Все статьи
15 March 2021
Маъракаи ниҳолшинонӣ дар канори шоҳроҳи Душанбе –Хуҷанд -Чаноқ
- Подробности статьи
- Автор
- Категория News
Дар партави дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон санаи 11 марти соли равон дар канори шоҳроҳи Душанбе – Хуҷанд – Чаноқ минтақаи шаҳри Истаравшан маъракаи ниҳолшинонӣ баргузор гардид. Дар маъракаи ниҳолшинонӣ намояндагони ҳамаи сохторҳо иштирок намуда, зиёда аз 2000 бех дарахти сада шинониданд. Ҷиҳати сазовор истиқбол намудани 30 - солагии Истиқлолияти давлатии Ҷумҳурии Тоҷикистон тибқи маълумоти бахши ҳифзи муҳити зист аз оғози мавсими ниҳолшинонӣ дар ҳудуди шаҳри Истаравшан беш аз 6300 ниҳолҳои ҳамешасабз, ороишӣ ва сояафкан шинонида шуда, корҳо дар ин самт идома доранд.
12 March 2021
Корҳои ободониву дарахтшинонӣ дар ноҳияи Масчоҳ
- Подробности статьи
- Автор
- Категория News
Бо мақсади сабзу хуррамгардонӣ ва солимгардонии муҳити зист, дар сатҳи баланд пешвоз гирифтани Наврӯзи байналмилалӣ дар шоҳроҳи Хуҷанд – Чаноқи ноҳияи Масчоҳ бо иштироки саҳмдорони хоҷагиҳои деҳқонии дар шафати роҳ буда, кормандони ташкилоту муассисаҳо шанбегӣ ва маъракаи ниҳолшинонӣ гузаронида шуд. Рафти шанбегӣ бо ҷалби техника 52 метри мукааб партов бароварда шуда, дар шафати шоҳроҳ 400 бех ниҳолҳои санавбар шинонида шуд. Корҳои ободониву дарахтшинонӣ дар дигар минтақаҳои ноҳия бомаром идома дорад.
10 March 2021
Шарҳи мӯҳтавои Паёми Пешвои миллат аз ҷониби намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд бо кормандони мақомоти ҳифзи муҳити зисти вилоят
- Подробности статьи
- Автор
- Категория News
Санаи 10 марти соли равон дар толори маҷлисгоҳи Раёсат бо мақсади шарҳи муҳтавои Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон вохӯрӣ бо иштироки намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд Қурбонзода Азизулло баргузор гардид. Зимни баромад намояндаи Раёсати агентӣ қайд намуд, ки Паёми имсола барои мардуми шарифи Тоҷикистон воқеан дар соли таърихӣ 30 –умин солгарди Истиқлолияти Ватани азизамон пешниҳод гардид. Таъкид шуд, ки Тоҷикистон дар арсаи мубориза бар зидди терроризму экстремизм, қочоқи силоҳ, маводи мухаддир, киберҷинояткорӣ ва дигар ҷиноятҳои муташаккили фаромиллӣ шарики доимии давлатҳо ва созмонҳои байналмилаливу минтақавӣ мебошад. Дар идома ибрози андеша гардид, ки Пешвои муаззами миллат муқовимат ба коррупсияро самти афзалиятноки сиёсати Ҳукумати Ҷумҳурии Тоҷикистон арзёбӣ намуда, дар ин замина таъкид намуданд, ки коррупсия зуҳуроти номатлуб ва барои ҷомеа хатарнок ба ҳисоб рафта, мубориза бар зидди он вазифаи асосии мақомоти давлатӣ, ниҳодҳои ҷомеаи шаҳрвандӣ ва ҳар як сокини кишвар мебошад.
