Все статьи
21 May 2024
Баргузории аксияи «Тозагии маҳал ва шоҳроҳ» дар ноҳияи Ҷаббор Расулов
- Подробности статьи
- Автор
- Категория News
Б
о мақсади беҳтар намудани вазъи экологии муҳити зист, сазовор пешвоз гирифтани 32-солагии Истиқлоли давлатии Ҷумҳурии Тоҷикистон ҷиҳати вусъат бахшидан ба корҳои созандагию ободкорӣ, ба таври доимӣ тозаю озода нигоҳ доштану беҳтар намудани вазъи экологии шафати роҳҳо ва шоҳроҳҳо дар ноҳияи Ҷаббор Расулов аксияи «Тозагии маҳал ва шоҳроҳ» ташкил ва гузаронида шуд. Аксия тибқи нақшаи чорабинии тасдиқгардидаи мақомоти ҳифзи муҳити зист бо иштироки беш аз 200 нафар сокинони маҳаллаҳо, кормандони бонк, хонандагони муассисаҳои таълимӣ доир гардид. Ҷараёни аксия қадди роҳҳои протоколӣ ва шоҳроҳҳо, ҳудуди маҳалҳои аҳолинишин, майдонҳо аз партовҳои гуногун ва алафҳои бегона тоза карда шуда, беш аз 6 метри мукааб партовҳо ба партовгоҳҳои расмӣ тавассути нақлиётҳои махсуси коммуналӣ интиқол дода шуд.
18 May 2024
Маҳфили илмӣ бахшида ба санаҳои муҳими экологӣ
- Подробности статьи
- Автор
- Категория News
Д
ар доираи нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» бо мақсади баланд бардоштани маърифати экологии ҷавонон ва бахшида ба санаҳои экологӣ, 15 май – Рӯзи байналмилалии иқлим ва 22 май – Рӯзи байналмилалии гуногунии биологӣ, дар факултети геоэкология ва туризми МДТ «Донишгоҳи давлатии Хуҷанд ба номи академик Б.Ғафуров» бо иштироки намояндаи сарраёсат, устодону донишҷӯёни кафедраи экология ва ҳифзи табиат маҳфили илмӣ баргузор гардид. Дар оғози чорабинӣ бо сухани ифтитоҳӣ декани факултет ва мудири кафедра баромад намуда, инчунин дар рафти маҳфил презентатсияи муаллими кафедраи экология ва ҳифзи табиат дар мавзӯи «Ҳифзи гуногуншаклии биологӣ кафили амнияти экологӣ» пешкаши иштирокдорон гардид. Тибқи даъват сармутахассиси Сарраёсати ҳифзи муҳити зист дар вилояти Суғд дар маҳфили илмии мазкур иштирок карда, дар бораи қабули Рӯзи байналмилалии иқлим ва Рӯзи байналмилалии гуногунии биологӣ, муаммоҳои экологии ҷойдошта дар ин самтҳо, таъсири манфии гармшавии иқлим, пиряхҳо ва ҳифзи захираҳои об, олами ҳайвоноти нодири Тоҷикистон ва дигар масъалаҳои бо муҳимияти баланд бардоштани маърифати экологии ҷавонон вобаста баромад намуд.
