Все статьи
07 August 2021
Ба тартиб даровардани партовгоҳи шаҳри Истаравшан
- Подробности статьи
- Автор
- Категория News
Бо мақсади пешгирии ифлосшавии муҳити зист, беҳтар намудани ҳолати экологӣ ва ба тартиб даровардани партовгоҳи Корхонаи давлатии фаръии «Хоҷагии манзилию коммуналӣ»-и шаҳри Истаравшан тибқи талаботи бахши ҳифзи муҳити зист дар соли ҷорӣ дуюм маротиба корҳои гўронидани (хокпўш) партовҳо дар партовгоҳи шаҳрӣ амалӣ шуда истодааст. Бо ҷалби 3 адад теҳникаи махсус зиёда аз 1 гектар майдони партовгоҳ хокпўш карда шуд. Партовгоҳи шаҳри Истаравшан ҳамагӣ 1.82 гектарро дар бар гирифта, то айни замон ҳолати беш аз 50 %-и он беҳтар гардидааст. Қайд кардан ба маврид аст, ки дар баробари чораҳои болозикр роҳи партовгоҳ низ тоза ва таъмир карда шудааст. Дар маҷмўъ, 20 нафар кормандони хадамоти коммуналии шаҳр дар маъракаи мазкур иштирок намуданд. Чорабиниҳои пешгирии ифлосшавии муҳити зист, беҳбудӣ бахшидан ба ҳолати экологӣ дар доираи нақшаи чорабиниҳо бахшида ба истиқболи 30-солагии Истиқлолияти давлатии Ҷумҳурии Тоҷикистон идома доранд ва мақомоти ҳифзи муҳити зисти вилояти Суғд мунтазам чораҳои заруриро андешида истодааст.
Ааксияи «Тозагии роҳ» дар шаҳри Хуҷанд
- Подробности статьи
- Автор
- Категория News
Дар асоси нақшаи чорабиниҳои шуъбаи ҳифзи муҳити зист дар кўчаи ба номи Р.Ҳоҷиеви шаҳри Хуҷанд, маҳаллаи 20, бо ҷалби 15 нафар кормандони корхонаи давлатии «Истифодабарии роҳ», давоми ду рўз аксияи «Тозагии роҳ» баргузор гардид. Аксияи мазкур бо мақсади тоза намудани ду тарафи қадди роҳ ва хусусан ҷўйборҳои обгузар амалӣ гардида, дар натиҷа зиёда аз 5 километр масофа аз ҳаргуна партов тоза карда шуд. Ба партовгоҳи шаҳрӣ 8 метри мукааб партовҳо бароварда шудааст. Минбаъд, то истиқболи 30-солагии Истиқлолияти Ҷумҳурии Тоҷикистон баргузории чунин аксия дар дигар кўчаҳои шаҳри Хуҷанд пешбинӣ гардидааст.
05 August 2021
Ифтитоҳи бинои нави бахши ҳифзи муҳити зисти шаҳри Бўстон
- Подробности статьи
- Автор
- Категория News
Баҳри таъмини иҷрои бандҳои 256 ва 278-и қарори Ҳукумати ҶумҳурииТоҷикистон «Дар бораи нақшаи чорабиниҳо оид ба омодагӣ ба ҷашни сазовори 30-солагии Истиқлолияти давлатии Ҷумҳурии Тоҷикистон» сохтмони бинои нави маъмурии бахши ҳифзи муҳити зисти шаҳри Бўстон соли 2020 оғоз гардида, санаи 30 июли соли 2021 дар доираи ташрифи меҳмонони олиқадр ба вилояти Суғд бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А. ва Раиси вилоят Раҷаббой Аҳмадзода ифтитоҳ карда шуд. Майдони умумии ҷудо гардида 6 сотиқро ташкил намуда, майдони зери бино 212 метри мураббаъ мебошад. Бинои бахш аз се ошёна иборат мебошад. Дар ошёнаи якум – маҷлисгоҳ, китобхона ва утоқи таҷҳизотҳои назорати аналитикӣ ҷойгир карда шудаанд. Маҷлисгоҳ 52 ҷойи нишаст дошта, китобхона барои 1000 адад китобҳои адабиёти гуногун ва бо компютер таҷҳизонида шудааст, ки дар он китобхонаи шакли электронӣ насб гардидааст. Утоқи таҷҳизотҳои назорати аналитикӣ барои ҷойгиронии таҷҳозотҳои ченкунии сифати ҳавои атмосфера, об, хок ва радиатсия, ки ҷиҳати гузаронидани мониторинги экологӣ истифода карда мешаванд, ҳамагӣ 8 адад таҷҳизот.
