Все статьи
15 May 2026
Амалиёти «Ҳавои тоза»
- Подробности статьи
- Автор
- Категория News
Б
о мақсади кам намудани ихроҷи моддаҳои зараровар ба ҳавои атмосфера, дар асоси нақшаи кории шуъбаи мониторинги экологӣ, таҳлилӣ ва ахбороту иттилооти сарраёсат ва шуъбаву бахшҳои ҳифзи муҳити зист дар шаҳрҳои Хуҷанду Конибодом ва ноҳияи Б.Ғафуров бо ҳамкории шуъбаи милитсияи экологӣ ва сайёҳии ВКД ҶТ дар вилояти Суғд, дар кўчаҳои протоколии шаҳрҳои Хуҷанд ва Конибодом, шоҳроҳи ноҳияи Бобоҷон Ғафуров амалиёти «Ҳавои тоза» гузаронида шуд. Дар амалиёт 92 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 19 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА шаҳру ноҳия ирсол гардид.
Амалиётҳои назоратӣ дар давраи тухмгузории моҳӣ
- Подробности статьи
- Автор
- Категория News
Д
ар асоси нақшаи кории тасдиқгардида ҳангоми гузаронидани амалиётҳои назоратии муштараки кормандони шуьбаи ҳифзи муҳити зист дар ноҳияи Б.Ғафуров ва шуъбаи милитсияи экологӣ ва сайёҳии ВКД ҶТ дар ҷамоати деҳоти Хистеварз (тарафи чапи соҳили Баҳри Тоҷик) ҳудуди ноҳияи Бобоҷон Ғафуров ҳолати сайди ғайриқонунии моҳӣ ошкор гардид. Дар натиҷа нисбати қонуншикан санади азназаргузаронӣ тартиб дода шуда 57 сар моҳиҳо мусодира карда шуд. Хотиррасон бояд кард, ки бо мақсади муҳофизат ва нигоҳдории захираҳои моҳиҳои обанборҳои вилоят, фароҳам овардани шароити мусоид ба рафти афзоиши табиӣ ва роҳ надодан ба қонуншиканиҳо дар тамоми дарёҳою обанборҳои ҳудуди вилояти Суғд аз санаи 15 март то 1 июни соли 2026 моҳидорӣ манъ карда шудааст.
05 March 2026
Назорати давлатӣ дар самти ҳифзи олами ҳайвонот
- Подробности статьи
- Автор
- Категория News
Т
ибқи иҷрои нақшаи корӣ, бо мақсади пурзӯр намудани назорати давлатӣ дар самти ҳифзи олами ҳайвонот аз тара-фи нозирони шуъбаи назорати давлатии истифода ва ҳифзи олами наботот, ҳайвонот ва захираҳои моҳии Сарраёсат дар ноҳияи Деваш-тич амалиёти назоратӣ гузаронида шуд. Рафти амалиёт муайян карда шуд, ки сокини ноҳияи Деваштич ҷамоати деҳоти Яхтанг Шарифов Эрбек қоидаҳои ҳамлу нақл, нигоҳдорӣ ва истифодаи олами ҳайвонотро вайрон намудааст, ки ин бар хилофи моддаи 44 Қонуни Ҷумҳурии Тоҷикистон “Дар бораи ҳифзи муҳити зист” мебошад. Дар натиҷа нисбати қонуншикан мутобиқи моддаи 227 Кодекси ҳуқуқвайронкунии маъмурии Ҷум-ҳурии Тоҷикистон протоколи ҳуқуқвайронкунии маъмурӣ тартиб дода шуда, 2 адад мор (намуди хокӣ) ба муҳити табиӣ сар дода шуд.
