Все статьи

27 Ноябрь 2021

Баланд бардоштани маърифати экологии аҳолӣ оид ба огоҳии мардум дар бораи тағйирёбии иқлим ва рушди устувор

Подробности статьи: Автор; Категория Новости

Дар толори меҳмонхонаи «Парламент»-и шаҳри Хуҷанд бо иқдоми Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон дар солҳои 2021-2025» ва дастгирии Агентии ҳамкориҳои байналмилалии Ҷопон (Jica), семинари машваратӣ дар мавзӯи «Баланд бардоштани маърифати экологии аҳолӣ оид ба огоҳии мардум дар бораи тағйирёбии иқлим ва рушди устувор» баргузор гардид. Дар кори семинари омӯзишӣ ғайр аз намояндагони Кумита, Маркази омӯзиши тағйирёбии иқлим ва қабати Озони Агентии обуҳавошиносӣ ва намояндаи «Jica», кормандони сарраёсати ҳифзи муҳити зисти вилояти Суғд ва зерсохторҳо, роҳбарони Маркази обуҳавосанҷии вилоят ва Маркази Орхус дар шаҳри Хуҷанд иштирок ва баромад намуданд. Дар оғози семинар суханҳои ифтитоҳии сардори Маркази ахбори экологии Кумитаи ҳифзи муҳити зисти назди Ҳукумати Ҷумҳурии Тоҷикистон Тиллоева Г., намояндаи «Jica» Узоқов Б. ва муовини сардори сарраёсати ҳифзи муҳити зисти вилояти Суғд Абдумаликзода Б. шунида шуд.

Таҷлили Рӯзи Парчам шаҳри Исфара

Подробности статьи: Автор; Категория Новости

Бо мақсади дар сатҳи баланд таҷлил намудани Рӯзи Парчами давлатии Ҷумҳурии Тоҷикистон дар толори филиали Донишгоҳи технологии Тоҷикистон дар шаҳри Исфара чорабинии таблиғотӣ гузаронида шуд. Дар рафти чорабинии мазкур аз тарафи омӯзгорон ва донишҷӯён ва корманди бахши ҳифзи муҳити зисти шаҳри Исфара оид ба таърихи қабули Парчами давлатии Ҷумҳурии Тоҷикистон ва ҳар сол ҳамчун ҷашни миллӣ таҷлил карда шудани ин санаи таърихӣ баромадҳо карда шуд. Донишҷуён низ доир ба пос доштани ин муқаддасоти миллӣфикру акидахои худро баён намуданд.

24 Ноябрь 2021

Табрикоти сардори Сарраёсати ҳифзи муҳити зисти вилояти Суғд ба муносибати Рӯзи Парчами давлатии Ҷумҳурии Тоҷикистон

Подробности статьи: Автор; Категория Новости

Сарраёсати ҳифзи муҳити зисти вилоят бо таманниёту фараҳмандии афзун бо фарорасии санаи фархундаву таърихии Рӯзи Парчами давлатии Ҷумҳурии Тоҷикистон табрику таҳният гуфта, таманно дорад, ки то абад Парчами давлатӣ парфишон бошаду ҳамаи мо зери он ба суи дастоварду муваффақиятҳои беназир баҳри тараққиёту пешрафти Ватани азизамон равона бошем. Эҳтиром ва арҷгузорӣ ба арзишҳои миллӣ, аз ҷумла ба парчами давлатӣ эҳтиром ба кулли арзишҳои гузаштаву имрӯза ва ояндаи миллат мебошад. Дар ин бора, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд: “Парчами давлатӣ барои мо – тоҷикон нишонаи бақои миллат, ваҳдату ягонагӣ, ҳуввияти миллӣ ва беҳтарин василаи тарбияи наврасону ҷавонон дар рӯҳияи ифтихор аз давлатдории миллӣ ва ҳифзи арзишҳои таъриху фарҳанги халқамон мебошад”. Таҷлили ин санаи фархунда дар замири ҳар фарди ватандӯст эҳсоси дӯст доштани ин марзу бумро бамаротиб зиёд менамояд, зеро парчами давлатӣ рамзи воқеии эътиқоду имон ба миллат, давлат, сарзамин, тамаддуну фарҳанг ва дар маҷмӯъ, ба тамоми арзишҳои ахлоқию маънавии кишвар мебошад. Бори дигар Рӯзи парчами давлатиро ба хамаи шумоён табрику муборакбод гуфта, итминони комил дорам, ки муҳаббат ва садоқати мардуми шарифи Тоҷикистон ба парчами давлати соҳибистиқлоламон дар замири ҳар шаҳрванди диёр эҳсоси ватандорию худшиносии миллиро дучанд намуда, онҳоро ба фатҳи қуллаҳои нав ба нави меҳнатӣ раҳнамун месозад. Рӯзи Парчами давлатии Ҷумҳурии Тоҷикистон муборак!

