Апрель 2025

23 Апрель 2025

Обёрии хоҷагии ёрирасон — замина барои татбиқи барномаи кабудизоркунӣ

Подробности статьи: Автор; Категория Новости

Бо мақсади татбиқи амалии Барномаи кабудизоркунӣ ва фароҳам овардани шароити мусоид барои парвариш ва мутобиқсозии ниҳолҳои ороишӣ ва ҳамешасабз ба шароити иқлимии маҳаллӣ, дар хоҷагии ёрирасони бахши ҳифзи муҳити зисти ноҳияи Мастчоҳ корҳои бунёди чоҳи амудӣ оғоз ёфтанд. Чоҳи амудӣ бо дастгирии Кумитаи ҳифзи муҳити зисти назди Ҳукумати Ҷумҳурии Тоҷикистон кофта шуда, обёрии наздик ба 50 гектар заминҳои атрофро таъмин хоҳад кард. Ҳадаф аз сохтмони ин иншооти муҳими инфрасохторӣ — таъмини оби доимӣ барои парвариши ниҳолҳо ва тақвияти иқтидори истеҳсолии хоҷагии ёрирасон мебошад. Дар маросими оғози кофтани чоҳи амудӣ раиси ноҳияи Мастчоҳ Аъзам Ализода ширкат варзида, таъкид намуд, ки ин иқдом дар самти зебосозии муҳити зист, татбиқи амалии барномаҳои соҳавии Ҳукумати Ҷумҳурии Тоҷикистон ва таъсиси ҷойҳои нави корӣ нақши назаррас хоҳад дошт. Маврид ба зикр аст, ки соли равон дар доираи татбиқи Барномаи кабудизоркунӣ аз ҳисоби заминҳои фонди захиравии ноҳия 5 гектар замин ба бахши ҳифзи муҳити зисти ноҳия ҷудо гардида, дар он тадриҷан ниҳолҳои мутобиқ ба иқлими маҳаллӣ шинонида мешаванд. Айни замон дар хоҷагӣ 4 нафар ба кори доимӣ ҷалб гардидаанд ва дар марҳалаи пурра ба бо ниҳол парвариш ёфтани масоҳати мазкур, имкони бо ҷойи кор ва маоши муносиб таъмин намудани то 17 нафар муҳайё хоҳад шуд.

Баргузории вохӯрӣ бахшида ба 22 апрел - Рӯзи умумиҷаҳонии Замин дар шаҳри Истаравшан

Подробности статьи: Автор; Категория Новости

Ҳангоми гузаронидани омӯзишу таҳлили фаъолияти Комиссияи байниидоравии давлатӣ оид ба маърифати экологии аҳолӣ дар шаҳри Истаравшан, бахшида ба 22 апрел - Рӯзи умумиҷаҳонии Замин дар толори МДТ «Коллеҷи тиббии шаҳри Истаравшан» вохӯрии намояндаи Сарраёсати ҳифзи муҳити зист дар вилояти Суғд бо донишҷӯёну омӯзгорони муассисаи таълимии мазкур баргузор гардид. Чорабинии иттилоотӣ бо мақсади баланд бардоштани маърифати экологии ҷавонон ва пешниҳоди маълумот дар бораи ин санаи муҳими экологӣ дар доираи талаботи бандҳои нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ташкил карда шуд. Дар баробари ин, рафти вохӯрӣ ба иштирокдорон аз ҷониби сармутахассиси сарраёсат маълумот оид ба муаммоҳои экологии ҷаҳонӣ, аз ҷумла тағйирёбии иқлим, захираҳои об, ҳавои атмосфера, партовҳои паластикӣ, олами набототу ҳайвоноти нодири Тоҷикистон ва дигар вобаста ба мавзуъ пешниҳод гардид. Инчунин, дар навбати худ мудири бахши ҳифзи муҳити зист дар шаҳри Истаравшан баромад карда, муҳимияти болоравии сатҳи маърифати экологии ҷавонон ва иштироки фаъолонаи донишҷӯёнро дар чорабинию аксияҳои экологиро қайд намуд. Дар интиҳои вохӯрӣ ба китобхонаи МДТ «Коллеҷи тиббии шаҳри Истаравшан» ду ҷилд Китоби сурхи Ҷумҳурии Тоҷикистон ва дигар маводи иттилоотӣ аз номи сарраёсат тақдим карда шуд.

