Все статьи
31 Январь 2020
Маърифатнокии ҷомеа
- Подробности статьи
- Автор
- Категория Новости
Бо иқдоми бахши ҳифзи муҳити зисти ш.Истиқлол ҷиҳати баланд бардоштани дониш ва маърифати экологии насли наврас , бо мақсади иттилоотонидани онҳо бо хабару маълумотҳое, ки ба ҳифзи муҳити зист алоқаманданд, имсол муассисаҳои таълимии шахр ба рӯзнома ва маҷаллаи «Инсон ва табиат» ва «Ҳифзи табиат» обуна гардиданд. Дирӯз дар мактаби таҳсилоти миёнаи умумии № 3 шаҳри Истиқлол дар дарси экологияи синфҳои болоӣ вохӯрии мудири бахши ҳифзи муҳити зист Ғозиев А. бо хонандагон гузаронида шуд.
Озмуни «Ҳафтранг» дар байни кӯдакистонҳои ноҳияи Зафаробод
- Подробности статьи
- Автор
- Категория Новости
Бо иқдоми бахши ҳифзи муҳити зисти ноҳияи Зафаробод ҳамҷоя бо шуъбаи маориф ва бахши фарҳанги ноҳия дар асоси нақшаи чорабиниҳо бахшида ба эълон гардидани «Солҳои 2019-2021 солҳои рушди деҳот, сайёҳӣ ва ҳунарҳои мардумӣ» ва рамзҳои давлатӣ озмун ва намоиш дар байни кӯдакистонҳои ноҳия ташкил ва гузаронида шуд. Озмун аз рӯи номинатсияҳои «Табиати зебои диёр» ва «Рамзҳои давлатӣ» баргузор гардида, ғолибон бо ифтихорномаҳои шуъбаи маориф ва туҳфаҳои бахши ҳифзи муҳити зисти ноҳия сарфароз гардонида шуданд.
29 Январь 2020
Маъракаи ниҳолшинонӣ дар шаҳри Хуҷанд
- Подробности статьи
- Автор
- Категория Новости
Бо иштироки Раиси шаҳри Хуҷанд Маъруф Муҳаммадзода дар қадди роҳҳои даромади Боғи таҷдидшавандаи Абӯмаҳмуди Хуҷандӣ бо шинонидани ниҳолҳои ороишӣ ба маъракаи ниҳолшинонӣ ҳусни оғоз бахшида шуд. Раиси шахр ҳамроҳи кормандони сохторҳои Сарраёсати ободонӣ ва хоҷагии коммуналию манзилии шаҳр дар роҳи даромади Боғи фарҳангӣ-фароғатии Абӯмаҳмуди Хуҷандӣ аз ҷониби хиёбони Раҳим Ҷалил беш аз 60 бех ниҳолҳои ҳамешасабзи санавбар шинониданд. Бояд қайд намуд, ки корҳои азими созандагию бунёдкорӣ дар атрофи Боғи фарҳангӣ-фароғатии Абӯмаҳмуди Хуҷандӣ бомаром идома дорад. То имрӯз як қисми пайроҳаҳои атрофи боғ сафолакпӯш гардида, ҷӯйборҳо бо усули мусоир азнавсозӣ шуданд. Шинонидани ниҳолҳои ҳамешасабз ва ороишӣ дар ин мавзеъ оянда низ идома ёфта, дар моҳҳои наздик ин минтақа ба яке аз ҷойҳои истироҳатию фароғатии шаҳрвандон мубаддал хоҳад шуд.
28 Январь 2020
Маъракаи ниҳолшинонӣ дар ноҳияи Зафаробод
- Подробности статьи
- Автор
- Категория Новости
Дар доираи нақшаи чорабиниҳо бахшида ба 30 солагии Истиқлолияти давлатии Ҷумҳурии Тоҷикистон дар ноҳияи Зафаробод низ корҳои ободонӣ бомаром идома дорад. Дар шанбегии умуминоҳиявӣ, ки бо иштироки зиёда аз 120 нафар кормандони сохторҳои мақомоти иҷроияи ҳокимияти давлатии ноҳия доир гардид корҳои ободонӣ, шинонидани ниҳолҳо гузаронида шуд. Ҳамчунин дар канори роҳи мошингарди Зафаробод – Хуҷанд ҳашари ниҳолшинонӣ бо иштироки раиси ноҳия баргузор гардида, зиёда аз 400 бех ниҳолҳои хамешасабзи туя шинонида шуд.
Маърифати экологӣ пояи рушди устувор
- Подробности статьи
- Автор
- Категория Новости
Баланд бардоштани маърифати экологӣ, гузаронидани корҳои таблиғотиву ташвиқотӣ яке аз самтҳои асосии фаъолияти мақомоти ҳифзи муҳити зист маҳсуб меёбад. Дар доираи нақшаичорабиниҳои татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» гузаронидани вохӯриҳо дар донишкадаву литсейҳо ба ҳукми анъана даромадааст. Санаи 28 январи соли равон дар толори маҷлисгоҳи Муассисаи давлатии таълимии «Литсейи касбии политехникии шаҳри Хуҷанд» вохўрии намояндаи Раёсат бо хонандагону омўзгорон доир гардид. Бо сухани ифтитоҳӣ и.в.директори литсейи мазкур Холматов М.Р. оид ба иштироки фаъолонаи хонандагони муассиса дар чорабиниҳои экологӣ баҳри беҳбудии муҳити зист баромад намуд.
