Все статьи

17 April 2023

Гузаронидани корҳои фаҳмондадиҳӣ дар давраи манъи сайди моҳӣ дар шаҳри Исфара

Подробности статьи: Автор; Категория News

Бо мақсади иҷроиши фармоиши сардори Сарраёсат оид ба амалӣ гардонидани чорабиниҳои ҳифзкунандаи захираҳои моҳӣ дар давраи тухмигузории соли 2023 аз тарафи кормандони бахши ҳифзи муҳитизист дар шаҳри Исфара мунтазам амалиётҳои фаврӣ гузаронида шуда истодааст. Давоми 15 рӯзи аввали давраи манъи сайди моҳӣ 4 адад санадҳои азназаргузаронӣ, 2 адад амрнома ва 1 адад протокол оиди хариду фурӯши моҳӣ тартиб дода шуд. Ба роҳбарони субъектони хоҷагидори шаҳр амрнома барои роҳ надодан ба хариду фурӯши моҳӣ дода шуда, дар байни фурӯшандаҳои нуқтаҳои моҳифурӯшӣ корҳои фаҳмондадиҳӣ гузаронида шуд.

Чорабиниҳо дар давраи манъи сайди моҳӣ дар шаҳри Истаравшан

Подробности статьи: Автор; Категория News

Бо мақсади иҷрои фармоиши сардори Сарраёсати ҳифзимуҳитизистдарвилоятиСуғд оид ба ҳифзи захираҳои моҳӣ дар давраи тухмигузории соли 2023 аз тарафи кормандони бахши ҳифзи муҳитизист дар шаҳри Истаравшанамалиётҳои фаврӣ гузаронида шуд. Ба роҳбарони бозорҳо барои дар давраи тухмигузорӣ ба хариду фурӯш роҳ надодан амрнома дода шуда, дар байни фурӯшандаҳои нуқтаҳои моҳифурӯшӣ корҳои фаҳмондадиҳӣ гузаронида лавҳаҳои иттилоотӣ насб карда шуд. Давоми 15 рӯзи аввали давраи манъи сайди моҳӣ санадҳои азназаргузаронӣ, 5 адад армнома ва 1 адад протокол оиди хариду фурӯши моҳӣ тартиб дода шуд.

Амалиёти “Ҳавои тоза” дар ноҳияи Деваштич

Подробности статьи: Автор; Категория News

Дар асоси нақшаи кории бахши ҳифзи муҳити зисти ноҳияи Деваштич, бо мақсади кам намудани ихроҷи моддаҳои зараровар ба ҳавои атмосфера дар нуқтаи санҷиши давлатии техникии ноҳия амалиёти «Ҳавои тоза» гузаронида шуд. Рафти амалиёт 25 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори аз меъёр зиёди партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян карда нашуд.

14 April 2023

Амалиёти назоратӣ дар ноҳияи Масчоҳ

Подробности статьи: Автор; Категория News

Тибқи нақшаи корӣ, бо мақсади ҳифз ва нигаҳдории олами наботот аз тарафи кормандони бахши ҳифзи муҳити зист дар ноҳияи Масчоҳ амалиёти назоратӣ гузаронида шуд. Дар натиҷа дар ҳудуди МД Хоҷагии ҷангали вилояти Суғд ҳолати ҷамъоварии ғайрирасмии занбӯруғ ошкор карда шуд. Нисбати қонуншикан - сокини ноҳияи Масчоҳ, ҷамоати деҳоти Навбаҳор, деҳаи Сангчашма Холҷигитов Эрҷигит дар асоси моддаи 223 Кодекси ҳуқуқвайронкунии маъмурӣ ва моддаи 44-и Қонуни Ҷумҳурии Тоҷикистон «Дар бораи ҳифзи муҳити зист» протоколи ҳуқуқ-вайронкунии маъмурӣ тартиб дода шуда, аз тарафи бахш чораҳои маъмурӣ андешида мешавад.

Амалиётҳои фаврӣ дар минтақаҳои обанбори Баҳри Тоҷик

Подробности статьи: Автор; Категория News

Бо мақсади иҷроиши фармоиши сардори сарраёсати ҳифзи муҳити зист дар вилояти Суғд оид ба ҳифзи захираҳои моҳӣ дар давраи тухмигузории соли 2023 аз тарафи нозирони бахши ҳифзи муҳити зист дар шаҳри Конибодом мунатазам амалиётҳои фаврӣ гузаронида шуда истодааст. Ҳангоми гузаронидани чунин амалиёт дар обанбори Баҳри Тоҷик 6 адад турҳои бесоҳиб дарёфт ва тариқи сӯзонидан несту нобуд карда шуд. Гузаронидани чунин амалиётҳо дар дигар минтақаҳои обанбор идома дорад.