Мизи мудаввари ҷамъбастӣ доир ба ҳифзи ҷангалзори тӯқаи минтақаи Конибодом
- Подробности статьи
- Автор
- Категория News
Д
авоми солҳои 2022 - 2023 дар шаҳри Конибодом, минтақаи болооби обанбори «Баҳри Тоҷик» аз ҷониби Ташкилоти ҷамъиятии «Гурӯҳи ҷавонон оид ба ҳифзи муҳити атроф» лоиҳаи «Ҳифзи ҷангалзори тӯқай ва намудҳои ҳайвоноти зери хатар қарордоштаи минтақаи обию ботлоқзори болооби обанбори Баҳри Тоҷик» амалӣ гардонида шуд, ки дар доираи татбиқи он намояндагони Сарраёсати ҳифзи муҳити зист дар вилояти Суғд ва бахши ҳифзи муҳити зист дар дар шаҳри Конибодом, мақомоти иҷроияи ҳокимияти давлатии шаҳри Конибодом, шуъбаи маорифи шаҳр, се ҷамоати деҳоти Фирӯзоба, Патар ва Пӯлотони бо минтақа ҳамсарҳад, Филиали Ҷамъияти шикорчиён ва моҳидорони ҶумҳурииТоҷикистон дар вилоят ва дар шаҳри Конибодом, намояндаи «Институти зоология ва паразиталогияи ба номи Е.Н.Павловский»-и Академияи миллии илмҳои Тоҷикистон дар вилоят, олимон ва коршиносон корбарӣ намуданд.
16 May 2024
Амалиёти фаврӣ дар давраи тухмигузории моҳиҳо
- Подробности статьи
- Автор
- Категория News
Д
ар натиҷаи гузаронидани амалиёти фаврӣ дар давраи тухмгузории моҳӣ дар обанбори Баҳри Тоҷик, ҷамоати деҳоти Маҳрам шаҳри Конибодом нозирони шуъбаи назорати давлатии истифода ва ҳифзи олами набототу ҳайвонот ва захираҳои моҳии Сарраёсат сайди ғайриқонунии моҳиро аз тарафи сокиниҷамоатидеҳоти Куҳандиёр, деҳаи Маҳрам кӯчаи Шарипов № 27 ЮлчиевХайруло ошкор намуданд. Дар натиҷаи азназаргузаронӣ ошкор карда шуд, ки 153 сар 5 намуди моҳиҳо (нуқрамоҳӣ, пешонапаҳм, зағорамоҳӣ, суфмоҳӣ ва муйлабмоҳӣ) ғайрқонунӣ сайд карда шуда, бар хилофи талаботи моддаи 22.2 ва 23 Коидаҳои моҳидории ҳавасмандӣ ва спортӣ дар обанборҳои Ҷумҳурии Тоҷикистон мебошад. Арзиши умумии зарари ба муҳити зист расонидашуда, тибқи замимаи № 8,9-и Қарори Ҳукумати Ҷумҳурии Тоҷикистон таҳти № 790 аз 31.12.2014 сол 11124 сомониро ташкил дод. Барои андешидани чораҳои зарурӣ парванда бо маводҳояш ба прокуратураи вилоят фиристода шуд.
Насби баннерҳои экологӣ дар шаҳру ноҳияҳои вилоят
- Подробности статьи
- Автор
- Категория News
Б
о мақсади ташвиқу тарғиби муҳити тозаву обод, таъмини иҷрои дастуру супоришҳои дар Пайём вобаста ба самти муҳити зист дарҷшуда ва баланд бардоштани маърифати экологии аҳолӣ, дар кӯчаҳои марказиву протоколӣ ва шоҳроҳҳо дар шаҳру ноҳияҳои Хуҷанд, Конибодом, Гулистон, Исфара, Истаравшан, Панҷакент, Айнӣ, Ашт, Бобоҷон Ғафуров, Деваштич, Масчоҳ, Ҷаббор Расулов, Шаҳристон баннерҳои экологӣ насб карда шуд. Ин иқдом аз татбиқи амалии дастуру супоришҳои Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон муҳтарам Эмомалӣ Раҳмон баҳри тозаву обод нигоҳ доштани муҳити зист аз партов, сарсабзу хуррамгардонии кишвар сарчашма мегирад.
