January 2021

25 January 2021

Мизи мудаввар дар доираи лоиҳаи «Беҳтар намудани сифати зиндагӣ, тавассути огоҳисозӣ ва пешгирии роҳҳои ифлосшавии ҳаво»

Подробности статьи: Автор; Категория News

Раёсати ҳифзи муҳити зисти вилояти Суғд баҳри беҳтар намудани вазъи муҳити зист, рушди тарбия ва баланд бардоштани маърифати экологии аҳолӣ якҷоя бо дигар сохтору ташкилот як қатор чорабиниҳоиэкологиро баргузор менамояд.Аз тарафи Ташкилоти ҷамъиятии «Гурӯҳи ҷавонон оид ба ҳифзи муҳити атроф» бо дастгирии Сафорати Иёлоти муттаҳидаи Амрико дар Чумҳурии Тоҷикистон лоиҳаи «Беҳтар намудани сифати зиндагӣ, тавассути огоҳисозӣ ва пешгирии роҳҳои ифлосшавии ҳаво» татбиқ гардида истодааст. Дар доираи лоиҳаи мазкур мизи мудаввар дар мавзӯи «Бидон, ки чиро нафас мекашӣ» гузаронида шуд. Дар доираи лоиҳаи мазкур гузаронидани тадқиқот оид ба шарҳи масъалаҳои экологӣ, аз он ҷумла ифлосшавии ҳаво, ташкили чорабиниҳои онлайнӣ ва иттилоотӣ, омӯзонидани ҷавононва насб намудани 4 адад таҷҳизоти ҳавоченкунӣ дар шаҳри Хуҷанд амалӣ мегардад. Барои муҳокимаи масъалаҳои болозикр ва ҳамкории минбаъда бобати татбиқи ҳадафҳои лоиҳамувофиқи даъват намояндагони сохторҳои мақомоти иҷроияи ҳокимияти давлатии шаҳри Хуҷанд, олимон ва устодони Донишгоҳ, коршиносон ва намояндагони ВАО ҳузур доштанд.

Аксияҳои экологӣ ва ниҳолшинонӣ дар ноҳияи Ашт

Подробности статьи: Автор; Категория News

Тибқи дастуру супоришҳои қарори мушовараи Кумитаи ҳифзи муҳити зисти назди Ҳукумати Ҷумҳурии Тоҷикистон ва бахшида ба истиқболи 30-солагии Истиқлолияти давлатии Ҷумҳурии Тоҷикистон, дар ҷамоати деҳоти Меҳробод ва Ориёни ноҳияи Ашт аксияҳои экологии «Тозагии соҳил», «Тозагии маҳал» ва ҳамчунин маъракаи ниҳолшинонӣ баргузор гардид. Ҳамагӣ беш аз 1,6 ҳазор нафар намояндагон ва аҳолии ҷамоати деҳот дар корҳои кабудизоркунию ободонӣ иштирок намуданд. Дар рафти аксияи «Тозагии соҳил» 4 километр соҳили сойи Шайдон ва ҷӯйбор аз партовҳои истеъмолӣ тоза гардида, дар рафти аксияи «Тозагии маҳал» бошад 4,5 километр роҳҳои асосию протоколӣ рӯбучин карда, дар маҷмуъ, аз тарафи кормандони хадамоти хоҷагии манзилию коммуналӣ 6,7 метри мукааб партовҳо ба партовгоҳ бароварда шуд. Ҳамзамон, дар ҳудуди ҷамоати деҳот иштирокчиёни маърака 1335 бех ниҳоли дарахтони ороишии ҳамешасабз ва мевадиҳанда шинониданд.

