01 February 2024

Иштироки Сарраёсати ҳифзи муҳити зисти вилояти Суғд дар Иди Сада

Подробности статьи: Автор; Категория News

Санаи 31 январ дар назди Театри мазҳака ва мусиқии ба номи Камоли Хуҷандӣ дар ҷашни Иди Сада дар баробари дигар сохтору ташкилотҳо кормандони Сарраёсати ҳифзи муҳити зисти вилоят фаъолона иштирок доштанд. Дар ярмарка фурӯш аз тарафи мақомоти ҳифзи муҳити зист ниҳолҳои дарахтони нодиру ороишию сояафкан ва гулу гулбуттаҳо ба монанди санавбар, сарви аризонӣ, сарвинози тиллоӣ дар кӯза, коҷи кабуд, шамшоди калон, палма, магнолия, булут, каштани калон, каталпаи зебо, чинор, булут, сада, бирючинаи ҷилодор, юкка, коҷи кабуд ва гулҳои мавсимӣ ба намоиш гузошта шуд. Тибқи талабот ниҳолҳо ва гулу гулбуттаҳо бо шиору овезаҳо ва зарфҳои махсус оро дода шуда, номгӯи ҳар яки онҳо бо навиштаҷот гузошта шуд. Дар интиҳо Сарраёсати ҳифзи муҳити зист барои ҳиссагузорӣ дар ярмарка фурӯши ниҳол ва кӯчату тухмии зироатҳо бахшида ба Иди Сада бо Сипосномаи мақомоти иҷроияи ҳокимияти давлатии вилоят қадрдонӣ карда шуд.

2 феврал – Рӯзи умумиҷаҳонии заминҳои обиву ботлоқӣ

Подробности статьи: Автор; Категория News

Ҳамасола 2-феврал аз тарафи ҷомеаи ҷаҳонӣ ҳамчун Рӯзи умумиҷаҳонии заминҳои обию ботлоқӣ таҷлил карда мешавад. Ҳадафи ин ҷашн ҷалби таваҷҷӯҳи ҷомеа ба муаммоҳои заминҳои обию ботлоқӣ мебошад, ки барои рушди устувори сайёра нақши хеле муҳимро иҷро мекунад. Рӯзи умумиҷаҳонии заминҳои обию ботлоқӣ аз соли 1997 инҷониб таҷлил карда мешавад. Шиори имсолаи Рӯзи мавзеъҳои обию ботлоқӣ - мавзеъҳои обию ботлоқӣ ва беҳбудии инсон ном дорад. Ин шиор таъкид менамояд , ки то чӣ андоза тамоми ҷанбаҳои некӯаҳволии мо бо вазъи саломатии ин экосистемаҳои беназир алоқаманданд ва моро ташвиқ мекунанд, ки ин мавзеъҳоро қадр ва ҳифз намоем. Бе оби тоза мавҷудияти инсон ғайриимкон аст ва ин мавзеҳо манбаи муҳимтарини он мебошанд. Танҳо 2,5% оби сайёра оби тоза аст. Ва танҳо 1% ин об барои истифодаи инсоният дастрас аст.

Маъракаи ниҳолшинонӣ дар ноҳияи Зафаробод

Подробности статьи: Автор; Категория News

Бо мақсади дар сатҳи баланд гузаронидани корҳои ниҳол-шинонӣ, кабудизоркунӣ ва солим гардонидани муҳити зист, дар асоси нақшаи кории мақомоти ҳифзи муҳити зист ва нақша чорабиниҳои тасдиқ намудаи мақомоти иҷроияи ҳокимияти давлатии ноҳия маъракаи ниҳолшинониву кабудизоркунӣ гузаронида шуд. Чорабинӣ бо иштироки раиси ноҳия Исмоилзода З. ва дигар масъулон доир гардида, дар ҳудуди шаҳраки Зафаробод 130 бех дарахтони ороишиву сояафкан ва ҳамешасабз шинонида шуд

Аксияи “Тозагии маҳал” дар ноҳияи Айнӣ

Подробности статьи: Автор; Категория News

Тибқи нақша чорабиниҳои мақомоти ҳифзи муҳити зист, беҳтарнамуданивазъиэкологӣ, ҷиҳати вусъат бахшидан ба корҳои созандагию ободкорӣ, ба таври доимӣ тозаюозоданигоҳ доштани маҳалли зист дар ноҳияи Айнӣ аксияи “Тозагии маҳал” ташкил ва гузаронида шуд. Аксия бо иқдоми бахши ҳифзи муҳити зист дар ҳамҷоягӣ бо мақомоти иҷроияи ҳокимияти давлатии ноҳияи Айнӣ бо иштироки беш 180 нафар сокинони маҳаллаҳо, кормандони корхонаву ташкилот гузаронида шуд. Дар ҷараёни аксия қаддироҳҳо ва шоҳроҳҳо, ҳудуди маҳалҳои аҳолинишин аз партовҳои гуногун тоза карда шуд.