04 March 2026
Истаравшан: вусъати корҳо дар самти ниҳолшинонӣ
- Подробности статьи
- Автор
- Категория News
2
марти соли 2026 баҳри иҷрои дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар доираи "Барномаи давлатии кабудизоркунии Ҷумҳурии Тоҷикистон барои давраи то соли 2040" дар миқёси вилоят маъракаи ниҳолшинонӣ бомаром идома дорад. Бо иқдоми бахши ҳифзи муҳити зисти шаҳр дар ҷамоати деҳоти Сабристон деҳаи Яккатол ва ҷамоати деҳоти Зарҳалол шоҳроҳи Душанбе – Чаноқ зиёда аз 550 бех ниҳолҳои ҳамешасабзу ороишӣ шинонида шуд. Тибқи нақша соли равон дар шаҳри Истаравшан шинонидани 64800 бех ниҳолҳои сояафкану ороишӣ, ҳамешасабз ва мевадиҳанда пешбинӣ гардидааст.
Идомаи корҳои кабудизоркунӣ дар ноҳияи Айнӣ
- Подробности статьи
- Автор
- Категория News
2
8 феврали соли ҷорӣ дар ноҳияи Айнӣ корҳои ободониву сабзгардонӣ бо маром идома ёфтанд. Дар ин замина, дар шаҳраки Зарафшон-2-и Ҷамоати шаҳраки Зарафшон чорабинии навбатии ниҳолшинонӣ доир гардид. Дар рафти маърака раиси ноҳия Равшан Раҳимзода ва сокинони фаъоли маҳаллӣ иштирок намуда, саҳми худро дар зебо гардонидани муҳит гузоштанд. Бо ташаббус ва дастгирии бахши ҳифзи муҳити зисти ноҳия барои гузаронидани чорабинӣ 500 бех ниҳоли сӯзанбарги навъҳои туякӣ ва арча ҷудо карда шуд. Иштирокчиён бо рӯҳияи баланди ватандӯстӣ ба шинонидани ниҳолҳо машғул гардида, дар беҳтарсозии фазои экологии маҳал саҳм гузоштанд. Қобили зикр аст, ки чунин иқдомҳо дар чорчӯбаи татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» амалӣ мешаванд. Ҳамзамон, дар мавзеи дашти Похути Ҷамоати деҳоти Рарз 2000 бех ниҳоли қарағоҷ шинонида шуд. Илова бар ин, ҳайати шахсии ШВКД Ҷумҳурии Тоҷикистон дар ноҳия дар заминҳои хоҷагии ёрирасони худ 400 бех ниҳоли мевадиҳандаи себ ва зардолу шинониданд.
Тақвияти фаъолияти ниҳолпарварӣ дар шаҳри Конибодом
- Подробности статьи
- Автор
- Категория News
Д
ар доираи татбиқи сиёсати давлатии экологӣ ва рушди низоми кабудизоркунӣ дар сатҳи ҷумҳурӣ, раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон ва Раиси шаҳри Конибодом Зоҳидзода Даврон аз ниҳолхонаи бахши ҳифзи муҳити зист дар шаҳри мазкур боздид намуданд. Ниҳолхона дар масоҳати 2,5 гектар доман паҳн карда, яке аз пойгоҳҳои муҳими таъминоти ниҳолҳои ҳамешасабзу ороишӣ дар минтақа ба ҳисоб меравад. Дар он парвариши санавбар, кипарис, можжевельник, дуб, каталпа, акасия ва сафедор ба роҳ монда шудааст. Айни ҳол дар ниҳолхона зиёда аз 51 ҳазор бех ниҳолҳои гуногуни ороишӣ ва ҳамешасабз парвариш меёбанд, ки барои таъмини маъракаҳои кабудизоркунӣ дар шаҳру ноҳияҳо равона карда мешаванд. Зимни шиносоӣ бо раванди истеҳсол ва нигоҳубини ниҳолҳо таъкид гардид, ки рушди чунин хоҷагиҳои соҳавӣ заминаи устувор барои татбиқи барномаҳои давлатии сабзгардонӣ ва беҳтарсозии вазъи экологии кишвар фароҳам меорад. Ҳамзамон, дар идомаи тадбирҳои амалии ободониву кабудизоркунӣ дар канори роҳи Конибодом–Хуҷанд 200 бех ниҳоли кипарис ва санавбар шинонида шуд. Тибқи нақша, дар маҷмӯъ дар ин қитъаи роҳ шинонидани 2700 бех ниҳол пешбинӣ гардидааст, ки ба беҳдошти манзараи роҳ, коҳиши таъсири омилҳои манфии муҳити зист ва ташаккули фазои сабзи муосир мусоидат хоҳад кард.
