Все статьи
13 Апрель 2017
Ба таваҷҷӯҳи рӯзноманигорон!
- Подробности статьи
- Автор
- Категория Навидҳо
Раёсати ҳифзи муҳити зисти вилояти Суғд ба маълумоти Шумо мерасонад, ки Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади татбиқи сиёсати Ҳукумати Ҷумҳурии Тоҷикистон дар самти баланд бардоштани маърифати экологии аҳолӣ ва ҳавасмандии рўзноманигорон ҷиҳати ташвиқу тарғиби ҳифзи муҳити зист, бахшида ба 20-солагии Рӯзи Ваҳдати миллӣ дар байни кормандони васоити ахбори омма озмун таҳти унвони «Тоҷикистон ташаббускори ҳалли масъалаҳои об дар ҷаҳон» эълон менамояд. Ба озмун маводҳо ба забонҳои тоҷикӣ ва русӣ пешниҳод карда мешаванд. Иштироккунандаи озмун ба комиссияи озмун маълумотномаро, ки дар он ному насаб, суроға, рақами телефон ва маълумот оиди дар кадом воситаи ахбори омма чоп гаштани мақола нишон дода шудааст, пешниҳод бояд намояд.
22 Март 2017
Мизи мудаввар дар Коллеҷи технологии ба номи А.Қаҳҳорови ш.Конибодом
- Подробности статьи
- Автор
- Категория Навидҳо
Дар коллеҷи технологии ба номи А.Қаҳҳоров бахшида ба Даҳсолаи байналмилалии амал «Об барои рушди устувор» солҳои 2018-2028 ва «Соли ҷавонон» мизи мудаввар баргузор гардид. Дар он намояндаи мақомоти иҷроияи ҳокимияти давлатии шаҳр, намояндагони ҷамоатҳои деҳот, идораи хоҷагии об, корхонаи фаръии обу канализатсия, идораи барқ, идораи кишоварзӣ, ситоди ҳолатҳои фавқулодда, идораи марказии стандартикунонӣ ва донишҷӯёни Коллеҷи технологии шаҳр иштирок доштанд.
Дар кори мизи мудаввар номзади илми иқтисод, сарвари коллеҷ М.Ҳомидов дар мавзӯи «Об - муҳимтарин ва беҳамтотарин мӯъҷиза», мудири бахши ҳифзи муҳити зисти шаҳр Ф.Ёдгоров «Об – манбаи ҳаёт», декани факултаи менеҷмент, муҳосибот ва иттилооти кории коллеҷ Х.Ядгарова «Об ганҷинаи табиат», омӯзгор М.Илёсова ва донишҷӯ У.Насриддинов дар мавзӯи «Энергияи сабз – нерӯи аз рӯи экологӣ тоза» ва «Барқи обӣ дар таъмини истиқлолияти энергетикӣ» баромадҳо намуданд.
Маросими супоридани мукофотҳо ба ғолибони озмуни вилоятии «Тоҷикистон – сарчашмаи оби зулол»
- Подробности статьи
- Автор
- Категория Навидҳо
Бахшида ба Даҳсолаи байналмилалии амал «Об барои рушди устувор», солҳои 2018-2028 ва ба ифтихори 22 март – Рӯзи умумиҷаҳонии об моҳи феврали соли равон байни мактаббачагони мактабҳои таҳсилоти миёнаи умумии шаҳру ноҳияҳои вилоят озмуни вилоятӣ зери унвони «Тоҷикистон – сарчашмаи оби зулол» аз рӯи се номинатсия “Расми беҳтарин”, “Рӯзномаи девории беҳтарин” ва “Сурати беҳтарин” эълон гардида буд.
Ғолибони озмуни мазкур муайян гардида, дар конфронси вилоятӣ 9 нафар ғолибони озмун ва барои иштироки фаъолона 10 нафар иштирокчиён аз мактабҳои шаҳру ноҳияҳои Хуҷанд, Бустон, Конибодом, Истиқлол, Исфара, Истаравшан, Б.Ғафуров, Деваштич, Масчоҳ, Зафаробод, Спитамен, Ашт, Ҷ.Расулов, аз тарафи ташкилотҳои байналхалқӣ ва Раёсати ҳифзи муҳити зисти вилояти Суғд бо диплом, ифтихорнома, сипоснома ва тӯҳфаҳои хотиравӣ сафароз гардонида шуданд.
