Все статьи
17 Декабрь 2021
Маъракаи ниҳолшинонӣ ва бартараф намудани партовҳои бесоҳиб дар ноҳияи Ҷ.Расулов
- Подробности статьи
- Автор
- Категория Навидҳо
Дар давоми ду рўз дар ноҳияи Ҷ.Расулов корҳои рў ба беҳдошти муҳити зист нигаронида амалӣ гардид. Ободии кўчаи протоколии марказ – ҷамоати шаҳраки Меҳрободи ноҳия дар мадди аввали назари кормандони мақомоти ҳифзи муҳити зист буда, бо мақсади обод намудани қадди роҳи нақлиётгард аз ҳисоби бахши ноҳия 60 бех ниҳолҳои дарахтони ҳамешасабзи санавбар харидорӣ карда, якҷоя бо 35 нафар сокинони маҳалла шинонида шудааст. Ҳамчунин, дар ҷамоати деҳоти Ғўлакандоз ва ҷамоати шаҳраки Меҳрободи ноҳияи Ҷ.Расулов бо иштироки беш аз 600 нафар намояндагони ташкилоту идораҳо ва аҳолии маҳаллаҳо аксияи «Тозагии маҳал» доир гардид. Дар натиҷа 2,2 километр ҷўйбор тоза гардида, 18 метри мукааб партовҳо ба партовгоҳ бароварда шудааст. Баробари ин дар соҳили Исфана – сойи ҷамоати деҳоти Ғӯлакандоз ду нуқтаи партовҳои бесоҳиб бо истифодаи техникаи махсус бартараф гардид.Ҳаҷми партовҳои бесоҳиби бартарафгардида, дар маҷмўъ 6 метри мукаабро ташкил дод.
10 Декабрь 2021
Санаи экологӣ, 11 декабр – Рўзи байналмилалии кўҳсор
- Подробности статьи
- Автор
- Категория Навидҳо
Ҷумҳурии соҳибистиқлоли Тоҷикистонро дар ақсои олам пеш аз ҳама чун диёри кӯҳсор мешиносанд. Ҳар тоҷику тоҷикистонӣ ба хубӣ медонад ва ифтихор дорад, ки 93 фоизи масоҳати ҷумҳурӣ аз кӯҳҳои сарбафалак иборатанд. Табиатдӯстони олам бо қарори 57-умини Ассамблеяи генералии СММ ҳамасола санаи 11 декабрро бо мақсади тарғиби аҳамияти рушди устувори манотиқи кӯҳсор ҳамчун рӯзи байналмилалии куҳсор ҷашн мегиранд. Азбаски кӯҳҳо 27 фоизи хушкии сайёраамонро ташкил медиҳад ва қариб 15 фоизи аҳолии кураи арз дар манотиқи кӯҳсор умр ба сар мебаранд, СММ ҳадафи таҷлили рӯзи кӯҳсорро тарғиби рушди устувори минтақа мешуморад. Дар кишвари мо силсилакӯҳҳои баландтарини олам - Помир, Тиёншон ва Олой ба ҳам меоянд. Аз ҳама ганҷҳои бебаҳои табиати куҳҳои сарсафед оби мусаффо буда, қариб 1000 дарёҳои дарозиашон аз 10 километр зиёд, 60 фоизи оби Осиёи Марказӣ маҳз аз кӯҳҳои Тоҷикистон сарчашма мегиранд. Пӯшида нест, ки дар Тоҷикистон тамоми элементҳои чадвали даврии Менделеевро дарёфт намудаанду хоса дар манотиқи куҳсор ганҷҳои бепоён нуҳуфтаанд. Ҳудуди вилояти Суғд асосан аз кӯҳҳо иборат мебошад.
Аксияи «Тозагии маҳал» дар ноҳияи Мастчоҳ
- Подробности статьи
- Автор
- Категория Навидҳо
Бо мақсади тозаву обод намудани муҳити атроф ва беҳтар намудани вазъи экологӣ, тоза намудани ҷўйбору майдонҳои марказ аз хазону баргҳои хушк дар шаҳраки Бўстони ноҳияи Масчоҳ бо ташаббуси бахши ҳифзи муҳити зист аксияи «Тозагии маҳал» ташкил ва гузаронида шудааст. Дар рафти аксияи мазкур беш аз 400 нафар намояндагони ташкилоту идораҳои шаҳрак, аз ҷумла омўзгорону хонандагони муассисаҳои таълимӣ фаъолона иштирок намуда, як ќатор корҳои ободонӣ ба анҷом расонида шуд. Дар маҷмўъ, ба масоҳати 47 ҳазор метри мураббаъ ҳудуд ва ба масофаи 6,6 километр ҷӯйборҳо тоза гардида, ба партовгоҳ 51,4 тонна партовҳо бароварда шудааст. Баргузории аксияи «Тозагии маҳал» дар шаҳраки Бўстони ноҳияи Масчоҳ тариқи телевизионҳои маҳаллӣ ва марказӣ намоиш дода шуд.