26 February 2026
Дарси кушоди экологӣ дар муассисаи томактабии шаҳри Хуҷанд
- Подробности статьи
- Автор
- Категория News
Т
ибқи дастурамали «Роҳнамо оид ба тарбияи экологӣ дар муассисаҳои томактабӣ»дар 5 муассисаҳои томактабии шаҳру ноҳияҳои Хуҷанд, Б.Ғафуров, Истиқлол, Бӯстон ва Гулистон дарсҳо ва машғулиятҳои нави экологӣ ба таври озмоишӣ гузаронида шуда истодаанд. Дар яке аз онҳо сармутахассиси Сарраёсати ҳифзи муҳити зист дар вилояти Суғд ва намояндаи масъули Ташкилоти ҷамъиятии «Гурӯҳи ҷавонон оид ба ҳифзи муҳити атроф», ки ташкилкунандагони таҳияи дастурамали болозикр мебошанд, иштирок намуданд. Дар толор барои машғулиятҳои мусиқии ширхоргоҳ – кӯдакистони № 18-и шаҳри Хуҷанд дарси кушоди экологӣ бо забони русӣ таҳти унвони «Берегите природу» бо иштироки наврасони гурӯҳи омодагӣ баргузор гардид. Рафти дарси кушод бахшида ба самтҳои ҳифзи муҳити зист, аз он ҷумла олами набототу ҳайвонот, ҳавои атмосфера, муомилот бо партовҳо, роҳ надодан ба ифлосшавии оби дарё, ҳифзи ҷангал, ба хелҳо ҷудо намудани партовҳо ва ғайра машғулиятҳои иттилоотӣ ва ҳам амалӣ аз ҷониби мураббӣ – эколог гузаронида шуд. Бо хоҳиши мудири кӯдакистон аз тарафи сармутахассиси сарраёсат дар бораи ҳадафи Китоби сурхи Ҷумҳурии Тоҷикистон ва намудҳои нодир аз олами набототу ҳайвонот барои наврасон гуфта шуд. Ҳамчунин, барои минбаъд рушд ёфтани корбарӣ бо муассисаҳои томактабии шаҳру ноҳияҳо, расонидани кӯмак дар баргузории дарсҳои экологӣ ва ба даст овардани аёниятҳои зарурӣ дар нақшаи наздик пешбинӣ гардид.
25 February 2026
Тренинги омўзишӣ байни омўзгорон оид ба тағйирёбии иқлим
- Подробности статьи
- Автор
- Категория News
Ҳ
ифзи муҳити зист, истифодаи оқилонаи захираҳои табиӣ ва пешгирии паёмадҳои тағйирёбии иқлим дар шароити ҷаҳони муосир ба яке аз масъалаҳои муҳим табдил ёфтааст. Ҷумҳурии Тоҷикистон бо дарки амиқи ин воқеият, таҳти роҳбарии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сиёсати устувор ва дурбинонаро дар самти ҳифзи табиат ва таъмини рушди устувор амалӣ менамояд. Ин нукта дар Паёми солонаи Президенти кишвар ба Маҷлиси Олии Ҷумҳурии Тоҷикистон ба таври возеҳ инъикос гардида, самтҳои афзалиятноки сиёсати давлатии экологиро муайян менамояд. Бо иқдоми Сарраёсати ҳифзи муҳити зисти вилоят бо дастгирӣ ва ҳамкории Барномаи рушди Созмони Милали Муттаҳид дар толори сарраёсат тренинги омӯзишӣ байни омўзгорони фанҳои география, биология, экология оид ба ҳамгироии самараноки таҳсилоти марбут ба иқлим ба раванди таълим бо истифода аз маҷмўи «Сандуқчаи иқлимӣ» гузаронида шуд. Дар тренинг омўзгорони фаъол аз муассисаҳои таҳсилоти миёнаи умумии шаҳрҳои Хуҷанд, Гулистон, Бўстон, Бобоҷон Ғафуров, Ҷаббор Расулов ва Спитамен ҳамагӣ 23 нафар иштирок намуданд.