Маҷлиси тантанавӣ бахшида ба Рӯзи Парчами давлатии Ҷумҳурии Тоҷикистон

Подробности статьи: Автор; Категория Новости

Дар толори маҷлисгоҳи Сарраёсати ҳифзи муҳити зисти вилояти Суғд бахшида ба Рӯзи Парчами давлатии Ҷумҳурии Тоҷикистон бо иштироки сардорони шуъбаҳо, сармутахассисон ва кормандони сарраёсат маҷлиси тантанавӣ доир гардид. Муовини сардори сарраёсат Абдумаликзода Б. бо суханони ифтитоҳӣ маҷлисро ҳусни оғоз бахшида, мақсади аз рӯзи ид муайян гардидани рӯзи 24 ноябр, дар тақвими иду ҷашнвораҳои миллии кишварамон бо пешниҳоди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва қарори Маҷлиси Олии Ҷумҳурии Тоҷикистон боз як санаи таърихӣ - Рӯзи Парчами давлатии Ҷумҳурии Тоҷикистон, ки аз санаи 24 ноябри соли 2009 бо хатти заррин сабт гашт ва ҳар сол ҳамчун ҷашни миллӣ таҷлил карда мешавад, ёдоварӣ намуд. Дар навбати худ сармутахассис оид ба ҳуқуқи сарраёсат Юсупов Т. бобати моҳият ва тартиби истифодаи расмии парљами давлатӣ дар асоси Қонуни Ҷумҳурии Тоҷикистон “Дар бораи рамзҳои давлатӣ”ибрози ақида намуд. Дар интиҳои маҷлиси тантанавӣ муовини сардори сарраёсат бори дигар Рӯзи парчами давлатиро ба хамаи иштирокдорон табрику муборакбод гуфта, итминони комил изҳор намуд, ки муҳаббат ва садоқати мардуми шарифи Тоҷикистон ба парчами давлати соҳибистиқлоламон дар замири ҳар шаҳрванди диёр эҳсоси ватандорию худшиносии миллиро дучанд намуда, онҳоро ба фатҳи қуллаҳои нав ба нави меҳнатӣ раҳнамун месозад.