Конфронси илмӣ-амалии вилоятии «Тоҷикистон – сарчашмаи оби зулол»
- Подробности статьи
- Автор
- Категория Навидҳо
Бахшида ба эълон гардидани Даҳсолаи байналмилалии амал «Об барои рушди устувор», солҳои 2018-2028 ва ба ифтихори 22 март – Рӯзи умумиҷаҳонии об санаи 16 марти соли равон дар толори Маркази таълимии Бонки миллии Тоҷикистон дар шаҳри Гулистон конфронси илмӣ-амалии вилоятӣ таҳти унвони «Тоҷикистон - сарчашмаи оби зулол» баргузор гардид. Дар он Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Х.Ибодзода, муовини Раиси вилоят Хоҷазода О.А., олимону коршиносон, устодони муассисаҳои таълимии олии вилоят, кормандони мақомоти ҳифзи муҳити зист ва дигар мақомотҳои давлатӣ, ташкилотҳои байналмилалӣ - Ҳамоҳангсози Миллии барномаи GIZ, Котиботи байналхалқии захираҳои об дар Тоҷикистон, роҳбари Барномаи Банақшагирии ҳавзаи захираҳои об ва таъсири истифодабарии он, намояндагони васоити ахбори омма иштирок доштанд.
04 Март 2017
Баргузории мизи мудаввар дар мавзӯи «Тарзи ҳаёти солим – омили муҳими рушди маориф»
- Подробности статьи
- Автор
- Категория Навидҳо
Санаи 28 феврали соли равон бахшида ба Соли ҷавонон дар Филиали муассисаи давлатии Донишкадаи ҷумҳуриявии такмили ихтисос ва бозомӯзии кормандони соҳаи маориф дар вилояти Суғд мизи мудаввар зери унвони «Тарзи ҳаёти солим – омили муҳими рушди маориф» доир гардид. Дар он директори Маркази ташаккули тарзи ҳаёти солим дар вилоят, раиси Шӯрои уламои дини вилоят, намояндагони Раёсати ҳифзи муҳити зист ва Раёсати ҷавонон, варзиш ва сайёҳии вилоят, омӯзгори фанни биологияи мактаби Президентӣ, устодон, омӯзгорони муассисаҳои таълимӣ, шунавандагони Донишкадаи такмили ихтисос ва бозомӯзии кормандони соҳаи маориф иштирок доштанд. Иштирокчиёни мизи мудаввар оиди мафҳуми «Тарзи ҳаёти солим» ва «Тарзи ҳаёти носолим», масъулияти шахс ва ҷомеа дар тарғибу ташаккули тарзи ҳаёти солим, сиёсати давлатии ҷавонон ва масоили ташаккули тарзи ҳаёти солим, таъсири мутақобилаи муҳит ва
01 Март 2017
Баргузории конфоронси илмӣ-адабӣ дар мавзӯи «Об муқаддасоти олами ҳастӣ»
- Подробности статьи
- Автор
- Категория Навидҳо
Бахшида ба Даҳсолаи байналмилалии амал «Об барои рушди устувор солҳои 2018 - 2028», баҳри татбики талаботҳои Барномаи давлатии комплексии рушди тарбия ва маърифати экологии аҳолии Ҷумҳурии Точикистон дар давраи то соли 2020, дар муассисаи таълимии миёнаи умумии № 6 ба номи Абӯабдуллоҳи Рӯдакии шаҳри Хуҷанд конфронси илмӣ-адабӣ дар мавзӯи «Об муқаддасоти олами ҳастӣ» баргузор гардид. Дар он намояндагони Раёсати ҳифзи муҳити зисти вилоят ва шуъбаи маорифи шаҳр, кормандони воситаҳои ахбори омма, хонандагон ва устодони мактаби мазкур иштирок доштанд.
Дар рафти конфоронс хонандагони мактаб ҷонибдории худро аз Паёми Пешвои миллат, эълони Даҳсолаи байналмилалии амал «Об барои рушди устувор, 2018-2028» иброз доштанд. Хонандагон дар мавзуъҳои ҳифзи сарватҳои табиӣ, истифодаи оқилона ва сарфакоронаи об баромадҳои пурмазмун намуданд. Дар қисмати адабии конфронс иҷрои шеъру сурудҳо дар васфи Ватан, табиати зебову нотакрор ва ҳифзи он хотири иштирокдоронро боз ҳам шод гардонид.
