October 2023
24 October 2023
Аксияи «Тозагии маҳал» дар шаҳри Хуҷанд
- Подробности статьи
- Автор
- Категория News
Д
ар доираи аксияи «Тозагии маҳал» ва «Тозагии роҳ»-и мақомоти ҳифзи муҳити зисти шаҳри Хуҷанд хонандагон, донишҷӯён, кормандони касбу кори гуногуни идораву ташкилот ва муассисаҳо ба ҳашари умумишаҳрӣ баромада, кӯчаву хиёбонҳои шаҳрро тозаву озода намуданд. Бояд тазаккур дод, ки дар ин рӯз аз ҷониби кормандони шуъбаи ҳифзи муҳити зисти шаҳри Хуҷанд бо аҳолӣ корҳои фаҳмондадиҳӣ ҷиҳати боло бурдани маърифати экологӣ гузаронида шуда, аз ҷумла таъкид гардид, ки шаҳри Хуҷанд дуюмин шаҳри калонтарини ҷумҳурӣ буда, гардиши сайёҳон рӯз ба рӯз зиёд гашта, партовҳои зиёд дар мавзеъҳои сайёҳгузар боиси озурдахотирии меҳмонону сайёҳони хориҷӣ мегардад. Сокинонро зарур аст, ки дар ин самт масъулияти шаҳрдорӣ намуда, баҳри тозаву озода нигоҳ доштани муҳити зист саҳми муносиб гузоранд, то ки меҳмонону сайёҳон бо таассуроти хуб ба кишвари худ баргашта, аз зебогии "Тирози ҷаҳон" бори дигар васфу тавсиф намоянд.
Вохӯрӣ бо донишҷӯён бо мақсади баланд бардоштани дониши назариявии экологӣ
- Подробности статьи
- Автор
- Категория News
С
арраёсати ҳифзи муҳити зист дар вилоят дар доираи бандҳои нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» баҳри баланд бардоштани маърифати экологии ҷавонон вохўриҳоро баргузор менамояд. Бо мақсади мустаҳкам намудани дониши назариявӣ, соҳиб шудан ба маҳорати касбӣ - амалӣ ва шиносоӣ бо фаъолияти мақомоти ҳифзи муҳити зист дар толори маҷлисгоҳи сарраёсат, вохӯрӣ бо донишҷӯёни курсҳои 1 ва 4-и ихтисоси «экологияи саноат ва истифодаи оқилонаи захираҳои табиӣ»-и Донишкадаи политехникии Донишгоҳи техникии Тоҷикистон ба номи академик М.С.Осимӣ доир гардид. Дар рафти вохӯрӣ аз тарафи сармутахасиси шуъбаи мониторинги экологӣ, таҳлилӣ ва ахбору иттилооти сарраёсат дар бораи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», муаммоҳои экологӣ, таъсири манфии ифлосшавии захираҳои об, ҳавои атмосфера, муомилот бо партовҳо, радиатсия ва муаммоҳои ҷаҳонӣ дар ин самтҳо, қонуну кодексҳои амалкунандаи соҳа, инчунин доир ба сохтори мақомоти ҳифзи муҳити зист дар вилоят, назорати давлатии самтҳои ҳифзи муҳити зист, вазифаҳои асосии ҳар як шуъба ва сарраёсат, оид ба олами набототу ҳайвоноти нодир ва зери маҳвшавӣ қарордошта, ки ба Китоби Сурхи Ҷумҳурии Тоҷикистон ворид шудаанд ва дигар маълумот пешкаши донишҷўёну устодони иштироккарда гардид. Донишҷуён ба саволҳои худ ҷавобҳои мушаххас гирифта, хоҳиш намуданд, ки чунин вохўриҳо дар муассисаи таълимии онҳо гузаронида шаванд.
19 October 2023
Амалиётҳои назоратӣ дар самти замин
- Подробности статьи
- Автор
- Категория News
Ҳ
ангоми гузаронидани амалиёти навбатии назоратӣ, воқеъ дар ноҳияи Б.Ғафуров ҷ/д Ёва деҳаи Чаманзор аз тарафи мутахассисони Сарраёсат ошкор карда шуд, ки шаҳрванд Алиҷонзода В. бо нақлиёти боркаши худ тамғааш Камаз рақами қайди давлатиаш 45-40 НР02 поруҳои мурғро дар назди заминҳои аҳолинишин бо мақсади хушк намудан ғайрирасмӣ ҷойгир намуда, боиси ифлосшавии замин ва пайдошавии буйи ғализ гардидааст. Дар натиҷа нисбати қонуншикан протоколи ҳуқуқвайронкунии маъмурӣ бо моддаи 147 тартиб дода, товони зарар ба маблағи 448 сомонӣ пешниҳод гардид. Инчунин санад тартиб дода барои дар оянда такрор нашудани ин кирдор пешниҳодҳои иҷроишашон ҳатмӣ дода шуд.