11 April 2023

Натиҷагирӣ аз фаъолияти семоҳаи якуми Сарраёсати ҳифзи муҳити зист дар вилояти Суғд

Подробности статьи: Автор; Категория News

Санаи 7 апрели соли равон дар Маркази бозомӯзии Сарраёсат дар шаҳри Гулистон ҷаласаи мақомоти ҳифзи муҳити зист оид ба ҷамъбасти фаъолияти семоҳаи якум ва вазифаҳои минбаъда баргузор гардид. Пас аз шунидани маърӯзаи ҳисоботӣ сардори Сарраёсати ҳифзи муҳити зист дар вилояти Суғд Ғуфронзода А.Ғ. аз сардорони шуъбаҳои назоратӣ ва роҳбарони зерсохторҳо дар шаҳру ноҳияҳо пурсиш ба амал оварда, барои ислоҳи камбудиҳои ҷойдошта баҳри пешрафти фаъолияти минбаъда ва ба нишондиҳандаҳои назаррас ҷамъбаст намудани фаъолияти нимсолаи якум дастур дод. Қайд карда шуд, ки дар самти ситонидани маблағҳои ҷарима ва зарар, назорат ва таҳлили фаъолияти нозирӣ, низоми иҷозатдиҳӣ, ҳолати партовгоҳҳои ғайрирасмӣ ва назорати доимии он, иҷроиши саривақтӣ ва босифати барномаҳои соҳавӣ ва давлатӣ, иҷроиши нақша чорабиниҳо дар давраи манъи сайди моҳӣ дар шаҳру ноҳияҳо корбарии ҷиддӣ ба роҳ монда шавад.

Конфронси илмӣ-амалӣ дар мавзуи “Пиряхҳои Тоҷикистон – манбаи обҳои зулоли Осиёи Марказӣ”

Подробности статьи: Автор; Категория News

Санаи 6 апрели соли ҷорӣ тибқи нақша – чорабиниҳои Кумита ҷиҳати эълон гаштани соли 2025 “Соли байналмилалии ҳифзи пиряхҳо”, бо мақсади иҷрои нуқтаҳои дар Паёми навбатии Пешвои миллат муҳтарам Эмомалӣ Раҳмон марбут ба амалигардонии принсипҳои “иқтисоди сабз” ва ташвиқу тарғиби ташаббуси панҷуми ҷониби Тоҷикистон, дар толори коллеҷи тиббии ноҳияи Бобоҷон Ғафуров бо иштироки коршиносони соҳа ва кормандони сохторҳои маҳалӣ, устодону хонандагони муассисаи мазкур семинари илмӣ-амалӣ дар мавзуи “Пиряхҳои Тоҷикистон – манбаи обҳои зулоли Осиёи Марказӣ” баргузор гардид. Директори коллеҷи мазкур Кайҳони Суфиёт дар мавзуи “Тоҷикистон – макони пиряхҳои бузург ва обҳои зулоли минтақаи Осиёи Марказӣ” маърӯза намуд. Ҳамзамон, сардори шуъбаи ҳифзи муҳити зист дар ноҳияи Бобоҷон Ғафуров Носиров С. дар мавзуъҳои ҳифзи пиряхҳо ва аҳамияти он дар ҷумҳурӣ, қадр кардани захираҳои табиат, саҳм гузоштан дар кам кардани таъсиррасонӣ ба табиат, тозагии маҳал ва соҳил, инчунин иҷрои бандҳои нақша-чорабиниҳои “Барномаи маҷмӯии рушди тарбия ва маърифати экологии аҳолии Ҷумҳурии Тоҷикистон, барои солҳои 2021-2025” баромад намуд. Дар охири конфронс аз ҷониби донишҷӯён саволу ҷавоб сурат гирифта, ба саволҳои худ ҷавобҳои қонеъкунанда гирифтанд.

