Все статьи
05 March 2021
Табрикоти сардори Раёсат
- Подробности статьи
- Автор
- Категория News
Иди бонувон - Рўзи Модар дар оғози эҳёи табиат, фасли баҳори фаррухқадам фаро мерасад, ки мардуми шарафманди мо онро ҳамчун яке аз арзишмандтарин идҳои умумихалқӣ ҷашн мегиранд. Бо иқдоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин санаи муқаддас, саодатмандиву сарбаландии занону модарони тоҷик ва аҳли хонадони онҳо, дар маҷмӯъ омили муҳими пешрафту ободии Ватани маҳбубамон – Тоҷикистони соҳибистиқлол мебошад. Тамоми ҷомеаи мо дарк менамояд, ки ҳар як модар шоистаи таҳсин, сазовори ситоиш, арзандаи эҳтиром ва арҷ гузоштан аст. Ба ифтихори бузургдошти ин иди фархунда Шуморо самимона табрик гуфта, бароятон тансиҳативу бахту иқболи нек, рӯзгори обод ва сулҳу осоиш орзу менамоям.
Ҳифзи захираҳои моҳӣ дар обанбори «Баҳри Тоҷик»
- Подробности статьи
- Автор
- Категория News
Тибқи нақшаи корӣ ва дар асоси фармоиши сардори Раёсати ҳифзи муҳити зисти вилояти Суғд оид ба гузаронидани амалиётҳои фаврии шабонарўзӣ дар самти ҳифзи захираҳои моҳӣ дар обанбори «Баҳри Тоҷик» аз ҷониби нозирони шуъбаи назорати давлатии истифода ва ҳифзи олами набототу ҳайвонот ва захираҳои моҳӣ чунин амалиётҳо мунтазам гузаронида шуда истодааст. Санаи 3.03.2021, ҳангоми чунин амалиёт ду нафар сокини шаҳри Конибодом – Содиқов Ҷ.Л., истиқоматкунандаи ҷамоати деҳоти Лоҳутӣ ва Худойбердиев Ҳ., истиқоматкунандаи ҷамоати деҳоти Ҷаҳонзеб барои вайрон кардани қоидаҳои моҳидорӣ ва истифодаи лавозимотҳои моҳидории ғайриқонунӣ боздошт карда шуданд. Дар натиҷа, бо дастрасии моддаи 208 Кодекси Ҷумҳурии Тоҷикистон «Дар бораи ҳуқуқвайронкунии маъмурӣ» протоколҳо тартиб дода, қаиқҳои резинӣ ва тўрҳои хархела муваққатан ба анбори раёсат супорида шуд.
Маъракаи ниҳолшинонӣ дар ноҳияи Зафаробод
- Подробности статьи
- Автор
- Категория News
Бо мақсади сазовор таҷлил намудани ҷашни Наврӯзи байналмилалӣ, ободу зебо гардонидани боғҳову ҷойҳои ҷамъиятӣ дар ҳудуди боғи фарҳангӣ фароғатии ба номи С.Айнии ноҳияи Зафаробод ҳашари ниҳолшинонӣ гузаронида шуд. Дар ҳашар кормандони бахши ҳифзи муҳитизист якҷоя бо кормандони боғзиёдааз 300 адад дарахтони ҳамешасабзи сановбар шинониданд. Тибқи маълумоти бахши ҳифзи муҳити зист дар ноҳия то имрӯз 6800 бех ниҳолҳои сояафкану ҳамешасабз, ороишӣ ва мевадиҳанда шинонида шудаанд.
Амалиёти “Ҳавои тоза” дар шаҳри Панҷакент
- Подробности статьи
- Автор
- Категория News
Бо мақсади сазовор пешвоз гирифтани Иди байналмилалии Наврӯз, кам намудани ихроҷи моддаҳои зараровар ба ҳавои атмосфера, тибқи нақшаи корӣ бо иштироки кормандони бахши ҳифзи муҳити зист якҷоя бо кормандони БДА дар шоҳроҳи Панҷакент - Айнӣ амалиёти «Ҳавои тоза» гузаронида шуд. Рафти амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, нисбати ронандаи 1 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.
04 March 2021
Ошкори ҷойи пинҳонии қонунвайронкунандагон
- Подробности статьи
- Автор
- Категория News
Нозирони шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд ҳангоми гузаронидани амалиёти шабонарӯзии навбатӣ дар болооби обанбори «Баҳри Тоҷик», минтақаи Қӯқуроқи ноҳияи Ашт ҷойи пинҳонии қонунвайронкунандагон – қӯрӯқшиканоне, ки бо сайди ғайриқонунии моҳӣ машғуланд ошкор намуданд. Лавозимотҳои дар он ҷо дарёфтгардида далели моҳидории ғайриқонунӣ буда, аз мушоҳидаҳо аён гардид, ки дар давоми 1 - 2 моҳи зимистони соли ҷорӣ шахсони номаълум ин ҷойро сохтаанд. Аз ҷониби нозирони мақомоти ҳифзи муҳити зист дар давоми 2 шабонарўз навбатдорӣ ташкил гардида, ин ҷойи пинҳонӣ зери назорати доимӣ қарор дода шуд, аммо ягон нафар қӯруқшикан ҳозир нашуд. Баъд аз навбатдорӣ, дар рўзи сеюм ҳамаи лавозимотҳои сайди ғайриқонунии моҳӣ ва ба он мусоидаткунанда, худи ҷойи пинҳонӣ несту нобуд карда шуд.
