Все статьи
09 Июнь 2020
Амалёти ҳифзи захираҳои моҳӣ дар давраи тухмгузории соли 2020
- Подробности статьи
- Автор
- Категория Навидҳо
Дар асоси фармоишҳои Раиси Кумита ва сардори раёсат «Оид ба амалӣ гардонидани чорабиниҳои ҳифзкунандаи захираҳои моҳӣ дар давраи тухмгузории соли 2020» аз ҷониби Ситоди раёсат ва гурўҳҳои корӣ амалиётҳои фаврӣ дар ҳавзаи дарёи Сир ва обанборҳои вилояти Суғд гузаронида шуда истодааст. Дар давоми ҳафтаи охир аз тарафи нозирони шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд якҷоя бо нозирони бахши ҳифзи муҳити зисти шаҳри Конибодом дар болооби обанбори Баҳри Тоҷик, минтақаи Маҳрам, амалиёти фаврии муштарак гузаронида шуд. Дар натиҷаи амалиёти шабонарўзӣ шахсони ба қонунвайронкунӣ роҳ дода ошкор гардида, дар маҷмўъ 50 адад тўр бо дарозии умумии 4 километр, 75 адад моҳии ғайриқонунӣ сайд шуда (суфмоҳӣ ва ғайра), 2 адад либоси махсуси резинӣ, 1 насоси қаиқи резини ва 1 адад чангаки калони тўрбардорӣ мусодира карда шуд. Маводи тартиб дода ба мақомоти прокуратура барои дида баромадани амалҳои ҷиноятӣ пешниҳод гардид.
05 Июнь 2020
Таҷлили Рӯзи байналмилалии муҳити зист
- Подробности статьи
- Автор
- Категория Навидҳо
Санаи 4 июни соли равон дар ҳудуди раёсати ҳифзи муҳити зисти вилояти Суғд бахшида ба Рӯзи байналмилалии муҳити зист маҷлиси тантанавӣ доир гардид. Дар он муовини Раиси вилояти Суғд Р.Каримзода, сардори Сарраёсати кишоварзии вилоят Х.Бобозода, мудири бахши кишоварзии мақомоти иҷроияи ҳокимияти давлатии вилояти Суғд С.Акбаров ва намояндагони соҳаи кишоварзӣ, аз он ҷумла Идораи пилла ва Кумитаи идораи замини вилоят, кормандони воситаҳои ахбори омма, собиқадорони соҳа ва кормандони мақомоти ҳифзи муҳити зисти шаҳру ноҳияҳои вилоят иштирок доштанд.
Сараввал пеш аз оғози чорабиӣи муовини раиси вилоят Р.Каримзода ва дигар меҳмонон аз китобхонаи Раёсат, ки дар асоси дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ташкил шудааст, дидан намуданд.
04 Июнь 2020
Аксияи безараргардонии кўчаву бағҳои фарҳангию фароғатӣ
- Подробности статьи
- Автор
- Категория Навидҳо
Дар арафаи Рӯзи байналмилалии муҳити зист бо иқдоми Раёсати ҳифзи муҳити зисти вилояти Суғд дар кӯчаву хиёбонҳо, минтақаҳои истироҳатӣ ва маҳаллаҳои шаҳри Хуҷанд ва ноҳияи Б.Ғафуров корхои безараргардонӣ бо ҷалби беш аз 20 адад техника ва 52 адад таҷҳизоти махсус, зиёда аз 70 тонна маводи тамизкорӣ ташкил ва гузаронида шуд. Муовини раиси вилояти Суғд Рустам Каримзода ва раиси шаҳри Хуҷанд Маъруф Мухаммадзода ба чорабининии мазкур ҳусни оғоз бахшида, кормандони мақомоти ҳифзи муҳити зистро бо иди соҳавӣ муборакбод намуданд. Аз ҷониби сардори раёсат Ҳакимзода А.Қ. дар харитаи шаҳри Хуҷанд ҷойҳои безараргардонида мешуда нишон дода шуд ва ташаббуси мазкур аз тарафи роҳбарияти вилояту шаҳр саривақтӣ арзёбӣ гардид, зеро тозагии муҳити зист ин кафолати солимии ҷомеа маҳсуб меёбад. Боиси қайд аст, ки ин иқдом дар асоси нақшаи чорабиниҳо идома меёбад.
