Все статьи
06 July 2020
Аксияи «Тозагии маҳал» дар минтақаи истироҳатии «Дараи сабз»-и ноҳияи Шаҳристон
- Подробности статьи
- Автор
- Категория News
Бо мақсади фароҳам овардани шароити мусоид ва муҳити солим ба истироҳаткунандагони дохиливу хориҷӣ, иҷроиши супориши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва барқияи Раёсати ҳифзи муҳити зисти вилояти Суғд аз 30.06.2020, № 61/722 дар минтақаи истироҳатии «Дараи сабз»-и ноҳияи Шаҳристон санаи 4 июли соли равон бо иқдоми бахши ҳифзи муҳити зисти ноҳия ва иштироки 80 нафар кормандони ташкилоту муассисаҳо, намояндагони Муассисаи давлатии хоҷагии ҷангали ноҳия аксияи «Тозагии маҳал» гузаронида шуд.
02 July 2020
Ҳифз ва муаррифии ёдгориҳои табиӣ
- Подробности статьи
- Автор
- Категория News
Бо мақсади ҳифз ва муаррифии ёдгориҳои табиӣ дар мавзеи Панҷшанбеи шаҳри Хуҷанд корҳои ба расмият даровардани ҷойгиршавии ёдгории табиии давлатии «Тути Панҷшанбе» ба анҷом расонида шуд. Бо ин мақсад аз ҳисоби воситаҳои махсуси мақомоти ҳифзи муҳити зист атрофи дарахти тахминан 850 - 900 сола бо панҷараи декоративӣ иҳота гардида, бо истифодаи сангҳои ороишӣ ва чароғҳои ранга, ҳамчунин дар назди дарахт санги махсус бо муаррифиномаи тути сафед насб карда шуд.
Боиси қайд аст, ки тибқи моддаи 39-и Қонуни Ҷумҳурии Тоҷикистон «Дар бораи ҳудудҳои табиии махсусмуҳофизатшаванда» номгӯи ин дарахти бебаҳои таърихӣ ба феҳристи ёдгориҳои табиии давлатӣ ворид гардидааст. Иқдоми мазкур дар доираи нақшаи чорабиниҳо бахшида ба эълон гардидани «Солҳои рушди деҳот, сайёҳӣ ва ҳунарҳои мардумӣ» роҳандозӣ гардида, баҳри муаррифии ёдгории табиӣ ва ҷалби бештари сайёҳони дохиливу хориҷӣ мусоидат менамояд.
26 June 2020
Аксияи “Риояи тозагии муҳити зист асосии саломатии ҷомеа”
- Подробности статьи
- Автор
- Категория News
Дар партави дастури Ситоди вилоятии COVID-19 оид ба гузаронидани корҳои тарғиботиву ташвиқотӣ дар ҷойҳои ҷамъиятии серодам, хоса бозору мавзеъҳои истироҳатӣ санаи 24 июни соли равон КИ ҲХДТ дар вилояти Суғд якҷоя бо Раёсати ҳифзи муҳити зисти вилоят бахшида ба рӯзи Ваҳдати миллӣ дар мавзеъи истироҳатии “Соҳил“-и шаҳри Гулистон аксия таҳту унвони “Риояи тозагии муҳити зист асосии саломатии ҷомеа” баргузор намуд. Дар аксия беш аз 40-нафар ҷавонони ташкилоти ҷамъятии“Созандагони Ватан”, кормандони Кумитаи ҳифзи муҳити зисти вилоят ва Ситоди вилоятии ковид-19 , ВАО ширкат намуданд. Раиси КИ ҲХДТ дар шаҳри Гулистон Муслима Ҷамолиён аксияро ифтитоҳ намуда кайд намуданд, ки мақсади гузаронидани аксия пеш аз ҳама риояи қоидаҳои беҳдошти саломатӣ барои пешгирии бемории COVID-19инчунин риояи тозагии муҳити зист мебошад.
Тозагии манбаъҳои обӣ- омили солимии ҷомеа
- Подробности статьи
- Автор
- Категория News
Бо мақсади сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон, бо таври доимӣ тозаю озода нигоҳ доштани манбаъҳои обӣ, соҳилҳои дарёҳо, каналу ҷўйборҳо ва ҷалби бештари шаҳрвандон дар беҳтар намудани вазъи муҳити зист, тақвият бахшидан ба корҳои созандагию ободонӣ, баланд бардоштани сатҳи маърифати экологии аҳолӣ, инчунин амалигардонии нақшаи чорабиниҳо бахшида ба Даҳсолаи байналмиллалии амал «Об барои рушди устувор, солҳои 2018-2028» ва «Соли рушди деҳот, сайёҳӣ ва ҳунарҳои мардумӣ», иҷроиши фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 9.01.2020., №10 дар бораи гузаронидани аксияи «Тозагил-2020», фармоиши сардори Раёсати ҳифзи муҳити зисти вилоят аз санаи 22.01.2020 сол №04 оид ба гузаронидани аксияи «Тозагии соҳил-2020» дар шаҳру ноҳияҳои вилоят 58 маротиба аксияи мазкур гузаронида шуд.
22 June 2020
Ободонии шаҳр – мароми мост!