22 Ноябрь 2021

Семинари омӯзишӣ оид ба таҳкими механизмҳои татбиқи муқаррароти Конвенсияи Орхус

Подробности статьи: Автор; Категория Новости

Санаҳои 19 - 20 ноябри соли 2021 дар толори меҳмонхонаи Сиренаи шаҳри Душанбе семинари омӯзишӣоидбатаҳкимимеханизмҳоитатбиқи муқарраротиКонвенсияиОрхус баргузор гардид, ки дар кори он намояндагони ҳамаи панҷ Марказҳои Орхус аз шаҳрҳои Душанбе, Хуҷанд, Бохтар, Хорог ва Ғарм, намояндагони дигар ташкилоти ҷамъиятӣ мақомоти ҳифзи муҳити зист, инчунин аз вилояти Суғд сармутахассиси сарраёсати ҳифзи муҳити зист ва сармуҳаррири рўзномаи вилоятии «Согдийская правда» ҳамчун шарики доимии Маркази Орхус дар шаҳри Хуҷанд иштирок дошта, чорабинӣ бо дастгирии Дафтари барномаҳои САҲА дар шаҳри Душанбе амалӣ гардид. Дар рафти семинардар бораи қоидаҳо ва принсипҳоиКонвенсияи Орхус, ҳуқуқ ба иттилооти экологӣ ва механизмҳои татбиқи он дар қонунгузории Ҷумҳурии Тоҷикистон, шаклҳои асосии иштироки аҳолӣ дар қабули қарорҳои назарраси экологӣ, асосҳо барои ҷустуҷӯи адолати судӣ тибқи Конвенсияи Орхус, тартиби роҳҳои муҳофизати ғайрисудӣ (маъмурӣ) ва хусусиятҳои усули ҳимояи судӣинъикос шуда, ҳамзамон презентатсияҳоиМарказҳои Орхус дар бораи фаъолияти худ пешкаши иштирокдорон гардид. Дар қисми муҳокимаи маърўзаҳо саволу ҷавоб ба амал омада, ҳамчунин дар гурӯҳҳоихурд корбарӣ карда шуд.

18 Ноябрь 2021

Маҷлиси тантанавӣ ба муносибати Рӯзи Президенти Ҷумҳурии Тоҷикистон дар шуъбаи ҳифзи муҳити зисти ноҳияи Бобоҷон Ғафуров

Подробности статьи: Автор; Категория Новости

Баҳри иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон, бо мақсади дар сатҳи баланд таҷлил намудани Рӯзи Президенти Ҷумҳурии Тоҷикистон дар шуъбаи ҳифзи муҳити зисти ноҳияи Бобоҷон Ғафуров маҷлиси тантанавӣ гузаронида шуд. Зимни суханронӣ сардори шуъбаи ҳифзи муҳити зисти ноҳияи Бобоҷон Ғафуров Ғаффоров Ҷ. аҳамияти баргузории «Рӯзи Президенти Ҷумҳурии Тоҷикистон» васаҳми бузурги Пешвои маҳбуби миллат, Президенти Ҷумҳурии Тоҷикистон муҳтарам Эмомалӣ Раҳмонро дар эъмори давлати навини тоҷикон қайд намуд. Ҳамчунин таъкид гардид, ки Иҷлосияи 16-уми Шӯрои Олии Ҷумҳурии Тоҷикистон дар таърихи миллати тоҷик саҳифаи наверо боз намуда, пешрафту нумӯи давлати тоҷикон аз файзу баракати ин Иҷлосияи тақдирсоз сарчашма гирифт. Кормандони бахш низ оид ба сиёсати пешгирифтаи хирадмандона ва бо шарофати Сарвари давлат хубу беҳтар гардидани сатҳи некуаҳволии аҳолӣ баромадҳо намуданд.

Маҷлиси тантанавӣ ба муносибати Рӯзи Президенти Ҷумҳурии Тоҷикистон дар бахши ҳифзи муҳити зисти шаҳри Панҷакент

Подробности статьи: Автор; Категория Новости

Ба муносибати Рӯзи Президенти Ҷумҳурии Тоҷикистон дар Маркази бозомӯзии бахши ҳифзи муҳити зисти шаҳри Панҷакент бо иштироки кормандони бахш маҷлиситантанавӣ баргузор гардид. Дар суханронии табрикӣ мудири бахши ҳифзи муҳити зисти шаҳри Панҷакент Истамзода А.И. зикр намуд, ки хизматҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи таҳкими давлатдории миллӣ ва беҳбудии сатҳи зиндагии мардуми Тоҷикистон хеле бузург аст. Дар рафти маҷлис кормандони бахш баромадҳо намуда, аз ташаббусҳои беназири Тоҷикистон дар масоили об, ки маҳз бо ибтикори Сарвари давлат дастгирӣ ёфт, суханронӣ намуданд.

