Все статьи
16 October 2025
Ба сӯзиши хазон роҳ надиҳед!
- Подробности статьи
- Автор
- Категория News
С
ўзонидани партов ва баргҳои дарахтон дар кӯчаву хиёбонҳо, майдону боғҳо ва гулгашту боғҳои фарҳангу фароғатӣ қатъиян манъ аст. Фасли тирамоҳ дар баробари фасли заррин будан, боз мушкилотҳоеро ба миён меорад, ки кормандони соҳаи коммуналӣ барои халосӣ аз он танҳо як “усул” -ро ба кор мебаранд, ки ин сўзиши хазон мебошад. Мутобиқ ба таҳлилҳои мутахассисони соҳаи муҳити зист роҳ додан ба сўзонидани партов боиси хурӯҷи касалиҳои диққи нафас гардида, нороҳатии шаҳрвандонро ба миён меорад. Таъкид менамоем, ки дар қатори дигар партовҳои аз рӯзгор ҳосилшаванда барги хазоншуда низ ба партов табдил меёбад ва дар бисёр ҳолатҳо барои аз партовҳо раҳоӣ ёфтан кормандони соҳаи коммуналӣ ва дигар шахсони вобаста шуда, ба оташ задани барги хазонгашта даст мезананд. Бехабар аз он ҳастанд, ки дар натиҷаи сӯхтани ин гуна мавод ба ҳавои атмосфера моддаҳое ба саломатии мавҷудоти зинда зарраррасон, ба монанди дуда, оксиди карбон, ангидриди олтингӯгирд, оксидҳои нитроген ва диоксинҳою фуран, ки ба гурӯҳи моддаҳои устувори органикӣ шомил мебошанд, ихроҷ гардида аввал ба роҳи нафаси одамон, баъдан бо бӯи ғализ ва дудаи худ дохили ҳуҷраҳои биноҳо шуда, ба муҳити атроф ва сипас ба ҳавои атмсофера дохил гардида, оқибат ба раванди метеорологӣ ҳангоми боришоти атмосферӣ бо оби борон ҳамроҳ гардида, ҳангоми ба замин рехтан ба таркиби хок дохил шуда, хокистартӯдааш ба воситаи оби ё боришот ҷаббида гардида, ҳамчун маҳлули ишқорӣ ба манбаъҳои обӣ ҷорӣ мегардад.
14 October 2025
Амалиёти назоратӣ дар самти ҳифзи ҳавои атмосфера
- Подробности статьи
- Автор
- Категория News
Ҳ
ангоми гузаронидани амалиёти назорати давлатӣ мутахассисони Сарраёсати ҳифзи муҳити зист дар вилояти Суғд, дар ҳудуди шаҳри Истаравшан сӯзонидани партов ва алафҳои хушкшударо дар қадди роҳ аз тарафи П.Т. сокини шаҳр ошкор намуданд, ки дар натиҷа дуди ғализи он ба муҳити атроф паҳн шуда, ҳавои атмосфераро вайрон кардааст. Нисбати қонуншикан бо моддаи 21-и Қонуни Ҷумҳурии Тоҷикистон "Дар бораи ҳифзи ҳавои атмосфера" ва моддаи 231-и Кодекси ҳуқуқвайронкунии маъмурии Ҷумҳурии Тоҷикистон протоколи ҳуқуқвайронкунии маъмури тартиб дода шуд, ки ҷаримаи он аз 5 то 10 нишондиҳанда пешбинӣ гардидааст.
Бартараф намудани партовҳои бесоҳиб дар шаҳри Истаравшан
- Подробности статьи
- Автор
- Категория News
Б
аҳри тозаву обод нигоҳ доштани муҳити зист ва беҳтар намудани ҳолати экологӣ бо ташаббуси бахши ҳифзи муҳити зист дар шаҳри Истаравшан дар шоҳроҳи Душанбе Чаноқ минтақаи деҳаи Қалъачаи араб дар 4 нуқта партовҳои бесоҳиб тариқи ду техникаи калонҳаҷм ба партовгоҳи шаҳрӣ интиқол дода шуд. Рафти корҳо тариқи телевизион ба навор гирифта шуда, дар ин самт корҳо идома доранд.
Амалиёти назоратӣ дар самти ҳифзи захираҳои моҳӣ
- Подробности статьи
- Автор
- Категория News
Ҳ
ангоми гузаронидани амалиётҳои назорати давлатӣ дар самти ҳифзи захираҳои моҳӣ аз тарафи кормандони Сарраёсати ҳифзи муҳити зист дар вилояти Суғд дар минтақаи Сартуқай воқеъ дар ноҳияи Б.Ғафуров, ҳолати риоя накардани қоидаҳои моҳидорӣ ошкор карда шуд. Дар натиҷа нисбати 3 нафар қонуншиканон дар ҷояш протоколҳои ҳуқуқвайронунии маъмурӣ тартиб дода шуд.