Насби қуттиҳо барои зарфҳои пластикӣ дар нақби Истиқлол ва Шаҳристон

Подробности статьи: Автор; Категория News

Бо мақсади тозаву обод нигоҳ доштани муҳити зист, беҳтар намудани ҳолати санитариву экологӣ ва бо ин васила баланд бардоштани маърифати экологӣ дар назди нақби Истиқлол ва Шаҳристон 2 адад қуттӣ барои ҷойгиронии партовҳои пластикӣ гузошта шуд.

Маъракаи ниҳолшинонӣ дар ноҳияи Ашт

Подробности статьи: Автор; Категория News

Баҳри иҷроиши қарори раиси вилояти Суғд аз 22.11.2024, № 363 «Дар бораи таъсиси Ситоди вилоятӣ ва тасдиқи нақшаи ниҳол-шинонӣ, кабудизоркунӣ ва беҳсозии муҳити зист дар шаҳру ноҳияҳои вилояти Суғд барои солҳои 2023-2024» дар шаҳру ноҳияҳои вилоят маъракаи ниҳолшинонӣ идома дорад. Чунин маъракаи ниҳолшинонӣ дар асоси қарори раиси ноҳия дар якҷоягӣ бо мақомоти иҷроияи ҳокимияти давлатии ноҳия, бо иштироки кормандони ташкилоту идораҳо дар ноҳияи Ашт гузаронида шуд. Тибқи маълумоти бахши ҳифзи муҳити зисти ноҳия то охири моҳи январ дар мавзеи шаҳраки Шайдон, қадди роҳҳои протоколӣ, ҷамоатҳои деҳоти Меҳробод, Шодоба ва Ошоба, шоҳроҳи Хуҷанд - Ашт ҳамагӣ 7400 бех ниҳолҳо, аз он ҷумла 200 бех сояафкан, 7100 бех ҳамешасабз ва ороишӣ ва 100 бех мевадиҳанда, аз он ҷумла 200 бех гулу буттаҳои мавсимӣ шинонида шуд.

Баргузории шанбегӣ дар Кӯҳистони Масчоҳ

Подробности статьи: Автор; Категория News

Дар маркази маъмурии ноҳияи Кӯҳистони Мастчоҳ шаҳраки Меҳрон шанбегии дастаҷамъӣ доир карда шуд. Дар ҷараёни шанбегии дастаҷамъона кормандони бахшу идораҳои мақомоти иҷроияи ҳокимияти давлатии ноҳияи Кӯҳистони Мастчоҳ, ҷавонон фаъолона иштирок доштанд. Дар ҷараёни шанбегӣ ба хотири тозаву озода нигоҳ доштани муҳити зист, роҳраву кӯчаҳои марказӣ, боғи Парчам ва Нишони давлатии назди бинои мақомоти иҷроияи ҳокимияти давлатии ноҳия, инчунин назди биноҳои маъмурии маркази ноҳия аз партовҳои гуногун тоза карда шуд.

Аксияи «Тозагии маҳал» дар ноҳияи Деваштич

Подробности статьи: Автор; Категория News

Бо мақсади бо таври доимӣ тозаву озода нигоҳ доштани муҳити зист, тақвият бахшидан ба корҳои созандагию ободонӣ дар асоси супориши сардори Сарраёсати ҳифзи муҳити зист дар вилоят аксияи «Тозагии шоҳроҳ», «Тозагии маҳал» ва «Тозагии соҳил» доир гардид. Дар он 115 нафар аҳолии ҷамоатҳо, корхонаву ташкилотҳо фаъолона иштирок намуданд. Ҳамзамон бо иштирокчиёни аксияҳо аз тарафи кормандони бахши ҳифзи муҳити зист дар ноҳияи Деваштич бо мақсади баланд бардоштани маърифати экологӣ корҳои фаҳмондадиҳӣ гузаронида шуд. Рафти аксия тариқи телевизиони «Синамо» ба навор гирифта шуд.