Маъракаи ниҳолшинонӣ ва корҳои ободонӣ дар ноҳияи Спитамен
- Подробности статьи
- Автор
- Категория News
Ҷиҳати омодагӣ ба таҷлили Наврӯзи байналмилалӣ ва дар доираи маъракаи ободонию кабудизоркунӣ дар ноҳияи Спитамен як қатор корҳои назаррас ба анҷом расонида шуд. Зиёда аз 200 нафар намояндагони муассисаю ташкилот ва аҳолии ҷамоати шаҳраку деҳоти ноҳия дар маъракаи ниҳолшинонӣ ва аксияи «Тозагии маҳал» иштирок карда, дар натиҷа кўчаҳои маркази ноҳия ва 2 км ҷўйборҳои қадди роҳ тоза гардид ва 7 метри мукааб партовҳо ба партовгоҳ бароварда шуд. Ҳамзамон, дар идомаи маъракаи кабудизоркунӣ 2 ҳазор бех ниҳолҳои дарахтони ороишию сояафкан ва ҳамешасабз дар канори кўчаҳои ҷамоати шаҳраку деҳоти ноҳия шинонида шуд.
Аксияи «Тозагии маҳал ва роҳ»
- Подробности статьи
- Автор
- Категория News
Бо мақсади сазовор таҷлил гирифтани ҷашни Наврӯзи байналмилалалӣ, таъмини иҷрои нақшаи корӣ, ҷиҳати тозаву обод намудани маҳалли зист, кӯчаву роҳҳо дар шоҳроҳи Исфара – Хуҷанд аксияи «Тозагии маҳал ва роҳ» доир гардид. Иқдоми мазкур аз ҷониби бахши ҳифзи муҳити зисти шаҳри Исфара роҳандозӣ гардида, ба он беш аз 200 нафар хонандагони муассисаҳои таълимии миёнаи умумии №№ 6, 31 ва 32 ҷалб гардиданд. Рафти аксия қадди роҳҳо аз алафҳои бегона ва партовҳо тоза карда шуда, 10 м3 партов ба партовгоҳ бароварда шуд.
Маъракаи ниҳолшинонӣ бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур дар шаҳри Гулистон
- Подробности статьи
- Автор
- Категория News
Дар доираи сафари кории Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур ба вилояти Суғд дар партави дастуру супоришҳои Пешвои миллат, Асосгузори сулху ваҳдати миллӣ Президенти мамлакат муҳтарам Эмомалӣ Раҳмон , бо мақсади сазовор истиқбол гирифтани ҷашни байналмилалии Наврӯз дар даромадгоҳи ғарбии шаҳри Гулистон маъракаи ниҳолшинонӣ сурат гирифт. Дар раванди корҳои ободониву созандагӣ Раиси Кумита Шерализода Баҳодур, раиси шаҳри Гулистон Бахтиёр Саидаҳмадзода, сардори Раёсати ҳифзи муҳити зисти вилоят Ҳакимзода А.Қ. ва дигар масъулин иштирок дошта, 28 адад ниҳолҳои сановбари кримӣ ва 200 адад сановбар шинонида шуд. Ба масъулин оид ба густариш додани корҳои ободонӣ ва тозаву озода нигоҳ доштани ин макони навободи шаҳр дастурҳои мушаххас дода шуд.
Шиносоии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур аз ҷараёни сохтмони иншоотҳои ҷашнӣ
- Подробности статьи
- Автор
- Категория News
Баҳри таъмини иҷрои нақшаи чорабиниҳо бахшида ба 30 солагии Истиқлолияти давлатӣ, дар доираи сафари корӣ раиси Кумитаи ҳифзи муҳити зисти назди Ҳукуматии Ҷумҳурии Тоҷикистон Шерализода Баҳодур Аҳмадҷон ва сардори раёсати ҳифзи муҳити зисти вилояти Суғд Ҳакимзода Абдуаҳад Қурбон аз ҷараёни корҳои сохтмони биноҳои маъмурии бахшҳои ҳифзи муҳити зисти шаҳрҳои Истаравшан ва Бӯстон дидан намуданд. Ҳангоми шиносоӣ аз ҷониби Раиси Кумита ба масъулон ва сохтмончиён барои босифат ва дар сатҳи баланд ба истифода додани биноҳо супоришҳои мушаххас дода шуд. Ифтитоҳи биноҳои маъмурӣ дар арафаи ҷашни байналмилалии Наврӯз дар назар аст.