09 Декабрь 2021
Назорати давлатӣ оид ба ҳифзи захираҳои моҳӣ
- Подробности статьи
- Автор
- Категория Навидҳо
Тибқи нақшаи корӣ ва бо мақсади роҳандозии назорати давлатӣ дар самти ҳифзи захираҳои моҳӣ аз тарафи нозирони бахши ҳифзи муҳити зисти ноҳияи Ҷаббор Расулов амалиёти фаврӣ дар минтақаҳои соҳили Сирдарёи ҷамоати деҳоти Деҳмой, аз он ҷумла минтақаи Туқай гузаронида шудааст. Дар рафти амалиёт бо зиёда аз 20 нафар моҳидорони ҳаваскор, ки сокинони ҷамоати деҳоти Деҳмой, Гулхона, Ғўлакандоз ва ҷамоати шаҳраки Меҳрободи ноҳия мебошанд, корҳои фаҳмондидаҳӣ ва ташвиқотӣ оид ба моҳияти Қонуни Ҷумҳурии Тоҷикистон «Дар бораи моҳипарварӣ, моҳигирӣ ва ҳифзи захираҳои моҳӣ» ва «Қоидаҳои моҳидорӣ дар обанборҳои аҳамияти моҳидоридоштаи Ҷумҳурии Тоҷикистон» амалӣ гардид. Ҳангоми амалиёти фаврии мазкур як қонунвайронкунӣ ошкор гардида, нисбати сокини ҷамоати деҳоти Гулхона Ҳурсанбоев Алиҷон протокол бо моддаи 223 Кодекси ҳуқуқвайронкунии маъмурии Ҷумҳурии Тоҷикистон тартиб дода шуд. Бо мақсади муҳофизат ва нигоҳдории захираҳои моҳиҳои обанборҳои вилоят дар дигар шаҳру ноҳияҳо низ чунин амалиётҳои фаврии назоратӣ гузаронида мешаванд.
Оғози маъракаи ниҳолшинонӣ дар шаҳри Панҷакент
- Подробности статьи
- Автор
- Категория Навидҳо
Дар такя ба ташаббусҳои доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати анҷом додани корҳои ободониву созандагӣ, ниҳолшинонию кабудизоркунии муҳити атроф дар шаҳри Панҷакент маъракаи ниҳолшинонӣ оғоз гардид. Кормандони бахши ҳифзи муҳити зисти шаҳри Панҷакент дар ин маърака фаъолона иштирок намуданд ва қайд кардан бамаврид аст, ки дар маъракаи ниҳолшинонӣ аз ҳисоби бахш 50 адад арча, 630 адад туяи шарқӣ, дар маҷмӯъ 680 бех ниҳолҳои дарахтони ҳамешасабз харидорӣ карда шудааст.
07 Декабрь 2021
Семинар машварат дар ноҳияи Ҷаббор Расулов
- Подробности статьи
- Автор
- Категория Навидҳо
Дар замони муосир, ки тараққиёти иқтисодӣ ва зиёдшавии аҳолӣ ва инчунин талабот рӯз аз рӯз ба об меафзояд, қимати об аз нархи он гаронтар мебошад. Қобили зикр аст, ки дар доираи нақшаи чорабиниҳои Даҳсолаи байналмилалии амал «Об барои рушди устувор», солҳои 2018-2028 айни замон чораҳои амалӣ андешида шуда истодааст. Аз ҷониби мутахассисони бахши ҳифзи муҳити зисти ноҳияи Ҷаббор Расулов санаи 3 декабри соли ҷорӣ дар толори муассисаи таҳсилоти миёнаи умумии №13, бо иштироки масъулини мақомоти иҷрояи ҳокимияти давлатии ноҳия, намояндагони Лоиҳаи (Канада) Котиботи байналхалқии об дар вилояти Суғд ва беш аз 220 нафар сокинони ҷамоати деҳоти Гулхона, семинар машварат дар мавзӯи «Таъмини аҳолии деҳа бо оби нӯшокӣ» ташкил ва гузаронида шуд. Дар рафти семинари мазкур қайд гардид, ки норасоии об, хатари беш аз пеш обшавии пиряхҳо, азияти миллионҳо сокинони сайёра аз надоштани дастраси ба об, фавти кӯдакон дар ин замина ва афзудани бемориҳои сирояткунанда аз масъалаҳое ҳастанд, ки дар суҳбату маърузаҳои Сарвари кишвари тоҷикон пайваста мавриди андеша қарор мегирад.
