Все статьи
12 Октябрь 2020
Тозагии роҳравҳои пиёдагард дар шаҳри Истаравшан
- Подробности статьи
- Автор
- Категория Навидҳо
Дар шаҳри Истаравшан, дар доираи аксияи «Тозагии маҳал» шанбегӣ бо шиори «Тозагии роҳравҳои пиёдагард» баргузор гардид. Дар фасли тирамоҳ аз ҳисоби рехтани баргҳои дарахтони қади роҳ ҷўйбору роҳравҳои пиёдагарди шаҳр бо хазон (барги хушк) ифлос мегардад. Бо ташаббуси бахши ҳифзи муҳити зисти шаҳри Истаравшан якҷоя бо шуъбаи маориф баҳри пешгирии қонунвайронкуниҳо ва ифлос намудани ҳавои атмосфера бо моддаҳои зараровар аз ҳисоби сўзонидани барги хушки дарахтон чунин чорабинӣ ба амал омад. Дар аксия 15 адад муассисаҳои таълимии шуъбаи маорифи шаҳр иштирок намуда, аксарият роҳравҳои пиёдагарди кўчаҳои асосӣ, аз ҷумла зиёда аз 6 км ҷўйборҳои қади роҳи нақлиётгард тоза карда шуд. Минбаъд бахши ҳифзи муҳити зист ният дорад, ки чунин амалиётро бо иштироки шаҳрвандон баргузор намояд ва хазони ҷамъгардидаро онҳо ҳамчун хошок барои хўроки моли худ истифода баранд.
Аксияҳои экологӣ дар ноҳияи Спитамен
- Подробности статьи
- Автор
- Категория Навидҳо
Дар ноҳияи Спитамен бо мақсади пешбурди сиёсати экологӣ ду чорабинӣ – яке амалиёти «Ҳавои тоза» ва аксияи «Тозагии маҳал» бо ҷалби ҷавонони маркази ноҳия гузаронида шуд. Якҷоя бо мутахассисони шуъбаи назорати таҳлилии раёсат ва нозирони шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд, кормандони бахши ҳифзи муҳити зисти ноҳияи Спитамен тибқи нақшаи пешбинигардида амалиёти «Ҳавои тоза»-ро гузарониданд. Дар натиҷа, дар давоми амалиёт зиёда аз 40 адад нақлиёти гуногунтамға аз ченкунӣ гузаронида шуда, дараҷаи ифлоскунии ҳавои атмосфера бо партови моддаҳои зараровар муайян гардид. Боиси қайд аст, ки пас аз ислоҳ ченкунии дубораи 7 адад нақлиёт баргузор гардида, нисбати 4 нафар ронанда протоколи ҳуқуқвайронкунии маъмурӣ тартиб дода шуд.
Корҳои ободонӣ дар ноҳияи Б.Ғафуров
- Подробности статьи
- Автор
- Категория Навидҳо
Дар ноҳияи Б.Ғафуров, ҳудуди ҷамоати деҳоти Исмоил Ҳамзаалиев, бо ташаббуси шуъбаи ҳифзи муҳити зисти ноҳия аксияҳои «Тозагии маҳал» ва «Тозагии соҳил» ташкил ва баргузор гардид. Баҳри тозаву обод нигоҳ доштани муҳити зист дар чорабиниҳо беш аз 300 нафар аҳолии ҷамоат, аз он ҷумла соҳибкорон иштирок намуда, корҳои назаррас ба сомон расонида шуд. Минтақаҳои маҳалли зист, қади роҳ ва заминҳои кишоварзӣ, атрофи биною иншоотҳо аз партовҳо тоза карда шудаанд. Ҳамзамон, зиёда аз 3 километр ҷўйбор ва сой аз ҳаргуна партовҳо тоза гардида, дар маҷмўъ 16,4 тонна партовҳо ба партовгоҳ бароварда шуд.