Дар шаҳру ноҳияҳои вилояти Суғд чорабиниҳои ҳифзкунандаи захираҳои моҳӣ идома доранд

Подробности статьи: Автор; Категория Новости

Дар тамоми дарёҳою обанборҳои ҳудуди вилояти Суғд бо мақсади муҳофизат ва нигоҳдории захираҳои моҳӣ, фароҳам овардани шароит ба рафти афзоиши табиӣ ва роҳ надодан ба қонунвайронкуниҳо дар давраи тухмигузории моҳӣ аз 1 апрел то 15 июни соли 2025 ҳамагуна моҳидорӣ манъ гардида, аз ҷониби нозирони шуъбаи сарраёсат ва зерсохторҳо дар шаҳру ноҳияҳо мунтазам амалиётҳои назоратии шабонарӯзӣ гузаронида шуда истодааст. Чунин амалиётҳои назоратӣ дар соҳили дарёи Сир, минтақаи тӯқаи ҷамоати деҳоти Деҳмои ноҳияи Ҷ.Расулов ва обанбори «Баҳри Тоҷик» амалӣ гардида, аз тарафи нозирони бахши ҳифзи муҳити зист дар шаҳри Гулистон истиқоматкунандагони ноҳияи Б.Ғафуров, ки ба моҳидории ғайриқонунӣ дар обанбор даст заданд боздошт карда шуданд. Дар натиҷа нисбати ҳолати 17 сар моҳии нав сайдшуда, ҳуҷҷатҳои зарурӣ тартиб дода шуд ва ба мақомоти прокуратура пешниҳод гардид. Ҳамзамон, бо мақсади огоҳ намудани аҳолӣ ва пешгирии ҳолатҳои вайрон кардани талаботи қонунҳои амалкунандаи ҷумҳурӣ дар соҳаи ҳифзи муҳити зист аз ҷониби сокинони ҷамоати шаҳраку деҳот, дар ҷойҳои ҷамъиятии ноҳия Айнӣ эълонҳо насб гардида, ба нуқтаҳои ба истифодаи маҳсулоти моҳигӣ дахлдор амрномаҳо дода шуд.

22 Апрель 2025

Назорати ихроҷи моддаҳои ифлоскунанда ба ҳавои атмосфера аз манбаъҳои ҳаракаткунанда дар шоҳроҳи Хуҷанд – Ғафуров

Подробности статьи: Автор; Категория Новости

Аз тарафи мутахассисони шуъбаи назорати давлатии истифода ва ҳифзи ҳавои атмосфераи Сарраёсати ҳифзимуҳитизист дар вилоят якҷоя бо шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд дар шоҳроҳи Хуҷанд – Ғафуров амалиёти «Ҳавои тоза» гузаронида шуд. Амалиёти мазкур бо мақсади назорат ва кам намудани ихроҷи моддаҳои ифлоскунанда ба ҳавои атмосфера аз манбаъҳои ҳаракаткунанда дар натиҷаи сӯхтани сӯзишворӣ доир гардида, воситаҳои нақлиёт аз санҷиши аналитикӣ гузаронида мешавад. Дар рафти амалиёт 78 адад нақлиётҳои автомобилии тамғаашон гуногун аз чунин санҷиш гузаронида шуда, нисбати ронандагони 14 адади онҳое, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба ҳавои атмосфера барзиёд ихроҷ намудаанд, протоколҳои ҳуқуқвайронкунии маъмурӣ бо мақсади чораандешии зарурии минбаъда тартиб дода шуд.