20 Февраль 2017
Семинари бозомӯзӣ
- Подробности статьи
- Автор
- Категория Навидҳо
Тибқи нақшаи корӣ 15 феврали соли равон дар маҷлисгоҳи Раёсат семинари бозомӯзии кормандони мақомоти ҳифзи муҳити зист гузаронида шуд. Қайд кардан зарур аст, ки соли равон Раёсат маҳз барои баланд бардоштани донишу малакаи касбии кормандони соҳаи ҳифзи муҳити зист, инчунин барои баланд бардоштани маърифати экологӣ фаъолияташро равона карда, ҳангоми зарурият, мунтазам ҳар моҳ оид ба масъалаҳои мубрами соҳа, самтҳо ва корбарӣ чунин семинарҳоро баргузор менамояд. Дар семинари мазкур доир ба масъалаҳои муҳим - тарз ва ҳолатҳои тартиб додани протоколи ҳуқуқвайронкунии маъмурӣ, оиди корбарӣ бо ҷадвалҳои нави ҳисоботсупорӣ, тартиби супоридани ҳисоботи моҳона, моҳияти Кодекси одоби хизматчии давлатӣ, риояи талаботҳои Қонуни Ҷумҳурии Тоҷикистон «Дар бораи забони давлатӣ» ҳангоми тартиб додани ҳуҷҷатҳо ва дигар масъалаҳои ба пешрафти фаъолият мусоидаткунанда шунида шуд, ки дар фаъолияти кормандони мақомоти ҳифзи муҳити зист яке аз масъалаҳои муҳимтарин мебошад.
09 Февраль 2017
Маъракаи ниҳолшинонӣ дар ноҳияи Ашт
- Подробности статьи
- Автор
- Категория Навидҳо
Баҳри иҷро намудани нақшаи чорабиниҳои баргузории ҷашни Наврӯзи байналмилалӣ ва 20-солагии Рӯзи Ваҳдати миллӣ, эълон гардидани 120 рӯзи ободонию кабудизоркунӣ дар ноҳияи Ашт бо маблағгузории бахши ҳифзи муҳити зисти ноҳия ва дастгирии мақомоти иҷроияи ҳокимияти давлатии ноҳия 100 бех ниҳоли арча дар километри 3-юми роҳи шаҳраки Шайдон ва дар назди беморхонаи марказии ноҳия ба миқдори 200 адад ниҳоли арча бо усули ҳашар шинонида шуд. Корҳои ободонию кабудизоркунӣ дар ҳамаи ҷамоатҳои ноҳия бахшида ба чорабиниҳои ҷашнӣ банақша гирифта шудааст.
Гузаронидани корҳои биотехникӣ дар ноҳияи Ашти вилояти Суғд
- Подробности статьи
- Автор
- Категория Навидҳо
Бо мақсадибеталаф баровардани олами ҳайвоноти ваҳшӣ аз фасли зимистон, нигоҳдорӣ ва бехатарии гуногунии биологӣ кормандони Раёсати ҳифзи муҳити зист якҷоя бо бахши ҳифзи муҳити зисти ноҳияи Ашт дар минтақаҳои Понғоз ва доманакӯҳҳои ноҳия санаи 7 феврали соли равон корҳои биотехникӣ гузаронида, ба миқдори умумии 350 кг резаи ҷав, 500 кг резаи гандум, 350 кг резаи ҷуворимакка, 200 кг намак, 600 кг сабус, 35 банд хошоки дағал, 45 банд коҳ ва дигар намудҳои хӯрока таъмин карда шуданд. Дар ин минтақаҳо намудҳои паррандагон кабк ва саъба, ҳайвонҳои ваҳшӣ - хуки ваҳшӣ, гург, рӯбоҳ, харгӯш мушоҳида карда мешаванд.
Семинар-тренинг барои намояндагони ҷамъиятии экологӣ ва рӯзноманигорони ҷавон
- Подробности статьи
- Автор
- Категория Навидҳо
Санаҳои 4 - 6 феврали соли 2017 дар шаҳри Хуҷанд семинар-тренинг дар мавзуъи «Роҳҳои инъикоси масъалаҳои муҳити зист ва захираҳои табиӣ тавассути унсурҳои чандрасонаи технологияи мултимедиявӣ» доир гардид. Семинар-тренинг аз ҷониби созмони ҷамъиятии «Гурӯҳи ҷавонон оид ба ҳифзи муҳити зист» дар ҳамкорӣ бо намояндагии Интернюс дар Тоҷикистон ташкил ва гузаронида шуда, дар баргузории он намояндагони созмонҳои ҷамъиятии экологӣ ва рӯзноманигорони ҷавон, кормандони ВАО дар вилояти Суғд ва ташкилотҳои самти ҳифзи муҳити зист иштирок карданд. Давоми се руз иштирокчиёни тренинг аз ҷониби тренерон инъикоси ҷолиби гузоришҳо тавассути унсурҳои чандрасонаӣ (мултимедиа-акс, видео ва садо) шинос гардиданд. Инчунин оид ба роҳҳои истифодаи босамари захираҳои табиӣ ва ҳифзи муҳити зист маълумот дода шуд.