Рушди соҳаи моҳипарварӣ дар ноҳияи Ҷ.Расулов

Подробности статьи: Автор; Категория News

Бо мақсади рушди соҳаи моҳипарварӣ дар ҷамоати деҳоти Гулхонаи ноҳияи Ҷ.Расулов «Корпоратсияи моҳии Тоҷик» ташкил гардида истодааст, ки мувофиқи нақшаи пешбинигардида бо парвариши гулмоҳӣ машғул мешавад. Дар айни замон корҳои сохтмони хоҷагии моҳипарварӣ бо суръат идома ёфта, бо истифода аз техникаи пуриқтидор кофтани 25 ҳавзи моҳипарварӣ амалӣ шуда истодааст. Майдони умумии хоҷагии мазкур дар 3 гектар ҷойгир мешавад ва тибқи нақша дар қисми аввал 100 ҳазор моҳичаҳои гулмоҳӣ парвариш меёбанд. Аллакай, пас аз соли якум хоҷагӣ ният дорад, ки 100 тонна гушти тайёри гулмоҳиро пешкаши харидорон намояд. Намояндагони Раёсати ҳифзи муҳити зисти вилояти Суғд ва «Корпоратсияи моҳии Тоҷик»-и Ҷумҳурӣ аз рафти корҳои сохтмонӣ дидан намудан ва як қатор маслиҳатҳои муфид пешниҳод карда шуд.

21 January 2021

Шоҳуқоб – парандаи соли 2021

Подробности статьи: Автор; Категория News

Ҳамасола Академияи миллии илмҳои Ҷумҳурии Тоҷикистон, Институти зоология ва паразитологияи ба номи Е.Н.Павловский дар якҷоягӣ бо Иттиҳодияи ҳифзи табиат ва гуногунии биологии Тоҷикистон яке аз парандаҳои нодири Тоҷикистонро бо мақсади барқарор ва афзун намудани саршумори он парандаи сол интихоб менамоянд. Имсол шоҳуқоб парандаи соли 2021 интихоб гардид. Шоҳуқоб яке аз калонтарин намуди парандагони оилаи лочинҳо ба шумор меравад. Ин парандаи соҳибчанголи пурқувват ва чолок дар баландиҳои зиёд ва гӯшаҳои дастнорас вомехӯрад. Дар ҳудуди Тоҷикистон шоҳуқоб дар минтақаҳои кӯҳӣ ва баландкӯҳ вомехӯрад. Дарозии бадани шоҳуқоб беш аз 95 см ва дарозии болҳои он то 2,5 м-ро ташкил медиҳад. Вазни ҷинсҳои модина то ба 7 кг ва ҷинсҳои нарина то ба 4,6 кг мерасад.

20 January 2021

Шанбегии умумишаҳрӣ дар Истаравшан

Подробности статьи: Автор; Категория News

Бо истифода аз обу ҳавои мусоид ва бо мақсади гузаронидани корҳои ободонӣ баҳри сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон дар шаҳри Истаравшан шанбегии умумишаҳрӣ баргузор гардид. Дар рафти маърака 510 нафар кормандони ҷомеаи меҳнатии корхонаву ташкилот, муассисаҳои таълимӣ, аз он ҷумла Коллеҷи тиббӣ, Литсейи касбии техникии №14, Коллеҷи ҳунарҳои мардумӣ, беморхонаҳои марказию хусусӣ, Кумитаи маҳаллаҳо, ҷамоати шаҳраку деҳот ва соҳибкорон иштирок карда, 1,3 километр ҷўйбори обгузари ду тарафи хиёбони Исмоили Сомонӣ ва Истиқлоли шаҳр, майдони марказӣ, ҳудуд ва атрофи биноҳои маъмурии корхонаҳои шафати роҳи асосӣ тоза ва рўбучин гардидаанд.

Корҳои фаҳмонидадиҳӣ баҳри баланд бардоштани маърифати экологии моҳидорони ҳаваскор ва шикорчиён

Подробности статьи: Автор; Категория News

Тибқи нақшаи пешбинигардида нозирони давлатии Раёсати ҳифзи муҳити зисти вилояти Суғд бо мақсади назорати риояи талаботи Қонуни Ҷумҳурии Тоҷикистон «Дар бораи ҳифзи муҳити зист» дар ҳудуди минтақаи Шўркўли ноҳияи Ашт ва минтақаи Сирдарёи шаҳри Гулистон, ки дар минтақаҳои атрофи ҳавзаи дарёи Сир ва обанбори «Баҳри Тоҷик» эҳтимоли ба амал омадани шикори ғайриқонунии ҳайвонот ва сайди моҳӣ, инчунин буриши ғайриқонунии дарахтон ҷой дорад амалиёти фаврӣ гузарониданд.