21 Апрель 2025

Баргузории аксияи экологӣ бахшида ба Рӯзи умумиҷаҳонии замин дар «Боғи ботаникии шаҳри Хуҷанд»

Подробности статьи: Автор; Категория Новости

Бахшида ба 22 апрел - Рӯзи умумиҷаҳонии замин дар ҳамкории Сарраёсати ҳифзи муҳити зист дар вилояти Суғд ва Ташкилоти ҷамъятии «Гурӯҳи ҷавонон оид ба ҳифзи муҳити атроф» дар МД «Боғи ботаникии шаҳри Хуҷанд» аксияи экологӣ баргузор гардид. Боиси қайд аст, ки дар аксияи мазкур ғайр аз кормандони сарраёсат ва ташкилоти ҷамъиятӣ, сармуҳарии рӯзномаи вилоятии «Согдийская правда», нозирони шуъбаи ҳифзи муҳити зист дар шаҳри Хуҷанд, кормандони «Боғи ботаникӣ», намояндагони Маркази таҳсилоти иловагии вилоят ва шаҳрҳои Хуҷанд, Гулистон, Бӯстон, омӯзгорону хонандагони аъзоёни раванди «Нозирони сабз» аз муассисаҳои таҳсилоти миёнаи умумии 6 адад шаҳри Истиқлол ва 4 адад ҷамоати деҳоти Ғозиёни ноҳияи Б.Ғафуров, омӯзгорону хонандагони МДТ «Литсейи касбии политехникии шаҳри Хуҷанд», дар маҷмуъ беш аз 200 нафар иштирок доштанд. Тибқи барномаи чорабинӣ пас аз суханҳои ифтитоҳии сармутахассиси Сарраёсати ҳифзи муҳити зист, сармуҳарии рӯзномаи вилоятии «Согдийская правда» ва директори ТҶ«Гурӯҳи ҷавонон оид ба ҳифзи муҳити атроф», аз ҷониби мудири МД «Боғи ботаникии шаҳри Хуҷанд» маълумоти мухтасар дар бораи боғ ба иштирокчиён пешниҳод гардида, дар баробари иҷрои корҳои ободонӣ, тоза кардани минтақаҳои боғ аз пасмондаҳои табиӣ ва дар соҳили дарёи Сир аз партовҳои пластикӣ, ҷамъоварии тухмии дарахтони сада (қайроғоч), ки ба роҳҳои дохили боғ бо вазидани шамол аз дарахтон рехта шудааст, инчунин озмуни ҳунарҳоаз партовҳоюмасолеҳитабиӣва викторина байни хонандагони аъзоёни «Нозирони сабз»-и муассисаҳои таълимӣ гузаронида шуд.

18 Апрель 2025

22 апрел - Рӯзи байналмилалии Замин

Подробности статьи: Автор; Категория Новости

Рӯзи Замин ҳамасола 22 апрел ҷашн гирифта мешавад. Соли 1969 бузургтарин резиши нафт дар наздикии шаҳри Санта Барбараи штати Калифорнияи ИМА рух дод. Бар асари садама дар платформаи истихроҷи оффшорӣ чанд миллион тонна нафти хом ба уқёнус рехта шуд. Натиҷаҳои фалокатовар буданд: ҳазорҳо парандагон ва ширхӯрони баҳрӣ кушта шуданд ва саршумори моллюскҳо дар соҳил 90 % коҳиш ёфт. Зарари дақиқи ба муҳити зистро ҳисоб кардан ғайриимкон аст, ҳайвонот ва растаниҳои зарардида танҳо дар баҳр бе нишона нопадид шуданд. Ҳоло ҳам ин резиши нафт аз рӯи миқёс дар ҷои сеюм аст. Фалокат ба иқтисодиёти ИМА, хусусан ба штати Калифорния ва афкори ҷамъиятӣ таъсир расонд. Пас аз як сол, узви сенат Гейлорд Нелсон аз амрикоиҳо даъват кард, ки дар як иқдоми густурдаи экологӣ ба хотираи офати табиӣ ширкат кунанд. Санаи 22 апрели соли 1970 дар тамоми мамлакат бештар аз 20 миллион нафар одамон ба ин даъват ҳамовоз шуданд, эътирози васеи аҳли ҷамъият боиси қабули як қатор қонунҳои муҳими муҳофизати муҳити зист гардид. Ин иқдом ҳарсола гардида, соли 1990 байналмиллалӣ эълон шуд. Соли 2009 Маҷмаи Умумии СММ қарор қабул намуд, ки ҳамасола санаи 22 апрел чун Рӯзи байналмилалии Замин таҷлил карда шавад. Ҳадаф аз чунин иқдом – ҷалби оммаи васеъ ба масоили мубрами ҳифзи муҳити зист мебошад.