Телефони боварии Сарраёсати ҳифзи муҳити зист дар вилояти Суғд фаъол шуд
- Подробности статьи
- Автор
- Категория News
Б
о мақсади иштироки фаъолонаи аҳолӣ дар беҳбудии муҳити зист, пешгирии қонунвайронкуниҳои экологӣ, аз ҷумла, партофтани партовҳои маишӣ, бе иҷозат буридани дарахтон, сӯзонидани партову барги дарахтон ва дигар ҳолатҳои вайронкунии талаботҳои қонунҳои амалкунандаи ҳифзи муҳити зист сарраёсати ҳифзи муҳити зист дар вилояти Суғд барои қабули муроҷиати шаҳрвандон телефони бовариро ташкил намудааст. Телефони боварӣ шабонарўзӣ фаъол буда, ҳар як сокини вилоят метавонад оид ба ҳама гуна нақзи қонунгузорӣ дар соҳаи ҳифзи муҳити зист ба қабулгоҳи ҷамъиятии экологӣ тариқи мессенҷерҳои вотсап ва телеграмм хабар расонад. Сарраёсат он шаҳрвандонеро, ки фаъолнокиро нишон медиҳанд ҳар семоҳа натиҷабардорӣ намуда бо туҳфа қадрдонӣ менамояд.
10 October 2025
10 октябр - Рӯзи ҷаҳонии парандаҳои муҳоҷир
- Подробности статьи
- Автор
- Категория News
Б
исёр парандагон баробари саршавии тирамоҳ ва камшавии хӯрок ба чойҳои гарм парвоз карда мераванд. Олимон муайян кардаанд, ки кӯчи парандагон ба тағйирёбии мавсими шароити зиндагӣ ва камшавии хӯрок вобаста мебошад. Барои чуҷабарорӣ парандаҳои ноҳияҳои шимолӣ ва иқлимашон муътадил ба ҷойҳои гарм парвоз мекунанд. Одатан, дар аввали баҳор ба ҷойи сукунати худ парвоз кардани парандагон ба зуҳуроти ғаризавии (инстинктӣ) таносул ё ки афзоишкунӣ вобаста мебошад. Кӯчи тирамоҳӣ ба кам шудани хӯрок, кутоҳ, шудани рӯз ва сардшавии ҳаво вобаста мебошад, ки ин тағйироти мавсимӣ гӯё бонгест барои парвоз карда рафтан аз маҳалли бехӯрок. Ҳамин тариқ кӯчи мавсимӣ амалиёти ғаризавии (инстинктӣ) парандагон мебошад, ки дар давоми миллионҳо сол бо таъсири омилҳои мавсимии сол ба вуҷуд омадааст. Аввалин шуда аз ҷумҳуриамон булбулҳо, заргулдор, достак ва фароштурукҳо кӯч мебанданд. Баъдтар баробари сардшавии ҳаво ғозҳо, мурғобӣ ва турнаҳо мераванд. Лаклаки сафед барои зимистонгузаронӣ ба масофаи хеле дур ба Африкои ҷанубӣ парвоз карда меравад. Маълум карда шудааст, ки бисёр намудҳои парандаҳои Тоҷикистон дар Африкои ҷанубӣ ва Ҳиндустон зимистонро мегузаронанд. Аввали баҳор ин парандаҳо боз парвоз карда меоянд.
07 October 2025
Натиҷагирӣ аз фаъолияти 9 моҳаи Сарраёсати ҳифзи муҳити зист дар вилояти Суғд
- Подробности статьи
- Автор
- Категория News
Д
ар толори маҷлисгоҳи Сарраёсат ҷаласаи мақомоти ҳифзи муҳити зист оид ба ҷамъбасти фаъолияти 9 моҳа ва вазифаҳои минбаъда бо иштироки сардори сарраёсат Холзода С.Х., сардорони шуъбаҳои назоратӣ, роҳбарони зерсохторҳо дар шаҳру ноҳияҳо ва кормандони сарраёсат баргузор гардид. Сардори сарраёсати ҳифзи муҳити зист дар вилояти Суғд Холзода С.Х. пас аз шунидани маърӯзаи ҳисоботӣ аз сардорони шуъбаҳои назоратӣ ва роҳбарони зерсохторҳо дар шаҳру ноҳияҳо вобаста ба натиҷаҳои фаъолият дар ҳама самтҳои соҳа пурсиш намуда, баҳри ислоҳи камбудиҳои ҷойдошта дар самти ҳифзи олами набототу ҳайвонот ва захираҳои моҳӣ, атмосфера, замин, муомилот бо партовҳо ва пешрафти фаъолияти минбаъда дастуру супоришҳо дод. Ҳамзамон дар умум фаъолияти мақомот дар давраи ҳисоботӣ хуб арзёбӣ гардида, ҷиҳати беҳтар ба роҳ мондани фаъолияти нозирӣ ва назорати ҳолати экологӣ, иҷроиши босифат ва саривақтии барномаҳои соҳавию давлатӣ вазифагузорӣ шуд.