18 October 2023
Амалиётҳои назоратӣ дар самти канданиҳои фоиданоки маъмули умум
- Подробности статьи
- Автор
- Категория News
Д
ар асоси нақшаи кории мақомоти ҳифзи муҳити зист, ҳангоми гузаронидани амалиёти назоратӣ аз ҷониби мутахассисони шуъбаи назорати давлатии истифода ва ҳифзи замин, канданиҳои фоиданоки маъмули умум ва муомилот бо партовҳои Сарраёсат дар ноҳияи Б.Ғафуров, ҷамоати деҳоти Исмоил худсарона бе иҷозати мақомоти дахлдор истихроҷ ва истифодабарии санги табиӣ аз тарафи ронандаи воситаи нақлиёти тамғаи Зил- ММЗ рақами қайди давлатиаш ТҶ 1842 КМ02 Худойназаров Ф.Ё. ошкор гардид. Дар натиҷа нисбати қонуншикан Худойназаров Ф.Ё. бо моддаи 238-и Кодекси ҳуқуқвайронкунии маъмурӣ протокол тартиб дода шуда, барои барои баррасӣ ба шуъбаи ҳифзи муҳити зист дар н.Б.Ғафуров фиристода шуд.
17 October 2023
Ҷамъбасти озмуни «Лозарҳои Тоҷикистон - манбаи обҳои зулол ва асоси рушди иқтисоди «Сабз» дар байни кормандони воситаҳои ахбори омма
- Подробности статьи
- Автор
- Категория News
Д
ар маҷлисгоҳи Сарраёсат ҷамъбасти озмуни Лозарҳои Тоҷикистон - манбаи обҳои зулол ва асоси рушди иқтисоди «Сабз» байни кормандони воситаҳои ахбори омма баргузор гардид. Зимни баромад сардори Сарраёсати ҳифзи муҳити зист дар вилояти Суғд Ғуфронзода А.Ғ. нақши матбуот ва воситаҳои ахбори оммаро дар замони муосир қайд намуда, саҳми назарраси онҳоро дар самти баланд бардоштани маърифати экологии аҳолӣ арзёбӣ намуд. Сипас ба ғолибони озмун аз рӯи номинатсияҳои «Бахши телевизион» кормандони телевизиони «Синамо» Каримов О.,номинатсияи «Бахши маводи матбуот» - идораи нашрияҳои “Ҳақикати Суғд”, “Согдийская правда”, “Тирози ҷаҳон” ва идораи нашрияи ҳизби халқи демократӣ дар ноҳияи Масчоҳ “Нигоҳи халқ” котиби матбуоти Раиси шаҳри Хуҷанд Маъмури Юсуфзод диплом ва мукофотҳо супорида шуд.
13 October 2023
Бартараф намудани партовҳо дар ноҳияи Спитамен
- Подробности статьи
- Автор
- Категория News
Б
аҳри амалӣ гардонидани нақша чорабиниҳои мақомоти ҳифзи муҳити зист, ҷиҳати беҳдошти вазъи санитарию экологӣ, пешгирии таъсири зарарноки партовҳо ба саломатии инсон ва муҳити зист бо иқдоми бахши ҳифзи муҳити зист дар ноҳияи Спитамен бо ҷалби 2 адад техника дар ҷамоати деҳоти Тағояк соҳили сой аз партов тоза карда шуд.Баҳри тозагиву ободии муҳити атроф дар дигар ҷамоату шаҳракҳо низ аксияҳои экологии “Тозагии маҳал ва соҳил” мунтазам ташкил ва гузаронида мешавад.
Сафари аъзоёни фаъоли раванди «Нозирони сабз» ба шаҳри Янгиободи Ҷумҳурии Ўзбекистон
- Подробности статьи
- Автор
- Категория News
С
арраёсати ҳифзи муҳити зист дар вилояти Суғд бо мақсади таъмини иҷрои пурраи бандҳои нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 – 2025» ҳамкории зич ва судмандро бо Ташкилоти ҷамъиятии«Гурӯҳи ҷавонон оид ба ҳифзи муҳити атроф» ва Раёсати маорифи вилоят роҳандозӣ намудааст. Бо назардошти амалӣ гардидани лоиҳа ҷиҳати рушди тарбия ва баланд бардоштани маърифати экологии ҷавонон дар 6 муассисаҳои таҳсилоти миёнаи умумии шаҳри Истиқлол ва 4 адад чунин муассисаҳои ҷамоати деҳоти Ғозиёни ноҳияи Б.Ғафуров, ҳамагӣ 10 дастаҳои раванди «Нозирони сабз» таъсис ёфта, дар давоми ду соли охир як қатор чорабиниҳои омӯзишӣ ва амалии экологӣ баргузор гардид. Тибқи нақшаи ҳамкорӣ, санаҳои 6 – 8 октябри соли 2023, 16 нафар аъзоёни фаъоли раванди «Нозирони сабз»-и муассисаҳои таълимии болозикр, ҳамчунин намояндагони Сарраёсати ҳифзи муҳити зист дар вилоят, Раёсати маорифи вилоят, шуъбаҳои маорифи шаҳри Истиқлол ва ноҳияи Б.Ғафуров, Ташкилоти ҷамъиятии «Гурӯҳи ҷавонон оид ба ҳифзи муҳити атроф», дар маҷмуъ 8 нафар бо мақсади иштирок дар лагери экологии сайёр ба шаҳри Янгиободи Ҷумҳурии Ўзбекистон сафар доштанд.
