Октябрь 2024

19 Октябрь 2024

Назорати татбиқи Барномаи давлатӣ ва таъмини иҷрои талаботи бандҳои нақшаи чорабиниҳо

Подробности статьи: Автор; Категория Новости

Тибқи нақшаи пешбинигардида фаъолияти Комиссияи байниидоравии давлатӣ оид ба маърифати экологии аҳолии мақомоти иҷроияи ҳокимияти давлатии шаҳри Хуҷанд аз ҷониби сармутахассиси Сарраёсати ҳифзи муҳити зист дар вилояти Суғд мавриди омӯзиш ва таҳлил қарор дода шуд. Дар натиҷа маводи ҷойдоштаи ҳамаи сохторҳои дахлдори ба иҷрои бандҳои нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» санҷида шуд. Ҳамзамон, дар доираи талаботи нақшаи чорабиниҳо дар Муассисаи давлатии таълимии «Литсейи касбии политехникии шаҳри Хуҷанд» бо иштироки омӯзгорону хонандагон вохӯрӣ доир гардид. Дар рафти чорабинии иттилоотӣ вобаста ба соҳаи ҳифзи муҳити зист,дар бораи мақсади Барномаи давлатӣ, масъалаҳои зарурияти тарбия ва баланд бардоштани маърифати экологии ҷавонон, муаммоҳои экологӣ, чораҷӯиҳои Тоҷикистон барои мутобиқшавӣ ба тағйирёбии иқлим, гуногунии биологӣ, Китоби Сурхи Ҷумҳурии Тоҷикистон, таъсири манфии партовҳои пластикӣ ва дигар масъалаҳои вобаста ба мавзӯъ сармутахассиси сарраёсат изҳориақида намуд. Дар интиҳо ба китобхонаи литсейи мазкур 2 ҷилд Китоби Сурхи Ҷумҳурии Тоҷикистон ва рӯзномаи соҳавии «Инсон ва табиат» аз номи сарраёсат тақдим гардид.

09 Октябрь 2024

«Форуми дуюми ҷавонон оид ба ҳавзаи дарёи Сир - 2024»

Подробности статьи: Автор; Категория Новости

Дар Маркази таълимии Бонки миллӣ дар шаҳри Гулистон «Форуми дуюми ҷавонон оид ба ҳавзаи дарёи Сир - 2024» бо дастгирии шарикони рушд ва мусоидати Сарраёсати ҳифзи муҳити зисти дар вилояти Суғд, Маркази таҳсилоти иловагии Раёсати маорифи вилоят ва Идоракунии захираҳои оби минтақаҳои ҳавзаи Сирдарё баргузор гардид. Ҳадаф аз баргузории ин ҳамоиш баланд бардоштани сатҳи огоҳӣ ва ҷалби ҷавонон ба идоракунии маҷмӯии захираҳои об дар шароити тағйирёбии иқлим мебошад. Форуми мазкур дар чаҳорчӯбаи татбиқи «Лоиҳаи миллии идоракунии захираҳои об дар Тоҷикистон», ки аз ҷониби Агентии рушди Швейтсария маблағгузорӣ карда мешавад ва баҳри амалигардонии бандҳои нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» доир карда шуд. Бояд қайд кард, ки дар форуми мазкур аъзоёни ҳаракати «Нозирони сабз» аз муассисаҳои таълимии шаҳру ноҳияҳои вилояти Суғд бо омӯзгорон ва роҳбарони се ташкилоти ҷамъиятӣ бо як гурӯҳ аъзоёни фаъоли ҳаракати «Нозирони сабз» аз Ҷумҳурии Ӯзбекистон, дар маҷмуъ беш аз 300 нафар иштирок доштанд.

