October 2023
28 October 2023
Иштирок дар барномаи радиои “Шаҳри ман”
- Подробности статьи
- Автор
- Категория News
Б
о мақсади ташвиқу тарғиби масъалаҳои ҳифзи муҳити зист ва иттилоотонидани аҳолӣ тавассути воситаҳои ахбори омма, намояндаи Сарраёсати ҳифзи муҳити зист дар вилоят дар барномаи радиои “Шаҳри ман” иштирок намуда, оид ба самтҳои асосии фаъолияти мақомот, амалигардонии нақшаи чорабиниҳои Даҳсолаи байналмиллалии амал «Об барои рушди устувор, 2018-2028», баланд бардоштани маърифати экологии аҳолӣ ва дигар масъалаҳои экологӣ баромад намуд. Барои бештар ҷалб намудани рӯзноманигорон ба масъалаҳои муҳити зист, ҳамкории доимӣ ва инъикоси маълумотҳои экологӣ ба редакцияи радио ду ҷилд китоби Сурхи Ҷумҳурии Тоҷикистон тақдим гардид.
27 October 2023
Ба сӯзиши хазон роҳ надиҳед!
- Подробности статьи
- Автор
- Категория News
С
ўзонидани партов ва баргҳои дарахтон дар кӯчаву хиёбонҳо, майдону боғҳо ва гулгашту боғҳои фарҳангу фароғатӣ қатъиян манъ аст. Фасли тирамоҳ дар баробари фасли заррин будан, боз мушкилотҳоеро ба миён меорад, ки кормандони соҳаи коммуналӣ барои халосӣ аз он танҳо як “усул” -ро ба кор мебаранд, ки ин сўзиши хазон мебошад. Мутобиқ ба таҳлилҳои мутахассисони соҳаи муҳити зист роҳ додан ба сўзонидани партов боиси хурӯҷи касалиҳои диққи нафас гардида, нороҳатии шаҳрвандонро ба миён меорад. Таъкид менамоем, ки дар қатори дигар партовҳои аз рӯзгор ҳосилшаванда барги хазоншуда низ ба партов табдил меёбад ва дар бисёр ҳолатҳо барои аз партовҳо раҳоӣ ёфтан кормандони соҳаи коммуналӣ ва дигар шахсони вобаста шуда, ба оташ задани барги хазонгашта даст мезананд. Бехабар аз он ҳастанд, ки дар натиҷаи сӯхтани ин гуна мавод ба ҳавои атмосфера моддаҳое ба саломатии мавҷудоти зинда зарраррасон, ба монанди дуда, оксиди карбон, ангидриди олтингӯгирд, оксидҳои нитроген ва диоксинҳою фуран, ки ба гурӯҳи моддаҳои устувори органикӣ шомил мебошанд, ихроҷ гардида аввал ба роҳи нафаси одамон, баъдан бо бӯи ғализ ва дудаи худ дохили ҳуҷраҳои биноҳо шуда, ба муҳити атроф ва сипас ба ҳавои атмсофера дохил гардида, оқибат ба раванди метеорологӣ ҳангоми боришоти атмосферӣ бо оби борон ҳамроҳ гардида, ҳангоми ба замин рехтан ба таркиби хок дохил шуда, хокистартӯдааш ба воситаи оби ё боришот ҷаббида гардида, ҳамчун маҳлули ишқорӣ ба манбаъҳои обӣ ҷорӣ мегардад. Чунин ҳолат метавонад ба муҳити зисти табиӣ зарар ворид созад.
Амалиёти назоратӣ дар ноҳияи Спитамен
- Подробности статьи
- Автор
- Категория News
Ҳ
ангоми гузаронидани амалиёти назоратӣ дар ноҳияи Спитамен аз тарафи кормандони бахши ҳифзи муҳити зист ғайрирасмӣ ҷойгир намудани як миқдор партовҳо ошкор карда шуд. Нисбати қонуншикан Пардаев Анвар, ки моддаҳои 44 ва 53-и Қонуни Ҷумхурии Тоҷикистонро «Дар бораи ҳифзи муҳити зист» вайрон намудааст, протоколи ҳуқуқвайронкунии маъмурӣ тартиб дода тавассути татбиқи ҷазои маъмурӣ ҷаримабандӣ карда шуд.