07 October 2023
Натиҷагирӣ аз фаъолияти 9 моҳаи Сарраёсати ҳифзи муҳити зист дар вилояти Суғд
- Подробности статьи
- Автор
- Категория News
Д
ар Маркази бозомӯзии Сарраёсат дар шаҳри Гулистон ҷаласаи мақомоти ҳифзи муҳити зист оид ба ҷамъбасти фаъолияти 9 моҳа ва вазифаҳои минбаъда бо иштироки намояндаи Кумитаи ҳифзи муҳити зисти назди Ҳукумати Ҷумҳурии Тоҷикистон Ҷӯраев А.Ш., сардори Сарраёсат Ғуфронзода А.Ғ., сардорони шуъбаҳои назоратӣ, роҳбарони зерсохторҳо дар шаҳру ноҳияҳо баргузор гардид. Сардори Сарраёсати ҳифзи муҳити зист дар вилояти Суғд Ғуфронзода А.Ғ. пас аз шунидани маърӯзаи ҳисоботӣ аз сардорони шуъбаҳои назоратӣ ва роҳбарони зерсохторҳо дар шаҳру ноҳияҳо вобаста ба натиҷаҳои фаъолият дар ҳама самтҳои соҳа пурсиш намуда, баҳри ислоҳи камбудиҳои ҷойдошта дар самти ҳифзи олами набототу ҳайвонот ва захираҳои моҳӣ, атмосфера, замин, муомилот бо партовҳо ва пешрафти фаъолияти минбаъда дастуру супоришҳо дод. Дар навбати худ намояндаи Кумитаи ҳифзи муҳити зисти назди Ҳукумати Ҷумҳурии Тоҷикистон Ҷӯраев А.Ш. ҷиҳати беҳтар ба роҳ мондани фаъолияти нозирӣ, иҷроиши босифат ва саривақтии барномаҳои соҳавию давлатӣ, назорат ва иҷрои нақшаи чорабиниҳо ва дигар аснодҳои назоратӣ супоришҳо дод.
Забони миллат – пояи давлат
- Подробности статьи
- Автор
- Категория News
Ҳ
амасола 5-уми октябр ҳамчун Рӯзи забони давлатӣ дар қаламрави ҷумҳурӣ қайд карда мешавад, ки ба феҳристи ҷашнҳои Ҷумҳурии Тоҷикистон дохил гардидааст. Ба ифтихори таҷлили Рӯзи забони давлатӣ дар толори маҷлисгоҳи Сарраёсати ҳифзи муҳити зист дар вилояти Суғд маҷлиси тантанавӣ доир гардид. Сардори Сарраёсати ҳифзи муҳити зист дар вилояти Суғд Ғуфронзода Азиз пас аз суханони табрикӣ нақши муассири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар рушду густариши забони тоҷикӣ беназир арзёбӣ намуд, ки маҳз ба василаи сиёсати хирадмандонаи Роҳбари давлат забони модарӣ дар замони соҳибистиқлолӣ ҷойгоҳи аслии худро соҳиб гардид. Қайд карда шуд, ки кормандони мақомоти ҳифзи муҳити зист низ Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон»-ро риоя намуда, барои баланд бардоштани мақоми забони давлатӣ саҳми арзандаи худро мегузоранд.
Форуми якуми ҷавонон оид ба ҳавзаи дарёи Сир - 2023
- Подробности статьи
- Автор
- Категория News
Д
ар Маркази таълимии Бонки миллӣ дар шаҳри Гулистон «Форуми якуми ҷавонон оид ба ҳавзаи дарёи Сир - 2023» бо дастгирии шарикони рушд ва мусоидати Сарраёсати ҳифзи муҳити зисти дар вилояти Суғд, Раёсати маорифи вилоят, Маркази таҳсилоти иловагӣ ва Идоракунии захираҳои оби минтақаҳои ҳавзаи Сирдарё баргузор гардид. Ҳадаф аз баргузории ин ҳамоиш баланд бардоштани сатҳи огоҳӣ ва ҷалби ҷавонон ба идоракунии маҷмӯии захираҳои об дар шароити тағйирёбии иқлим мебошад. Форуми мазкур дар чаҳорчӯбаи татбиқи «Лоиҳаи миллии идоракунии захираҳои об дар Тоҷикистон», ки аз ҷониби Агентии рушди Швейтсария маблағгузорӣ карда мешавад ва баҳри амалигардонии бандҳои нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» доир карда шуд. Бояд қайд кард, ки «Лоиҳаи миллии идоракунии захираҳои об дар Тоҷикистон» таҳкими идоракунии захираҳои об дар ҳавзаи Сирдарё бо мақсади беҳтар намудани дастрасӣ ба об ва амнияти озуқаворӣ, коҳиш додани хатари офатҳои табиии вобаста ба об ва беҳбудии вазъи иҷтимоии аҳолӣ мебошад.