Все статьи
29 October 2018
Аксияи “Тозагии маҳал” дар миқёси вилоят
- Подробности статьи
- Автор
- Категория News
Раёсати ҳифзи муҳити зисти вилоят баҳри иҷрои қарори Раиси вилоят ва дар доираи 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон, бо мақсади тозаву озода нигоҳ доштани муҳити зист дар шаҳру ноҳияҳои вилоят аксияи «Тозагии маҳал»-ро гузаронид. Дар маҷмуъ давоми моҳи октябри соли равон 4 маротиба дар маҳалҳои аҳолинишин, муассисаҳо, ташкилотҳо, ҷамоатҳои шаҳрак ва деҳоти шаҳру ноҳияҳо, махсусан мавзеъҳои ҷойгиршавии партовгоҳҳои расмӣ ва партовҳои бесоҳибу гирду атрофи он ташкил ва гузаронида шуд.
Дар аксияҳои мазкур зиёда аз 4,2 ҳазор нафар кормандони ташкилоту муассисаҳо, аҳолии ҷамоатҳои шаҳрак ва деҳот, хонандагон ва донишҷўёни муассисаҳои таълимию тандурустӣ фаъолона иштирок доштанд. Дар рафти аксия 2,1 ҳазор бех дарахтон ва гулу гулбуттаҳо шинонида шуда, каналу ҷўйбор, заҳбуру латокҳо ба масофаи 6 км тоза карда, 3,3 ҳазор метри мураббаъ майдонҳо аз алафҳои бегона, 1,8 км соҳили дарё ва 5,7 км қадди роҳҳо аз партовҳо тоза ва беш аз 128,2 метри мукааб партовҳо дар партовгоҳҳои расмӣ ҷойгиронида шуданд.
Семинари омӯзишӣ дар ш.Хуҷанд
- Подробности статьи
- Автор
- Категория News
Санаи 26 октябри соли равон бо ташаббуси ташкилоти байналхалқии САҲА дар комплекси “Хушбахти” шаҳри Хуҷанд семинари омузишӣ оид ба пешбурди принсипҳои “Иқтисоди сабз” ва энергияи каммасраф баргузор гардид. Дар семинари мазкур намояндагони мақомоти ҳифзи муҳити зисти вилоят ва шаҳру ноҳияҳо, саноат ва энергетика, кишоварзӣ, ташкилотҳои ҷамъиятӣ ва воситаҳои ахбори омма иштирок доштанд.
Намояндаи Дафтари САҲА Саулюс Смалис аз мақсад ва ҳадафи баргузории тренинги мазкур иштирокчиёнро шинос намуда, дар рафти чорабинӣ оид ба мафҳумхои умумии “Иқтисоди сабз”, мисолҳои мушахасси мавзуъ, “Иқтисоди сабз” дар Тоҷикистон ва дигар масъалаҳои марбута баромад намуд.
19 October 2018
Аксияи “Тозагии маҳал” ва “Тозагии соҳил” дар шаҳрҳои Гулистон ва Хуҷанд
- Подробности статьи
- Автор
- Категория News
Дар доираи 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон, бо мақсади тозаву озода нигоҳ доштани муҳити зист ва бахшида ба идҳои миллии дарпешистода дар мувофиқа бо мақомотҳои иҷроияи ҳокимияти давлатии шаҳрҳои Хуҷанд ва Гулистон дар соҳили дарёи Сир ва обанбори “Баҳри тоҷик” аксияҳои “Тозагии соҳил” ва “Тозагии маҳал” гузаронида шуд. Дар чорабинии мазкур беш аз 500 нафар, аз он ҷумла омӯзгорон, хонандагони мактабҳои таҳсилоти миёнаи умумии № 13, сокинони маҳаллаи “Дӯстии халқҳо”, коллеҷи омӯзгории ш.Хуҷанд ба номи академик Б.Ғафуров, МТМУ №№ 1, 14 ва гимназияи № 1- и ш.Гулистон иштирок доштанд.
Дар натиҷаи аксияҳо кади роҳҳои мошингард, ҷуйборҳо аз алафҳои бегона, дарахтони хушкшуда тоза карда шуда, каналу соҳили обанбор аз партовҳо тоза карда шуданд ва 14 м3 партовҳо ба партовгоҳҳои шаҳрӣ бароварда шуданд.
