Все статьи

05 Ноябрь 2020

Натиҷагирӣ аз фаъолияти 10 моҳаи Раёсати ҳифзи муҳити зисти вилояти Суғд

Подробности статьи: Автор; Категория Новости

Дар маркази бозомӯзии раёсат дар шаҳри Гулистон санаи 5 ноябри соли равон бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А. маҷлис баргузор гардид. Дар он аъзоёни гурӯҳи кории Кумита, сардорони шуъбаҳо ва мутахассисони раёсат, сардорони шуъбаҳо ва мудирони бахшҳои ҳифзи муҳити зисти шаҳру ноҳияҳои вилоят иштирок доштанд. Бо сухани ифтитоҳи Раиси Кумита кормандони мақомотро бо Рӯзи Конститутсияи Ҷумҳурии Тоҷикистон табрик намуда, оид ба ин дастоварди бузурги даврони Истиқлолият, дар сатҳи Конститутсия эътироф гардидани ҳуқуқу озодиҳои инсон ва шаҳрвандон ибрози ақида намуд. Дар рафти маҷлис натиҷаҳои фаъолияти раёсат ва зерсохторҳои он тибқи санҷиши комплексии гурӯҳи корӣ баррасӣ гардид. Маълумоти роҳбари гурӯҳи корӣ ва сардорони шуъбаҳои назоратии Кумита шунида шуд.

Конститутсия – роҳнамои имрӯзу фардои давлату миллат

Подробности статьи: Автор; Категория Новости

Бахшида ба Рӯзи Конститутсияи Ҷумҳурии Тоҷикистон, дар маҷлиси назди муовини сардори раёсат барои кормандону мутахассисони ҷавони мақомот баромад ташкил гардид. Зимни баромад қайд карда шуд, ки пешбурд ва татбиқи сиёсати давлатии Ҷумҳурии Тоҷикистон дар соҳаи ҳифзи муҳити зист аз Конститутсияи Ҷумҳурии Тоҷикистон сарчашма мегирад. Дар моддаи 13-и Конститутсия омадааст: «Замин, сарватҳои зеризаминӣ, об, фазои ҳавоӣ, олами набототу ҳайвонот ва дигар боигарии табиӣ истиснои давлат мебошанд ва давлат истифодаи самараноки онҳоро ба манфиати халқ кафолат медиҳад». Тибқи моддаи 44 Конститутсияи ҶТ «Ҳифзи табиат, ёдгориҳои таърихиву фарҳангӣ вазифаи ҳар як шахс аст». Дар рафти маҷлис байни иштирокчиён мубодилаи афкор сурат гирифта, бобати ин дастоварди бузурги даврони Истиқлолият, дар сатҳи Конститутсия эътироф гардидани ҳуқуқу озодиҳои инсон ва шаҳрвандон иброз гардид.

04 Ноябрь 2020

Табрикоти сардори Раёсати ҳифзи муҳити зисти вилояти Суғд Ҳакимзода А.Қ. ба муносибати Рӯзи Конститутсияи Ҷумҳурии Тоҷикистон

Подробности статьи: Автор; Категория Новости

Бо самимияти афзун Шумоёнро бо фарорасии ин санаи муборак, яке аз шарти асоситарини давлатдории мустақил, шарафу номуси ватандорӣ, кафолати хонаи обод ва нерўи таконбахши ҳамаи ҷабҳаҳои ҳаёт, Конститутсияи Ҷумҳурии Тоҷикистон табрику таҳният мегуям. Аҳамияти таърихӣ ва бузурги қабули Конститутсияи Ҷумҳурии Тоҷикистони соҳибистиқлол дар он зоҳир мегардад, ки тағйирнопазирии на танҳо шакли идора, балки моҳияти аслии давлатро дар ҳуқуқбунёдӣ, дунявият, иҷтимоӣ ва дорои низоми демократӣ муаррифӣ намуд.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон барҳақ таъкид намудаанд: «Конститутсияи Тоҷикистон ҳамчун ифодагари азму ирода, равшангари роҳи ҳаёти мардум воқеан санади тақдирсозест, ки низоми давлатдориро муайян намуда, ҳифзи ҳуқуқу озодиҳои инсон ва шаҳрвандро таъмин мекунад».

