Все статьи

04 Декабрь 2020

Вохӯрӣ бо хонандагон дар шаҳри Панҷакент

Подробности статьи: Автор; Категория Новости

Бо мақсади гузаронидани корҳои ташвиқотӣ, бахшида ба эълон гардидани солҳои 2020-2040 "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф", баланд бардоштани маърифати экологии хонандагон, дар муассисаи таҳсилоти миёнаи умумии №15-и шаҳри Панҷакент вохӯрӣ бо хонандагон доир гардид. Мутахассисони бахши ҳифзи муҳити зисти шаҳри Панҷакент доир ба ҳифзи муҳити зист, самаранок истифода бурдани сарватҳои табиӣ, саҳми хонандагон дар беҳдошти муҳити атроф баромад карданд. Дар рафти вохӯрӣ аз тарафи хонандагон музокира сурат гирифт.

Вохӯрӣ дар муассисаҳои таълимӣ

Подробности статьи: Автор; Категория Новости

Бо иқдоми бахши ҳифзи муҳити зисти ноҳияи Ашт бо мақсади гузаронидани корҳои ташвиқотӣ, баланд бардоштани маърифат ва дониши экологии насли наврас, бахшида ба эълон гардидани солҳои 2020-2040 "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф" дар муассисаи таҳсилоти миёнаи умумии №44-и деҳаи Даҳана, ҷамоати Шайдон вохӯрӣ бо хонандагони синфҳои болоӣ доир гардид. Мутахассисони бахш дар бораи санаи экологӣ -рӯзи байналмилалии кӯҳсор, ҳадафи эълон гардидани ин сана аз тарафи СММ, ҳамчунин вобаста ба соҳаи ҳифзи муҳити зист, истифодабарии оқилона ва ҳифзи захираҳои об, муомилот бо партовҳо, иштироки фаъолонаи хонандагон дар аксияҳои экологӣ баромад намуданд.

Ёрии методӣ дар самти ситонидани пардохтҳои экологӣ

Подробности статьи: Автор; Категория Новости

Бо мақсади расонидани ёрии методӣ дар самти ситонидани пардохтҳои ҳатмии экологӣ бо табиат истифодабарандагон мунтазам корҳои фаҳмонидадиҳӣ гузаронида мешавад. Дар бахши ҳифзи муҳити зисти ноҳияи Шаҳристон аз ҷониби кормандони шуъбаи назорати давлатии истифода ва ҳифзи замин ва муомилот бо партовҳо ба табиатистифодабарандагон моҳияти моддаи 20 Қонуни Ҷумҳурии Тоҷикистон «Дарбораи ҳифзи муҳити зист», моддаҳои 46-49 Қонуни Ҷумҳурии Тоҷикистон «Дар бораи дигар пардохтҳои ҳатмӣ бабуҷет» фаҳмонида дода шуд. Чунин корҳои фаҳмонидадиҳӣ бо табиат истифода барандагон аз ҷониби кормандони бахшҳои хифзи муҳити зисти шаҳру ноҳияҳои вилоят низ гузаронида шуда истодааст.

01 Декабрь 2020

Оғози мавсими дарахтшинонӣ дар шаҳри Гулистон

Подробности статьи: Автор; Категория Новости

Ба истиқболи 30-солагии Истиқлолияти давлатии Ҷумҳурии Тоҷикистон, бо мақсади гузаронидани корҳои ободонӣ дар шаҳри Гулистон маъракаи ниҳолшинонӣ оғоз гардид. Дар он кормандони сохторҳои мақомоти иҷроияи ҳокимияти давлатии шаҳр, муассисаҳои хоҷагии коммуналӣ, корхонаву ташкилот фаъолона иштирок намуда, тариқи ҳашар дар кӯчаи марказии шаҳр қариб 1000 бех дарахтони ҳамешасабзи санавбар, ардач ва дарахтони бисёрсола шинониданд. Ин мавсим тибқи нақша дар минтақаҳои дигари шаҳр шинонидани дарахтони сояафкану ороишӣ, гулҳои мавсимиву бисёрсола дар назар аст.

30 Ноябрь 2020

Оғози мавсими дарахтшинонӣ дар ноҳияи Ҷ.Расулов

Подробности статьи: Автор; Категория Новости

Бо мақсади иҷрои нақшаи чорабиниҳо бахшида ба 30-солагии Истиқлолияти давлатии Ҷумҳурии Тоҷикистон, беҳбудӣ бахшидан ба ҳолати экологӣ бо саҳми бахши ҳифзи муҳити зисти ноҳияи Ҷ.Расулов дар ҳудуди шаҳраки Меҳробод зиёда аз 50 адад сарви аризонӣ шинонида шуд. Тибқи нақша аз тарафи бахши ҳифзи муҳити зист дар дигар минтақаҳои ноҳия шинонидани дарахтони ҳамешасабз дар назар аст.