11 October 2018
Қадрдонии кормандони мақомоти ҳифзи муҳити зисти вилоят бахшида ба 30 солагии таъсисёбии мақомоти ҳифзи муҳити зист
- Подробности статьи
- Автор
- Категория News
Дирӯз дар ҷаласаи Раёсат оид ба ҷамъбасти фаъолият дар нӯҳ моҳи соли равон бахшида ба 30 солагии таъсисёбии мақомоти ҳифзи муҳити зист, дар асоси фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз санаи 31 августи соли 2018, № 111, як қатор кормандони Раёсат ва шуъбаву бахшҳои шаҳру ноҳияҳо аз тарафи Раиси Кумита Хайрулло Ибодзода бо нишони сарисинагии “Корманди фахрии ҳифзи муҳити зист” ва “30 солагии таъсисёбии мақомот” мукофотонида шуданд.
Бо нишони сарисинагии «Корманди фахрии ҳифзи муҳити зист» сарфароз гардонида шуданд: Самадов Алишер Исҳоқович – сардори шуъбаи экспертизаи экологии Раёсат, Садриддинова Санавбар Яҳёевна - сардори шуъбаи назорати таҳлии Раёсат, Ҳалимов Ибодулло Ҳабибуллоевич - мудири бахши Бӯстон, Сафаров Фарҳод Мирзоевич – сармутахассиси бахши н.Зафаробод.
Ҷаласаи Раёсат оид ба ҷамъбасти фаъолият дар нуҳ моҳи соли равон
- Подробности статьи
- Автор
- Категория News
Санаи 5 октябри соли ҷорӣ дар маркази бозомўзии Раёсат дар шаҳри Гулистон ҷаласаи Раёсат оид ба ҷамъбасти фаъолият дар нуҳмоҳи соли равон ва вазифаҳои минбаъда бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Х.Ибодзода баргузор гардид. Дар рафти ҷаласа ҳисоботи сардори Раёсат шунида ва муҳокима гардид. Дар навбати худ Раиси Кумита тамоми кормандони мақомоти ҳифзи муҳити зистро бо Рӯзи забони тоҷикӣ табрику муборакбод намуд. Аз сардорони шуъбаҳои Раёсат ва роҳбарони зерсохторҳо дар шаҳру ноҳияҳо пурсиш ба амал оварда, барои ислоҳи камбудиҳо ва пешрафти фаъолияти минбаъда дастуру супоришҳо дод. Ҳамчунин дар интиҳо, як қатор кормандони Раёсат ва шуъбаву бахшҳои шаҳру ноҳияҳо аз тарафи Раиси Кумита бо нишони сарисинагии “Корманди фахрии ҳифзи муҳити зист” ва “30 солагии таъсисёбии мақомот” мукофотонида шуданд.
Забони модариро пос дорем
- Подробности статьи
- Автор
- Категория News
Дар толори маҷлисгоҳи Раёсат бо иштироки кормандон бахшида ба Рӯзи забони тоҷикӣ маҷлиси тантанавӣ доир гардид. Маҷлисро муовини сардори Раёсат Абдумаликов Б.А. ҳусни оғоз бахшида, дар назди ҳозирин бо сухани табрикотӣ баромад ва қайд намуд, ки «забон мероси гузаштагону ниёгони бофарҳангу бомаърифат ва хирадманди мо мебошад.Забони тоҷикӣ ба ҳайси забони давлатӣ дар Ҷумҳурии Тоҷикистон мавқеи асосӣ дошта, ҳамеша аз ҷониби Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон ба ҳайси яке аз рукнҳои муҳими иcтиқлолияти кишвар мавриди дастгирӣқарор мегирад. Забон яке аз рукнҳои асосии давлатдорӣ ба шумор рафта, гузашта аз ин муаррифгари миллат мебошад. Президенти кишвар дар яке аз баромадҳояшон зикр намудаанд, ки “Забони тоҷикӣ имрӯз ба забони илму фарҳанг табдил ёфта, чорабиниҳои илмӣ бо забони давлатӣ сурат мегиранд, олимони мо асарҳо ва мақолаҳояшонро бо риояи меъёрҳои забони адабии тоҷикӣ таҳия карда, ҷиҳати инкишофи забон саъйю кӯшиши зиёд менамоянд”.
