Все статьи

08 Июнь 2019

Чорабинии тантанавӣ бахшида ба Рӯзи байналмилалии муҳити зист

Подробности статьи: Автор; Категория Навидҳо

Бахшида ба 5 июн Рӯзи байналмилалии муҳити зист дар назди театри мазҳака ва мусиқии ба номи К.Хуҷандӣ чорабинии калони идона баргузор гардид. Дар он муовини раиси вилояти Суғд Анвар Яъқубӣ, раиси шаҳри Хуҷанд Маъруф Муҳаммадзода, намояндагони дигар сохторҳо ва аҳолӣ иштирок доштанд.

Муовини раиси вилояти Суғд Анвар Яъқубӣ табрикоти Раиси вилоятро қироат намуда зикр кард, ки таъмини амнияти экологии ҷомеа яке аз мубрамтарин масъалаҳои умумибашарӣ ба ҳисоб рафта, имконияти хубест, барои бори дигар ҷалб намудани таваҷҷӯҳи оммаи васеъ ба масоили экологӣ.

Силсилаи чорабиниҳои экологӣ дар шаҳри Истиқлоли вилояти Суғд

Подробности статьи: Автор; Категория Навидҳо

Дар шаҳри Истиқлоли вилояти Суғд як қатор чорабиниҳо бахшида ба Рӯзи умумиҷаҳонии муҳити зист доир гардид. Бо мақсади баланд бардоштани маърифати экологии аҳолӣ бо иқдоми бахши ҳифзи муҳити зисти ш.Истиқлол аксияҳои экологии «Тозагии соҳил», «Тозагии маҳал» бо иштироки 300 нафар намояндагони ташкилоту муассисаҳои шаҳр, хонандагони мактабҳо гузаронида шуд. Дар ҷараёни аксияҳо ҳудуди шаҳр, кӯчаҳои марказӣ аз ҳар гуна партовҳо тоза карда шуд.

Бо мақсади кам намудани ихроҷи моддаҳои зараровар ба ҳавои атмосфера дар кӯчаҳои марказии шаҳр бо кормандони шуъбаи милитсияи экологии РВКД ЧТ дар вилояти Суғд амалиёти «Ҳавои тоза» гузаронида шуд.

04 Июнь 2019

Рӯзи байналмилалии муҳити зист муборак!

Подробности статьи: Автор; Категория Навидҳо

Бори аввал 5 июни соли 1972 дар шаҳри Стокголм конфронси махсуси Созмони Милали Муттаҳид созишномаро оид ба масъалаҳои ҳифзи муҳити зист таҳия ва қабул намуд, ки мақсадаш ҷалб намудани диққати ҷомеа ба ин масъала буд. Дар Ҷумҳурии мо Рӯзи умумиҷаҳонии муҳити зист аз соли 1988 ва ҳамчун иди давлатӣ аз соли 2008 ин ҷониб дар сатҳи баланд қайд карда шуда, ба ҳалли масъалаҳои экологӣ аҳамияти махсус дода мешавад. Рўзи байналмилалии муҳити зист яке аз санаҳои басо муҳим барои аҳли сайёра ҳисобида мешавад, зеро тибқи маълумоти мавҷуда онро расман сокинони беш аз 100 давлати дунё таҷлил менамоянд. Таъмини амнияти экологии ҷомеа аз мубрамтарин масъалаҳои умумибашарӣ ҳисобида шуда, имконияти хубест, барои бори дигар ҷалб намудани таваҷҷўҳи оммаи васеъ ба масоили экологӣ мебошад.

Имсол Чин маркази таҳлили Рўзи умумичаҳонии муҳити зист таъйин гардид

Подробности статьи: Автор; Категория Навидҳо

Рўзи умумиҷаҳонии муҳити зистро Ассамблеяи Генералии СММ соли 1972 таъсис додааст ва аз ҳамон вақт инҷониб ҳар сол аз ҳониби мардуми ҳаҳон 5 июн дар аксар кишварҳои дунё қайд карда мешавад. Барои таҷлили глобалии ин санаи муҳими экологӣ, одатан ҳар сол, яке аз кишварҳои дунё интихоб гардида, шиори ид пешниҳод карда мешавад. Имсол низ, санаи 15.03.2019 дар шаҳри Найроби вазири муҳити зист, ҳамчун роҳбари ҳайати Чин бо и.в. директори иҳроияи Созмони Милали Муттаҳид якҷоя эълон намуданд, ки рӯзи ҷашни 5-уми июни соли 2019 дар Чин бо шиори «Ифлосшавии ҳаво» баргузор мегардад.

