Все статьи
15 January 2020
Маъракаи ниҳолшинонӣ дар ноҳияи Спитамен
- Подробности статьи
- Автор
- Категория News
Ҷиҳати сазовор истиқбол гирифтани 30 солагии Истиқлолияти давлатии Ҷумҳурии Тоҷикистон ва беҳтар намудани вазъи муҳити зист дар ноҳияи Спитамен як қатор корҳои ободонию созандагӣ идома дорад. Дирӯз бо иштироки раиси ноҳия А.Сулаймонзода ва намояндагони дигар сохторҳои мақомоти махаллии ноҳия дар шоҳроҳи Хуҷанд – Душанбе чамоати деҳоти Т.Улҷабоев дарахтони ороишию ҳамешасабз, арча, 8 ҳазор дона гули лола шинонида шуд. Тибқи маълумоти бахши ҳифзи муҳити зисти ноҳияи Спитамен аз ҳисоби бахш 1,5 ҳазор адад дарахтони сада харидорӣ карда шуда, ба ҷамоати деҳоти Хаштяк, деҳаи навбунёди Навандарсой тақсим карда шудааст.
Шанбегӣ дар ноҳияи Ашти вилояти Суғд
- Подробности статьи
- Автор
- Категория News
Бо мақсади тозаву обод нигоҳ доштани муҳити зист, бахшида ба сазовор пешвоз гирифтани 30 солагии Истиқлолияти давлатии Ҷумҳурии Точикистон рузи шанбе санаи 11 январ дар боғи фарҳангӣ фароғатии шаҳраки Шайдони ноҳияи Ашт шанбегӣ гузаронида шуд. Дар он беш аз 400 нафар намояндагони ташкилоту муассисаҳо ва корхонаҳо иштирок намуда, 5 тонна партов бароварда шуд ва 40 бех дарахтони санавбар шинонида шуд.
Амалиёти фаврӣ дар н.Б.Ғафуров
- Подробности статьи
- Автор
- Категория News
А
з тарафи кормандони шуъбаи назорати давлатии истифода ва ҳифзи захираҳои оби Раёсат ҳангоми гузаронидани амалиёти фаврӣ дар н.Б.Ғафуров ошкор гардид, ки Ҷамъияти дорои масъулияташ маҳдуди «Чаҳондор» партовобхои хосилшударо (канализация ) ба сойи Хоҷабақирғон партофта, манбаи обро ифлос мекард. Нисбати директори ҶДММ «Ҷаҳондор» протоколи ҳуқуқвайронкунии маъ-мурӣ бо моддаи 177 тартиб дода шуда, барои ҳисоб кардани зарар намунаи об гирифта шуд.
10 January 2020
Корҳои биотехникӣ дар ноҳияи Шаҳристон
- Подробности статьи
- Автор
- Категория News
Баҳри иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон №2/12-05-2279 аз 26 декабри соли 2019, иҷрои нақшаи корӣ, оид ба пешгирӣ намудани фавти ҳайвоноту паррандагони ваҳшӣ ва талаф наёфтани онҳо аз сардиҳои зимистони соли 2020 дар ҳудуди Муассисаи давлатии хоҷагии ҷангали Шаҳристон, гардишгоҳи №8-и мавзеъи Кемқул-сой аз тарафи кормандони Муассисаи давлатии хоҷагии ҷангали ноҳияи Шаҳристон бо иштироки кормандони бахши ҳифзи муҳити зисти ноҳия ҳафтаи охир корҳои биотехникӣ гузаронида шуд. Дар ин минтақа ба миқдори 100 кг ҷуворимакка, 100 кг резаи гандум, 50 кг лаблабу, 50 кг себ, 150 кг меваи дарахти булут, 340 кг хошоки дағал паҳн карда шуд. Гузаронидани корҳои биотехникӣ дар дигар минтақаҳои баландкӯҳ пешбинӣ гардидааст.
