Дар асоси нақша чорабиниҳо бахшида ба ҷашни Истиқлолияти давлатии Ҷумҳурии Тоҷикистон дар ҳудуди шаҳраки Зафаробод аксияҳои «Тозагии соҳил» ва «Тозагии маҳал» гузаронида шуд. Дар аксияи мазкур зиёда аз 400 нафар кормандони ташкилоту идораҳо ва муассисаҳои таълимӣ иштирок доштанд. Дар давоми аксия 1120 метр ҷуйборҳо тоза карда шуда, зиёда аз 3500 бех гулҳо шинонида шуда, 450 бех дарахтон сафед карда шуд. Ба партовгоҳи ноҳия 6,7 м3 партовҳо бароварда шуд.

    Бо мақсади дар сатҳи баланд пешвоз гирифтани ҷашни Истиқлолияти давлатии Ҷумҳурии Тоҷикистон дар шаҳраки Меҳрободи ноҳияи Ҷ.Расулов бо иштироки беш аз 650 нафар ҳашарчиён аксияи «Тозагии маҳал» доир гардид.  Рафти аксия  500 метр ҷуйборҳо  ва  2000 метр қадди роҳҳо,   500 метр заҳбуру каналҳо тоза карда шуданд. Дар натиҷаи аксия  26 м3  партов  ба партовгоҳи ноҳия  бароварда шуд.

    Дар моҳи сентябри соли равон дар шаҳри Панҷакент бо тантана 5500 солагии Саразми бостонӣ ҷашн гирифта мешавад. Ҷиҳати дар сатҳи баланд ва сазовор пешвоз гирифтани љашни мазкур дар ин минтақа корҳои ободониву созандагӣ бомаром идома дорад. Бо баробари гузаронидани хашару шанбегиҳо дар шаҳри Панҷакент инчунин бо мақсади кабудизор намудани муҳити атроф ва беҳтар намудани ҳолати экологӣ дар мамнунъоҳи Саразми бостонӣ 15 бех дарахти бед шинонида шуда дигар корҳои ободонӣ идома дорад.

   Бино ба иттилои бахши ҳифзи муҳити зисти ноҳияи Спитамен, бо мақсади беҳбудӣ бахшидан ба ҳолати экологӣ, бахшида ба ҷашнҳои дар пешистода дар ноҳия ксияи «Тозагии маҳал» гузаронида шуд. Дар аксия сокинони маҳаллаҳо, кормандони ташкилоту идораҳо ҳамагӣ  420 нафар иштирок доштанд. Рафти аксия кӯчаҳои марказии ноҳия бо истифодаи 1 адад техника тоза карда шуда, 5 м3 партов ба партовгоҳи ноҳия бароварда шуд.