50 сол дар хидмати халқу Ватан

Подробности статьи: Автор; Категория Навидҳо

Тибқи дастури мақомоти болоӣ дирӯз ба ифтихори 70-умин солгарди якумин раиси Кумитаи ҳифзи табиати вилояти Суғд Абдулатиф Султонов дар толори Маркази бозомӯзии Раёсати ҳифзи муҳити зисти вилоят дар шаҳри Гулистон ҷамъомади тантанавӣ баргузор гардид. Онро бо сухани муқаддимавӣ сардори Раёсати ҳифзи муҳити зисти вилоят Темурҷон Нӯмонзода ҳусни ифтитоҳ бахшида мухтасар аз роҳи тайкардаи соҳибҷашн маълумот дод . Султонов Абдулатиф поягузор ва нахустраиси мақомоти ҳифзи муҳити зисти вилоят буда дар давоми 8 соли фаъолият дар рушди соҳа, пешбурди сиёсати экологӣ дар вилоят, тарбияи кадрҳо ва маърифати экологии аҳолӣ саҳми арзанда гузоштааст. Ҳоло бошад ҳамчун намояндаи ҷамъияти Дӯстӣ ва равобити фарҳангии Ҷумҳурии Тоҷикистон бо кишварҳои хориҷӣ дар вилояти Суғд фаъолият бурда истодааст.

Вохӯрӣ дар Раёсати Кумитаи ҳолатҳои фавқулодда ва мудофиаи гражданӣ дар вилояти Суғд

Подробности статьи: Автор; Категория Навидҳо

Бо мақсади баланд бардоштани тарбия ва маърифати экологии аҳолӣ ва нақшаи чорабиниҳо бахшида ба 5 июн - Рӯзи умумиҷаҳонии муҳити зист вохӯрии намояндагони Раёсати ҳифзи муҳити зисти вилоят бо кормандони Раёсати Кумитаи ҳолатҳои фавқулодда ва мудофиаи гражданӣ дар вилоят доир гардид. Вохӯриро сардори маркази таълимӣ - методии РКХФ ва МГ дар вилоят, подполковник Абдусамадов М. оғоз намуда, оиди муаммоҳои экологии ҷойдошта, тағйирёбии иқлим ва таъсиру пайомадҳои он ба аҳолӣ, баланд бардоштани сатҳи маърифати экологии кормандони Раёсати Кумитаи ҳолатҳои фавқулодда, ки ба фаъолияти ҳамарӯзаи онҳо алоқамандии зич дорад ибрози ақида намуд.

27 Май 2019

22 май - Рӯзи умумиҷаҳонии гуногунии биологӣ

Подробности статьи: Автор; Категория Навидҳо

Дар даҳсолаи охир масъалаҳои нигаҳдории гуногунии биологӣ яке аз муаммоҳои глобалии замони муосир маҳсуб меёбад, ки на танҳо олимон, балки тамоми ҷомеаи ҷаҳониро ба ташвиш овардааст.Вазъи имрӯзаи нигаҳдории гуногунии биологиро ба эътибор гирифта 22 майи соли 1992 дар конфронси СММ доир ба ҳифзи зист ва рушд, ки дар Рио-де –Жанейро баргузор шуда буд, Конвенсия доир ба гуногунии биологӣқабул карда шуд. Ҷумҳурии Тоҷикистон ҳамчун аъзои соҳибҳуқуқи ҷомеъаи ҷаҳонӣ онро соли 1997 тасдиқ намуда ӯҳдадории худро дар доираи Конвенсия қабул кард.