Фароштурук (парасту) - парандаи соли 2020
- Подробности статьи
- Автор
- Категория News
Фароштурук парандаи хурди тезпарвоз буда, болҳои тез ва думи дарози қайчимонанд дорад. Дарозии бадани фароштурук 14-19 см, паҳноии болҳояш то 30 сантиметрро ташкил дода, 17-20 грамм вазн дорад. Парандаи васеъ паҳншуда буда, ба ҷуз аз Австралия ва Антарктида, дар ҳамаи қитъаҳои кураи замин вомехӯрад. Ба оилаи фароштурукҳо, қатори гунҷишкон ва гуруҳи парандагони кӯчанда мансуб аст. Зимистонро дар Африқо, Осиёи Ҷанубӣ ва Индонезия паси сар мекунад. Ба Тоҷикистон аввали моҳи март парида меояд. Фароштурук ба муҳити зист мутобиқати зиёд дошта, аз давраҳои қадим дар маҳалҳои аҳолинишин зери бом ва шифти биноҳои истиқоматӣ ва иншооти сохтмонӣ лона мегузорад. Ин паранда байни мардум чун парандаи муқаддас маҳбубияти зиёд дорад. Бо инсон дар ҳамшафат зиста, аз ӯ хайрхоҳӣ меҷӯяд. Аз замонҳои қадим дар байни мардум ақидае ҳаст, ки дар хонае, ки фароштурук лона мегузорад, меҳру муҳаббат, самимият ва хушбахтӣ пойдор аст.
Паём – дастури раҳнамо
- Подробности статьи
- Автор
- Категория News
Бо мақсади омӯзиши матни Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар толори маҷлисгоҳи Раёсати ҳифзи муҳити зисти вилояти Суғд санаи 10 январи соли равон вохӯрии кормандони мақомот бо намояндаи Кумитаи иҷроияи Ҳизби Халқии Демократии Тоҷикистон дар ш.Хуҷанд Азимов А. доир гардид. Зимни вохӯрӣ намояндаи КИ ХҲДТ дар ш.Хуҷанд оид ба самтҳои асосии Паёми имсола, дастовардҳои соли сипаришуда, нишондиҳандаи асосӣ - буҷаи давлатӣ дар муқоиса бо солҳои аввали соҳибистиқлолии кишвар, кам гардидани сатҳи камбизоатӣ, лоиҳа ва грантҳои амалкунанда, тағйирёбии иқлим ва пиряхҳо, ба хотири боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ, инчунин, барои тавсеаи тафаккури техникии насли наврас эълон намудани солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” сухан кард.
07 January 2020
Ифтитоҳи бинои шуъбаи милитсияи экологӣ
- Подробности статьи
- Автор
- Категория News
С
анаи 4 январи соли 2020 бо иштироки кормандони Раёсати ҳифзи муҳити зисти вилояти Суғд ва шуъбаи милитсияи экологӣ ва сайёҳии Вазорати корҳоии дохилии Ҷумҳурии Тоҷикистон ифтитоҳи бинои нав барои шуъбаи мазкур баргузор гардид. Боиси қайд аст, ки дар давоми семоҳаи чоруми соли 2019 бо дастгирии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон бинои бекорхобида дар ҳудуди Раёсати ҳифзи муҳити зисти вилоят аз таъмири капиталӣ бароварда шуда, дар маҷмуъ 6 утоқи кории бо лавозимотҳои зарурӣ таҷҳизонида омода карда шуд. Ҳамчунин, ҳангоми ба амал омадани ҳолати муайяни хизматӣ ҷиҳати корбарии шабонарўзӣ барои ҳайати шахсии шуъбаи милитсияи экологӣ ва сайёҳӣ ҷойи алоҳидаи таҷҳизонидашуда ташкил гардидааст.
Дар чорабинии кушодашавии бино сардори РВКД Ҷумҳурии Тоҷикистон дар вилояти Суғд, генерал-майор Назарзода Қ. ва сардори ШВКД дар шаҳри Хучанд иштирок намуда, баъд аз дидан кардани утоқҳои корӣ ва ҳудуди бино оид ба ҳамкории минбаъдаи якҷояи мақомоти ҳифзи муҳити зист ва шуъбаи милитсияи экологӣ сухан карда шуд.