Озмуни «Тирамоҳи заррин» дар ноҳияи Зафаробод
- Подробности статьи
- Автор
- Категория News
Б
ахшида ба "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, солҳои 2020-2040 дар Маркази таҳсилоти иловагии ноҳияи Зафаробод озмуни ноҳиявии «Тирамоҳи заррин» гузаронида шуд. Дар озмун 17 адад муассисаҳои таҳсилоти миёнаи умумӣ бо гӯшаҳои ба намоиш гузоштаи худ иштирок доштанд. Мактаббачаҳо гӯшаҳои худро бо нозу неъматҳои фасли тирамоҳи заррин, аз қабили сабзавоту меваҷот, ғалладонаҳо, меваҳои хушк, мусаввараҳо, аксҳои ранга, маводи дастисохт оро дода буданд. Озмун аз рӯи 5 шарт: ташкили намоишгоҳ, истифодаи маводи табиӣ, намунаҳо аз гербарияҳо, суратҳои ранга, саволу ҷавоб (викторина) аз фанҳои табиатшиносӣ ва ҳимояи рисолаву рефератҳои хонандагон дар мавзӯи муҳити зист ва экология гузаронида шуд. Ҳайати ҳакамон, намояндагони бахши ҳифзи муҳити зист ва шуъбаи маориф, ба донишу фаҳмиши хонандагон доир ба муҳити зист баҳои баланд доданд.
Насби қуттиҳои пластикӣ дар ноҳияи Айнӣ
- Подробности статьи
- Автор
- Категория News
Б
о мақсади таъмин ва тозаву обод нигоҳ доштани муҳити зист, баланд бардоштани маърифати экологӣ байни аҳолӣ дар даромадгоҳи ноҳияи Айнӣ, кӯчаҳои марказӣ , аз он ҷумла назди беморхонаи марказӣ , қасри фарҳанг, назди бинои мақомоти иҷроияи ҳокимияти давлатии ноҳия, гардишгоҳи шоҳроҳи Душанбе - Чаноқ 8 адад қуттиҳои махсус барои зарфҳои пластикӣ насб карда шуд. Ин иқдом тибқи дастуру супориши раиси Кумитаи ҳифзи муҳити зисти назди Ҳукумати Ҷумҳурии Тоҷикистон бо ташаббуси бахши ҳифзи муҳити зист дар ноҳияи Айнӣ роҳандозӣ гардида, дар муҳлатҳои наздик дар дигар кӯчаву хиёбонҳои шаҳру ноҳияҳои вилоят насби чунин қуттиҳо дар назар аст. Ҳамчунин дар роҳи марказӣ бо мақсади баланд бардоштани маърифатнокии экологии аҳолӣ, ташвиқу тарғиби 5-умин ташаббуси Ҷумҳурии Тоҷикистон, эълон гардидани соли 2025 ҳамчун«Соли байналмилалии ҳифзи пирьяхҳо» лавҳаи иттилоотӣ насб карда шуд.
Амалиёти “Ҳавои тоза” дар шаҳри Хуҷанд
- Подробности статьи
- Автор
- Категория News
Д
ар асоси нақшаи корӣ бо мақсади кам намудани ихроҷи моддаҳои зараровар ба ҳавои атмосфера, кормандони шуъбаи мониторинги экологӣ, ахборот ва иттилооти Сарраёсат ва шуъбаи ҳифзи муҳити зист дар шахри Хуҷанд дар шоҳроҳи Хуҷанд – Б.Ғафуров амалиёти «Ҳавои тоза» -ро гузарониданд. Рафти амалиёт 32 адад нақлиётҳои тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Нисбати ронандагони 5 адад воситаҳои нақлиёте, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ намудаанд, протоколҳои ҳуқуқвайронкунии маъмурӣ тартиб дода шуд ва барои чораандешӣ ба БДА-и шаҳр ирсол гардид.
Амалиёти “Ҳавои тоза” дар шаҳри Истиқлол
- Подробности статьи
- Автор
- Категория News
Д
ар асоси нақшаи корӣ кормандони шуъбаи назорати давлатии истифода ва ҳифзи ҳавои атмосфера дар ҳамҷоягӣ бо кормандони бахши ҳифзи муҳити зист дар шаҳри Истиқлол дар кӯчаи марказии шаҳр амалиёти «Ҳавои тоза» -ро гузарониданд. Рафти амалиёт 23 адад нақлиётҳои тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Нисбати ронандагони 3 воситаҳои нақлиёте, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ намудаанд, протоколҳои ҳуқуқвайронкунии маъмурӣ тартиб дода шуд ва барои чораандешӣ ба БДА-и шаҳр ирсол гардид.
