Все статьи
13 Январь 2021
Пешгирӣ аз ифлосшавии соҳилҳои дарёи Сир
- Подробности статьи
- Автор
- Категория Навидҳо
Бо мақсади сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон ва пешгирии ифлосшавии соҳилҳои дарёи Сир, санаи 9.01.2021 дар шаҳри Хуҷанд, бо ташаббуси мақомоти ҳифзи муҳити зист аксияи «Тозагии соҳил» баргузор гардид. Дар чорабинӣ омўзгорону хонандагони Муассисаи давлатии таълимии «Литсейи касбии политехникии шаҳри Хуҷанд» фаъолона иштирок карда, дар натиҷа 2 километр соҳили дарё, аз он ҷумла минтақаи обутобгоҳи соҳили чапи дарёи Сир аз партовҳо тоза карда шуд.
07 Январь 2021
Фаъолияти солонаи мақомот чамъбаст гардид
- Подробности статьи
- Автор
- Категория Навидҳо
Санаи 6 январи соли 2021 дар толори маркази бозомўзӣ дар шаҳри Гулистон ҷаласаи Раёсати ҳифзи муҳити зисти вилояти Суғд оид ба ҷамъбасти натиҷаҳои фаъолият дар соли 2020 баргузор гардид. Дар ҷаласа намояндаи мақомоти иҷроияи ҳокимияти давлатии вилояти Суғд, мудири бахши кишоварзӣ Акбаров С., муовини сардори раёсат Абдумаликзода Б., сардорони шуъбаҳо ва сармутахассисони раёсат, сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо тибқи даъват иштирок доштанд.
31 Декабрь 2020
Аёдати собиқадорони соҳа
- Подробности статьи
- Автор
- Категория Навидҳо
Тибқи дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аёдати собиқадорони соҳа дар арафаи ҷашну идҳо аз ҷониби мақомоти ҳифзи муҳити зисти вилоят ба ҳукми анъана даромадааст. Дар арафи соли нави милодии 2021 як қатор собиқадорон, ки солҳои тӯлонӣ дар соҳаи ҳифзи муҳити зист фаъолият кардаанд аёдат карда шуда, ба онҳо кумаки моддию молиявӣ расонида шуд.
29 Декабрь 2020
Табрикоти сардори Раёсати ҳифзи муҳити зисти вилояти Суғд бахшида ба Соли нави милодии 2021
- Подробности статьи
- Автор
- Категория Навидҳо
Баъди чанд лаҳза соли нави 2021-уми мелодӣ фаро мерасад ва мо онро бо қалбҳои саршор аз умеду орзуҳои нек ҳамчун соли навбатии марҳалаи созандагиву бунёдкории Ватани азизамон истиқбол мегирем. Итминони комил дорем, ки бо шарофати Соли нав пайки шодию нишот ва оромию субот дар Тоҷикистони азиз дучанд мегардад ва мардуми кишвар дар роҳи расидан ба волотарин ормонҳои давлатдорӣ ба дастовардҳои беназир мушарраф мешаванд, ҳамзамон дар татбиқи сиёсати созандаву оқилонаи Пешвои муаззами миллат, Президенти кишвар муҳтарам Эмомалӣ Раҳмон саҳм мегузоранд. Ба муносибати фарорасии Соли нави мелодӣ ҳамаи Шумоёнро табрик гуфта, ба Шумо тандурустиву саодатмандӣ, бахти пояндаву иқболи нек ва ба хонадонатон рӯзгори пурфайзу бобаракат орзу менамоям.
Соли нави мелодӣ муборак!
28 Декабрь 2020
Аёдати хонаи пиронсолон ва маъюбон дар шаҳри Хуҷанд
- Подробности статьи
- Автор
- Категория Навидҳо
Санаи 25 декабри соли 2020 аз тарафи Раёсати ҳифзи муҳити зисти вилояти Суғд бошандагони Маркази минтақавии хизматрасонии иҷтимоӣ ба пиронсолон ва маъюбон дар шаҳри Хуҷанд бахшида ба фарорасии Соли нави мелодии 2021 аёдат карда шуданд. Дар оғози маърака, дар ҳудуди маркази мазкур аз ҷониби сардору кормандони раёсат якҷоя бо кормандону бошандагони хонаи пиронсолон 20 бех ниҳоли дарахтони ҳамешасабзи санавбар шинонида шуд. Баъд аз он, ҳамаи 53 нафар бошандагон ва 36 нафар кормандони Маркази минтақавии хизматрасонии иҷтимоӣ ба пиронсолон ва маъюбон аз тарафи сардори Раёсати ҳифзи муҳити зисти вилоят табрик гардида, ба ҳамаи онҳо тўҳфаҳои солинавӣ тақдим гардид. Ҳамзамон, барои пиронсолону маъюбон дастурхони идона ороста гардида, аз ҷониби бошандагон миннатдорӣ барои ғамҳориҳои роҳбарияти давлат ва Хукумати Ҷумҳурии Тоҷикистон баён карда шуд.
