти ваҳшӣ аз фасли зимистон, иҷрои нақшаи корӣ, бо иқдоми бахши ҳифзи муҳити зист дар ноҳияи Шаҳристон дар якҷоягӣ бо кормандони Муассисаи давлатии хоҷагии ҷангали ноҳия дар минтақаи “Дараи сабз” корҳои биотехникӣ гузаронида шуд. Рафти чорабинӣ барои бо хӯрок таъмин намудани ҳайвоноти ваҳшӣ дар ин мавзеъ ба миқдори 200 кг картошка, 115 кг резаи гандум ва ҷав, 100 кг лаблабу, 100 кг себ, 150 сабус, 50 кг намак, 25 адад бастаи беда ва 25 адад бастаи коҳ истифода бурда шуд. Тибқи маълумоти мутахассисон дар ин мавзеъ намудҳои олами ҳайвоноти ваҳшӣ ба монанди гург, бузи кӯҳӣ, хуки ёбоӣ, харгӯш, кабк ва дигар намуди парандаҳо сукунат доранд.

05 February 2024

Аксияи «Тозагии шоҳроҳ» дар ноҳияи Ҷаббор Расулов

Подробности статьи: Автор; Категория News

Дар асоси нақша чорабиниҳои тасдиқгардида оид ба ташкил ва гузаронидани аксияи "Тозагии шоҳроҳ" давоми 2 рӯз дар ноҳияи Ҷаббор Расулов ҷамоати деҳоти Деҳмой деҳаи Заркор шоҳроҳи Душанбе - Чаноқ аксияи "Тозагии шоҳроҳ" ташкил ва гузаронида шуд. Дар аксия беш аз 500 нафар аҳолии ҷамоатҳо, кормандони ташкилоту муассисаҳо, хонандагони 4 муассисаҳои таълимии миёнаи умумии ноҳия, фаъолона иштиирок намуда, кариб 20 м3 партов бароварда шуд.

Аксияи ҷумҳуриявӣ таҳти унвони «Дарахти ман сарсабзии Тоҷикистон аст!»

Подробности статьи: Автор; Категория News

Дар шаҳри Хуҷанд бо иштироки ҷавонону варзишгарон дар доираи аксияи ҷумҳуриявӣ таҳти унвони "Дарахти ман сарсабзии Тоҷикистон" бо мақсади ободу зебо гардонидани гирду атроф, тоза нигоҳ доштани муҳити зист ҳашари тозагӣ ва корҳои ободонӣ баргузор гардид. Дар шанбегӣ тоза намудани гирду атрофи бинои муассисаву толорҳо, ҷӯйборҳо, шинонидани дарахтони ҳамешасабз ва сояафкан, буридани шохҳои дарахтони хушкшуда ва ҷамъ намудани партовҳо ба анҷом расонида шуд. Аксия дар ҳамкорӣ бо Иттифоқи ҷанговарони интернатсионалистони шаҳр ва хонандагони Литсейи касбии политехникии шаҳр дар Боғи Ғалаба баргузор гардид.

Аксияи экологӣ оид ба бартараф намудани партовҳои бесоҳиб дар ноҳияи Зафаробод

Подробности статьи: Автор; Категория News

Ҷамоати шаҳраки Зафарободи ноҳияи Зафаробод беш аз 22 ҳазор аҳолӣ дошта, дар натиҷаи ҷойгиронии партовҳои истеъмолӣ дар ҷойи ғайрирасмӣ муаммои экологии ташаккул ёфтани нуқтаи калони партовҳои бесоҳиб ба миён омадааст. Бо мақсади бартараф намудани нуқтаи мазкур бо ташаббуси бахши ҳифзи муҳити зист дар ноҳия ва якҷоя бо КДФ «Хоҷагии манзилию коммуналӣ» дар ин минтақа аксияи «Тозагии маҳал» гузаронида шуд. Дар рафти аксия ғайр аз кормандони мақомоти ҳифзи муҳити зист ва корхонаи хоҷагии коммуналӣ 20 нафар сокинони ҷамоати шаҳрак иштирок намуда, бо истифодаи техникаи махсус 12 адад нақлиёти боркашонии тамғаи «Дулан» партовҳои бесоҳиб ба партов-гоҳи марказии ноҳия бароварда шуд. Ҳаҷми умумии партовҳои интиқолдода 180 метри мукаабро ташкил намуда, минтақаи мазкури ҷамоати шаҳраки Зафарободи ноҳия бо пуррагӣ тоза гардид.