Насби овезаи экологӣ дар ноҳияи Айнӣ
- Подробности статьи
- Автор
- Категория News
Бахши ҳифзи муҳити зисти ноҳияи Айнӣ дар қадди шоҳроҳи Душанбе - Хуҷанд - Чаноқ, ки ҳамарўза ҳамчун минтақаи сернақлиёти мусофиркашон ба ҳисоб меравад овезаи экологиро бо навиштаҷоти «Тоҷикистон дар арсаи байналмилати ба ҳайси кишвари пешбар дар ҳалли масоили мубрами амниятӣ, обу экология ва тағйирёбии иқлим эътироф гардидааст» насб намуд. Иқдоми мазкур бо мақсади сазовор ҷашн гирифтани 30-солагии Истиқлолияти давлатии Ҷумҳурии Тоҷикистон ва иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон роҳандозӣ гардид.
Дар шаҳри Конибодом овезаи экологӣ насб гардид
- Подробности статьи
- Автор
- Категория News
Аз ҷониби бахши ҳифзи муҳити зисти шаҳри Конибодом дар кўчаи Камоли Хуҷандӣ, дар назди баромад ба хиёбони марказии шаҳр овезаи экологӣ насб гардид. Ин иқдом бо мақсади сазовор ҷашн гирифтани 30-солагии Истиқлолияти давлатии Ҷумҳурии Тоҷикистон ва иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон роҳандозӣ гардид. Ҳадаф аз насб намудани овезаҳои тарғиботӣ баланд бардоштани маърифатнокии аҳолӣ доир ба муҳити зист, нигоҳдорӣ ва самаранок истифодабарии захираҳои табиӣ маҳсуб меёбад.
Насби овезаи экологӣ дар шаҳри Гулистон
- Подробности статьи
- Автор
- Категория News
Аз ҷониби бахши ҳифзи муҳити зисти шаҳри Гулистон дар маҳалаи Сарбанди шаҳр, гардиши осоишгоҳи «Баҳористон» овезаи экологӣ, тибқи супориши Кумита бахшида ба Даҳсолаи байналмилалии амал «Об барои рушди устувор», солҳои 2018 - 2028 насб гардид. Ин иқдом бо мақсади сазовор ҷашн гирифтани 30-солагии Истиқлолияти давлатии Ҷумҳурии Тоҷикистон ва иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон роҳандозӣ гардид. Ҳадаф аз насб намудани овезаҳои тарғиботӣ баланд бардоштани маърифатнокии аҳолӣ доир ба муҳити зист, нигоҳдорӣ ва самаранок истифодабарии захираҳои табиӣ маҳсуб меёбад.
Нишасти матбуотӣ доир ба натиҷаҳои фаъолияти нимсола
- Подробности статьи
- Автор
- Категория News
Санаи 22 июли соли 2021, тибқи ҷадвали тасдиқгардидаи мақомоти иҷроияи ҳокимияти давлатии вилоят нишасти матбуотии якҷояи Сарраёсати кишоварзӣ ва Раёсати ҳифзи муҳити зист оид ба натичаҳои фаъолият дар нимсолаи аввали соли ҷорӣ баргузор гардид. Дар он рӯзноманигорони воситаҳои ахбори омма, мухбирони рӯзномаҳои «Ҷумҳурият», «Садои мардум», «Ҳақиқати Суғд», «Сухани халқ», «Суғд ҳақиқатӣ», «Согдийская правда», «Ризқофарин», «Меҳри замин», «Саломат бошед», «Нилуфар», «Лочин», оҷонсиҳои иттилоотии «Азия-плюс», «Суғднюс», «Спутник», радиои «Озодӣ», намояндагони телевизионҳои «Сафина», «Баҳористон», ТВ Суғд, ШТР «Азия», «СМ-1» ва «Диёр», дар маҷмўъ 26 нафар намояндагони васоити ахбори омма иштирок доштанд. Ба рӯзноманигорон варақаҳои иттилоотӣ оид ба натиҷаҳои фаъолияти Раёсати ҳифзи муҳити зисти вилоят дар нимсолаи якуми соли 2021 ва дигар маводи иттилоотӣ дастрас гардид. Дар рафти нишасти матбуотӣ рӯзноманигорон оид ба санҷишҳои дар корхонаҳои саноатӣ гузаронида ва чораҳои андешидашуда, амалҳои ҷиҳати баланд бардоштани маърифати экологии аҳолӣ, ҳолати парваришгоҳи раёсат дар ноҳияи Шаҳристон, дар бораи пешниҳоди маблағи зарар, парвариши хук дар ноҳияи Ҷ.Расулов, сабаби хушкшавии дарахтон, хусусиятҳои дарахти магнолия, натиҷаи ҳодисаи худкушӣ дар шаҳри Конибодом, ҳолати нигоҳ доштани лампаҳои каммасрафи симобдори корношоям, дарёфт намудани манбаи бӯи ғализ дар маҳаллаҳои 3, 8, 12, 13, 14 ва 15, ки қариб давоми ду соли охир аҳолиро ба ташвиш овардааст, пешгирии ифлосшавии манбаҳои обӣ, муҳити зист ва дигар масъалахои ташвишовар дар самти ҳифзи муҳити зист ҷавобҳои мушаххас гирифтанд.