Натиҷагирӣ аз фаъолияти 9 моҳаи Сарраёсати ҳифзи муҳити зист дар вилояти Суғд

Подробности статьи: Автор; Категория Новости

Дар Маркази бозомӯзии Сарраёсат дар шаҳри Гулистон ҷаласаи мақомоти ҳифзи муҳити зист оид ба ҷамъбасти фаъолияти 9 моҳа ва вазифаҳои минбаъда бо иштироки сардори Раёсати мониторинг, сиёсати экологӣ, обуҳавошиносӣ ва кадастри Кумитаи ҳифзи муҳити зисти назди Ҳукумати Ҷумҳурии Тоҷикистон Шукурзода И., сардори сарраёсат Холзода С.Х. , сардорони шуъбаҳои назоратӣ, роҳбарони зерсохторҳо дар шаҳру ноҳияҳо баргузор гардид. Сардори сарраёсати ҳифзи муҳити зист дар вилояти Суғд Холзода С.Х. пас аз шунидани маърӯзаи ҳисоботӣ аз сардорони шуъбаҳои назоратӣ ва роҳбарони зерсохторҳо дар шаҳру ноҳияҳо вобаста ба натиҷаҳои фаъолият дар ҳама самтҳои соҳа пурсиш намуда, баҳри ислоҳи камбудиҳои ҷойдошта дар самти ҳифзи олами набототу ҳайвонот ва захираҳои моҳӣ, атмосфера, замин, муомилот бо партовҳо ва пешрафти фаъолияти минбаъда дастуру супоришҳо дод. Рафти ҷаласа аз тарафи сардори Раёсати мониторинг, сиёсати экологӣ, обуҳавошиносӣ ва кадастри Кумитаи ҳифзи муҳити зисти назди Ҳукумати Ҷумҳурии Тоҷикистон Шукурзода И. фаъолияти мақомот дар давраи ҳисоботӣ хуб арзёбӣ гардида, ҷиҳати беҳтар ба роҳ мондани фаъолияти нозирӣ ва назорати ҳолати экологӣ, иҷроиши босифат ва саривақтии барномаҳои соҳавию давлатӣ вазифагузорӣ шуд.

06 Октябрь 2024

Забони миллат – ҳастии миллат

Подробности статьи: Автор; Категория Новости

Ба ифтихори таҷлили Рӯзи забони давлатӣ дар Маркази бозомӯзии Сарраёсат дар шаҳри Гулистон маҷлиси тантанавӣ доир гардид. Муовини сардори Сарраёсати ҳифзи муҳити зист дар вилояти Суғд Абдумаликзода Б.А. пас аз суханони табрикӣ нақши муассири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар рушду густариши забони тоҷикӣ беназир арзёбӣ намуд, ки маҳз ба василаи сиёсати хирадмандонаи Роҳбари давлат забони модарӣ дар замони соҳибистиқлолӣ ҷойгоҳи аслии худро соҳиб гардид. Ҳамасола 5-уми октябр ҳамчун Рӯзи забони давлатӣ дар қаламрави ҷумҳурӣ қайд карда мешавад, ки ба феҳристи ҷашнҳои Ҷумҳурии Тоҷикистон дохил гардидааст. Қайд карда шуд, ки кормандони мақомоти ҳифзи муҳити зист низдар фаъолияти худ талаботҳои Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон»-ро риоя ва барои баланд бардоштани мақоми забони давлатӣ саҳми арзандаи худро мегузоранд.

05 Октябрь 2024

Мусобиқаи экологии «Бозиҳои тоза» дар шаҳри Истаравшан

Подробности статьи: Автор; Категория Новости

Дар асоси барқияи Кумитаи ҳифзи муҳити зисти назди Ҳукумати Ҷумҳурии Тоҷикистон дар шаҳри Истаравшан мусобиқаи экологии "Бозиҳои тоза" доир гардид. Чорабинӣ бо икдоми Сарраёсати ҳифзи муҳити зисти вилоят ва бахши ҳифзи муҳити зист дар шаҳри Истаравшан ташкил карда шуда, дар он 120 нафар хонандагони муассисаҳои таҳсилоти миёнаи умумӣ иштирок доштанд. Иштирокчиёни мусобиқа 640 кг партовҳои гуногунро ҷамъоварӣ гардида, ба ғолибони мусобиқаи экологӣ туҳфаҳои хотиравӣ супорида шуд.

Санаи экологӣ. 4 октябр – Рӯзи ҳифзи ҳайвонот

Подробности статьи: Автор; Категория Новости

Ҳар сол 4 октябр ҳамчун Рӯзи байналмилалии ҳифзи ҳайвонот ҷашн гирифта мешавад. Ҳадафи асосии ин санаи экологӣ ҷалб намудани башарият ба ҳифз, нигаҳдорӣ, наҷоти олами ҳайвонот ва ҳифзи гуногунии намуди онҳо маҳсуб меёбад. Олами гуногунии биологии Тоҷикистон хеле ғанӣ ва нотакрор аст. Дар ҳудуди начандон калони ҷумҳуриамон беш аз 13 ҳазор намуди ҳайвонот муайян гардидааст. Бештари онҳо дар экосистемаҳои кўҳӣ сукунат гирифтаанд. Дар мавзеҳои водию пешкӯҳҳо, дарёҳо, заминҳои кишоварзии назди шаҳру ноҳияҳои диёрамон намудҳое паҳн гардидаанд, ки бо аҳолӣ зич ҳаёт мебаранд. Аз мониторинги солҳои охир бармеояд, ки дар зери таъсири омилҳои гуногуни антропогенӣ баъзе намудҳои олами ҳайвонот миқдоран кам шуда, ҳатто як қисми намудҳо зери хатари маҳвшавӣ қарор доранд.