Омодагии обутобгоҳҳои шаҳри Хуҷанд
- Подробности статьи
- Автор
- Категория Навидҳо
Бо ташаббуси мақомоти ҳифзи муҳити зисти вилояти Суғд ва бо иштироки кормандони корхонаи ободонии хоҷагиии манзилию коммуналии шаҳри Хуҷанд корҳои омодагии обутобгоҳи соҳили чапи дарёи Сир ба мавсими тобистонаи соли равон гузаронида шуд. Дар рафти чорабинӣ зиёда аз 100 нафар иштирок намуда, ҳамчунин нақлиётҳои партовкашони муассисаи махсуси шаҳр ҷалб гардид. Дар натиҷаи гузаронидани корҳои тоза намудани ҳудуди обутобгоҳ аз алафҳои бегона ва партовҳо, аз ҷумла партовҳои пластикӣ ва рўбучин кадани роҳравҳо беш аз 11 метри мукааб партовҳо бароварда шуд. Ҳамзамон, ҷўякҳои зери гулҳои мавсимӣ ба тартиб оварда шуда, тоза намудани ҷойҳои либосивазкунӣ ва дигар таҷҳизотҳои ба истироҳаткунандагон зарур амалӣ гардид.
03 Июнь 2020
Аксияҳои «Тозагии маҳал» ва «Тозагии соҳил» бахшида ба Рўзи байналмилалии муҳити зист
- Подробности статьи
- Автор
- Категория Навидҳо
Дар аксияҳои «Тозагии маҳал» ва «Тозагии соҳил», ки дар миқёси вилояти Суғд бахшида ба Рўзи байналмилалии муҳити зист ташкил ва гузаронида шуд, беш аз 15,5 ҳазор нафар ҷомеаҳои меҳнатии корхонаҳо, ташкилоту муассиса, хоҷагиҳо ва шаҳрвандон фаъолона иштирок намуданд. Дар рафти аксияҳо корҳои тоза намудани ҷўйбор, заҳбуру заҳкаш – 40,5 км, тоза намудани қадди роҳҳо аз партовҳо – 31,9 км амалӣ гардида, зиёда аз 175,4 метри мукааб партовҳо ба партовгоҳҳои расмӣ бароварда шуд. Ҳамчунин, дар доираи чорабинии мазкур тоза намудани ҳудуди маҳалҳои аҳолинишин – 18,7 ҳазор метри мураббаъ, бартараф намудани нуқтаҳои ҷойгиронии ғайрирасмии партовҳои бесоҳиб бо истифодаи техникаҳои махсуси зарурӣ, сафед намудани пояҳои дарахтон - 640 бех, сафед намудани ҳусни зоҳирии биноҳо - 4010 метри мураббаъ ва тоза намудани майдонҳо аз алафҳои бегона ва нарм намудани онҳо – 42,4 ҳазор метри мураббаъ, сафед намудани роҳгаштҳо – 1,6 км ва тоза намудани соҳилҳои манбаъҳои обӣ – 7,2 км ба иҷро расонида шуд.
Аёдати кўдакони маъюб дар шаҳри Панҷакент
- Подробности статьи
- Автор
- Категория Навидҳо
Аз ҷониби кормандони бахши ҳифзи муҳити зисти шаҳри Панҷакент бахшида ба Рўзи байналмилалии кўдакон ва дар доираи нақшаи чорабиниҳои бахшида ба санаи 5 июн – Рўзи байналмилалии муҳити зист аёдати кўдакони маъюб амалӣ гардид. Дар маҷмўъ, дар шаш оила кўдакони маъюб аёдат карда шуда, ба онҳо тўҳфаҳо, аз он ҷумла бозиҷаҳо, қаламҳои ранга бо албом ва дигар лавозимотҳо барои расмкашӣ, инчунин маводи пешгирии касалиҳои сироятӣ – коронавирус COVID-19 (маводи антисептикӣ, дастпўшаки резинӣ, ниқоб) тақдим гардид.
