Б
о мақсади шарҳ додани муҳтавои Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар асоси нақшаи корӣ, санаи 16 январи соли равон дар толори маҷлисгоҳи Сарраёсат соати сиёсӣ бо иштироки намояндаи Кумитаи иҷроияи ҳизби халқи демократии Тоҷикистон дар ш.Хуҷанд Темирова Хайри Исломовна баргузор гардид. Сардори Сарраёсат Ҳакимзода А.Қ. вохӯриро оғоз намуда, қайд намуд, ки Паёми имсола барои мардуми шарифи Тоҷикистон дар соли таърихӣ - 30-солагии Иҷлосияи XVI-уми Шӯрои Олӣ Ватани азизамон пешниҳод гардида, чун раҳнамои ҷомеа ҳамчун дастури фаъолият дар татбиқи ҳадафҳои олии давлатсозию таҳкими истиқлоли Ватани азизамон мусоидат хоҳад кард. Боиси ифтихор аст, ки Тоҷикистон дар сатҳи байналмилалӣ ҳамчун кишвари ташаббускор дар ҳалли масъалаҳои марбут ба обу иқлим эътироф шуда, соли 2025 «Соли байналмилалии ҳифзи пиряхҳо» ва 21-уми март ҳамчун «Рӯзи ҷаҳонии пиряхҳо», ки аз ҷониби Тоҷикистон пешниҳод шуда буд, якдилона қарор қабул карда шуд. Зимни баромади худ намояндаи КИ ҲХДТ дар ш.Хуҷанд Темирова Х.И. нуктаҳои асосии Паёмро шарҳ дода, аз қабили шомилшавии ҷавонон ба гурӯҳҳои ифротгаро, бедор намудани ҳисси худогоҳиву хештаншиносӣ, таваҷҷуҳи Пешвои миллат ба маориф ва муҳити зист, аҳамияти ҷиддӣ додан ба тарбияи фарзандон, дастгирии қишри эҳтиёҷманди ҷомеа, аҳамияти саҳмгузории миллӣ дар рушди минбаъдаи давлатдорӣ ва ҳифзи ҳамешагии амну оромии кишвар ибрози андеша кард.
Паёми Пешвои миллат – роҳнамои ҷомеа
Add comment