Все статьи
25 January 2021
Рушди соҳаи моҳипарварӣ дар ноҳияи Ҷ.Расулов
- Подробности статьи
- Автор
- Категория News
Бо мақсади рушди соҳаи моҳипарварӣ дар ҷамоати деҳоти Гулхонаи ноҳияи Ҷ.Расулов «Корпоратсияи моҳии Тоҷик» ташкил гардида истодааст, ки мувофиқи нақшаи пешбинигардида бо парвариши гулмоҳӣ машғул мешавад. Дар айни замон корҳои сохтмони хоҷагии моҳипарварӣ бо суръат идома ёфта, бо истифода аз техникаи пуриқтидор кофтани 25 ҳавзи моҳипарварӣ амалӣ шуда истодааст. Майдони умумии хоҷагии мазкур дар 3 гектар ҷойгир мешавад ва тибқи нақша дар қисми аввал 100 ҳазор моҳичаҳои гулмоҳӣ парвариш меёбанд. Аллакай, пас аз соли якум хоҷагӣ ният дорад, ки 100 тонна гушти тайёри гулмоҳиро пешкаши харидорон намояд. Намояндагони Раёсати ҳифзи муҳити зисти вилояти Суғд ва «Корпоратсияи моҳии Тоҷик»-и Ҷумҳурӣ аз рафти корҳои сохтмонӣ дидан намудан ва як қатор маслиҳатҳои муфид пешниҳод карда шуд.
21 January 2021
Шоҳуқоб – парандаи соли 2021
- Подробности статьи
- Автор
- Категория News
Ҳамасола Академияи миллии илмҳои Ҷумҳурии Тоҷикистон, Институти зоология ва паразитологияи ба номи Е.Н.Павловский дар якҷоягӣ бо Иттиҳодияи ҳифзи табиат ва гуногунии биологии Тоҷикистон яке аз парандаҳои нодири Тоҷикистонро бо мақсади барқарор ва афзун намудани саршумори он парандаи сол интихоб менамоянд. Имсол шоҳуқоб парандаи соли 2021 интихоб гардид. Шоҳуқоб яке аз калонтарин намуди парандагони оилаи лочинҳо ба шумор меравад. Ин парандаи соҳибчанголи пурқувват ва чолок дар баландиҳои зиёд ва гӯшаҳои дастнорас вомехӯрад. Дар ҳудуди Тоҷикистон шоҳуқоб дар минтақаҳои кӯҳӣ ва баландкӯҳ вомехӯрад. Дарозии бадани шоҳуқоб беш аз 95 см ва дарозии болҳои он то 2,5 м-ро ташкил медиҳад. Вазни ҷинсҳои модина то ба 7 кг ва ҷинсҳои нарина то ба 4,6 кг мерасад.
20 January 2021
Шанбегии умумишаҳрӣ дар Истаравшан
- Подробности статьи
- Автор
- Категория News
Бо истифода аз обу ҳавои мусоид ва бо мақсади гузаронидани корҳои ободонӣ баҳри сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон дар шаҳри Истаравшан шанбегии умумишаҳрӣ баргузор гардид. Дар рафти маърака 510 нафар кормандони ҷомеаи меҳнатии корхонаву ташкилот, муассисаҳои таълимӣ, аз он ҷумла Коллеҷи тиббӣ, Литсейи касбии техникии №14, Коллеҷи ҳунарҳои мардумӣ, беморхонаҳои марказию хусусӣ, Кумитаи маҳаллаҳо, ҷамоати шаҳраку деҳот ва соҳибкорон иштирок карда, 1,3 километр ҷўйбори обгузари ду тарафи хиёбони Исмоили Сомонӣ ва Истиқлоли шаҳр, майдони марказӣ, ҳудуд ва атрофи биноҳои маъмурии корхонаҳои шафати роҳи асосӣ тоза ва рўбучин гардидаанд.
Корҳои фаҳмонидадиҳӣ баҳри баланд бардоштани маърифати экологии моҳидорони ҳаваскор ва шикорчиён
- Подробности статьи
- Автор
- Категория News
Тибқи нақшаи пешбинигардида нозирони давлатии Раёсати ҳифзи муҳити зисти вилояти Суғд бо мақсади назорати риояи талаботи Қонуни Ҷумҳурии Тоҷикистон «Дар бораи ҳифзи муҳити зист» дар ҳудуди минтақаи Шўркўли ноҳияи Ашт ва минтақаи Сирдарёи шаҳри Гулистон, ки дар минтақаҳои атрофи ҳавзаи дарёи Сир ва обанбори «Баҳри Тоҷик» эҳтимоли ба амал омадани шикори ғайриқонунии ҳайвонот ва сайди моҳӣ, инчунин буриши ғайриқонунии дарахтон ҷой дорад амалиёти фаврӣ гузарониданд.
Маъракаи кабудизоркунӣ дар шаҳри Гулистон
- Подробности статьи
- Автор
- Категория News
Д
ар доираи нақшаи чорабиниҳои бахшида ба истиқболи 30-солагии Истиқлолияти давлатии Ҷумҳурии Тоҷикистон, бо мақсади гузаронидани корҳои кабудизоркунию ободонӣ дар шаҳри Гулистон ҳашари умумишаҳрӣ, аз он ҷумла маъракаи ниҳолшинонӣ баргузор гардид. Дар он кормандони сохторҳои мақомоти иҷроияи ҳокимияти давлатии шаҳр, муассисаҳои хоҷагии коммуналӣ, корхонаву ташкилот ва муассисаҳои таълимӣ фаъолона иштирок намуда, тариқи ҳашар минтақаҳои назди ҶСК «Колинҳои Қайроққум», шафати роҳи назди боғ ва ҳудуди худи боғи Ғалаба, осоишгоҳ ва дигар кӯчаҳои маркази шаҳр аз партовҳои пластикӣ, алафи хушк ва хор тоза гардида, дар натиҷа 12 метри мукааб партовҳо ба партовгоҳ бароварда шуд.