20 February 2026
Дар шаҳру ноҳияҳои вилояти Суғд чорабиниҳои ниҳолшинонӣ ва аксияҳои экологӣ оммавӣ баргузор гардида истодааст
- Подробности статьи
- Автор
- Категория News
Б
о назардошти мусоид омадани обу ҳаводар миқёси вилояти Суғд маъракаи кабудизоркунӣ ва ободонӣ оммавӣ баргузор гардида истодааст. Давоми ҳафтаи охир дар рафти аксияҳои экологии «Тозагии маҳал», «Тозагии шоҳроҳ» ва «Тозагии соҳил» беш аз 8400 нафар намояндагони корхонаҳо, ташкилоту муассиса, хоҷагиҳо ва шаҳрвандон иштирок дошта, дар натиҷа 5,2 км ҷӯйбор, 26 км қади шоҳроҳ ва роҳҳо, 6 км соҳилҳои манбаъҳои обӣ аз партовҳои гуногун тоза ва ба партовгоҳҳо зиёда аз 160 метри мукааб партовҳо интиқол дода шуданд.Дар баробари ин, корҳои тоза кардани қади шоҳроҳи Душанбе – Хуҷанд – Чаноқ ва бартараф кардани нуқтаҳои партовҳои бесоҳиб ба сомон расонида шудааст. Татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» ва Нақшаи амал барои солҳои 2025 – 2027 ҳамчун яке аз самтҳои афзалиятноки фаъолияти Сарраёсати ҳифзи муҳити зист дарвилояти Суғд ба ҳисоб рафта, натиҷаҳои рафти маъракаи ниҳолшинони ба ҳолати 17.02.2026 ҷамъбаст гардид. Мутобиқи маълумот дар шаҳру ноҳияҳои вилоят 80465 бех, аз он ҷумла ниҳолҳои дарахтони ороишии ҳамешасабз - 27012 бех, сояафкан – 11857 бех, мевадиҳанда – 37906 бех ва тут – 3690 бех шинонида шудааст. Тибқи нақшаи амал дар соли 2026 дар маҷмуъ, 600 ҳазор бех ниҳол дар миқёси вилоят шинонида мешавад ва маъракаи мазкур оммавӣ идома дорад.
Идомаи чорабииҳои ниҳолшинонӣ ва ободонӣ дар шаҳри Гулистон
- Подробности статьи
- Автор
- Категория News
Д
ар Гулистон, ҳамчун шаҳре, ки дар соҳили обанбори «Баҳри Тоҷик» бисёр минтақаҳои истироҳатӣ дорад аз миқёси ҷумҳурӣ ва аз он берун, давлатҳои дуру наздик дар давраи истироҳати фасли тобистонбениҳоят миқдори зиёди сайёҳон ташриф меоранд. Бо ин сабаб ҳар ҳафта бо мақсади тозаю озода нигоҳ доштани ҳудуди шаҳр дар минтақаҳои гуногун аксияҳои экологӣ ва дигар чорабиниҳои ба ободӣ равонгардида гузаронида мешаванд. Аз тарафи бахши ҳифзи муҳити зист дар шаҳри Гулистон рӯзи истироҳат бо иштироки 100 нафар шаҳрвандон аксияҳои «Тозагии маҳал» ва «Тозагии шоҳроҳ»-ро ташкил гардида, дар доираи онҳо 3,7 км қади роҳтоза ва 4 метри мукааб партовҳо ҷамъоварӣ карда шуд.Ғайр аз ин, дар қароргоҳи шаҳри Гулистон, ки наздикии МД «Боғи миллии Ваҳдат»-и ноҳияи Б.Ғафуров ҷойгир шудааст, корҳои кабудизоркунии саҳни бино ва ҳудуд бо шинонидани ниҳолҳои намуди гуногуни дарахтони ҳамешасабз амалӣ гардида истодааст. Дар маъракаи ниҳолшинонии рӯзҳои охир дар қароргоҳи мазкур баргузоргардида, 1000 бех ниҳолҳои дарахтони ороишию сояафкани шинонида аз ҷониби Сарраёсати ҳифзи муҳити зист дар вилояти Суғд таъмин карда шуданд.