Бо мақсади  ҷамъоварӣ ва ба намудҳо ҷудо намудани партовҳо дар шаҳри Конибодом аз ҷониби соҳибкори инфиродӣ Қодиров И. дар назди партовгоҳи шаҳрӣ дар майдони 2 га сехи ба навъҳо ҷудо намудани партовҳо сохта ба истифода дода шуд. Самти асосии фаъолияти цехи мазкур ҷамъ намудан ва ба намудҳо ҷудо намудани партовҳо буда, дар як рӯз ба ҳисоби миёна 23-30 тн.партовҳои  гуногун ба намудҳо ҷудо карда мешаванд. Айни ҳол дар ин коргоҳ 22 нафар кормандон фаъолият мебаранд. Роҳбарияти корхона мақсад дорад фаъолияти худро васеъ намуда, шумораи коргаронро зиёд намояд ва як сехи нав барои коркарди хоку пасмондаҳои партов бо мақсади истифодаи он дар заминҳои кишоварзиро сохта ба истифода диҳад.

Дар доираи нақшаи чорабиниҳо оид ба омодагӣ ва таҷлили ҷашнҳои дар пешистода, бо мақсади ҷалб намудани оммаи васеи аҳолӣ ба корҳои ободониву тозагии муҳити атроф дар ноҳияи Шаҳристон  аксияи «Тозагии маҳал» доир гардид. Дар он  кормандони соҳаи маориф, сокинони маҳаллаҳо хамагӣ  85  нафар иштирок доштанд. Дар рафти аксия  ҷӯйборҳову  қади роҳҳо аз партовҳои ҳархела тоза карда шуда, партовҳо ба миқдори  5 м3 ба партовгоҳи ноҳия  бароварда шуд.

 Тибқи нақшаи корӣ, аз ҷониби кормандони шуъбаи назорати давлатии истифода ва ҳифзи захираҳои оби Раёсати ҳифзи муҳити зисти вилояти Суғд ҳангоми  гузаронидани амалиёти назоратӣ  дар  ҷамоати  деҳоти  Исмоил Ҳамзаалиеви ноҳияи Б.Ғафуров ҳудуди заминҳои  Кооперативи  тиҷоратии ба номи  Кушатов ошкор карда шуд, ки пеши роҳи заҳбур баста шуда, обҳои заҳкаш истифода бурда шуда истодаанд. Инчунин  заҳбурҳои дар ҳудуди хоҷагӣ буда  саривақт тоза карда намешаванд.

 Ҳангоми сӯзонидани пакетҳои полиэтиленӣ газҳои заҳрнок ҷудо шуда, боиси олудашавии табиат ва таъсири манфӣ ба саломатии инсон мегардад. Аз 4/1 ҳиссаи сатҳи уқёнусҳо бо партовҳои полиэтиленӣ пӯшонида шудааст. Ин далел ба нобудшавии ҳайвоноти уқёнусу баҳрҳо ишора мекунад. Пакетҳои полиэтиленӣ ҳамасола боиси марги қариб 1 миллион парандаҳои баҳрӣ, 100 ҳазор ҳайвоноти ширхӯри баҳрӣ ва шумораи беҳудуди моҳиҳо мегарданд. Пакетҳои полиэтиленӣ таркиби хокро вайрон намуда, танҳо дар давоми аз 100 то 500 сол дар натиҷаи вайроншавии таркиби хок ва обҳои зеризаминӣ таҷзия мешаванд. Аҳолии наздики 50 кишварҳои дунё бо дарки зарари бесобиқаи пакетҳои полиэтиленӣ ба муҳити зист, аз истифодаи маводҳои полиэтиленӣ даст кашиданд.