25 September 2018
Аксияи “Зан ва тозагӣ” дар вилояти Суғд
- Подробности статьи
- Автор
- Категория News
Бо иқдоми Кумитаи кор бо занон ва оилаи назди Ҳукумати Ҷумҳурии Тоҷикистон, иҷроиши барқияи Кумитаи ҳифзи муҳити зисти назди Ҳукумати Ҷумҳурии Тоҷикистон баҳри тозаву озода намудани кучаву хиёбонҳо санаи 22 сентябри соли равон дар Раёсати хифзи мухити зисти вилоят ва зерсохторҳои он бо иштироки беш аз 35 нафар занони мақомоти ҳифзи муҳити зист аксияи “Зан ва тозагӣ” гузаронида шуд. Дар рафти аксияи мазкур кӯчаву хиёбонҳо, қади роҳҳо ва ҷуйборҳо, атрофи биноҳои маъмурӣ аз партовҳо тоза карда шуд. Ҳамчунин дар саҳни ҳавлии биноҳои маъмурӣ гулҳои намудашон ҳархела шинонида шуд.
24 September 2018
ЭЪЛОН
- Подробности статьи
- Автор
- Категория News
Раёсати ҳифзи муҳити зисти вилояти Суғд барои ишғоли мансабҳои холии маъмурии хизмати давлатӣ озмун эълон менамояд:
- Сардори Шуъбаи назорати давлатии истифода ва ҳифзи захираҳои оби Раёсати ҳифзи муҳити зисти вилояти Суғд, маоши мансаби 1458 сомонӣ (категорияи сеюм)
- Сармутахассиси Шуъбаи назорати таҳлилии Раёсати ҳифзи муҳити зисти вилояти Суғд, маоши мансаби 1032 сомонӣ; (категорияи панљум)
- Сармутахассиси Шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд, маоши мансаби 1032 сомонӣ; (категорияи панҷум)
21 September 2018
Вохӯрӣ дар коллеҷи кишоварзии Масчоҳ
- Подробности статьи
- Автор
- Категория News
Тибқи нақшаи корӣ бо мақсади амалӣ намудани нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» ва баланд бардоштани тарбия ва маърифати экологӣ дар толори муассисаи давлатии таълимии «Коллеҷи кишоварзии Мастчоҳ» вохӯрии намояндаи Раёсат бо донишҷўён ва омӯзгорон, дар маҷмӯъ беш аз 150 нафар доир гардид. Дар рафти вохӯрӣ намояндаи Раёсати ҳифзи муҳити зисти вилоят оид ба мақсад ва зарурати қабул гардидани Барномаи мазкур ва роҳҳои амалисозии он баромад намуд. Ҳамчунин бо мақсади бархурдор шудан аз олами набототу ҳайвоноти нодири кишварамон ба иштирокчиён дар бораи Китоби Сурхи Ҷумҳурии Тоҷикистон ва чораҷӯиҳо тибқи Кодекси ҳуқуқвайронкунии маъмурии Ҷумҳурии Тоҷикистон ҳангоми партофтани партовҳо ба ҷойҳои ғайрирасмӣ маълумот дода шуд.
05 September 2018
Татбиқи қарори Раиси вилоят ҷиҳати ҳифз ва нигаҳдории захираҳои моҳӣ
- Подробности статьи
- Автор
- Категория News
Баҳри дар амал татбиқ намудани қарори Раиси вилояти Суғд, мўҳтарам Раҷаббой Аҳмадзода аз 23 августи соли 2018, таҳти №365 «Дар бораи пешбурди масъалаҳои ҳифз, парвариши сунъӣ ва такрористеҳсолии захираҳои моҳӣ дар вилояти Суғд» аз тарафи нозирони давлатии шўъбаи назорати давлатии истифода ва ҳифзи олами набототу ҳайвонот ва захираҳои моҳии Раёсат корбарӣ рафта истодааст.
Бо ин мақсад санаи 29 августи соли ҷорӣ дар маҷлисгоҳи ҶСК «Моҳипарвари Гулистон» дар шаҳри Гулистон бо иштироки 30 нафар моҳидорони ин коргоҳ ва ҶСК «Моҳии Тоҷик» аз тарафи намояндагони Раёсат вохўрӣ ташкил карда шуда, ҷиҳати дар амал татбиқ намудани қарори мазкур корҳои фаҳмондадиҳӣ гузаронида шуд.