03 January 2020
Ҳамкорӣ бо Ҷамъияти Ҳилоли Аҳмари Тоҷикистон дар вилояти Суғд
- Подробности статьи
- Автор
- Категория News
Яке аз самтҳои асосии фаъолияти мақомоти ҳифзи муҳити зист бо мақсади баланд бардоштани маърифати экологии аҳолӣ - ин гузаронидани корҳои ташвиқотиву тарғиботӣ, ҳамкории доимӣ бо ташкилотҳои ғайридавлатӣ маҳсуб меёбад. Лозим ба ёдоварист, ки Ҷамъияти Ҳилоли Аҳмари Тоҷикистон дар вилояти Суғд дар беҳбудии муҳити зист ва баланд бардоштани маърифатнокии ҷомеа нақши муҳим мегузорад. Соли гузашта бо дастгирии шуъбаи ҳифзи муҳити зисти ш.Хуҷанд аксияҳои тозагии муҳити зист ва вохӯриҳо бо насли наврас ташкил ва гузаронида шуд.
Дар арафаи Соли нави мелодӣ аз ҷониби Ҷамъияти Ҳилоли Аҳмари Тоҷикистон дар вилояти Суғд Раёсати ҳифзи муҳити зисти вилоят ва шуъбаи ҳифзи муҳити зисти ш.Хуҷанд барои саҳми арзанда, ҳамкории тарафайн ва мусоидат ба татбиқи ҳадафҳои Оинномавии ҷамъият бо сипоснома сарфароз гардонида шуд.
Натиҷагирӣ аз фаъолияти Раёсат дар соли 2019
- Подробности статьи
- Автор
- Категория News
Санаи 2 январи соли равон дар толори меҳмонхонаи “Суғдиён”-и ш.Хуҷанд ҷаласаи Раёсат оид ба ҷамъбасти фаъолият дар соли 2019 ва вазифаҳои минбаъда бо иштироки муовини Раиси Кумитаи ҳифзи муҳити зисти назди Ҳукумати Ҷумҳурии Тоҷикистон С.Абдураҳмонзода ва муовини Раиси вилоят Р.Каримзода баргузор гардид. Рафти ҷаласа ҳисоботи сардори Раёсат оид ба ҷамъбасти фаъолият дар соли 2019 шунида шуд. Дар навбати худ муовини Раиси Кумитаи ҳифзи муҳити зисти назди Ҳукумати Ҷумҳурии Тоҷикистон С.Абдураҳмонзода аз роҳбарони зерсохторҳо дар шаҳру ноҳияҳо ва сардорони шуъбаҳои назоратии Раёсат пурсиш ба амал оварда, барои ислоҳи камбудиҳои ҷойдошта ва пешрафти фаъолияти минбаъда дастуру супоришҳо дод.
28 December 2019
Мониторинги экологӣ дар вилояти Суғд
- Подробности статьи
- Автор
- Категория News
Раёсати ҳифзи муҳити зисти вилояти Суғд моҳи декабр, тибқи иҷрои нақшаи корӣ оид ба гузаронидани мониторинги сифати ҳавои атмосфера, об, хок ва ченкунии гамма-афканишоти ноҳияҳои наздисарҳадиро доир намуд. Санҷиши вазъи ҳаво дар нуқтаҳои мухталифи ҳудуди санитарӣ - муҳофизатӣ то хати сарҳад амалӣ ва ҳолати ҳавои атмосфера, инчунин дараҷаи радиатсия дар ҳудуди ноҳияҳо санҷида шуд. Дар ҷамоати дењоти Ҳ.Усмонови ноҳияи Б.Ғафуров, мавзеъи Янги – Қўрғон, ки бо ҷумҳурии ҳамсоя ҳамсарҳад мебошад, дар масофаи аз 500 м то 2 км дур намунаҳои таркиби ҳавои атмосфера, об ва хок гирифта, ташхис гузаронида шуд. Зимни мушоҳида ва ченкуниҳои инструменталӣ дар 2 мавзеъ бо гирифтани 10 намунаҳои партовҳои моддаҳои зарарнок ба ҳавои атмосфера амалӣ гардида, натиҷаҳои ченкунии ҳавои атмосфера нишон дод, ки нишондиҳандаҳо мутобиқи меъёр аст. Мониторинги ҳавзаи дарёи Сир аз рўи 24 ҷузъиёт бо гирифтани 12 намунаҳои об аз ҳудуди шаҳру ноҳияҳои Ашт, Хуҷанд, Спитамен ва Гулистон ташхис гузаронида, нишондоди ташхиси фулузоти вазнин аз меъёр зиёд мушоҳида карда нашуд.