Саҳмгузорӣ дар барқарорсозии ҷангалзори тӯқайи шаҳри Конибодом

Подробности статьи: Автор; Категория News

Дар ҷангалзори тӯқайи шаҳри Конибодом аксияи ниҳолшинонӣ баргузор гардид, ки дар натиҷа чор намуд ниҳол, аз он ҷумла тут, ҷигда, ток ва хуч ҳамагӣ 9 ҳазор бех шинонида шуд. Дар рафти аксия беш аз 70 нафар намояндагони Ташкилоти ҷамъиятии «Гурӯҳи ҷавонон оид ба ҳифзи муҳити атроф», Ҷамъияти шикорчиён ва моҳигирони вилояти Суғд, донишҷӯёни Донишкадаи кӯҳӣ - металлургии Тоҷикистон, МДТ «Донишгоҳи давлатии Хуҷанд ба номи академик Бобоҷон Ғафуров» ва аҳолии маҳалла фаъолона иштирок намуданд. Ҷангалзори тӯқай дар нигоҳ доштани мувозинаи экологӣ нақши муҳим дошта, макони сукунати намудҳои гуногуни олами ҳайвонот мебошад. Мутаассифона, онҳо аз таъсири таъсири антропогении инсон, аз қабили буридани дарахтони ҷангал, сӯхтор ва мунтазам чаронидани миқдори зиёди чорво хароб мешаванд. Барои барқарор ва нигоҳ доштани ин экосистемаи нодир пайваста тадбирҳои амалӣ андешида мешаванд, ки ҷиҳати фароҳам овардани шароити мусоид барои ҳайвоноти маҳаллӣ ва ҳифзи гуногунии биологӣ мусоидат менамояд.

06 April 2023

Чорабиниҳо дар давраи манъи сайди моҳӣ

Подробности статьи: Автор; Категория News

Бо мақсади иҷрои фармоишҳои раиси Кумитаи ҳифзи муҳити зисти назди Ҳукумати Ҷумҳурии Тоҷикистон таҳти №42 аз 28.03.2023 сол ва сардори Сарраёсати ҳифзи муҳити зист дар вилояти Суғд № 16 аз 31.03.2023 сол «Оид ба амалӣ гардонидани чорабиниҳои ҳифзкунандаи захираҳои моҳӣ дар давраи тухмигузории соли 2023» аз тарафи кормандони шуъбаи ҳифзи муҳити зист дар шаҳри Хуҷанд гузаронидани амалиётҳои фаврӣ оғоз гардид. Чунин амалиёт дар бозори «20 солагии Истиқлолият»-и шаҳри Хуҷанд гузаронида шуда, ба роҳбари бозор барои дар давраи тухмигузорӣ ба хариду фурӯш ва пухтупази моҳӣ роҳ надодан амрнома дода шуд. Дар байни фурӯшандаҳои нуқтаҳои моҳифурӯшӣ корҳои фаҳмондадиҳӣ гузаронида шуда, дар дохили бозор лавҳаҳои иттилоотӣ насб карда шуд.

03 April 2023

Сайди моҳӣ манъ аст

Подробности статьи: Автор; Категория News

Тибқи фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 28 03.2023 с. таҳти №42 ва фармоиши сардори Сарраёсат № 16 аз 31.03.2023 «Оид ба амалӣ гардонидани чорабиниҳои ҳифзкунандаи захираҳои моҳӣ дар давраи тухмигузории соли 2023», дар асоси моддаҳои 6 ва 9-и Қонуни Ҷумҳурии Тоҷикистон «Дар бораи ҳифзи муҳити зист», моддаҳои 8 ва 32-и Қонуни Ҷумҳурии Тоҷикистон «Дар бораи олами ҳайвонот», моддаҳои 6, 10 ва 24-и Қонуни Ҷумҳурии Тоҷикистон «Дар бораи моҳипарварӣ, моҳигирӣ ва ҳифзи захираҳои моҳӣ», моддаҳои 4 ва 17-и «Қоидаҳои моҳидорӣ дар обанборҳои аҳамияти моҳидорӣ доштаи Ҷумҳурии Тоҷикистон» бо мақсади муҳофизат ва нигоҳдории захираҳои моҳиҳои обанборҳои вилоят, шароити фароҳам овардан ба рафти афзоиши табиӣ ва роҳ надодан ба қонуншиканиҳо дар давраи тухмигузории моҳӣ аз санаи 1 апрел то 15 июни соли 2023 сайди моҳӣ дар обанборҳои вилоят аз тарафи шахсони ҳуқуқӣ ва воқеӣ манъ карда шудааст. Телефони боварӣ: (83422) 6–59–81, 6–03-95