16 Апрель 2025

Баргузории вохӯрӣ бахшида ба 15 апрел - Рӯзи умумиҷаҳонии дониши экологӣ дар ноҳияи Деваштич

Подробности статьи: Автор; Категория Новости

Ҳангоми гузаронидани омӯзишу таҳлили фаъолияти Комиссияи байниидоравии давлатӣ оид ба маърифати экологии аҳолӣ дар ноҳияи Деваштич, бахшида ба 15 апрел - Рӯзи умумиҷаҳонии дониши экологӣ дар толори маҷлисгоҳи калони мақомоти иҷроияи ҳокимияти давлатии ноҳияи Деваштич вохӯрии намояндаи Сарраёсати ҳифзи муҳити зист дар вилояти Суғд бо намояндагони соҳаи маориф, омӯзгорони фанни экология ва хонандагони синфҳои болоии муассисаҳои таҳсилоти миёнаи умумии ҷамоати шаҳраку деҳоти ноҳия баргузор гардид. Вохӯрии мазкур бо мақсади баланд бардоштани маърифати экологии ҷавонон ва пешниҳоди маълумот дар бораи ин санаи муҳими экологӣ дар доираи талаботи бандҳои нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ташкил карда шуд. Дар баробари ин, рафти вохӯрӣ ба иштирокдорон аз ҷониби сармутахассиси сарраёсат маълумот оид ба муаммоҳои экологии ҷаҳонӣ, аз ҷумла тағйирёбии иқлим, захираҳои об, ҳавои атмосфера, олами набототу ҳайвоноти нодири Тоҷикистон ва дигар вобаста ба мавзуъ пешниҳод гардид. Дар интиҳои вохӯрӣ ба китобхонаи шуъбаи маорифи ноҳияи Деваштич ду ҷилд Китоби сурхи Ҷумҳурии Тоҷикистон ва дигар маводи иттилоотӣ аз номи сарраёсат тақдим карда шуд.

14 Апрель 2025

15 апрел – Рўзи умумиҷаҳонии дониши экологӣ

Подробности статьи: Автор; Категория Новости

Ҳамасола санаи 15 – апрелро дўстдорони табиат чун Рўзи умумиҷаҳонии дониши экологӣ таҷлил менамоянд. Ин иқдом соли 1992, зимни баргузории Конфронси СММ дар шаҳри Рио-де-Жанейро, ки масъалаҳои доғи рушди устувори аҳли башар муҳокима мегардид, ба ҳукми анъана даромад. Тарбия ва маърифати экологӣ – фаъолият доир ба ташаккули маданияти экологӣ, муносибати эҳтиёткорона ба муҳити зист ва таъмини донишҳои экологӣ мебошад. Ҳадафи асосии ин ид – пешбурди донишҳои экологӣ, ташаккули маърифати экологии аҳолӣ, бохабар намудани чомеа оид ба муаммоҳо, амният ва ҳолати экологӣ, ҳамчунин тарбия намудани ҳар фарде, ки барояш беҳдошти муҳити зист бетавофут нест. Муҳим будани дониши экологӣ дар замони муосир яке аз ҷабҳаҳои асосӣ дар таълим ва тарбия маҳсуб меёбад. Зеро фаъолият дар пеш бурдани маърифати экологии аҳолӣ ва муносибати эҳтиёткорона нисбати муҳити зист – ин кафолати ояндаи солим барои инсон мебошад. Бояд зикр намуд, ки таҷлили Рўзи донишҳои экологӣ на танҳо барои шахсоне, ки бо омўзиши маърифатӣ экологӣ машғуланд мансуб аст, балки ба ҳамаи шаҳрвандон тааллуқ дорад.Дар ҷумҳурии мо ба масоили марбут ба маърифати экологии аҳолӣ диққати махсус дода мешавад ва дар бисёр суханрониҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин масъала таваҷҷуҳ зоҳир карда шудааст.