Амалиёти фаврӣ дар ноҳияи Масчоҳ
- Подробности статьи
- Автор
- Категория Новости
Тибқи нақшаи корӣ, ҳангоми гузаронидани амалиёти фаврӣ муайян гардид, ки аз тарафи сардори хоҷагии деҳқонии "Виткун"-и ҷамоати деҳоти Оббурдони ноҳияи Мастчоҳ АХД ба номи Ю.Вафо Мирзоев Ҷалол худсарона аз хати ҷангали ҳудуди х\д "Виткун" 4 адад дарахти намуди садаро бурида аст. Дар натиҷа нисбати сардори хоҷагии деҳқонии «Виткун» тибқи моддаи 242 протоколи ҳуқуқвайронкунии маъмурӣ тартиб дода шуда, товони зарар ба маблағи 928 сомонӣ пешниҳод гардид.
27 Январь 2020
Аксияи «Тозагии маҳал» дар ш.Конибодом
- Подробности статьи
- Автор
- Категория Новости
Бо мақсади сазовор истиқбол намудани ҷашни 30 - солагии давлатии Истиқлолияти Ҷумҳурии Тоҷикистон бо иқдоми бахши ҳифзи муҳити зисти шаҳри Конибодом дар назди пойгоҳи обкашии «Маҳрам» бо ҷалби кормандони идораи хоҷагии об ва истифодаи техникаҳо аксияи «Тозагии маҳал» гузаронида шуд. Дар ҷараёни аксия заминҳои назди насоси обкашӣ ба масоҳати 1,5 га тоза карда шуда, заҳбури байнихоҷагӣ ба масофаи 0,7 км тоза карда шуд.
Ҳамчунин агрегати дуюми насоси обкашӣ аз таъмир бароварда шуд, ки аз он заминҳои хоҷагиҳои деҳқонии ҷ/д Э.Шарифов ва ҷ/д А.Лоҳутӣ пурра истифода хоҳанд бурд. Рафти гузаронидани аксия таввасути ТВ маҳалли ва садо инъикос карда шуд.
Корҳои биотехникӣ дар ш.Истаравшан
- Подробности статьи
- Автор
- Категория Новости
Баҳри иҷрои нақшаи корӣ, бо мақсади беталаф баромадани олами ҳайвонот ва паррандагон дар фасли зимистон дар ҷамоатҳои деҳоти Нофароҷ ва Қалъачаи калони ш.Истаравшан аз тарафи кормандони бахши ш.Истаравшан корҳои биотехникӣ гузаронида шуд. Дар мавзеъҳои мазкур ба миқдори умумии 55 кг - гандумреза ва ҷуворимакка пошида шуд. Маҳсулоти мазкур асосан дар талу теппаҳо, ки асосан макони зисту боши парандагон мебошад истифода бурда шуд.
24 Январь 2020
Семинари бозомӯзӣ
- Подробности статьи
- Автор
- Категория Новости
Баҳри иҷрои нақшаи корӣ, бо мақсади баланд бардоштани савияи дониши кормандони мақомоти ҳифзи муҳити зист, санаи 24 январи соли равон дар толори маҷлисгоҳи Раёсат бо иштироки сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо семинари бозомӯзӣ гузаронида шуд. Мувофиқи барнома дар семинари мазкур масъалаҳои муҳим – фаҳмонида додани нуктаҳои асосии Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, стратегияи муқовимат бо коррупсияи Ҷумҳурии Тоҷикистон барои солҳои 2013-2020», фаҳмонида додани тартиби дурусти ҳисоби пардохтҳои ҳатмии экологӣ, моҳияти «Кодекси одоби хизматчии давлатӣ», тарзи ҳисоби пардохти ҳифзи ҳавои атмосфера ва ҳисоби зарар, Қонуни Ҷумҳурии Тоҷикистон «Дар бораи таъмини амнияти экологии нақлиёти автомобилӣ», гузаронидани санҷишҳои нақшавӣ, тарзи дуруст тартиб додани ҳисоботҳо, пардохти ҳатмии экологӣ, минтақаҳои ҳифзи санитарии манбаъҳои обӣ, коргузорӣ оид ба баррасии муроҷиатҳои хаттӣ, электронӣ ва шифоҳии шахсони воқеӣ ва ҳуқуқӣ дар асоси талаботи Қонун ва дигар масъалаҳои ба пешрафти фаъолият мусоидаткунанда баррасӣ гардид.
Корҳои биотехникӣ дар ноҳияи Деваштич
- Подробности статьи
- Автор
- Категория Новости
Бахши ҳифзи муҳити зисти ноҳияи Деваштич маълумот дод, ки дар хоҷагии ҷангали ба номи Ғаниҷон Мӯсоеви ноҳия дар якҷоягӣ бо мутахассисони бахш бинобар сард ва сербориш омадани обу ҳаво дар доираи чорабиниҳои биотехникӣ барои ҳайвонот ва паррандаҳои ёбоӣ ему хошок ва резадонаи ғалладонагиҳо ба доманакӯҳҳои сербарф гузошта шуд.
Тибқи баҳисобгирии мутахассисони соҳаи ҷангал-парварӣ дар хоҷагии мазкур тақрибан 500 кабутар, 30 сар хуки ёбоӣ, 15 гург, 130 сар харгуш, 93 сар рубоҳ , 3 сар хирс, 20 сар бузи куҳӣ, 200 кабк ва дигар ҷонварон ба қайд гирифта шудаанд.