16 January 2021
Гузаронидани корҳои фаҳмонидадиҳӣ баҳри баланд бардоштани маърифати экологии шикорчиён
- Подробности статьи
- Автор
- Категория News
Тибқи нақшаи пешбинигардида нозирони давлатии Раёсати ҳифзи муҳити зисти вилояти Суғд бо мақсади назорати риояи талаботи Қонуни Ҷумҳурии Тоҷикистон «Дар бораи ҳифзи муҳити зист» дар ҳудуди ноҳияҳои Спитамен ва Ҷ.Расулов, ки дар минтақаҳои атрофи ҳавзаи дарёи Сир эҳтимоли ба амал омадани шикори ғайриқонунии ҳайвонот ва сайди моҳӣ, инчунин буриши ғайриқонунии дарахт ҷой дорад амалиёти фаврӣ гузарониданд. Ҳангоми амалиётҳои назоратӣ ҳудуди ҷамоати деҳоти Истиқлоли ноҳияи Спитамен ва ҷамоати деҳоти Деҳмои ноҳияи Ҷ.Расулов фаро гирифта, ҳуҷҷатҳои ҳамаи шикорчиёни дар минтақаҳои мазкур мавчуд буда аз назар гузаронида шуд.
Амалиётҳои фаврии назоратӣ дар ҷамоати деҳоти шаҳри Конибодом
- Подробности статьи
- Автор
- Категория News
Дар асоси нақшаи кории шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд баҳри назорати иҷрои талаботи Қонуни Ҷумҳурии Тоҷикистон «Дар бораи ҳифзи муҳити зист» дар мавсими шикор ва умуман шикоргоҳу ҷойҳои шикор баргузории амалиётҳои фаврӣ оид ба пешгирӣ намудани шикори ғайриқонунии ҳайвонот, сайди ғайриқонунии моҳӣ дар обанбори «Баҳри Тоҷик» ва бурриши ғайриқонунии дарахтон пешбинӣ гардидааст.
Чорабиниҳои ҳифзкунандаи олами ҳайвонот дар шаҳри Конибодом
- Подробности статьи
- Автор
- Категория News
Бо мақсади нигоҳдорӣ ва бехатарии гуногунии биологӣ, беталаф баровардани олами ҳайвоноти ваҳшӣ аз фасли зимистон аз тарафи кормандони бахши ҳифзи муҳити зисти шаҳри Конибодом тибқи нақшаи пешбинигардида, дар якҷоягӣ бо Ҷамъияти шикорчиён ва моҳигирони вилояти Суғд ва чунин ҷамъияти шаҳрӣ, бо иштироки шаҳрвандон ва намояндагони васоити ахбори омма дар шикоргоҳи шаҳри Конибодом корҳои биотехникӣ гузаронида шуд.
13 January 2021
Дар шаҳри Исфара аксияи «Тозагии соҳил» баргузор гардид
- Подробности статьи
- Автор
- Категория News
Дар шаҳри Исфара бо мақсади амалигардонии нақшаи чорабиниҳои Даҳсолаи байналмилалии амал «Об барои рушди устувор», 2018-2028 ва пешгирии ифлос гардидани оби дарёи Исфара, ҳамчунин тоза ногоҳ доштани соҳили он бахши ҳифзи муҳити зист якҷоя бо сохтори ҷавонон ва бо иштироки донишҷўёну омўзгорони Филиали Донишгоҳи технологии Тоҷикистон дар шаҳри Исфара, дар маҷмуъ 250 нафар аксияи «Тозагии соҳил»-ро баргузор намуд. Дар рафти аксия минтақаҳои соҳили ду тарафи дарёи Исфара, ки аз ҳудуд ва маркази шаҳр мегузарад, 1,5 километр ду тарафи соҳил аз ҳаргуна партовҳо тоза карда шуд. Ба иштирокчиёни аксия халтаҳои полиэтиленӣ барои партовҷамъкунӣ дастрас гардида, ҳамагӣ 5 метри мукааб партовҳо бо воситаи 2 адад техникаи махсуси партовкашон ба партовгоҳ бароварда шуд.
Аксияи «Тозагии соҳил» дар минтақаҳои ноҳияи Б.Ғафуров
- Подробности статьи
- Автор
- Категория News
Тоза нигоҳ доштани манбаъҳои обӣ, соҳилҳои дарёҳо ва ҷалби бештари шаҳрвандон дар беҳтар намудани вазъи муҳити зист яке аз равандҳои асосӣ дар фаъолияти мақомоти ҳифзи муҳити зист ба ҳисоб мераванд. Аз оғози соли нав Раёсати ҳифзи муҳити зисти вилояти Суғд баҳри бахшидани тақвият ба корҳои созандагию ободонӣ, баланд бардоштани маърифати экологии аҳолӣ, инчунин амалигардонии бандҳои нақшаи чорабиниҳои бахшида ба Даҳсолаи байналмилалии амал «Об барои рушди устувор», 2018-2028 ба зерсохторҳо барқия оид ба баргузории аксияи «Тозагии соҳил» ирсол намуд. Ҳангоме, ки аз мушоҳидаҳо дида мешавад оби дарёи Сир камтар боло рафта, эҳтимоли ба об ворид гардидани партовҳои истеъмолии дар соҳил мавҷуд буда ба миён меояд.