05 Октябрь 2020
Фаъолияти нўҳмоҳаи мақомот чамъбаст гардид
- Подробности статьи
- Автор
- Категория Навидҳо
Санаи 3 октябр дар толори маркази бозомўзӣ дар шаҳри Гулистон ҷаласаи Раёсати ҳифзи муҳити зисти вилояти Суғд оид ба ҷамъбасти натиҷаҳои фаъолият дар нўҳ моҳи соли 2020 баргузор гардид. Дар ҷаласа муовини Раиси Кумитаи ҳифзи муҳити зисти назди Ҳукумати Ҷумҳурии Тоҷикистон муҳтарам Мавлодод Абдулқодир, намояндаи бахши кишоварзии МИҲД вилояти Суғд Пўлотов Н., сардори раёсат Ҳакимзода АҚ., муовини сардори раёсат, сардорони шуъбаьо ва сармутахассисони раёсат, сардорони шуъбаьо ва мудирони бахшҳои ҳифзи муҳити зисти шаҳру ноҳияҳо тибқи даъват иштирок доштанд.
Дар ҷаласа маърӯзаи муовини сардори раёсат Абдумаликзода Б. «Дар бораи фаъолияти кории Раёсати ҳифзи муҳити зисти вилояти Суғд дар нўҳ моҳи соли 2020 ва вазифаҳои минбаъда» шунида ва муҳокима карда шуд. Дар охири ҷаласаи қарори дахлдор бо назардошти пешниҳоду супоришҳои додашуда қабул гардид.
03 Октябрь 2020
Амалиёти назорати сарватҳои табиӣ дар шаҳри Хуҷанд
- Подробности статьи
- Автор
- Категория Навидҳо
Аз тарафи кормандони мақомоти ҳифзи муҳити зист дар фаъолияти худ ба масъалаҳои пешгирии ҳодисаҳои вайрон кардани талаботи қонунҳои амалкунандаи соҳавӣ дар миқёси шаҳру ноҳияҳо аҳмияти ҷиддӣ дода мешавад. Ҳангоми амалиёти навбатӣ аз ҷониби нозирони шуъбаи ҳифзи муҳити шаҳри Хуҷанд қонунвайронкунӣ ошкор гардид. Нисбати шаҳрванд Тўйчиев Н. протокол бо дастрасии моддаи 238 Кодекси ҳуқуқвайронкунии маъмурии Ҷумҳурии Тоҷикистон барои истихроҷи ғайриқонунӣ ва кашонидани сарватҳои табиӣ – канданиҳои фоиданоки маъмули умум (санг) тартиб дода, ҷаримабандӣ амалӣ гардид.
02 Октябрь 2020
Ҳифзи олами ҳайвонот – вазифаи муқаддаси ватандорӣ мебошад
- Подробности статьи
- Автор
- Категория Навидҳо
4 октябр – Рўзи муҳофизати ҳайвонот. Олами гуногунии биологии Тоҷикистон ҳеле ғанӣ ва нотакрор аст. Дар ҳудуди начандон калони ҷумҳуриамон беш аз 13 ҳазор намуди ҳайвонот муайян гардидааст. Бештари онҳо дар экосистемаҳои кўҳӣ сукунат гирифтаанд. Дар мавзеҳои водию пешкўҳҳо, дарёҳо, заминҳои кишоварзии назди шаҳру ноҳияҳои диёрамон намудҳое паҳн гардидаанд, ки бо аҳолӣ зич пайваста ҳаёт мебаранд. Мониторинги солҳои охир далел мешаванд, ки дар зери таъсири омилҳои гуногуни антропогенӣ баъзе намудҳои олами ҳайвонот миқдоран кам шуда, ҳатто як қисми намудҳо зери хатари маҳвшавӣ қарор доранд.
28 Сентябрь 2020
Иштирок дар маъракаи чиниши ҳосили пахта
- Подробности статьи
- Автор
- Категория Навидҳо
Санаи 27.09.2020, рўзи истироҳат, кормандони Раёсати ҳифзи муҳити зисти вилояти Суғд бо мақсади иштирок дар маъракаи чиниши пахта ва гузоштани саҳми худ ба хирмани диёр ба ноҳияи Б.Ғафуров, сафарбар шудаанд. Дар баробари кормандони раёсат дар ҷамъоварии ҳосили пахта якҷоя кормандони дигар сохторҳои давлатӣ низ иштирок намуданд. Дар майдони пахтазори бригадаи №18 хоҷагии КИХГ ба номи Т.Кўшатови ҷамоати деҳоти И.Ҳамзаалиеви ноҳия дар як рўз, аз ҷониби 10 нафар кормандони мақомоти ҳифзи муҳити зист зиёда аз 400 кг пахта ҷамъоварӣ гардида, ба хирмани ҳоҷагии мазкур супорида шуд.