02 Июнь 2020
Аксияҳо бахшида ба санаи 5 июн дар ноҳияи Деваштич
- Подробности статьи
- Автор
- Категория Навидҳо
Тибқи фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон, сардори раёсат ва нақшаи чорабиниҳои бахшида санаи 5 июн – Рўзи байналмилалии муҳити зист дар ноҳияи Деваштич аксияҳои «Тозагии маҳал», «Тозагии соҳил» ва «Тозагии роҳ» баргузор гардид. Бо ҷалби аҳолии деҳаи Лолазори ҷамоати деҳоти Яхтани ноҳия, дар маҷмўъ беш аз 200 нафар ба ғайр аз рўбучин намудани роҳу минтақаҳои аҳолинишин, кори асосӣ ин тоза кардани маҷрои сой аз ҳар гуна партовҳо ба анҷом расид. Худи ҳамин рўз ба партовгоҳи ноҳия зиёда аз 7,4 тн партовҳо бо қувваи хоҷагии манзилию коммуналӣ бароварда шуд.
Табрикоти сардори Раёсати ҳифзи муҳити зисти вилояти Суғд ба муносибати санаи 5 июн – Рўзи байналмилалии муҳити зист
- Подробности статьи
- Автор
- Категория Навидҳо
Муҳтарам ҳамкорон, дўстони азиз!
Рўзи байналмилалии муҳити зист яке аз санаҳои басо муҳим барои аҳли сайёра ҳисобида мешавад, зеро ҳамасола дар кишварҳои гуногун чорабиниҳои расмӣ доир мегарданд, ки ин ба ҷалби тамоми аҳли ҷомеа ба муаммоҳои мубрами экологии кишварҳо кӯмак ва саҳмгузорӣ менамояд. Таъмини амнияти экологии ҷомеа аз мубрамтарин масъалаҳои умумибашарӣ ба ҳисоб рафта, имконияти хубест, барои бори дигар ҷалб намудани таваҷҷўҳи оммаи васеъ ба масоили экологӣ мебошад.
Қайд кардан ба маврид аст, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон борҳо аз минбари Созмони Милали Муттаҳид фавриян наҷод додани башарият аз беобиро ба сароҳат таъкид карданд. Ин нуқта дар сафҳаҳои тамоми расонаҳои бонуфузи дунё интишор ва мавриди дастгирӣ қарор гирифт.
01 Июнь 2020
Натиҷаҳои амалӣ гардонидани чорабиниҳои ҳифзкунандаи захираҳои моҳӣ дар давраи тухмгузорӣ дар моҳи майи соли 2020
- Подробности статьи
- Автор
- Категория Навидҳо
Дар асоси фармоишҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва сардори Раёсати ҳифзи муҳити зисти вилояти Суғд аз 31.03.2020, №18 «Оид ба амалӣ гардонидани чорабиниҳои ҳифзкунандаи захираҳои моҳӣ дар давраи тухмгузории соли 2020» аз санаи 1 апрел то 15 июни соли чорӣ дар обанборҳо ва дарёҳои ҳудуди вилоят сайди моҳи маън карда шуда буд. Бо мақсади муҳофизат ва нигаҳдории захираҳои моҳӣ ва фароҳам овардани шароит ба рафти афзоиши табиӣ, ҳамчунин пешгирии қонунвайронкуниҳо дар давраи тухмгузории моҳиҳо, Ситод вилоятӣ дар ҳайати 14 нафар, нозирони давлатии шуъба ва зерсохторҳои раёсат ҷиҳати пурзўр намудани назорати давлатӣ, иҷрои нақшаи чорабиниҳои якҷоя оид ба ҳифзи захираҳои моҳӣ корбарӣ намуданд.
Аёдати собиқадорони соҳа бахшида ба санаи 5 июн
- Подробности статьи
- Автор
- Категория Навидҳо
Санаи 30 майи соли равон бахшида ба санаи 5 июн – Рўзи байналмилалии муҳити зист аз ҷониби сардори Раёсати ҳифзи муҳити зисти вилояти Суғд як қатор собиқадорони меҳнат, ки солҳои тўлони дар соҳаи ҳифзи муҳити зист фаъолият кардаанд ва дар айни замон дар нафақа мебошанд аёдат карда шуд. Аз ҷумла, собиқадоронро дар шаҳру ноҳияҳои Хуҷанд, Конибодом, Б.Ғафуров ва Ҷ.Расулов хабар гирифта, ба онҳо кўмаки моддию молиявӣ расонида шуд. Чораҷўии мазкур дар асоси дастуру супоришҳои Раиси Кумитаи ҳифзи муҳити зисти назди Ҳукумати Ҷумҳурии Точикистон ва баҳри иҷрои бандҳои нақшаи чорабиниҳо бахшида ба баргузор намудани Рўзи байналмилалии муҳити зист амалӣ гардид.