Амалиётҳои назоратӣ дар шаҳри Конибодом

Подробности статьи: Автор; Категория Новости

Дар шаҳру ноҳияҳои вилояти Суғд барои пешгирӣ ва роҳ надодан ба қонуншиканӣ дар самти ҳифзи олами наботот, ҳайвонот ва захираҳои моҳӣ тибқи нақшаи корӣ мунтазам амалиётҳои назоратӣ гузаронида мешавад. Аз тарафи нозирони Раёсат ҳангоми гузаронидани амалиёти фаврӣ дар шаҳри Конибодом ҳодисаи сайди ғайриқонунии моҳӣ аз тарафи сокинони ш.Конибодом Ҷӯраев С., Собиров Г. ва буридани се адад дарахти бед дар ҷамоати деҳоти Маҳрам аз тарафи сокини ҷамоат Негматов Д. ошкор гардид. Нисбати қонуншиканон маводҳои маъмурӣ тартиб дода шуда, барои баррасӣ ба бахши ҳифзи муҳити зисти шаҳри Конибодом фиристода шуд.

Амалиёти фаврӣ дар обанбори Баҳри Тоҷик

Подробности статьи: Автор; Категория Новости

Бо мақсади ҳифз ва нигаҳдории захираҳои моҳӣ, иҷрои нақшаи корӣ, ҳангоми гузаронидани амалиётҳои фаврӣ аз тарафи нозирони шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсат дар обанбори Баҳри Тоҷик, дар минтақаи истироҳатгоҳи "Ташкентский" сокини ноҳияи Б.Ғафуров - Ашуров М. ҳангоми сайди ғайриқонунии моҳӣ бо воситаи қаиқи оҳанин ва муҳаррикаш боздошт гардид. Қаиқ ва моҳиҳои сайдшуда мусодира гардида, нисбати қонуншикан маводҳои маъмурӣ тартиб дода шуд ва барои андешидани чораҳо ба шӯъбаи ҳифзи муҳити зисти ноҳия фиристода шуд.

28 Ноябрь 2020

Хазонсӯзӣ ва зарари он

Подробности статьи: Автор; Категория Новости

Сӯзонидани хазонҳо, аз ҷумла барги дарахтон ва алафҳои хушкшуда ба саломатии инсон ва муҳити зист таъсири манфӣ мерасонанд. Илми муосир исбот намудааст, ки партовҳои дар натиҷаи сўзонидани хазонҳо бавуҷудомада дар таркибаш моддаҳои сахттаъсири зиёновар дошта, ба саломатии инсон ва дигар мавҷудоти зинда зарари ҷуброннопазир дорад. Мусаллам аст, ки имрўзҳо фасли хазонрез буда, дар ҳамаи минтақаҳои аҳолинишин аз тарафи мақомоти марбута ҳамарӯза ҳаҷми муайяни хазонҳо ҷамъоварӣ карда мешаванд. Ҳамчунин, аз ҷониби аҳолӣ бо мақсади тоза намудани қитъаҳои наздиҳавлигӣ хазонҳо ва баргу пояи зироатҳои коридашуда ҷамъоварӣ мегардад. Баъзан ба чашм мерасад, ки аз ҷониби баъзе шаҳрвандон ва ё шахсони алоҳида хазонҳо, бо мақсади аз онҳо халос шудан, оташ зада мешавад, аммо ғофил аз он, ки онҳо бо ин амал ба саломатии худ, наздикон ва нафарони дигар чӣ гуна зиёд мерасонанд.

26 Ноябрь 2020

Дар шаҳри Хуҷанд қуттиҳои партов нав карда шуданд

Подробности статьи: Автор; Категория Новости

Бо мақсади тозаву обод нигоҳ доштани муҳити атроф, беҳбудӣ бахшидан ба вазъи санитариву экологӣ, эмин нигоҳ доштани аҳолӣ аз ҳар гуна касалиҳои сироятӣ аз ҷониби КВДК «Хизматрасонии нақлиёти санитарии шаҳри Хуҷанд» дар кӯчаву хиёбонҳои шаҳр 60 адад қуттиҳои партов нав карда шуданд. Боиси зикр аст, ки дар шаҳр 175 адад нуқтаи партов бо 780 адад қуттиҳо мавҷуд буда, тибқи нақша дар вақти муайянгардида гирифта шуда, мавзеъҳои мазкур мунтазам безарар гардонида мешаванд. Дар миқёси тамоми шаҳр низ иваз намудани қуттиҳои партов дар назар аст.

Амалиётҳои шабонарӯзӣ дар шаҳри Хуҷанд

Подробности статьи: Автор; Категория Новости

Тибқи маълумоти шуъбаи ҳифзи муҳити зисти шаҳри Хуҷанд, ҳангоми гузаронидани амалиёти шабонарӯзӣ муайян гардид, ки дар кӯчаву хиёбонҳои марказии шаҳри Хуҷанд аз тарафи КВДК ХНС-и шаҳр тибқи ҷадвали тасдиқшуда дар мӯҳлати муайянгардида партовҳо гирифта мешаванд. Амалиёти мазкур махсусан дар фасли тирамоҳ бо мақсади пешгирӣ намудани ҳодисаҳои сӯзонидани барги дарахтон ва партовҳои истеъмолӣ роҳандозӣ гардида истодааст.