Все статьи

03 Май 2023

Амалиёти “Ҳавои тоза” дар ноҳияи Ашт

Подробности статьи: Автор; Категория Навидҳо

Тибқи нақшаи кории бахши ҳифзи муҳити зист дар шаҳраки Шайдони ноҳияи Ашт амалиёти «Ҳавои тоза» гузаронида шуд. Дар амалиёт 28 адад нақлиётҳои автомобилӣ аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 4 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и ноҳия ирсол карда шуд.

Амалиёти “Ҳавои тоза” дар шаҳри Панҷакент

Подробности статьи: Автор; Категория Навидҳо

Аз тарафи кормандони бахши ҳифзи муҳити зисти шаҳр дар Панҷакент бо ҳамкории кормандони БДА-и шаҳр дар шоҳроҳи Панҷакент- Айнӣ амалиёти «Ҳавои тоза» гузаронида шуда, 30 адад нақлиётҳои автомобилии тамғаашон гуногун аз санҷиши аналитикӣ гузаронида шуд. Рафти амалиёт миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян карда нашуд.

Аксияи «Тозагии соҳил» дар шаҳри Исфара

Подробности статьи: Автор; Категория Навидҳо

Бо мақсади тоза намудани манбаъҳои обӣ аз партовҳо, инчунин амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор, солҳои 2018-2028» бахшида ба Рӯзи умумиҷаҳонии Замин дар соҳили дарёи Исфара аксияи «Тозагии соҳил» гузаронида шуд. Дар аксия зиёда аз 50 нафар хонандагони муассисаҳои таълимии миёнаи умумӣ - аъзоёни Гӯшаи Амрико фаъолона иштирок намуда, ду тарафи соҳили дарё аз партовҳои маишӣ ва алафҳои бегона ба миқдори 4 м3 тоза карда шуд. Мавриди зикр аст, ки бахши ҳифзи муҳити зист дар шаҳри Исфара якҷоя бо Гӯшаи Амрикоӣ чунин аксияҳои экологиро мунтазам доир менамояд, ки ин барои баланд бардоштани маърифати экологии насли наврас мусоидат менамояд.

Амалиёти “Ҳавои тоза” дар шаҳри Конибодом

Подробности статьи: Автор; Категория Навидҳо

Бо мақсади кам намудани ихроҷи моддаҳои зараровар ба ҳавои атмосфера, дар асоси нақшаи кории мақомоти ҳифзи муҳити зист дар ҳамкорӣ бо ҳамкории шуъбаи милитсияи экологӣ ва сайёҳии ВКД ҶТ дар вилояти Суғд, дар шаҳри Конибодом амалиёти «Ҳавои тоза» гузаронида шуд. Рафти амалиёт 32 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 5 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.

22 Апрель 2023

Семинари омӯзишӣ бахшида ба Рӯзи умумиҷаҳонии замин

Подробности статьи: Автор; Категория Навидҳо

Санаи 20.04.2023 дар толори сарраёсат бахшида ба 22 апрел - Рӯзи умумиҷаҳонии замин семинари омӯзишӣ бо иштироки кормандони шуъбаҳои сарраёсат ва мутахассисони бахшҳои ҳифзи муҳити зисти шаҳру ноҳияҳо, ки ба назорати самти ҳифзи замин вобаста мебошанд иштирок доштанд. Тибқи барномаи семинар аз ҷониби сармутахассисон баромадҳо дар мавзӯҳои роҳҳои беҳтар намудани ҳолати мелиоративии заминҳои корами вилояти Суғд, истифодаи захираҳои замин ва оқибати экологии он, маълумоти итиллотӣ оид ба баргузории Рӯзи Замин, тартиби дуруст ҳисоб намудани зарар ҳангоми ифлос намудани замин шунида шуд. Ҳамзамон доир ба масъалаҳои пешгирии эрозия ва биёбоншавии замин, барқарорсозии хати муҳофизатии ҷангал ва корбарӣ ҷиҳати муайян намудани ҳолати расонидани зарар ба захираҳои замин қайд карда шуд. Дар қисмати муҳокимаи маърӯзаҳо ва таҳлили баромадҳо саволу ҷавоб сурат гирифта, ба саволҳои худ иштирокчиён маълумоти мушаххас гирифтанд.