- Подробности статьи
- Автор
- Категория News
Рӯзҳои истироҳат таҳти шиори «Ободонии шаҳр – мароми мост!» ба ифтихори 23-юмин солгарди Ваҳдати миллӣ дар ҳудуди шаҳри Гулистон ва ҷамоати шаҳракҳои тобеъ ҳашари умумишаҳрӣбагузор гардид. Дар шанбегӣ кормандони корхонаву идора, ташкилоту муассисаҳо, сокинон фаъолона ширкат варзида, дар ободониву кабудизоркунии маҳалли зист саҳми худро гузоштанд. Аз ҷумла, намояндагони муассисаву ташкилотҳо ва сокинони маркази шаҳр якҷоя бо кормандони КВД ХМК-и шаҳр дар кӯчаи марказӣ, маҳаллаҳо, гулгаштҳо, минтақаи истироҳатӣ, соҳили обанбори “Баҳри тоҷик”, даромадгоҳи шаҳр ва атрофи хонаҳои баландошёна ниҳолу гулҳои гуногуни ороишӣ шинонида, дар хуррамгардонии шаҳр нақши худро гузоштанд.
Аксияи «Тозагии махал» дар н.Б.Ғафуров
- Подробности статьи
- Автор
- Категория News
Бо мақсади дар сатҳи баланд истиқбол гирифтани Рӯзи Ваҳдати миллӣва 30 солагии Истиқлолияти давлатии Ҷумҳурии Тоҷикистон дар ҳудуди ноҳияи Б.Ғафуров, ҷамоати деҳоти Дадобой Холматов бо иштироки 160 нафар кормандони ҷамоати шаҳраку деҳот ва корхонаву ташкилотҳоаксияи «Тозагии маҳал» гузаронида шуд. Рафти аксия кади роҳҳо 3000 м тоза карда шуда, 4 тн.партов ба партовгоҳи ноҳия бароварда шуд.
Хуҷанд : Вусъати ҳашарҳои дастҷамъона
- Подробности статьи
- Автор
- Категория News
Бо мақсади истиқболи сазовори ҷашнҳои Ваҳдати миллӣ ва 30-солагии Истиқлолияти давлатии Ҷумҳурии Тоҷикистон ҳамарӯза корҳои ободонию созандагӣ дар ҳудуди шаҳри Хуҷанд вусъати тоза касб кардааст. Дар ин росто ҳар ҳафта рӯзҳои истироҳат дар тамоми маҳаллаҳои шаҳри Хуҷанд гузаронидани ҳашарҳои дастҷамъона ба ҳукми анъана даромадааст. Дар рӯзҳои истироҳатӣ сокинони маҳаллаҳо ва кормандони идораву ташкилоту муассисаҳо ба ҳашар баромада, барои тозаву озода нигоҳ доштани кӯчаву хиёбон ва маҳалли зисти худ корҳои назаррасро ба анҷом мерасонанд.
Аз ҷумла, дар шоҳроҳи Душанбе – Чаноқ, минтақаи хиёбони Истиқлол чунин ҳашари дастҷамъона гузаронида шуда, заминҳои шафати роҳи мазкур аз алафҳои бегона ва партовҳо тоза карда шуданд.
18 June 2020
Корҳои профилактикӣ дар шаҳри Бӯстон
- Подробности статьи
- Автор
- Категория News
Дар шаҳру ноҳияҳои вилояти Суғд бахшида ба Рузи Ваҳдати миллӣ корҳои ободонию созандагӣ бомаром идома дорад. Бо ин мақсад тибқи накшаи чорабиниҳои бахши ҳифзи муҳити зисти ш.Бӯстон дар мувофиқа бо мақомоти иҷроияи ҳокимияти давлатии шаҳри Бӯстон дар як қатор мавзеҳои кабудизори шаҳр, кӯчаву хиёбонҳо ва боғи истироҳатии шаҳр, бо истифодаи техникаи махсус корҳои профилактикӣ гузаронида шуд. Бояд қайд кард, ки ҳангоми азназаргузаронии мавзеҳои кабудизори шаҳр ҳодисаҳои ба касалӣ гирифтор шудани ниҳолҳо ва дарахтон мушоҳида гардид, ки ин боиси рехтани баргҳои дарахтон ва хушкшавии онҳо гардида, ба ҳолати экологӣ ва эстетикӣ таъсири манфӣ расонид. Ба сохторҳои масъул тавсия дода шуд, ки бо мақсади тезтар барқарор кардани дарахтони касал онҳо бояд бо маводҳои иловагии ғизоӣ таъмин карда шуда, обмонии дарахтон ва ниҳолҳо мунтазам ба роҳ монда шавад. Тибқи тавсияи дарахтшиносон (дендрологҳо) корҳои профилактикӣ ҳар 20-25 руз гузаронида мешавад.
Ҷойгиронии ғайрирасмии партовҳо
- Подробности статьи
- Автор
- Категория News
Баҳри иҷроиши нақшаи корӣ, ҳангоми гузаронидани амалиётҳои назоратӣ дар маҳаллаи нави шаҳри Бустон аз ҷониби кормандони бахши ҳифзи муҳити зисти шаҳр истиқоматкунандаи шаҳри Бӯстон – Солиев Ҳ. ҳангоми ҷойгиронии ғайрирасмии партовҳои истехсолии сохтмонӣ ошкор карда шуд. Маводи тартибдода барои баррасӣ ба прокуратураи шаҳрӣ фиристода шуд.
Бартараф намудани партовҳои бесоҳиб дар ноҳияи Спитамен
- Подробности статьи
- Автор
- Категория News
Бо иқдоми бахши ҳифзи муҳити зисти ноҳияи Спитамен тибқи нақшаи чорабиниҳо ба истиқболи Рӯзи Ваҳдати миллӣ, бо мақсади беҳбудӣ бахшидан ба ҳолати экологӣ тариқи ҳашар бо иштироки аҳолии ҷамоати деҳоти Хуррамзамини ноҳия бо истифодаи 2 адад техника роҳи асосӣ аз партовҳои бесоҳиб тоза карда шуд. Рафти ҳашар 10 метри мукааб партовҳо ба партовгоҳи марказии ноҳия бароварда шуд.