03 Ноябрь 2020

Ҷамъбасти озмуни вилоятии «Тирамоҳи заррин»

Подробности статьи: Автор; Категория Новости

Бо мақсади рушди тарбия ва маърифати экологии хонандагони муассисаҳои таълимӣ, барои фаъол гардонидани кори маҳфилҳои муассисаҳои таълимӣ, таҳсилоти иловагӣ, иттиҳодияҳои кӯдаконаи экологӣ дар сатҳи омӯзиши табиати диёр, дар доираи эълон гардидани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар «Қасри фарҳанг»-и ноҳияи Масчоҳ озмуни вилоятии «Тирамоҳи заррин» гузаронида шуд. Озмун аз рӯи се бахш – «Намоишгоҳ аз маводҳои табиӣ», «Саволу ҷавоб» ва «Ҳимояи рисолаву реферат» баргузор гардида, аз рӯи натиҷаҳои ҷамъбастӣ ҷои якумро гурӯҳҳои даставии шаҳри Хуҷанд, ҷои дуюмро дастаи Исфара ва ҷои сеюмро дастаи ноҳияи Б.Ғафуров сазовор гардиданд.

Аксияи «Тозагии соҳил» ва «Тозагии маҳал» дар шаҳри Хуҷанд

Подробности статьи: Автор; Категория Новости

Бо мақсади дар сатҳи баланд истиқбол гирифтани ҷашни 30 солагии Истиқлолияти давлатии Ҷумҳурии Тоҷикистон ва Рӯзи Конститутсияи Ҷумҳурии Тоҷикистон бо ҷалби оммаи васеъ дар шаҳри Хуҷанд аксияи «Тозагии соҳил» ва «Тозагии маҳал» доир гардид. Дар аксия кормандони корхонаву ташкилотҳо, муассисаҳо ва аҳолӣ, беморхонаҳои касалиҳои дил ва физиотерапевтии Ҷумҳуриявӣ, кӯдакистони Президентӣ, Литсейи касбии политехникии шаҳри Хуҷанд, КВДК «СО ва ХМК» ва сокинони кумитаи маҳаллаи «Қорираҳмат Қурбон» ҳамагӣ 460 нафар иштирок намуданд. Рафти аксия обутобгоҳҳои соҳили чап ва рости шаҳри Хуҷанд, худуди маҳаллаҳо, қади роҳҳои мошингард, ҷуйборҳо, соҳилҳои дарё аз ҳама гуна партов, алафҳои бегона ва қамишҳо тоза карда шуда, партови ҳосилшуда аз тарафи КВДК «Хизматрасони нақлиёти санитарӣ» ба партовгоҳи умумишаҳрӣ бароварда шуд.

Амалиёти назоратӣ дар ноҳияи Айнӣ

Подробности статьи: Автор; Категория Новости

Ҳангоми гузаронидани амалиёти назоратӣ аз ҷониби нозирони бахши ҳифзи муҳити зисти ноҳияи Айнӣ дар километри 93 – 95 шоҳроҳи Душанбе – Айнӣ ҷойгир намудани ғайрирасмии партовҳо наздик ба соҳили Фондарё ошкор карда шуд. Дар натиҷаи корбарӣ муайян гардид, ки партовҳоро сокини ноҳия Азизов Ҷовидон ба ҷойи ғайрирасмӣ партофтааст, ки ба нуқтаи таъмири чархҳои нақлиёти ў наздик мебошад. Барои вайрон кардани талаботи қонун нисбати шаҳрванди мазкур бо моддаи 232-и Кодекси ҳуқуқвайронкунии маъмурӣ протокол тартиб дода шуд ва ҷазои ҷаримабандӣ амалӣ мегардад. Ҳамзамон, мувофиқи пешниҳод кормандони ҷамоати деҳоти Анзоби ноҳияи Айнӣ партовҳои шафати шоҳроҳро тоза кардаанд.

31 Октябрь 2020

Тамошои дастаҷамъонаи маросими савгандёдкунии Президенти Ҷумҳурии Тоҷикистон аз ҷониби кормандони Раёсати ҳифзи муҳити зисти вилояти Суғд

Подробности статьи: Автор; Категория Новости

Тибқи барқияи роҳбари Дастгоҳи иҷроияи Президенти Ҷумҳурии Тоҷикистон аз 27.10.2020, 324/10-39 ва барқияи мақомоти иҷроияи ҳокимияти давлатии вилояти Суғд аз 28.10.2020, №532-1/9тф дар Раёсати ҳифзи муҳити зисти вилоят тамошои дастаҷамъонаи маросими савгандёдкунии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки санаи 30 октябри соли равон дар «Кохи Сомони»-и пойтахти ҷумҳуриамон шаҳри Душанбе баргузор гардид, муташаккилона роҳандозӣ гардид. Боиси қайд аст, ки дар ҳмаи зерсохторҳои раёсат дар шаҳру ноҳияҳо чунин тамошои дастаҷамъонаи маросими савгандёдкунї ташкил гардид.