Расонидани кӯмак ба Хона интернати маъюбон ва бепарасторони шаҳри Панҷакент

Подробности статьи: Автор; Категория Навидҳо

Дар арафаи Иди Саиди фитр баҳри иҷрои барқияи Роҳбари дастгоҳи иҷроияи Президенти Ҷумҳурии Тоҷикистон аз 20 марти соли 2023, № 34/10-8 бо мақсади кӯмак намудан ба табақаҳои иҷтимоии ниёзманди ҷомеа аз тарафи шуъбаи ҳифзи муҳити зист дар шаҳри Панҷакент ба Хона интернати маъюбон ва бепарасторони шаҳр маводҳои хоҷагидорӣ ва асбобу анҷоми рӯзғор супорида шуд. Чунин иқдомҳо мунтазам аз тарафи шуъба дар арафаи ҷашну идҳо гузаронида мешавад.

Аёдати собиқадорони соҳаи ҳифзи муҳити зист бахшида ба Иди Саиди фитр

Подробности статьи: Автор; Категория Навидҳо

Дар арафаи Иди саиди фитр аз тарафи кормандони бахши ҳифзи муҳити зист дар шаҳри Конибодом собиқадори соҳа Ҳомидов Толибҷон, ки ҳамчун нахустин мудири бахш фаъолият намудааст, аёдат карда шуда, кӯмаки моддию молиявӣ расонида шуд. Чунин иқдом баҳри иҷрои дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи ҷашну идҳои миллӣ амалӣ мегардад.

Аёдати собиқадорони соҳаи ҳифзи муҳити зист дар ноҳияи Бобоҷон Ғафуров

Подробности статьи: Автор; Категория Навидҳо

Дар арафаи Иди саиди фитр аз тарафи кормандони шуъбаи ҳифзи муҳити зист дар ноҳияи Бобоҷон Ғафуров собиқадорони соҳа Болтуев Дадоҷон ва Ҳакимов Абдуқодир, ки дар шуъба фаъолияти тулонӣ доштанд, аёдат карда шуда, ба онҳо кӯмаки моддию молиявӣ расонида шуд. Чунин иқдом баҳри иҷрои дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи ҷашну идҳои миллӣ амалӣ мегардад.

19 Апрель 2023

Кӯмаки моддӣ дар арафаи Иди Саиди фитр

Подробности статьи: Автор; Категория Навидҳо

Дар арафаи иди Саиди фитр дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати дастгирии моддии кормандон аз ҷониби Сарраёсати ҳифзи муҳити зист дар вилояти Суғд ба кормандони техникӣ кӯмаки маводи ғизоии навбатӣ ба монанди орд, шакар, равған, асал, макарон ва биринҷ расонида шуд. Чунин кӯмакҳо аз ҷониби Сарраёсат ва зерсохторҳои он дар арафаи иду айёмпайваста роҳандозӣ мегардад.

17 Апрель 2023

15 апрел – Рўзи умумиҷаҳонии дониши экологӣ

Подробности статьи: Автор; Категория Навидҳо

Ҳамасола санаи 15 – апрелро дўстдорони табиат чун Рўзи умумиҷаҳонии дониши экологӣ таҷлил менамоянд. Ин иқдом соли 1992, зимни баргузории Конфронси СММ дар шаҳри Рио-де-Жанейро, ки масъалаҳои доғи рушди устувори аҳли башар муҳокима мегардид, ба ҳукми анъана даромад. Тарбия ва маърифати экологӣ – фаъолият доир ба ташаккули маданияти экологӣ, муносибати эҳтиёткорона ба муҳити зист ва таъмини донишҳои экологӣ мебошад. Ҳадафи асосии таҷлили ин рӯз - пешбурди донишҳои экологӣ, ташаккули маърифати экологии аҳолӣ, бохабар намудани ҷомеа оид ба муаммоҳо, амният ва ҳолати экологӣ, ҳамчунин тарбия намудани ҳар фарде, ки барояш беҳдошти муҳити зист бетавофут нест. Муҳим будани дониши экологӣ дар замони муосир яке аз ҷабҳаҳои муҳим дар таълим ва тарбия маҳсуб меёбад. Зеро фаъолият дар пеш бурдани маърифати экологии аҳолӣ ва муносибати эҳтиёткорона нисбати муҳити зист – ин кафолати ояндаи солим барои инсон мебошад. Яке аз вазифаҳои муҳими амалисозии сиёсати давлатӣ ин тарбияи маърифати экологӣ ба ҳисоб меравад. Бо ин мақсад ҳамасола байни кормандони воситаҳои ахбори омма ва хонандагони мактабҳои таҳсилоти умумӣ ва намояндагони васоити ахбори омма оид ба мавзўъҳои экологӣ озмунҳо эълон гардида, ғолибон аз ҷониби мақомоти ҳифзи муҳити зист қадрдонӣ мегарданд. Дар даврони соҳибистиқлолии кишвар ду Барномаи давлатӣ, ки ба баланд бардоштани маърифати экологии аҳолии Ҷумҳурии Тоҷикистон равона шудааст амалӣ гардид.