Маъракаи кабудизоркунӣ дар шаҳри Гулистон

Подробности статьи: Автор; Категория News

Дар доираи нақшаи чорабиниҳои бахшида ба истиқболи 30-солагии Истиқлолияти давлатии Ҷумҳурии Тоҷикистон, бо мақсади гузаронидани корҳои кабудизоркунию ободонӣ дар шаҳри Гулистон ҳашари умумишаҳрӣ, аз он ҷумла маъракаи ниҳолшинонӣ баргузор гардид. Дар он кормандони сохторҳои мақомоти иҷроияи ҳокимияти давлатии шаҳр, муассисаҳои хоҷагии коммуналӣ, корхонаву ташкилот ва муассисаҳои таълимӣ фаъолона иштирок намуда, тариқи ҳашар минтақаҳои назди ҶСК «Колинҳои Қайроққум», шафати роҳи назди боғ ва ҳудуди худи боғи Ғалаба, осоишгоҳ ва дигар кӯчаҳои маркази шаҳр аз партовҳои пластикӣ, алафи хушк ва хор тоза гардида, дар натиҷа 12 метри мукааб партовҳо ба партовгоҳ бароварда шуд.

16 January 2021

Гузаронидани корҳои фаҳмонидадиҳӣ баҳри баланд бардоштани маърифати экологии шикорчиён

Подробности статьи: Автор; Категория News

Тибқи нақшаи пешбинигардида нозирони давлатии Раёсати ҳифзи муҳити зисти вилояти Суғд бо мақсади назорати риояи талаботи Қонуни Ҷумҳурии Тоҷикистон «Дар бораи ҳифзи муҳити зист» дар ҳудуди ноҳияҳои Спитамен ва Ҷ.Расулов, ки дар минтақаҳои атрофи ҳавзаи дарёи Сир эҳтимоли ба амал омадани шикори ғайриқонунии ҳайвонот ва сайди моҳӣ, инчунин буриши ғайриқонунии дарахт ҷой дорад амалиёти фаврӣ гузарониданд. Ҳангоми амалиётҳои назоратӣ ҳудуди ҷамоати деҳоти Истиқлоли ноҳияи Спитамен ва ҷамоати деҳоти Деҳмои ноҳияи Ҷ.Расулов фаро гирифта, ҳуҷҷатҳои ҳамаи шикорчиёни дар минтақаҳои мазкур мавчуд буда аз назар гузаронида шуд.

Амалиётҳои фаврии назоратӣ дар ҷамоати деҳоти шаҳри Конибодом

Подробности статьи: Автор; Категория News

Дар асоси нақшаи кории шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд баҳри назорати иҷрои талаботи Қонуни Ҷумҳурии Тоҷикистон «Дар бораи ҳифзи муҳити зист» дар мавсими шикор ва умуман шикоргоҳу ҷойҳои шикор баргузории амалиётҳои фаврӣ оид ба пешгирӣ намудани шикори ғайриқонунии ҳайвонот, сайди ғайриқонунии моҳӣ дар обанбори «Баҳри Тоҷик» ва бурриши ғайриқонунии дарахтон пешбинӣ гардидааст.

Чорабиниҳои ҳифзкунандаи олами ҳайвонот дар шаҳри Конибодом

Подробности статьи: Автор; Категория News

Бо мақсади нигоҳдорӣ ва бехатарии гуногунии биологӣ, беталаф баровардани олами ҳайвоноти ваҳшӣ аз фасли зимистон аз тарафи кормандони бахши ҳифзи муҳити зисти шаҳри Конибодом тибқи нақшаи пешбинигардида, дар якҷоягӣ бо Ҷамъияти шикорчиён ва моҳигирони вилояти Суғд ва чунин ҷамъияти шаҳрӣ, бо иштироки шаҳрвандон ва намояндагони васоити ахбори омма дар шикоргоҳи шаҳри Конибодом корҳои биотехникӣ гузаронида шуд.