23 Сентябрь 2020
Оғози сохтмони бинои нави бахши шаҳри Бўстон
- Подробности статьи
- Автор
- Категория Навидҳо
Санаи 22.09.2020 дар шаҳри Бўстон бо иштироки сардори Раёсати ҳифзи муҳити зисти вилояти Суғд Ҳакимзода А.Қ., раиси шаҳри Бўстон Ҳошимзода Р. ва дигар шаҳсони масъулу намояндагони мақомоти иҷроия ҳокимияти давлатии шаҳр оғози сохтмони бинои маъмурии нави бахши ҳифзи муҳити зист амалӣ гардид. Боиси қайд аст, ки бинои 2-ошёнаи мазкур тибқи нақшаи чорабиниҳои Кумитаи ҳифзи муҳити зисти назди Ҳукумати Ҷумҳурии Точикистон ҳамчун ҷашнӣ ба истиқболи 30-солагии Истиқлолияти давлатии Ҷумҳурии Точикистон сохта мешавад ва ифтитоҳи он то ин чашни бузург пешбинӣ гардидааст.
Маросими супоридани мукофотҳо ба ғолибони озмун
- Подробности статьи
- Автор
- Категория Навидҳо
Санаи 22 сентябри соли ҷорӣ дар маркази бозомўзии Раёсати ҳифзи муҳити зисти вилояти Суғд дар шаҳри Гулистон чорабинии супоридани диплому ифтихорномаҳо ва мукофотҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ба ғолибон ва иштирокчиёни фаъоли озмунҳои ҷумҳуриявии байни хонандагони муассисаҳои таълимии миёнаи умуми ва намояндагони васоити ахбори омма баргузор гардид. Оғоз аз моҳи марти соли равон озмун барои хонандагондар мавзӯи«Тозагии муҳити зист – омили саломатии ҷомеа» ва намояндагони васоити ахбори омма таҳти унвони«Сатҳи баланди маърифати экологӣ - пояи рушди устувори давлат ва ҷомеа» эълон гардида буд. Озмунҳои мазкур ҷиҳати мусоидат ба татбиқи фарогирии Даҳсолаи байналмилалии амал «Об барои рушди устувор», 2018 – 2028 ва эълон гардидани солҳои 2019 – 2021 «Солҳои рушди деҳот, сайёҳӣ ва ҳунарҳои мардумӣ» дар 6 номинатсия баргузор гардида, дар арафаи ҷашни 29-солагии Истиқлолияти Ҷумҳурии Тоҷикистон ҷамъбаст карда шуд.
17 Сентябрь 2020
Безараргардонии лампаҳои каммасрафи симобдори корношоям оғоз мегардад
- Подробности статьи
- Автор
- Категория Навидҳо
Бо мақсади таъмини ҳифзи саломатии аҳолӣ, пешгирӣ намудани ифлосшавии муҳити зист ва безараргардонии лампаҳои каммасрафи симобдори аз истифодабаромада, дар асоси супориши Раиси Кумитаи ҳифзи муҳити зисти Ҳукумати Ҷумҳурии Тоҷикистон Раёсати ҳифзи муҳити зисти вилояти Суғд як адад таҷҳизоти безараргардонии лампаҳои каммасрафи симобдори тамғаи “ЭКОТРОМ-2” - 150-300 истеҳсоли Федератсияи Русияро харидорӣ намуда буд.
Таҷҳизоти мазкур бо қарори Раиси Кумитаи давлатии сармоягузорӣ ва идораи амволи давлатии Чумҳурии Тоҷикистон аз 29 июли соли 2020, №242 ҷиҳати ба кор андохтан ба тавозуни ҷамъияти саҳҳомии кушодаи “Чароғ”-и шаҳри Исфара гузаронида шуд, ки минбаъд пас аз омода гардидани мутахассис дар миқёси вилояти Суғд безараргардонии лампаҳои каммасрафи симобдори корношоям оғоз карда мешавад.