Таҷлили Рӯзи Президенти Ҷумҳурии Тоҷикистон дар шуъбаи ҳифзи муҳити зисти шаҳри Хуҷанд

Подробности статьи: Автор; Категория Новости

Бо мақсади ботантана таҷлил намудани Рӯзи Президенти Ҷумҳурии Тоҷикистон дар шуъбаи ҳифзи муҳити зисти шаҳри Хуҷанд бо иштироки омӯзгори коллеҷи омӯзгории Донишгоҳи давлатии Хуҷанд ба номи академик Бобоҷон Ғафуров Турсунов С. маҷлиси тантанавӣ доир гардид. Сардори шуъбаи ҳифзи муҳити зисти шаҳри Хуҷанд Дӯсматов А. ва устоди коллеҷи омӯзгории Донишгоҳи давлатии Хуҷанд ба номи академик Бобоҷон Ғафуров Турсунов С. саҳми босазои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар пешрафт ва тараққиёти кишвар таъкид намуданд. Қайд карда шуд, ки маҳз бо назардошти хизматҳои шоиста баҳри эҳёи давлати тоҷикон, саҳми бузург дар барқарор кардани сулҳ, сарҷамъ кардани миллати тоҷик ва ваҳдати мардум ба фарзанди фарзонаи халқи тоҷик, Президенти Ҷумҳурии Тоҷикистон муҳтарам Эмомалӣ Раҳмон унвони Асосгузори сулҳу Ваҳдати миллӣ – Пешвои миллат дода шудааст. Хизматҳову саҳми Президенти Ҷумҳурии Тоҷикистон муҳтарам Эмомалӣ Раҳмон ҳамчун эъмори давлати нави соҳибистиқлол дар таърих бо ҳарфҳои заррин сабт шуда, дар хотираи халқи тоҷик як умр боқӣ хоҳад монд.

Маҷлиси тантанавӣ бахшида ба Рӯзи Президенти Ҷумҳурии Тоҷикистон дар бахши ҳифзи муҳити зисти ноҳияи Айнӣ

Подробности статьи: Автор; Категория Новости

Баҳри иҷроиши барқияи Кумитаи ҳифзи муҳити зисти назди Ҳукумати Ҷумҳурии Тоҷикистон, бо мақсади ботантана таҷлил намудани Рӯзи Президенти Ҷумҳурии Тоҷикистон дар бахши ҳифзи муҳити зисти ноҳияи Айнӣ бо иштироки намояндаи Кумитаи иҷроияи ҳизби халқи демократии Тоҷикистон дар ноҳия Муродов А. маҷлиси тантанавӣ доир гардид. Мудири бахши ҳифзи муҳити зисти ноҳия Боқиев Б. ба ҳозирин моҳияти ин санаро дар доираи Конститутсияи Ҷумҳурии Тоҷикистон ва шакли идораи президентӣ муфассал шарҳ дод. Намояндаи Кумитаи иҷроияи ҳизби халқи демократии Тоҷикистон дар ноҳия Муродов А. дар баромади худ қайд намуд, ки маҳз тавассути талошҳои Президенти мамлакат Эмомалӣ Раҳмон Тоҷикистон дар солҳои соҳибистиқлолӣ ба давлати соҳибистиқлолу демократӣ, ҳуқуқбунёду дунявӣ ва ягона табдил ёфт.

Маҷлиси тантанавӣ бахшида ба 16 ноябр – Рӯзи Президенти Ҷумҳурии Тоҷикистон

Подробности статьи: Автор; Категория Новости

Дар сарраёсати ҳифзи муҳити зисти вилояти Суғд бахшида ба Рӯзи Президенти Ҷумҳурии Тоҷикистон бо иштироки раиси Кумитаи иҷроияи Ҳизби халқии демократии Тоҷикистон дар шаҳри Хуҷанд Маликисломӣ Наим Мунаввар маҷлиси тантанавӣ доир гардид. Сардори сарраёсат Ҳакимзода А.Қ. бо суханони ифтитоҳӣ маҷлисро ҳусни оғоз бахшида, мақсади аз рӯзи ид муайян гардидани рӯзи 16 ноябр, аз саҳифаи таърих дар иҷлосияи XVI-уми Шӯрои Олии Ҷумҳурии Тоҷикистон маросими савгандёдкунӣ ва ба вазифа шурӯъ кардани Президенти Ҷумҳурии Тоҷикистон ёдоварӣ намуд.