28 Октябрь 2020

Сар додани мурғи даштии тазарв ба табиат

Подробности статьи: Автор; Категория Новости

Дар Маҷмааи сайёҳӣ-истироҳатии «Ҷазираи Темурмалик»-и Раёсати ҳифзи муҳити зисти вилояти Суғд дар давоми қариб ду соли охир парвариши мурғи даштии тазарв, ки ба Китоби Сурхи Ҷумҳурии Точикистон ворид шудааст амалӣ гардида истодааст. Дар айни замон миқдори парандаи мазкур дар парваришгоҳ ба беш аз 300 сар расида, ҷиҳати ба табиат пахш намудани онҳо корбарӣ карда шуд. Аз ҷониби мутахассисони шуъбаи назорати давлатии истифода ва ҳифзи олами набототу ҳайвонот ва захираҳои моҳии раёсат дар ҷазира бо мақсади минбаъд афзоиш ёфтани ин парандаи нодир дар табиат 65 ҷуфти онҳо сар дода шуд. Боиси қайд аст, ки соли 2019 дар доираи чорабиниҳои таҷлили Наврӯзи байналмилал, бахшида ба эълон гардидани «Солҳои рушди деҳот, сайёҳи ва ҳунарҳои мардумӣ» бо иштироки Асосгузори сулху ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Маҷмааи сайёҳӣ-истироҳатии «Ҷазираи Темурмалик» ба истифода дода шуда буд. Раёсат дар оянда низ дар ин мавзеи зебои соҳили дарёи Сир ҷиҳати боз ҳам беҳтар намудани имконот ва инфрасохтори соҳаи сайёҳӣ, барои нигоҳдорӣ ва парвариши мурғи даштӣ – тазарви сирдарёӣ бо мақсади ҷалби сайёҳони дохилию хоричӣ корбарӣ менамояд.

Баргузории амалиёти «Ҳавои тоза» бо таҷҳизоти нав

Подробности статьи: Автор; Категория Новости

Бо мақсади пурзўр намудани назорати давлатӣ дар самти ҳифзи ҳавои атмосфера, аз он ҷумла ихроҷи моддаҳои зараровар аз воситаҳои нақлиёт, аз ҷониби Раёсати ҳифзи муҳити зисти вилояти Суғд як адад таҷҳизоти тамғаи МЕТА «Дымомер» 01МП-ро барои дудченкунии нақлиётҳои, ки бо сўзишвории дизелӣ кор мекунанд харидорӣ карда шуд. Мутахассисони шуъбаи назорати таҳлилии раёсат якҷоя бо нозирони шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд тибқи нақшаи пешбинигардида амалиёти «Ҳавои тоза»-ро гузарониданд. Дар давоми амалиёт 8 адад нақлиёти махсуси корхонаи партовкашони шаҳри Хуҷанд, 12 адад автобуси мусофиркашон ва дар ноҳияи Б.Ғафуров, шоҳроҳи Душанбе – Хуҷанд – Чаноқ 25 адад нақлиёти боркашони калонҳаҷм, дар маҷмўъ 45 адад нақлиёти гуногунтамға, ки бо сўзишвории дизелӣ кор мекунанд аз ченкунӣ гузаронида шуд. Дар натиҷаи муайян намудани дараҷаи ифлоскунии ҳавои атмосфера бо партови моддаҳои зараровар аз нақлиётҳои мазкур ошкор гардид, ки дар баъзеи онҳо партовҳо аз меъёр зиёд ихроҷ мешаванд ва нисбати 4 нафар ронанда протоколи ҳуқуқвайронкунии маъмурӣ тартиб дода шуд.

Аксияҳои экологӣ дар ноҳияи Ҷ.Расулов

Подробности статьи: Автор; Категория Новости

Дар ноҳияи Ҷ.Расулов бо мақсади пешбурди сиёсати экологӣ аксияҳои «Тозагии соҳил» ва «Тозагии маҳал» бо ҷалби оммаи васеи аҳолии ноҳия баргузор гардид. Дар рафти аксияи «Тозагии соҳил» 170 нафар сокинони ҷамоати деҳоти Сомониёни ноҳия иштирок намуда, беш аз 1 км ҳудуди Томчи – сой аз партовҳо тоза карда шуд. Аз ҷониби бахши ҳифзи муҳити зист ба иштирокдорони аксия 50 адад халтаҳои полиэтиленӣ барои ҷамъоварии партовҳо дастрас гардид. Дар баробари ин, дар ноҳия аксияи «Тозагии маҳал» бо иштироки аҳолии ҷамоати шаҳраку деҳот гузаронида шуд. Марказҳои ҷамоат ва худи ноҳия аз партовҳо, аз чумла партовҳои пластикӣ тоза гардида, корҳои рўбучини қади роҳ ва маҳали зист ба сомон расид. Ҳамзамон, зиёда аз 2 км ҷўйбор тоза карда шуд. Дар корҳои ободонӣ 340 нафар сокинони ноҳия иштирок намуданд. Партовҳо дар ҳаҷми 15,4 метри мукааб ба партовгоҳи ноҳия бароварда шуданд.