Маъракаи ниҳолшинониву кабудизоркунӣ дар шаҳри Конибодом

Подробности статьи: Автор; Категория News

Дар такя ба ташаббусҳои доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати анҷом додани корҳои ободониву созандагӣ, ниҳолшинонию кабудизоркунии муҳити атроф дар шаҳри Конибодом маъракаи ниҳолшинонӣ гузаронида шуд. Кормандони бахши ҳифзи муҳити зисти шаҳри Конибодом, намояндагони ташкилоту идораҳо дар ин маърака фаъолона иштирок намуда, дар боғи Истиқлолият ва майдони марказии Исмоили Сомонӣ дарахтони ҳамешасабзу ороишӣ шинонида шуд.

Бартараф намудани партовҳои бесоҳиб дар ноҳияи Ҷаббор Расулов

Подробности статьи: Автор; Категория News

Бо мақсади таъмини рафти иҷрои қарори Ҳукумати Ҷумҳурии Тоҷикистон аз 02.11.2012, №626 ва қарори Раиси вилояти Суғд аз 08.02.2013с. №31 «Дар бораи тартиби ошкор кардан ва баҳисоб гирифтани партовҳои бесоҳиб ва пешгирии ифлосшавии муҳити зист ва кам кардани ҳаҷми ҳосилшавии партовҳо» мақомоти ҳифзи муҳити зист мунтазам чораҳои заруриро андешида истодааст.Бо ин мақсад тибқи дастуру супориши бахши ҳифзи муҳити зисти ноҳияи Ҷаббор Расулов дар ҷамоати деҳоти Гулхона бо ҷалби техника партови бесоҳиб безарар ва хокпӯш карда шуда, 6 м3 партов бароварда шуд.

01 February 2024

Иштироки Сарраёсати ҳифзи муҳити зисти вилояти Суғд дар Иди Сада

Подробности статьи: Автор; Категория News

Санаи 31 январ дар назди Театри мазҳака ва мусиқии ба номи Камоли Хуҷандӣ дар ҷашни Иди Сада дар баробари дигар сохтору ташкилотҳо кормандони Сарраёсати ҳифзи муҳити зисти вилоят фаъолона иштирок доштанд. Дар ярмарка фурӯш аз тарафи мақомоти ҳифзи муҳити зист ниҳолҳои дарахтони нодиру ороишию сояафкан ва гулу гулбуттаҳо ба монанди санавбар, сарви аризонӣ, сарвинози тиллоӣ дар кӯза, коҷи кабуд, шамшоди калон, палма, магнолия, булут, каштани калон, каталпаи зебо, чинор, булут, сада, бирючинаи ҷилодор, юкка, коҷи кабуд ва гулҳои мавсимӣ ба намоиш гузошта шуд. Тибқи талабот ниҳолҳо ва гулу гулбуттаҳо бо шиору овезаҳо ва зарфҳои махсус оро дода шуда, номгӯи ҳар яки онҳо бо навиштаҷот гузошта шуд. Дар интиҳо Сарраёсати ҳифзи муҳити зист барои ҳиссагузорӣ дар ярмарка фурӯши ниҳол ва кӯчату тухмии зироатҳо бахшида ба Иди Сада бо Сипосномаи мақомоти иҷроияи ҳокимияти давлатии вилоят қадрдонӣ карда шуд.