Бахшида ба Рӯзи байналмилалии гуногунии биологӣ дар меҳмонхонаи “Де Люкс”-и ш.Хуҷанд бо иқдоми Маркази гуногунии биологӣ ва бехатарии биологӣ конференсияи минтақавӣ бо иштироки коршиносон ва олимони Академияи Илмҳои ҶТ, Институти зоология ва паразитология, Институти ботаника, физиология ва генетикаи растаниҳои АИ ЧТ, филиали институти чорводорони АИ КТ, устодони факултети химия ва биологияи ДДХ ба номи академик Б.Ғафуров, намояндагони воситаҳои ахбори омма баргузор гардид.

Вохурӣ бо маорифчиёни н.Б.Ғафуров

Подробности статьи: Автор; Категория Навидҳо

Бо мақсади пешбурди фаъолият дар самти иттилоот ва маориф, дар доираи нақшаи корӣ ва нақшаичорабинињои татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», баҳрибаланд бардоштани маърифат ва донишҳоиэкологии аҳолӣ, санаи 23.05.2019 дар толори шуъбаи маорифи ноҳияи Б.Ғафуров вохўрии намояндаи Раёсати ҳифзи муҳити зисти вилоят якҷоя бо намояндаи рўзномаи «Садои мардум» бо намояндагони соҳаи маориф, бахусус бо омўзгорони фанни экология, химия ва биологияи муассисаҳои таълимии таҳсилоти миёнаи умумии ноҳияи Б.Ғафуров баргузор гардид. Бо сухани ифтитоҳӣ ҷонишини мудири шуъбаи маорифи мазкур баромад карда, оид ба зарурияти тарбия ва маърифати экологӣ изҳори ақида намуд.

Аксияи «Тозагии соҳил» дар ш.Хуҷанд

Подробности статьи: Автор; Категория Навидҳо

Бахшида ба Рӯзи умумиҷаҳонии муҳити зист, бо мақсади аз партовҳо тоза намудани соҳили дарё ва бо ҳамин васила баланд бардоштани маърифати экологии аҳолӣ дар ду соҳили дарё аз кӯпруки ҷашнӣ то даромадгоҳи боғи Камоли Хуҷандӣ санаи 25 майи соли равон аксияи “Тозагии соҳил” гузаронида шуд. Дар аксия муҳассилини муассисаҳои миёнаи касбии №№ 31, 44, 56, кормандони Маркази дилшиносии вилоят ва беморхонаи физиотерапевтӣ, кӯдакистони президентӣ, ташкилотҳое, ки дар назди соҳил ҷойгиранд, иштирок доштанд. Дар рафти аксия ду соҳили дарё аз партовҳои маишӣ, алафҳои бегона тоза карда шуда, 1, 2 м 3 партовҳо бароварда шуд.

23 Май 2019

Аксияи экологӣ таҳти унвони «Ҳифзи табиат – ҳифзи Ватан аст» дар шаҳри Хуҷанд

Подробности статьи: Автор; Категория Навидҳо

Таҷлили Рӯзи умумиҷаҳонии муҳити зист дар шаҳру ноҳияҳои вилоят оғоз гардид. Бо мақсади таҷлили Рӯзи умумиҷаҳонии муҳити зист ва дар доираи он гузаронидани корҳои фаҳмонидадиҳиву тарғиботӣ, тарбияи маърифати экологии аҳолӣ бо иқдоми шуъбаи ҳифзи муҳити зисти ш.Хуҷанд аксияи экологӣ зери унвони «Ҳифзи табиат – ҳифзи Ватан аст» дар шоҳроҳи Хуҷанд – Чаноқ доир гардид. Дар аксияи мазкур 75 нафар - донишҷӯён ва устодони кафедраи экология ва ҳифзи табиати МДТ Донишгоҳи давлатии Хуҷанд ба номи академик Б.Ғафуров фаъолона иштирок дошта, қисмати даромадгоҳи шарқии шаҳри Хуҷанд аз ҳар гуна партовҳои маишиву сохтмонӣ ва ғайра дар ҳаҷми 10 м3 тоза карда шуд. Боиси қайд аст, ки аз ҷониби шуъба донишҷуён ҳамчун иштирокчиёни доимӣ ва фаъоли аксияҳои экологӣ бо дастӯшаку халтаҳои ҷамъоварии партов, футболкаву сарпӯшҳо бо насби логотипи мақомоти ҳифзи муҳити зист таъмин гардиданд.