Вохӯрии корӣ бо омӯзгорони раванди фаъолияти «Нозирони сабз» дар толори МД маҷмааи фарҳангӣ – таърихии «Қалъаи Хуҷанд»

Подробности статьи: Автор; Категория Новости

Мутобиқи нақшаи ҳамкории Сарраёсати ҳифзи муҳити зист дар вилояти Суғд бо Ташкилоти ҷамъиятии «Гурӯҳи ҷавонон оид ба ҳифзи муҳити атроф»/Маркази Орхус дар шаҳри Хуҷанд ва дар доираи талаботи бандҳои нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», дар толори маҷлисгоҳи МД маҷмааи фарҳангӣ – таърихии «Қалъаи Хуҷанд» бо иштироки намояндагони Марказҳои таҳсилоти иловагии шаҳру ноҳияҳо ва омӯзгороне, ки дар муассисаҳои таълимӣ бо хонандагони аъзоёни раванди «Нозирони сабз» корбарӣ менамоянд вохӯрии кории иттилоотӣ барпо гардид. Чорабинӣ бо мақсади ҷамъоварии фикру ақида ва пешниҳоди омӯзгорон оид ба таҷрибаи кори онҳо бо «Роҳнамои омӯзишӣ оид ба таълими иловагии экологӣ» ташкил гардида, минбаъд навсозӣ бо даровардани тағйироту илова ба роҳнамои таълимии мазкур пешбинӣ карда шудааст. Ҳамчунин, дар чорабинии мазкур директори Маркази таҳсилоти иловагии вилоят, сармуҳарии рӯзномаи вилоятии «Согдийская правда» ва намояндаи Котиботи байналхалқии захираҳои об дар Тоҷикистон, ки бо дастгирии ин ташкилот вохӯрии корӣ баргузор гардид иштирок намуда, доир ба мавзӯъ фикру таклифҳои худро пешниҳод намуданд.

10 Апрель 2025

Амалиёти назоратӣ дар давоми чорабиниҳои манъи сайди моҳӣ дар ноҳияи Спитамен

Подробности статьи: Автор; Категория Новости

Тибқи фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз аз 28.03.2025, №30 ва фармоиши сардори Сарраёсати ҳифзи муҳити зисти дар вилояти Суғд аз 01.04.2025, №12 «Дар бораи ҳифзи захираҳои моҳӣ дар давраи тухмгузории соли 2025», дар тамоми дарёҳою обанборҳои ҳудуди вилоят аз 1 апрел то 15 июни соли 2025 ҳамагуна моҳидорӣ манъ карда шудааст. Баҳри иҷрои фармоишҳои болозикр аз ҷониби мутахассисони бахши ҳифзи муҳити зист дар ноҳияи Спитамен якҷоя бо намояндагони Ҷамъияти шикорчиён ва моҳидорони ноҳия дар минтақаи дарё Сир, ки аз ҳудуди ноҳия мегузарад амалиёти назоратӣ гузаронида шуд. Дар натиҷа зиёда аз 450 метр тӯрҳои бесоҳиби моҳидорӣ аз дарё бароварда шуда, несту нобуд гардид. Ҳамзамон, бо мақсади огоҳ намудани аҳолӣ ва пешгирии ҳолатҳои вайрон кардани талаботи Қонунҳои Ҷумҳурии Тоҷикистон «Дар бораи ҳифзи муҳити зист», «Дар бораи олами ҳайвонот», «Дар бораи моҳипарварӣ, моҳигирӣ ва ҳифзи захираҳои моҳӣ» ва «Қоидаҳои моҳидорӣ дар обанборҳои аҳамияти моҳидорӣ доштаи Ҷумҳурии Тоҷикистон», сайд ва фурӯши ғайриқонунии моҳӣ аз тарафи сокинони ҷамоати шаҳраку деҳоти ноҳия дар ҷойҳои ҷамъиятӣ эълонҳо насб гардида, амрномаҳо ба нуқтаҳои пухтупази маҳсулоти моҳигӣ дода шуд.