Дар Раёсати ҳифзи  муҳити зисти  вилояти Суғд бо иштироки кормандон соати сиёсӣ доир гардид. Он ба мавзӯи омӯзиши китоби «Тоҷикон дар оинаи таърих» бахшида шуд. Муовини сардори Раёсат Ӯрунов Р.Т. изҳор намуд, ки таърих гувоҳ аст, ки худшиносӣ ва ифтихори миллӣ пойдевори миллати соҳибэҳтиром ва бофарҳанги тоҷик  аст. Китоби мазкур  паҳлӯҳои гуногуни таърихи халқи тоҷик ва давлатдории тоҷикон  фаро гирифтааст. 

Кормандони Раёсат ба мутолиаи ин китоби арзишнок даъват карда шуданд, ки он аз аҳамият холӣ нест ва  омӯзиши китоби Асосгузори сулҳу ваҳдати миллӣ – Пешвои миллат, Президенти кишвар мӯҳтарам Эмомалӣ Раҳмонро барои ҷомеа муҳим арзёбӣ намуданд.

Дар асоси моддаҳои 6, 9 Қонуни Ҷумҳурии Тоҷикистон «Дар бораи ҳифзи муҳити зист», моддаҳои 8, 32 қонуни Ҷумҳурии Тоҷикистон «Дар бораи олами ҳайвонот» ва моддаҳои 4, 17 «Қоидаҳои моҳидорӣ дар обанборҳои хоҷагиҳои моҳидории Ҷумҳурии Тоҷикистон», бо мақсади муҳофизат ва нигаҳдории захираҳои моҳиҳои обанборҳои вилоят, фароҳам овардани шароит ба рафти афзоиши табиии моҳиҳо ва роҳ надодан ба қонуншиканиҳо дар давраи тухмгузории моҳиҳо, фармоиши сардори Раёсат аз 01.04.2016, №32 «Оид ба гузаронидани чорабиниҳои ҳифзи моҳӣ дар давраи тухмигузории соли 2016» ба тавсиб расида буд. Дар асоси фармоиши мазкур бо назардошти обу ҳавои сол аз 5 апрел то 20 июни соли ҷорӣ дар обанборҳои вилоят сайди моҳӣ аз тарафи шахсони ҳуқуқӣ ва воқеӣ манъ карда шуд.

Санаи 20 июни соли равон дар Раёсати ҳифзи муҳити зисти вилоят  ҷамъбасти озмуни вилоятии «Тағйирёбии иқлим дар кураи Замин» бо иштироки хонандагони мактабҳои таҳсилоти умумии шаҳру ноҳияҳои вилоят, намояндагони Маркази таҳсилоти иловагии вилоят доир гардид. Имсол озмун бо ибтикори Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади татбиқи сиёсати давлатӣ дар самти баланд бардоштани маърифати экологии хонандагони мактабҳои таҳсилоти ҳамагонӣ доир ба ҳифзи муҳити зист ва бахшида ба 25 солагии Истиқлолияти давлатии Ҷумҳурии Тоҷикистон дар мавзӯи ««Тағйирёбии иқлим дар кураи Замин» аз рӯи 9 номинатсия  гузаронида шуд.

Бо ибтикори ташкилоти ҷамъиятии «Гурӯҳи ҷавонон оид ба ҳифзи муҳити атроф» ва Раёсати ҳифзи муҳити зисти вилоят бахшида ба Рӯзи умумиҷаҳонии муҳити зист, баланд бардоштани маърифати экологии насли наврас дар вилояти Суғд викторина байни хонандагони синфҳои болоии  ш.Истиқлол ва ҷамоати Ғозиёни н.Б.Ғафуров дар мавзӯи бехатарии радиатсионӣ ва таркиби хӯрок  чамъбаст гардид.

Дар даври пешакии тадбир хонандагон ба маҳалаҳои аз ҷиҳати радиатсия осебпазир ва атрофи он рафта таҳлилҳо гузаронида буданд. Ҳар як даста  натиҷаҳо ва хулосаҳои худро ба комиссияи мутахассисон пешниҳод намудаанд.