13 May 2024
15 май - Рӯзи байналмилалии иқлим
- Подробности статьи
- Автор
- Категория News
Б
ори аввал масъалаи тағйирёбии иқлим дар сатҳи ҷаҳонӣ соли 1992 дар Саммити Замин дар Рио де-Жанейро баррасӣ гардида, зиёда аз 180 кишвари ҷаҳон Конвенсияи чаҳорчӯбаи СММ оид ба тағйирёбии иқлимро имзо кардаанд. Имрӯз дар сайёра, аз ҷумла дар кишвари мо тағйир ёфтани иқлимро ҳама эҳсос мекунанд ва бадшавии вазъи экологӣ дар тамоми олам воқеаи баҳснопазир мебошад. Сол то сол тағйирёбии иқлим ба муҳити зист низ таъсири манфии худро расонида, масъалаҳои вобаста ба он таваҷҷӯҳи ҷомеаи ҷаҳониро фаро гирифтааст. Тағйирёбии иқлим воқеан на танҳо экологҳо, балки тамоми мардуми соҳибдили оламро ба ташвиш оварда, гармшавии боду ҳаво, афзудани таркиби озони атмосфера ва офатҳои табиӣ ин ҳама аз нишонаҳои он ҳаст. Тағйирёбии иқлим феълан ба яке аз масоили мубрами глобалии сайёра мубаддал шудааст. Иқлимшиносон яке аз сабабҳои пайдоиши тағйирёбии иқлимро дар кураи замин ба хориҷшавии газҳои гулхонаӣ нисбат медиҳанд. Аз ибтидои асри гузашта то айни замон сатҳи хориҷшавии гази диоксиди карбон (СО2) дар атмосфера беш аз 31% баланд гаштааст.
08 May 2024
Баргузории аксияи экологӣ бо иштироки аъзоёни раванди «Нозирони сабз» дар шаҳри Истиқлол
- Подробности статьи
- Автор
- Категория News
Бо мақсади таъмини иҷрои бандҳои нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» дар давоми 3 соли охир Сарраёсати ҳифзи муҳити зист дар вилояти Суғд якҷоя бо Ташкилоти ҷамъиятии «Гурӯҳи ҷавонон оид ба ҳифзи муҳити атроф» дар 6 муассисаҳои таҳсилоти миёнаи умумии шаҳри Истиқлол бо омӯзгорони фанни экология, биология ва хонандагон ҳамкорӣ менамояд. Боиси қайд аст, ки дар ин давра раванди «Нозирони сабз»-и муассисаҳои таълимии мазкур таъсис ёфта, як қатор чорабиниҳои гуногуни ба рушди тарбия ва баланд бардоштани донишҳои экологӣ нигаронида, гузаронида шудааст. Бахшида ба Рӯзи умумиҷаҳонии замин ва дар арафаи ҷашни Рӯзи Ғалаба дар Ҷанги бузурги Ватанӣ, бо иштироки дастаҳои «Нозирони сабз»-и муассисаҳои таълимӣ дар минтақаи атрофи маҳалаи 1-уми шаҳри Истиқлол аксияи экологии «Тозагии маҳал» баргузор гардид.