Шанбегии умумишаҳри дар шаҳри Истаравшан
- Подробности статьи
- Автор
- Категория News
Тибқи супориши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон, бо мақсади тоза намудани Каттасой дар шаҳри Истаравшан бо ҷалби васеи аҳолӣ, хонандагони муассисаҳои таълимии шаҳр, муҳасилини коллеҷҳои тиббӣ ва ҳунарҳои мардумӣ, кормандони ташкилоту корхонаҳо шанбегии умумишаҳрӣ гузаронида шуд. Шанбегӣ бо иштироки 1500 нафар ва ҷалби 2 адад техника гузаронида шуда, 20 тн.партов ба партовгоҳи шаҳр интиқол дода шуд. Ҳамчунин барои огоҳӣ намудани аҳолӣ огоҳинома ба микдори 2 ҳазор адад тақсим карда шуда, дар ин мавзеъ 10 адад овезаҳо насб карда шуд. Ҷараёни шанбегӣ тариқи телевизиони маҳаллӣ ба навор гирифта шуд.
02 March 2021
Тарғиби Паём дар муассисаи таълимии шаҳри Панҷакент
- Подробности статьи
- Автор
- Категория News
Бо мақсади ташвиқи Паёминавбатии Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, таъмини иҷрои нақшаи кории мақомоти ҳифзи муҳити зист дар муассисаи таҳсилоти миёнаи умумии № 15 шаҳри Панҷакент вохӯрӣ бо хонандагон доир гардид. Мутахассиси бахши ҳифзи муҳити зист сараввал оиди нуктаҳои асосии дар Паём омада суханронӣ намуда, сипас ба хонандагон вобаста ба масъалаҳои ҳифзи муҳити зист, ҳифз ва самаранок истифода бурдани захираҳои обӣ, иштироки ҷавонон дар шанбегиҳо, ки барои баланд бардоштани маърифати экологии насли наврас мусоидат менамояд, корҳои фаҳмонидадиҳӣ гузаронида шуд.
Вохӯрӣ дар муассисаҳои таълимии миёнаи умумии №3, 9 ва 17 шаҳри Конибодом
- Подробности статьи
- Автор
- Категория News
Кормандони мақомоти ҳифзи муҳити зист тибқи нақшаи корӣ корҳои ташвиқотиву тарғиботиро бо муассисаҳои таълимӣ зич ба роҳ мондааст. Бо ин мақсад бо иқдоми кормандони бахши ҳифзи муҳити зисти ш.Конибодом дар муассисаҳои таълимии миёнаи умумии №№ 3,9 ва 17 шаҳр вохӯрӣ бо мактаббачагон доир гардид. Кормандони бахш зимни вохӯрӣ самтҳои асосии Паёми навбатии Пешвои миллат Президенти ҶумҳурииТоҷикистонмуҳтарам Эмомалӣ Раҳмонро ба Маҷлиси Олии Ҷумҳурии Тоҷикистон фаҳмонида, оид ба баланд бардоштани тарбияи экологии насли наврас, муаммоҳои ҷойдошта дар самти ҳифзи муҳити зист, ташвиқу тарғиби моҳияти Даҳсолаи байналмилалии амал «Об барои рушди устувор, 2018-2028» ва гузоштани саҳми арзанда дар беҳбудӣ ва ободии кишварамон ибрози ақида намуданд. Дар навбати худ хонандагон аз баргузории чунин сӯҳбату вохӯриҳо изҳори қаноатмандӣ баён намуданд.
01 March 2021
Амалиёти “Ҳавои тоза” дар ноҳияи Ҷ.Расулов
- Подробности статьи
- Автор
- Категория News
Бо мақсади сазовор пешвоз гирифтани Иди байналмилалии Наврӯз, барои кам намудани ихроҷи моддаҳои зараровар ба ҳавои атмосфера, тибқи нақшаи кории шуъбаи назорати давлатии истифода ва ҳифзи ҳавои атмосфера, шуъбаи назорати таҳлилии Раёсат ва бахши ҳифзи муҳити зист дар кӯчаи Д.Самадови ноҳияи Ҷ.Расулов амалиёти «Ҳавои тоза» гузаронида шуд. Рафти амалиёт 26 адад нақлиётҳои автомобилии тамғаашон гуногун аз санҷиши аналитикӣ гузаронида шуда, дар натиҷа маълум гардид, ки аз тарафи воситаҳои нақлиёти автомобилӣ меъёри стандартҳои давлатӣ вайрон нашудааст.
Аксияи «Тозагии маҳал» дар шаҳри Хуҷанд
- Подробности статьи
- Автор
- Категория News
Баҳри иҷрои нақша-чорабиниҳои мақомоти ҳифзи муҳити зист, ҷиҳати тозаву озода намудани муҳити атроф, бо мақсади сазовор пешвоз гирифтани Иди Наврӯзи байналмилалӣ ва 30-солагии Истиқлолияти давлатии Ҷумҳурии Тоҷикистон дар шаҳри Хуҷанд мунтазам ҳашарҳову корҳои ободонӣ гузаронида шуда истодааст. Дирӯз бо иштироки фаъолони Кумитаи маҳаллаи «Навбаҳор», донишҷӯёни коллеҷҳои тиббӣ ва техникии № 44, кормандони беморхонаи касалиҳои чашм, хонандагони муассисаи таълимии № 27 - ҳамагӣ 350 нафар дар кӯчаи “15 солагии Истиқлолияти давлатии Ҷумҳурии Тоҷикистон” аксияи «Тозагии маҳал» баргузор гардид. Ба иштирокчиёни аксия аз тарафи шуъбаи ҳифзи муҳити зисти ш.Хуҷанд 200 адад халта барои партов ва 200 –адад дастпӯшакҳо тақсим карда шуда, дар натиҷа 8,7м³ партовҳо ба партовгоҳи шаҳрӣ бароварда шуд.