01 Декабрь 2021
Баргузории ҷаласаи машваратии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон дар вилояти Суғд
- Подробности статьи
- Автор
- Категория Навидҳо
Дар толори маҷлисгоҳи бахши ҳифзи муҳити зисти шаҳри Бӯстон бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А., гурӯҳи кории Кумита, сардори сарраёсат ва кормандони мақомоти ҳифзи муҳити зисти вилоят ҷаласаи машваратӣ доир гардид. Дар ҷаласаи машваратӣ натиҷаи санҷиши комплексии фаъолияти сарраёсат ва зерсохторҳои он дар ҳашт моҳи соли 2021 мавриди баррасӣ қарор гирифт. Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А. аз роҳбарони зерсохторҳо дар шаҳру ноҳияҳо пурсиш ба амал оварда, барои ислоҳи камбудиҳои ҷойдошта, ки дар рафти санҷиши комплексӣ ошкор гардидаанд, супориш дод. Ҳамчунин ҷиҳати пешниҳоди ҳисоботҳо, дар муҳлатҳои муқарраргардида гузаронидани санҷишҳои нақшавӣ, омода ва пешниҳоди анкетаи нозирон, иҷрои бандҳои қарори Мушовара, харидорӣ намудани колбаҳои ҷамъкунандаи симоб барои таҷҳизоти коркарди лампаҳои каммасрафи аз истифода баромадаи ҶҚ “Чароғ”, рафти иҷрои Барномаҳои соҳавӣ супоришҳои мушаххас дода шуд.
27 Ноябрь 2021
Таҷлили Рӯзи Парчам дар бахши ҳифзи муҳити зисти шаҳри Панҷакент
- Подробности статьи
- Автор
- Категория Навидҳо
Ҷиҳати дар сатҳи баланд гузаронидани таҷлили Рӯзи Парчам дар Маркази бозомӯзии бахши ҳифзи муҳити зисти шаҳри Панҷакент маҷлиси тантанавӣ доир гардид. Мудири бахши ҳифзи муҳити зисти шаҳри Панҷакент Истамзода А. ба кормандон доир ба саҳифаи таърихӣ - 24-ноябри соли 1992 дар Иҷлосияи 16 Шӯрои Олӣ расман соҳиби аввалин рамзи истиқлол ва соҳибихтиёрии худ - Парчами давлатӣ гардидани ҷумҳуриамон суханронӣ намуд. Қайд карда шуд, ки соли 2009 бо иқдоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин санаи таърихӣ Рӯзи Парчами давлатӣ эълон шуд ва ҳар сол бошукӯҳу тантана ҷашн гирифта шуда, бигзор ин рамзи давлати соҳибистиқлоли тоҷикон чун нишони ифтихори ҷовидонаи миллат то абад парафшон бошад.
Таҷлили Рӯзи Парчам дар шаҳри Истаравшан
- Подробности статьи
- Автор
- Категория Навидҳо
Санаи 23 ноябри соли 2021 мутахассисони бахши ҳифзи муҳити зисти шаҳри Истаравшан дар муассисаи таҳсилоти миёнаи умумии №22 деҳаи Куҳандиж дар чорабинӣ бахшида ба Рӯзи Парчами давлатии Ҷумҳурии Тоҷикистон иштирок намуданд. Кормандони бахш ба толибилмон мӯҳтавои ин санаи таърихиро фаҳмонида дода, гиромӣ доштани ин муқаддасоти миллиро қайд намуданд. Хонандагон бахшида ба ин санаи муқаддас дар васфи Парчами давлатӣ, дастовардҳои Тоҷикистони соҳибистиқлол ва ватандӯстиву ҳувияти миллӣ баромадҳо намуданд.
Таҷлили Рӯзи Парчами давлатии Ҷумҳурии Тоҷикистон дар шаҳри Хуҷанд
- Подробности статьи
- Автор
- Категория Навидҳо
Бо мақсади дар сатҳи баланд истиқбол намудани Рӯзи Парчами давлатии Ҷумҳурии Тоҷикистон, иҷрои барқияҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва сарраёсати ҳифзи муҳити зисти вилояти Суғд дар муассисаи таълимии миёнаи умумии № 23 ба номи Абулқосими Фирдавсии шаҳри Хуҷанд бо иштироки хонандагону омӯзгорон чорабинӣ гузаронида шуд. Рафти чорабинӣ корманди шуъбаи ҳифзи муҳити зисти шаҳри Хуҷанд роҷеъ ба таърихи Парчам ва тавсифи он, ки барои баланд бардоштани эҳсоси ватандӯстии хонандагон ва ифтихор аз Ҷумҳурии соҳибистиқлоламон мусоидат менамояд, баромад намуд. Дар қисмати адабии чорабинӣ хонандагон оиди муқаддасоти ватан ва гиромидошти он, дар васфи Тоҷикистони соҳибистиқлол шеъру сурудҳо қироат намуданд.