04 May 2024
Чорабинии илмию тарбиявӣ таҳти унвони «Муаммоҳои экологии замони муосир ва муҳимияти баланд бардоштани маърифати экологии ҷавонон»
- Подробности статьи
- Автор
- Категория News
Дар толори факултети молия ва андози Донишгоҳи давлатии ҳуқуқ, бизнес ва сиёсати Тоҷикистон бахшида ба эълон гардидани соли 2024 - «Соли маърифати ҳуқуқӣ» ва соли 2025 - «Соли байналмилалии ҳифзи пиряхҳо» дар доираи «Ҳафтаи кафедраи забони русӣ - 2024» чорабинии илмию тарбиявӣ таҳти унвони «Муаммоҳои экологии замони муосир ва муҳимияти баланд бардоштани маърифати экологии ҷавонон» баргузор гардид. Тибқи дархости Раёсати факултети молия ва андози донишгоҳи мазкур барои мақсаднок гузаронидани вохӯрӣ бо донишҷӯёну устодон намояндаи Сарраёсати ҳифзи муҳити зист дар вилояти Суғд иштирок намуд. Дар маҷмӯъ, дар чорабинӣ беш аз 60 нафар донишҷӯёни курси 1 ва 2-и ихтисосҳои вобаста ба ҳуқуқшиносӣ ва дигар, инчунин 10 нафар устодон иштирок дошта, дар давоми ду соат ҳам бо забони давлатӣ ва ҳам бо забони русӣ ба онҳо дар бораи мақсади эълон гардидани соли 2024 - «Соли маърифати ҳуқуқӣ», ки дар Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ қайд карда шуд, омилу сабабҳои эълон гардидани соли 2025 - «Соли байналмилалии ҳифзи пиряхҳо», муаммоҳои ҷаҳонии экологии замони муосир, муҳимияти қабули «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», таъсири тағйирёбии иқлим ва роҳҳои мутобиқшавӣ ба он, муаммоҳои мубрами экологӣ дар самтҳои ҳифзи муҳити зист ва боз як қатор маълумоти вобаста ба рушди тарбия ва баланд бардоштани маърифати экологии ҷавонон маълумот пешниҳод гардид.
27 April 2024
Омӯзиш ва таҳлили татбиқи Барномаи давлатӣ дар ноҳияи Зафаробод
- Подробности статьи
- Автор
- Категория News
Т
ибқи нақшаи кории Сарраёсати ҳифзи муҳити зист дар вилояти Суғд барои нимсолаи якуми соли 2024 ва нақшаи кории Комиссияи байниидоравии давлатӣ оид ба маърифати экологии аҳолӣ дар вилоят барои соли 2024 рафти иҷрои қарори Раиси вилоят аз 22.11.2021, № 442 «Дар бораи Комиссияи байниидоравии давлатӣ оид ба маърифати экологии аҳолӣ», аз он ҷумла фаъолияти Комиссияи минтақавии мақомоти иҷроияи ҳокимияти давлатии ноҳияи Зафаробод мавриди санҷиш қарор дода шуд. Ҳамзамон, доир ба рафти иҷрои қарори Раиси вилоят аз 26.05.2021, № 274 «Дар бораи татбиқи Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» омӯзиш ва таҳлили маводи сохторҳои мақомоти иҷроияи ҳокимияти давлатии ноҳия, ки ба иҷрои бандҳои нақшаи чорабиниҳо вобаста мебошанд амалӣ гашта, инчунин бо ҳар як роҳбару шахси масъул сӯҳбат ва барои вусъат бахшидани беҳбудӣ ба корбарии минбаъда дар самти мазкур тавсияҳо пешниҳод гардид.
26 April 2024
Вохӯрӣ доир ба баланд бардоштани маърифати экологии ҷавонон
- Подробности статьи
- Автор
- Категория News
Т
ибқи нақшаи пешбинигардида ва дар доираи талаботи бандҳои нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», дар синфи экологияи МДТ «Коллеҷи политехникии ноҳияи Зафаробод» бо хонандагон ва омӯзгорони фанни экология ва биология вохӯрӣ доир гардид. Дар рафти мулоқот намояндаи сарраёсат баромад намуда, оид ба нуқтаҳои Паёми навбатии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ вобаста ба соҳаи ҳифзи муҳити зист,дар бораи мақсади Барномаи давлатӣ, мавқеи тарбия ва маърифати экологии аҳолӣ, масъалаҳои зарурияти тарбия ва баланд бардоштани маърифати экологии ҷавонон, муаммоҳои экологии ҷаҳонии замони муосир, чораҷӯиҳо барои вайрон кардани талаботи қонунҳои амалкунандаи Ҷумҳурии Тоҷикистон дар соҳаи ҳифзи муҳити зист, нашри дуюми Китоби Сурхи Ҷумҳурии Тоҷикистон ва дигар масъалаҳои вобаста ба мавзӯъ изҳориақида намуд.