25 Декабрь 2020
Маъракаи ниҳолшинонӣ дар шаҳри Конибодом
- Подробности статьи
- Автор
- Категория Навидҳо
Бо мақсади дар сатҳи баланд гузаронидани корҳои ниҳол-шинонӣ, кабудизоркунӣ ва солимгардонии муҳити зист дар маҳалҳои аҳолинишини вилоят дар асоси қарори Раиси вилоят аз 14 декабри соли 2020, № 358, санаи 24.12.2020 сол бо иштироки сардори Раёсати ҳифзи муҳити зисти вилояти Суғд Ҳакимзода А.Қ. дар деҳаи Маҳрам, ҷамоати деҳоти Э.Шарипов ба микдори 110-бех ниҳолҳои санавбар ва дар ҷамъияти саҳҳомии Э.Бойматова дар наздикии шоҳроҳи мошингарди Конибодом-Равот ба миқдори 700 бех ниҳолҳои сафедор ва 90 бех ниҳолҳои ҳамешасабзи санавбар шинонида шуд. Инчунин дар наздикии роҳи Конибодом-Ким дар шаҳраки Наврӯз дар майдони 1-га боғи интенсивӣ ташкил карда шуда, ба миқдори 1050 бех ниҳолҳои зардолу, гелос ва дигар ниҳолҳои мевадиҳанда шинонида шуд.
Насби лавҳаи иттилоотӣ
- Подробности статьи
- Автор
- Категория Навидҳо
Бо мақсади ҳифз ва барқарор намудани макони афзоиши парандаҳои нодир ва маҳвшудаистода, бо ташаббуси ташкилоти байналмиллии НАБУ ва иштироки кормандони Раёсат дар ҳудуди хоҷагии деҳқонии Раҳмон-и ноҳияи Ашт лавхаи итилоотӣ насб карда шуд. Мавзеи мазкур ҷойи калидии лонагузории лаклаки сафед буда, айни замон дар ин мавзеъ 28 ҷуфт лаклаки сафед лона мегузорад. Чанде пеш бо мақсади барқарор намудани лонаҳои осебдидаи лаклаки сафед, бо ташаббус ва дастгирии ташкилоти байналмилалии НАБУ, ҳамзамон зери назорати намояндагони Раёсати ҳифзи муҳити зисти вилояти Суғд, дар ин мавзеъ миқдори лонаҳои вайронгаштаи лаклаки сафед аз нав барқарор карда шуданд.
Насби овезаҳои экологӣ дар шаҳри Хуҷанд
- Подробности статьи
- Автор
- Категория Навидҳо
Дар асоси супориши роҳбарияти Кумита, бо мақсади амалӣ намудани чораҳои назоратию тарғиботӣ дар бораи партофтани партовҳо, пешгирии ифлосшавии муҳити зист ва бо ин васила баланд бардоштани маърифати экологии аҳолӣ аз ҷониби шуъбаи ҳифзи муҳити зисти шаҳри Хуҷанд дар хиёбони Исмоили Сомонӣ ва кӯчаҳои марказии шаҳр 4 адад овезаҳои экологӣ насб карда шуданд. Риоя ва назорати қоидаҳои мазкур дар беҳдошти муҳити зист ва солимии ҷомеа мусоидат менамояд, зеро ҳаёти бехатари аҳолӣ аз ҳифзи муҳити зист ва табиати солим сарчашма мегирад.
21 Декабрь 2020
Маъракаи ниҳолшинонӣ дар ноҳияи Ашт
- Подробности статьи
- Автор
- Категория Навидҳо
Бо мақсади иҷрои саривақтии қарори Раиси вилояти Суғд таҳти №358 аз 14.12.2020 сол дар ҷамоати шаҳраки Шайдони ноҳияи Ашт, канори роҳи асосии Шайдон-Хуҷанд 250-бех ниҳоли дарахти ҳамешасабзи санавбар шинонида шуд. Дар маъракаи ниҳолшинонӣ зиёда аз 200 нафар намояндагони мақомоти иҷроияи ҳокимияти давлатии ноҳия, корхонаю ташкилотҳо, муассисаи хоҷагии ҷангал, бахши ҳифзи муҳити зист фаъолона иштирок намуданд. Тибқи маълумоти бахши ҳифзи муҳити зисти ноҳия гузаронида-ни маъракаи ниҳолшинонӣ дар дигар минтақаҳои ноҳия пешбинӣ гардидааст.
Гузаронидани корҳои биотехникӣ дар шаҳри Панҷакент
- Подробности статьи
- Автор
- Категория Навидҳо
Бо мақсади нигоҳдорӣ ва бехатарии гуногунии биологӣ, беталаф баровардани олами ҳайвоноти ваҳшӣ аз фасли зимистон кормандони шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсат ва бахши ҳифзи муҳити зисти шаҳри Панҷакент дар мавзеи Чиларчаи ҷамоати деҳоти Саразм корҳои биотехникӣ гузарониданд. Дар ин мавзеъ ба миқдори умумии гандум – 550 кг, ҷав – 500 кг, биринҷреза – 350 кг, бастаи хошок – 150 адад, бастаи коҳ – 30 адад, бастаи беда – 35 адад, резаи гандум – 370 кг, сабус 750 кг, намак – 200 кг, намаки санг - 50 кг пошида шуд. Гузаронидани корҳои биотехникӣ дар ҳолати сард омадани ҳаво дар дигар мавзеъҳои баландкуҳи Панҷакент низ дар назар аст. Тибқи маълумот дар ин мавзеъҳо ҳайвонотҳо ба монанди хуки ёбоӣ, харгӯш, гург, хирс, бабри барфӣ, кабк ва дигар намуди паррандаҳои ваҳшӣ сукунат доранд.