Овезаи экологӣ дар ноҳияи Ашт насб гардид
- Подробности статьи
- Автор
- Категория News
Ҷиҳати иҷрои супориши Кумитаи ҳифзи муҳити зисти назди Ҳукумати Ҷумҳурии Тоҷикистон ва сазовор истиқбол гирифтани 30-солагии Истиқлолияти давлатии Ҷумҳурии Тоҷикистон дар ҷамоати шаҳраки Шайдони ноҳияи Ашт, роҳи нақлиётгарди Шайдон - Қаҳрамон овезаи тарғиботии экологӣ бо навиштаҷоти «Захираҳои табиии Тоҷикистон нотакроранд» насб карда шуд. Бахши ҳифзи муҳити зисти ноҳияи Ашт минбаъд бо мақсади баланд бардоштани маърифатнокии аҳолӣ доир ба муҳити зист, нигоҳдорӣ ва самаранок истифодабарии захираҳои табиӣ чунин амлҳоро пешбинӣ кардааст.
Назорати давлатӣ дар самти ҳифзи ҳавои атмосфера
- Подробности статьи
- Автор
- Категория News
Баҳри пурзӯр намудани назорати давлатӣ дар самти ҳифзи ҳавои атмосфера, бо мақсади кам намудани ихроҷи моддаҳои зараровар ба ҳаво, бо ҳамкории шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд, дар ноҳияи Ҷ.Расулов амалиёти «Ҳавои тоза» гузаронида шуд. Дар рафти амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Дар рафти амалиёт нисбати ронандагони 4 адад воситаҳои нақлиёт, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и ноҳия ирсол гардид.
Мизи мудаввар - «Ояндаи бидуни пластикӣ»
- Подробности статьи
- Автор
- Категория News
Санаи 4 августи соли равон дар толори меҳмонхонаи Суғдиёни шаҳри Хуҷанд мизи мудаввар таҳти унвони «Ояндаи бидуни пластикӣ» баргузор гардид. Қайд кардан ба маврид аст, ки таъсири партовҳои пластикӣ ба муҳити зист ҳамчун муаммои экологии даҳсолаи охир дар ҷаҳон ба шумор рафта, дар айни замон характери глобалӣ пайдо кардааст. Мизи мудаввари мазкурро намояндагони Раёсати ҳифзи муҳити зисти вилоят ва Ташкилоти ҷамъиятии «Сафи» баргузор намуданд ва тибқи даъват намояндагони як қатор ташкилоти ҷамъиятӣ, ҷамъияти маъюбон ва мағозаҳои калони хўроквории шаҳру ноҳияи Хуҷанд, Истаравшан, Б.Ғафуров, коргоҳи коркарди дуюмбораи партовҳои пластикӣ ҶДММ «Тоҷпет», васоити ахбори омма, кормандони мақомоти ҳифзи муҳити зист ва дигар ташкилоти ба амалӣ гардидани лоиҳа ҷалбшуда ҳузур доштанд. Дар рафти чорабинӣ муҳокимаи қадамҳои иваз кардани халтаҳои полиэтиленӣ ба халтаҳои аз ҷиҳати экологӣ тоза ва дастгирии истеҳсолоти хурд барои баланд бардоштани сатҳи зиндагии гурӯҳҳои осебпазири аҳолӣ, таъсири партовҳои пластикӣ ба муҳити зист, аҳамияти коркарди такрории партовҳои пластикӣ ва дигар масъалаҳое, ки ба бехатарӣ ва амнияти экологии инсон, беҳтар намудани сифати зиндагӣ ва пешгирии роҳҳои ифлосшавии муҳити зист бахшида шудааст, амалӣ гардид. Боиси қайд аст, ки чорабиниҳои мазкур ва минбаъда дар доираи лоиҳа гузаронида шуда, аз тарафи Барномаи грантҳои хурди Фонди глобалии экологӣ ва Барномаи Рушди СММ дар Тоҷикистон дастгирӣ карда мешаванд.