Кормандони бахши ҳифзи муҳити зисти н.Ашт дар асоси нақшаи корӣ, гузаронидани корҳои фаҳмонидадиҳӣ дар Литсейи № 2-и ҷамоати шаҳраки Шайдон бо хонандагони синфҳои болоӣ оид ба қарори Ҳукумати Ҷумҳурии Тоҷикистон аз 3.03.2011, №97 «Дар бораи тадбирҳо оид ба ташкил намудани системаи безараргардонии ҷамъоварӣ, нигоҳдорӣ, интиқол ва коркарди лампаҳои симобдор» машғулияти омӯзишӣ доир намуд. Мутахассиси бахш ба хонандагон дар бораи тартиби истифодабарӣ, ҷамъоварӣ ва супоридани он ба нуқтаҳои қабул, ҳолати таъсиррасонии лампаҳои каммасрафи симобдори корношоям ба муҳити зист ва саломатии инсон дар ҳолати шикастан, хамчунин дар бораи қоидаҳои нигоҳдорӣ ва интиқоли лампаҳо, ҳамчунин ба партовҳои истеҳсолӣ ва истеъмолӣ ҳамроҳ накардани чунин лампаҳои корношоям маълумот дод.
Корҳои тарғиботӣ дар муассисаҳои таълимии н.Ашт
Add comment