Идомаи корҳои ниҳолшинонӣ дар шаҳри Хуҷанд
- Подробности статьи
- Автор
- Категория News
Бо дастуру супоришҳои Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон, бо мақсади истиқболи сазовори ҷашни байналмилалии Наврӯз дар ҳудуди шаҳри Хуҷанд корҳои ободониву бунёдкорӣ вусъат ёфта истодааст. Бо ин мақсад дирӯз дар шафати роҳи Чашмаи Арзана бо иштироки кормандони ташкилоту муассисаҳо 500 бех ниҳолҳои ҳамешасабз шинонида шуд, ки 200 бех ниҳолҳои сановбар аз ҳисоби шуъбаи ҳифзи муҳити зисти шаҳри Хуҷанд харидорӣ гардидааст. Тибқи нақшаи тасдиқгашта дар маркази вилоят боз 12 намуди ниҳолҳои дарахту буттаҳои бисёрсола ба микдори беш аз 6289 бех шинонида мешавад.
06 March 2021
Гузаронидани мониторинги экологӣ дар ноҳияҳои наздисарҳадии вилояти Суғд дар моҳи феврали соли ҷорӣ
- Подробности статьи
- Автор
- Категория News
Раёсати ҳифзи муҳити зисти вилоят тибқи нақшаи корӣ дар моҳи феврали соли равон мониторинги экологии ҳолати минтақаҳои ноҳияҳои наздисарҳадиро доир намуд. Дар рафти гузаронидани мониторинги экологӣ тағйирёбии тамоюли таъсир ба ҳавои атмосфера ва манбаҳои обии минтақаҳо, ҳамчунин ҳолати таркиби хок ва дараҷаи радиатсия муайян карда шуд. Қайд кардан ба маврид аст, ки ченкунии вазъи ҳаво дар нуқтаҳои мухталифи ҳудудисанитарӣ - муҳофизатӣтохатисарҳаддармасофаиаз 500 метр то 2 километр дур амалӣ гардид. Дар мавзеъи Янги – Қӯрғони ҷамоати деҳоти Ҳ.Усмонови ноҳияи Б.Ғафуров, ки бо ҷумҳурии ҳамсоя ҳамсарҳад мебошад, намунаҳои њавои атмосфера, об ва хок гирифта, ташхис гузаронида шуд. Ҳамзамон, зимни мушохида ва ченкунихои инструментал дар 2 мавзеъ бо гирифтани 10 намунахои партовхои моддахои зарарнок ба хавои атмосфера амал гардид. Натиҷаи ченкуниҳо ва ташхис нишон доданд, ки нишондиҳандаҳо ба монанди оксиди карбон, дуоксиди нитроген, фенол, гидроген сулфид, оксиди нитроген, аммиак, чанг, хлор ва гидрогенхлорид мутобиқи меъёр мебошанд.
Бартараф намудани партовҳои бесоҳиб дар шоҳроҳи Хуҷанд - Ашт
- Подробности статьи
- Автор
- Категория News
Бахшида ба ҷашни Наврўзи байналмилалӣ, дар доираи нақшаи чорабиниҳо ба истиқболи 30-солагии Истиқлолияти давлатии Ҷумҳурии Тоҷикистон ва «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019 - 2021 дар ноҳияи Ашт баргузории аксияи «Тозагии роҳ» ташкил ва амалӣ карда шуд. Аксия мазкур дар давоми 3 рўз идома ёфта, мақсади асосӣ - ин тоза намудани ду тарафи шоҳроҳи Хуҷанд – Ашт аз партовҳои бесоҳиб буд. Дар чорабинӣ ба ғайр аз намояндагони бахши ҳифзи муҳити зист ва Муассисаи давлатии хоҷагии чангали ба номи Н.Ҳувайдуллоев, кормандони Муассисаи давлатии назорати роҳи автомобилгарди ноҳия, дар маҷмуъ беш аз 50 нафар иштирок намуданд. Дар натиҷа 90 километр ду тарафи шоҳроҳ тоза гардида, зиёда аз 15 метри мукааб партовҳои бесоҳиб бароварда шуд.