01 Октябрь 2024

Баргузории аксияи "Тозагии соҳил" дар шаҳри Гулистон

Подробности статьи: Автор; Категория Новости

Санаи 28 сентябри соли равон тибқи нақшаи кории мақомоти иҷроияи ҳокимияти давлатии шаҳр ва бахши ҳифзи муҳити зисти шаҳр дар соҳили "Баҳри тоҷик" аксияи "Тозагии соҳил" бо мақсади тозаву озода намудани соҳили баҳр, ки мавзеи истироҳатӣ ҳаст ва ҳамарӯза ҳазорон нафар аз дохил ва хориҷи кишвар барои истироҳат ташриф меоранд баргузор гардид. Дар рафти баргузории аксия кормандону донишҷӯёни Муассисаи ғайридавлатии коллеҷи тиббии шаҳр фаъолона иштирок намуда, соҳили баҳрро аз партовҳо тозаву озода карданд.

Баргузории аксияи "Тозагии шоҳроҳ"

Подробности статьи: Автор; Категория Новости

Дар доираи ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тадбирҳои ободониву созандагӣ ҷиҳати таъмини покизагии ҳудуди шаҳраку маҳаллаҳо, соҳили дарёву каналҳо, манбаъҳои обӣ, назди ташкилоту идора ва роҳраву гулгаштҳо бо ташаббуси бахши ҳифзи муҳити зист дар шаҳри Конибодом дар якҷоягӣ бо омӯзгорон ва хонандагони МТМУ № 45 дар масири шоҳроҳи Конибодом- Исфара аксияи "Тозагии шоҳроҳ" баргузор гардид.Иштирокчиёни фаъоли ин аксия бо туҳфаҳо қадрдонӣ карда шуданд. Ин чорабинӣ инчунин бо мақсади иҷрои «Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» доир шуда, ҷиҳати баланд бардоштани маърифат ва тарбияи экологии аҳолӣ бо сокинони маҳаллаҳо корҳои фаҳмондадиҳӣ доир мешаванд.

Мусобиқаи экологии "Бозиҳои тоза" дар шаҳри Хуҷанд

Подробности статьи: Автор; Категория Новости

Бо иқдоми Сарраёсати ҳифзи муҳити зист дар вилояти Суғд ва шуъбаи ҳифзи муҳити зисти шаҳри Хуҷанд дар соҳили дарёи Сир мусобиқаи экологии «Бозиҳои тоза» бо иштироки 550 нафар донишҷӯёни муассисаҳои таълимии Донишгоҳи давлатии Хуҷанд ба номи академик Бобоҷон Ғафуров, литсеи касбӣ-политехникии №44, литсеи касбӣ-хизматӣ ва саёҳии №56, литсеи касбӣ-техникии №31 ва Донишгоҳи давлатии ҳуқуқ бизнес ва сиёсати Тоҷикистон гузаронида шуд. Зимни баргузории мусобиқа беш аз 450 кило партов ҷамъоварӣ карда шуда, ғолибони мусобиқа бо сипоснома ва туҳфаҳои хотиравӣ қадршиносӣ гардиданд.

Мусобиқаи экологии «Бозиҳои тоза» дар ноҳияи Бобоҷон Ғафуров

Подробности статьи: Автор; Категория Новости

Дар асоси барқияи Кумитаи ҳифзи муҳити зисти назди Ҳукумати Ҷумҳурии Тоҷикистон дар шоҳроҳи ноҳияи Бобоҷон Ғафуров мусобиқаи экологии "Бозиҳои тоза" доир гардид. Чорабинӣ бо икдоми Сарраёсати ҳифзи муҳити зисти вилоят ва шуъбаи ҳифзи муҳити зист дар ноҳияи Бобоҷон Ғафуров ташкил карда шуда, дар он 150 нафар хонандагони муассисаҳои таҳсилоти миёнаи умумии ноҳия иштирок намуданд. Рафти мусобиқа аз ҷониби иштирокчиён 320 кг партовҳои гуногун ҷамъоварӣ гардида, ба ғолибони мусобиқаи экологӣ диплом ва туҳфаҳо супорида шуд.