Бартараф намудани партовҳои бесоҳиб дар ноҳияи Ҷаббор Расулов
- Подробности статьи
- Автор
- Категория News
Б
о мақсади таъмини рафти иҷрои қарори Ҳукумати Ҷумҳурии Тоҷикистон аз 02.11.2012, №626 ва қарори Раиси вилояти Суғд аз 08.02.2013с. №31 «Дар бораи тартиби ошкор кардан ва баҳисоб гирифтани партовҳои бесоҳиб ва пешгирии ифлосшавии муҳити зист ва кам кардани ҳаҷми ҳосилшавии партовҳо» мақомоти ҳифзи муҳити зист мунтазам чораҳои заруриро андешида истодааст.Бо ин мақсад бо ташаббуси бахши ҳифзи муҳити зист дар ноҳияи Ҷаббор Расулов дар ҷамоати деҳоти Сомониён сойи Томчисой бо ҷалби техника партовҳои бесоҳиб дар ҳаҷми 4 м3 бартараф карда шуд. Чорабиниҳои пешгирии ифлосшавии муҳити атроф, беҳбудӣ бахшидан ба ҳолати экологӣ дар доираи нақшаи чорабиниҳо бахшида ба идҳои миллии дар пешистода дар дигар ҷамоати шаҳраку деҳот идома дорад.
Озмун - намоиши VIII-уми ҷумҳуриявии парандаҳои хушовоз дар шаҳри Хуҷанд
- Подробности статьи
- Автор
- Категория News
Дар толори бинои МД «Қасри ҷавонони ба номи Л.Шералӣ»-и шаҳри Хуҷанд озмун - намоиши VIII-уми ҷумҳуриявии парандаҳои хушовоз баргузор гардид. Дар озмун – намоиш меҳмонон, парандапарварони чунин парандаҳои хушовоз аз пойтахти ҷумҳуриамон шаҳри Душанбе, аз шаҳру ноҳияҳои Хуҷанд, Истаравшан ва Деваштичи вилояти Суғд дар маҷмуъ беш аз 40 нафар иштирок намуданд. Тибқи шартҳои баргузории чорабинӣ, аз ҳамаи иштирокчиён 25 парандаҳои хушовоз ба озмун роҳ дода шуда, доварони интихобгардида пас аз шунидани ҳар як паранда баҳогузорӣ намуданд. Дар натиҷа иштирокчиён аз шаҳри Хуҷанд ҷойи якум ва сеюмро ишғол карда, иштирокчӣ аз шаҳри Душанбе соҳиби ҷойи дуюм гардид ва онҳо бо дипломи Сарраёсати ҳифзи муҳити зист дар вилоят, медал, ҷом ва тўҳфаҳо қадрдонӣ карда шуданд. Ғайр аз ин, ба ғолиби озмун - намоиши VIII-уми ҷумҳуриявии парандаҳои хушовоз аз ҷониби намояндаи сарраёсат Китоби Сурхи Ҷумҳурии Тоҷикистон тақдим гардид. Ҳамчунин, ба 10 нафар барои иштироки фаъолона сипосномаи сардори Сарраёсати ҳифзи муҳити зист дар вилоят супорида шуд.
24 October 2023
23 октябр - Рӯзи ҷаҳонии бабри барфӣ
- Подробности статьи
- Автор
- Категория News
Б
абри барфӣ ва ё озодапаланг аз ҷумлаи ҷонваронест, ки дар минтақаҳои кӯҳистони кишвари мо ҳаёти муқимӣ дошта, ба намуди махсуси муҳофизатшавандаи Тоҷикистон дохил гардидааст. Шикори ғайриқонунии озодапаланг ба хотири пусташ ин ҷонвари зеборо ба нестӣ овардааст. Бабри барфӣ аз нодиртарин ҷонварон аст, ки танҳо дар қаламрави 12 кишвари ҷаҳон зиндагӣ мекунад. Ҳоло наздик ба 6000 сар ин навъи паланг дар боғҳои вуҳуши ҷаҳон умр ба сар мебарад. Боиси таассуф аст, ки ин ҷонвари зебо, нодир ва пурғурур, имруз дар олам хеле кам мондааст. Ба руйхати сурхи ИБҲТ ва замимаи 1 Конвенсияи СММ «Дар бораи савдои байналхалқии намудҳои флора ва фаунаи ёбоӣ, ки дар зери таҳдиди маҳвшавӣ қарор доранд» дохил гардидааст. Айни замон дар олам лоиҳаҳои зиёде зери сарпарастии Барномаи Рушди Созмони Миллали Муттахид барои муҳофизат ва нигаҳдошти ин ҷонвари зебо амалӣ мешаванд. Ин гуна лоиҳаҳо дар Тоҷикистон низ татбиқ мегарданд. Мақсад аз рӯи кор овардани лоиҳаҳо муҳофизати ин ҷонвари зебо ва доно мебошад. Тоҷикистон хусусан Бадахшон макони аслӣ ва ҷои асосии буду боши озодапаланг ба шумор меравад.