06 October 2025
Дар шаҳри Хуҷанд чорабинии экологӣ бахшида ба «Рӯзи дарёи Сир» баргузор гардид
- Подробности статьи
- Автор
- Категория News
Б
ахшида ба «Рӯзи дарёи Сир» дар «Боғи фарҳангӣ - фароғатии Наврӯзгоҳ»-и шаҳриХуҷанд чорабинии омавӣ бо баргузории аксияи экологӣ таҳти унвони «Сирдарё - дарёи мо, ояндаи мо» доир гардид. Чорабинии мазкур бо ҷалби беш аз 300 нафар донишҷӯ аз муассисаҳои олии вилоят гузашта, тибқи барнома аксияи оммавии экологӣ оид ба тоза кардани соҳилҳои Сирдарё, викторинаи экологӣ ва чорабиниҳои маърифатӣ барои донишҷӯён, мукофотонидани ғолибону иштирокчиёни фаъол ва ҷалби намояндагони васоити ахбори омма амалӣ гардид. Соли панҷум мебошад, ки чун анъана «Рӯзи дарёи Сир» дар шаҳриХуҷанд бо мақсади нишон додани муҳимияти захираҳои об, ҷиҳати ҷалб, иттилоотонидан ва баланд бардоштани дониши экологии ҷавонон дар самти истифодаи оқилона ва ҳифзи захираҳои об ва мустаҳкам намудани амнияти экологӣ дар аввали моҳи октябр қайд гардида, дар ин рӯз аксия ва чорабиниҳои гуногуни экологӣ гузаронида мешаванд.
15 September 2025
Хокпўш намудани партовҳои бесоҳиб
- Подробности статьи
- Автор
- Категория News
А
з тарафи мақомоти ҳифзи муҳити зист иҷрои қарори Ҳукумати Ҷумҳурии Тоҷикистон аз 2 ноябри соли 2012, № 626 “Дар бораи тартиби ошкор кардан ва ба ҳисоб гирифтани партовҳои бесоҳиб ва пешгирии ифлосшавии муҳити зист ва кам кардани ҳаҷми партовҳо, мукаммал намудани механизми баҳисобгирии партовҳо” таҳти назорати доимӣ қарор дорад. Бо ин мақсад бо иқдоми бахши ҳифзи муҳити зист дар шаҳри Истаравшан, ҷиҳати тоза нигоҳ доштани шафати роҳҳо аз партовҳо дар шоҳроҳи Душанбе – Чаноқ , 4 минтақа ҷамоати деҳоти Зарҳалол деҳаи Куҳандич, қалъачаи Араб, ҷамоати деҳоти Пошкент - деҳаи Яккабоғ, қалъаи Гули зард партовҳои бесоҳиб хокпўш карда шуд.
11 September 2025
Машварати корӣ бо мақсади беҳтар намудани ҳолати муҳити зист
- Подробности статьи
- Автор
- Категория News
Д
ар толори маҷлисгоҳи хурди Сарраёсати ҳифзи муҳити зист дар вилояти Суғд бо иштироки сардорони шуъбаҳо ва сармутахассисони сарраёсат, нозирони зерсохторҳо дар шаҳру ноҳияҳои Хуҷанд, Бӯстон, Гулистон, Б.Ғафуров, Ҷ.Расулов, роҳбарону намояндагони Идораи давлатии беҳдошти замин ва обёрӣ дар ноҳияи Ҷ.Расулов, КВДК «Хуҷандобуканал», Сарраёсати ободонӣ ва кабудизоркунӣ (минтақаи фаввораҳо), КВДК «Хизматрасонии нақлиётии санитарии шаҳри Хуҷанд», хоҷагии манзилию коммуналии шаҳру ноҳияҳои Бӯстон, Гулистон, Б.Ғафуров ва Ҷ.Расулов машварати корӣ баргузор гардид. Дар рафти машварат аз ҷониби муовини сардори сарраёсат Абдумаликзода Б.А. талаботи имрӯзаи роҳбарияти вилоят ва мақомоти ҳифзи муҳити зист нисбати ҳолати санитарию экологии минтақаҳо, қаддӣ роҳҳои нақлиётгард, атрофи партовгоҳҳо, хусусан дар минтақаи «Рухак»-и ноҳияи Б.Ғафуров, тибқи ҷадвал саривақт баровардани партовҳо аз нуқтаҳои ҷамъоварии муваққатӣ ва рангу бори қуттиҳо, ифлос кардани замин бо партовҳои бесоҳиб, пешгирии ифлосшавии оби дарёи Сир бо партовобҳои иншооти партовобтозакунӣ, таъмини обёрии дарахтону ниҳолҳои шинонидашуда дар соҳили рости шаҳри Хуҷанд, ба назар расидани дарахтони хушк дар шафати роҳҳои асосӣ ва дигар масъалаҳои ба беҳбудии ҳолати экологӣ вобаста ба самъи иштирокдорон расонида, муҳокима карда шуд.